民話資料

даа хаз̌iлатii ум гасакаан-даа ум бирүүдү бичини, њiiсал.

daa xaǰɪlatɪɪ ʊm gasakaan-daa ʊm biruudu bičini, ňɪɪsal.

ダーハジラッテー、ある 村人たちが、 ある 町に いた、 人々たちが。

гээ тii бирүүдү бичини њii маӈганi-гүни,

gəə tɪɪ biruudu bičini ňɪɪ maŋganɪ-guni,

さあ その 町に いたのだ、 人、 強い人なのだ、

њii ларгiнi њii пэскин гэрээ њii саарiiнi њавз̌ака бичини.

ňɪɪ largɪnɪ ňɪɪ pəskin gərəə ňɪɪɪ saarɪɪnɪ ňawǰaka bičini.

人、すばらしい人、 人、 強い人、おおぜいの 人々が 知っている 若者が いた。

сугдата-даа, дэгдэи гаса-даа чупал ваарii～

sʊgdata-daa, dəgdəi gasa-daa čʊpal waarɪɪ～

魚も、 空飛ぶ 鳥も、 全て 狩る、

сүмии сугдатава-даа чупал ваарii, хаматаанi-даа

sumii sʊgdatawa-daa čʊpal waarɪɪ, xamataanɪ-daa

飛び跳ねる 魚をも 全て 捕る、 いかなるものも、

үсэлтэвэ-дээ чупал ваарii бичини

usəltəwə-dəə čʊpal waarɪɪ bičini

獣をも 全て 獲るので あった、

тii, мээн гасанчiсал чупа～л тii тii з̌эпэвэнчини бичин.

tɪɪ, məən gasančɪsal čʊpa～l tɪɪ tɪɪ ǰəpəwənčini bičin.

彼は、 自分の 村の人々 全員を そうして 食わせ養っていた のだった。

тiва гэрээ њii чупал саарii, гэрээ њii чупал саарii бичин,

tɪwa gərəə ňɪɪ čʊpal saarɪɪ, gərəə ňɪɪ čʊpal saarɪɪ bičin,

それを 大勢の 人々が 皆 知っている、大勢の 人々が 皆 知っている のだった、

гээ тiiду-гдал тii хаiз̌i агбунчiтi-нүү,

gəə tɪɪdʊ-gdal tɪɪ xaɪǰɪ agbʊnčɪtɪ-nuu,

さあ そこで そうして どこから 現れたのか、

хаiз̌i дичити-нүү бүсэл, хаi, коiлдараа～ ходуз̌ухатi.

xaɪǰɪ dičiti-nuu busəl, xaɪ, koɪldaraa～ xodʊǰʊxatɪ.

どこから やって来たのか、 悪い魂が、 悪い魔法を使って その人の命を終わらせる。

кото кото ваараа ходахатi з̌иӈз̌иӈ гэрээ њii,

koto koto waaraa xodaxatɪ ǰiŋǰiŋ gərəə ňɪɪ,

跡形もなく消して 殺して しまうのだったという、ああ恐ろしい、たくさんの 人、

њii маӈганi-гүни њавз̌акамба. тутараа тii хүмүмбэнi

ňɪɪ maŋganɪ-guni ňawǰakamba. tʊtaraa tɪɪ xumumbənɪ

人は 強いのだ、 その若者を。 それから その 墓（棺桶）を、

хүмүмбэни анз̌уха-гдал анана～ дэгдэи гаса з̌иӈз̌иӈ элээ

xumumbəni anǰʊxa-gdal anana～ dəgdəi gasa ǰiŋǰiŋ ələə

墓（棺桶）を 作った（表面に彫った）、ああ、 空飛ぶ 鳥は すごい、 今にも

дэгдэлэми-нэкэ～, пүктэи бөjөн элээ пүктэми-нэкэ,

dəgdələmi-nəkə～, puktəi bɵjɵn ələə puktəmi-nəkə,

飛び立ちそうな、 地を駆ける 獣は 今にも 駆け出しそうな、

гээ тii тii хаiванi, гээ тii хэүлвэни тii

gəə tɪɪ tɪɪ xaɪwanɪ, gəə tɪɪ xəulwəni tɪɪ

さあ そうして 何を、 さあ そうして 棺桶を そうして

тii тii ваахан бүсэлсэл-нүү iбахасал-нүү тii-гдал тii

tɪɪ tɪɪ waaxan busəlsəl-nuu ɪbaxasal-nuu tɪɪ-gdal tɪɪ

そうして 殺した 悪霊たちだか、 魔物たちだかは、 そうして（それを）

тii дааi намутiнi олбумбами ӈэнэвэми чагбуӈдамi,

tɪɪ daaɪ namʊtɪnɪ olbʊmbami ŋənəwəmi čagbʊŋdamɪ,

あの 大きな 海へ 持って 行かせて 沈めに行って、

чалбуӈдами, хаалi-даа～ эӈдээ холаз̌уа табданi.

čalbʊŋdami, xaalɪ-daa～ əŋdəə xolaǰʊa tabdanɪ.

沈めに行って、 永遠に、 　生き返ったり しないように、だ。

маӈганi-даа эӈдээ, агбунз̌уа табданi.

maŋganɪ-daa əŋdəə, agbʊnǰʊa tabdanɪ.

強い者であっても 再び現れたりしない ように。

гээ тii тii-гдал тii тii хэүл з̌иӈз̌иӈ～ мүүки пичэӈдэми

gəə tɪɪ tɪɪ-gdal tɪɪ tɪɪ xəul ǰiŋǰiŋ～ muuki pičəŋdəmi

さあ、そうして そうして その 棺桶は すごい、 水の上に沿って 水を跳ねかしながら

ӈэнэини. эси тii мүн глиссервэ ичэз̌эчипи-кэ

ŋənəini. əsi tɪɪ mun glisserwə ičəǰəčipi-kə

行く。 今 それは 我々の 水中翼船を 見ているかのよう、

тii-мээч ӈэнэини вэндэ. пичэр мүү-дээ пич～чэр

tɪɪ-məəč ŋənəini wəndə. pičər muu-dəə pič～čər

そのように 進んで行く という。 バチャバチャと 水も バチャバチャ跳ねかして

ӈэнэвэндиити хэүлти олбуӈмандiiтi. гээ тii, анз̌ухатi

ŋənəwəndiiti xəulti olbʊŋmandɪɪtɪ. gəə tɪɪ, anǰʊxatɪ

行かせる、 彼らの棺桶を 運ばせる。　　 さあ そのように 作った、

хаi, бөjөн пүктүiнi очiнi, гилииди анз̌ухатi гаса

xaɪ, bɵjɵn puktuɪnɪ očɪnɪ, giliidi anǰʊxatɪ gasa　

獣が 駆けるように、 本物のように 彫って作った、 水鳥が

дэгдэини-мээч тагухати. тii ӈэнэини вэндэ.

dəgdəini-məəč tagʊxati. tɪɪ ŋənəini wəndə.

飛ぶが如く 作った。 そうして 行く という。

тiва чагбуӈдамi тii бэсүлсэл олбiн... iравандiiтi.

tɪwa čagbʊŋdamɪ tɪɪ bəsulsəl olbɪn... ɪrawandɪɪtɪ.

それを 沈めに行って、 その 悪霊たちは 運ばせる。 　

гээ тiва-гдал доолдараа～ тii, тii наати хаӈгii～лани тiкi, хаi,

gəə tɪwa-gdal dooldaraa～ tɪɪ, tɪɪ naati xaŋgɪɪ～lani tɪkɪ, xaɪ,

さあ それを 聞きつけて そうして 彼らの 向かい側の そこから、

тii наму-нүү хаi-нүү кiраадунi бии экэсэли. эигэ түнз̌э,

tɪɪ namʊ-nuu xaɪ-nuu kɪraadʊnɪ bii əkəsəli. əigə tunǰə,

その 海だか、 なんだかの 岸には いる、 女たちが。 姉 妹、

iлаан эигэ түнз̌э бичити. саманi, самаа экэсэл бичин вэндэ～

ɪlaan əigə tunǰə bičiti. samanɪ, samaa əkəsəl bičin wəndə～

三人の 姉 妹が いた。 シャーマン、シャーマンの 女たちが いた という、

тii дааi дааi саман амбаан дааi саман.

tɪɪ daaɪ daaɪ saman ambaan daaɪ saman.

それは 大きな 大きな シャーマン、なかなか 大きな シャーマン。

ум, чүү з̌үлү оонз̌аду тii гасамба з̌iз̌ала бии оонз̌аду,

ʊm, čuu ǰulu oonǰadʊ tɪɪ gasamba ǰɪǰala bii oonǰadʊ,

一人は、一番 前に、湾の、 その 村の 近くに ある 湾の所に、

дааiдума эигэни～ тii хамiiкiнi бии токкондума оонз̌а,

daaɪdʊma əigəni～ tɪɪ xamɪɪkɪnɪ bii tokkondʊma oonǰa,

大きい方の 姉が、 その 後ろに ある、真ん中の方の、湾の、

дэвэдуни-гдал, хаi дүлдүмэ эигэни～ нэүни бичи.

dəwədʊni-gdal, xaɪ duldumə əigəni～ nəuni biči.

端の所には、 一つ下の 姉さん、 妹が　 いた。

чүү таавдума дүвэ оонз̌аду или оонз̌а дүвэдүни-гдал

čuu taawdʊma duwə oonǰadʊ ili oonǰa duwəduni-gdal

一番 あっちの 端の 湾の所に、もしくは、湾の 端の所に、　

тii чүү нэүдүмэ, бичи эи, хаi нэүти бичин.

tɪɪ čuu nəudumə, biči əi, xaɪ nəuti bičin.

その 一番 年下の方のが、いた、その、 妹が いた。

гээ тiiсал чупал саман таi

gəə tɪɪsal čʊpal saman taɪ

さあ 彼らは 皆 シャーマンの行いを する、

саман-даа бичити-нүү хоон-каа бичити-нүү.

saman-daa bičiti-nuu xoon-kaa bičiti-nuu.

シャーマン であったのか、 どのようで あったのだか。

гээ тiва доолдараа～ тii хэүл пичэӈдэми ӈэнэивэни доол...

gəə tɪwa dooldaraa～ tɪɪ xəul pičəŋdəmi ŋənəiwəni dool...

さあ それを 聞きつけてから、その 棺桶が 水を跳ねかして 行くのを 聞いて、

з̌иӈз̌иӈ～ эүрэрээ, jааjачii хоон-даа тамаарi.

ǰiŋǰiŋ～ əurərəə, jaajačɪɪ xoon-daa tamaarɪ.

すぐ 下りてきて、 歌も どんなにか 歌って、

хоон-даа, з̌апамi мүтээси, нүктэ тiс баланаа наањi

xoon-daa, ǰapamɪ mutəəsi, nuktə tɪs balanaa naaňɪ

どんなにか 捕まえようとしても できない、 髪の毛を 全部、昔 ウルチャ人たちは

раньше же волос длинный из рыбы коже, тii нүктэjи,

ran'she zhe volos dlinnyj iz ryby kozhe, tɪɪ nuktəji,

以前だもの、 髪の毛は 長い、 魚皮から、 その 自分の髪を、

ум нүктэjи хаi, хэрэрээ тii з̌ололохон, чтобы

ʊm nuktəji xaɪ, xərərəə tɪɪ ǰololoxon, chtoby

一方の 自分の髪の毛を、　 ほどいて、それを 投げた、

тiла хочiраа тiс татамачумi, тii, хаалi таiсi тiсаз̌упi～

tɪla xočɪraa tɪs tatamačʊmɪ, tɪɪ, xaalɪ taɪsɪ tɪsaǰʊpɪ～

そこに からまって がっちり ひっかかるように、 向こうへ 沖へ出ると

хамасi таакуi, эүси, мээнэ маӈга опi～

xamasɪ taakʊɪ, əusi, məənə maŋga opɪ～

後ろへ 引っ張る、こっちへ、 自身が しんどく なると、

берег баанi хэрэ туандii, наан таiӈчаi маӈга опi

bereg baanɪ xərə tʊandɪɪ, naan taɪŋčaɪ maŋga opɪ

岸の 方へ 少し 引っ張る、 彼の 相手方が しんどく なると

тii тii хэүлвэ наамбаанi тii таiсi тii тii

tɪɪ tɪɪ xəulwə naambaanɪ tɪɪ taɪsɪ tɪɪ tɪɪ

そうして その 棺桶を 彼女の方へ そうして 向こうへ そうして

тiсавандii тамаарi тii, үсүмүкээчихэти-тэнии тii,

tɪsawandɪɪ tamaarɪ tɪɪ, usumukəəčixəti-tənii tɪɪ,

沖へ行かれたり して、 そうして、奪い取ろうとしたのだが、 そうして、

нээ з̌апаiчахан тii ээктэ, тii хэүлвэ. тараа тii мүтээси,

nəə ǰapaɪčaxan tɪɪ əəktə, tɪɪ xəulwə. taraa tɪɪ mutəəsi,

今にも つかまんとした その 女は、 その 棺桶を。 ところが そうして だめだった、

тии ум чiчокаан кэӈ пэӈ хэтиз̌эхэн. гээ тii ум

tii ʊm čɪčokaan kəŋ pəŋ xətiǰəxən. gəə tɪɪ ʊm

その 一つの 髪を編んであったのは ブッツリ ちぎれた。 さあ そうして 一つの

чiчокаан тii-мээч хаiхан з̌ололохон.

čɪčokaan tɪɪ-məəč xaɪxan ǰololoxon.

編んであった髪が、そのように、 どうした、投げた。

тii ум чiчокаан-даа хаiс тii-мэч хэтиз̌үхэн.

tɪɪ ʊm čɪčokaan-daa xaɪs tɪɪ-məč xətiǰuxən.

そうして もう一つの 編んであった髪も 再び そのように ちぎれた。

вот всjо, чупал чiчокаан-даа анаа очухатi. гээ тii түтүми

vot vsjo, čʊpal čɪčokaan-daa anaa očʊxatɪ. gəə tɪɪ tutumi

もはやそれまで、全ての 編んであった髪も なく なった。 さあ そうして 走って

тii хасамi тii ӈэнэми тii ум, тii дүэӈдүмэ-дээ хаiтi,

tɪɪ xasamɪ tɪɪ ŋənəmi tɪɪ ʊm, tɪɪ duəŋdumə-dəə xaɪtɪ,

そうして 追って そうして 行って そうして もう一人、その、真ん中のも、

нэүти дичин, гээ тii ээктэ-дээ хаiс тii-мэч-лэ.

nəuti dičin, gəə tɪɪ əəktə-dəə xaɪs tɪɪ-məč-lə.

彼らの妹も 来た、 さあ そうして 真ん中の姉も 再び そのようにする。　

тii үсүмэкээчii тii үсүмүкээчимээри тii, ни как ни

tɪɪ usuməkəəčɪɪ tɪɪ usumukəəčiməəri tɪɪ, ni kak ni

そうして 奪い取ろうとする、そうして 奪い取ろうとして そうして、どうにも

могүт остановилсjа. эӈдээ-мэт тахатi.

mogut ostanovilsja. əŋdəə-mət taxatɪ.

踏みとどまることができなかった。どうにもできなかった。

тутараа тii илииндүма эивэ, нэүти, iсiӈдахатi хэүл

tʊtaraa tɪɪ iliinduma əiwə, nəuti, ɪsɪŋdaxatɪ xəul

それから その 三番目の あの、 彼らの妹が、 やって来た、 棺桶が、

в обсчсчем кээт тiла iсiӈдахан. тiду, тiду-даа умуту

v obshshem kəət tɪla ɪsɪŋdaxan. tɪdʊ, tɪdʊ-daa ʊmʊtʊ

やっとこさ そこへ たどり着いた。 そこで、そこでも 同じように

тii умундума гүчи опjат' чiчокаан, хэтиз̌үхэн тii умундума.

tɪɪ ʊmʊndʊma guči opjat' čɪčokaan, xətiǰuxən tɪɪ ʊmʊndʊma.

その 片方を　　 また、また 編んだ髪を、ほどいた、 その 片方を。

хаi ум чiчокаан. гээ тii тii нэүдүма чiчокаан,

xaɪ ʊm čɪčokaan. gəə tɪɪ tɪɪ nəuduma čɪčokaan,

片方の 編んだ髪を。さあ そうして 妹の方の 編んだ髪で、

тii-даа тii-мач гуурараа тii-мач татамаачiмаарi-дii～

tɪɪ-daa tɪɪ-mač gʊʊraraa tɪɪ-mač tatamaačɪmaarɪ-dɪɪ～

彼女も そのように ほどいてから そのように 引っ張り合って、

хаулi хаулi хаулi хаулi, тii хаi, наатi элээ элээ хаабгуiтi тii,

xaʊlɪ xaʊlɪ xaʊlɪ xaʊlɪ, tɪɪ xaɪ, naatɪ ələə ələə xaabgʊɪtɪ tɪɪ,

何とか　　 何とか こうして、大地へ もう今にも 着岸させようという時、

з̌иӈз̌иӈ хүр тисааз̌уi, элээ элээ хаабгуз̌уiтi

ǰiŋǰiŋ xur tisaaǰʊɪ, ələə ələə xaabgʊǰʊɪtɪ

ひどく 強く 沖の方へ引く、 もう今にも着岸しようという時

хүр тисааз̌уi тii биини, а тii њавз̌ака-гдал

xur tisaaǰʊɪ tɪɪ biini, a tɪɪ ňawǰaka-gdal

強く 沖の方へ引く、そう している、 ところが あの 少年ときたら

тii арчукаачумi тiду тii бии тii бии тii бии,

tɪɪ arčʊkaačʊmɪ tɪdʊ tɪɪ bii tɪɪ bii tɪɪ bii,

こう 骨を投げて遊んでいる、そこで そうして いる、そうして いる、そうして いる、

долбо инэӈ хэмэ хэмэ ӈүити-дээ хаiва-даа з̌алалiасi,

dolbo inəŋ xəmə xəmə ŋuiti-dəə xaɪwa-daa ǰalalɪasɪ,

夜も 昼も 静かに黙って 誰へも 何も 話さず、

тii ичэз̌эмi-дii～, ''гээ сүү самамбал саалумаарi,

tɪɪ ičəǰəmɪ-dɪɪ～, ''gəə suu samambal saalʊmaarɪ,

そうして 見ていたが、 「さあて おまえたちは シャーマンのことを よく知っていて、

хаiмаарi тiва хаi з̌апамаарi мүтээси-ту,'' ӈэнэхэн.

xaɪmaarɪ tɪwa xaɪ ǰapamaarɪ mutəəsi-tʊ,'' ŋənəxən.

どうして あれを なんで 捕まえようとしても できないのか、」と言って 行った。

тутараа, ӈэнэрээ, үилэ～ оонз̌а, гапакалараа

tʊtaraa, ŋənərəə, uilə～ oonǰa, gapakalaraa

それから 行って、 上から、 つかんで

тii хэүливэ, үилэ～ тообуз̌араа тii оонз̌а дүэтини

tɪɪ xəuliwə, uilə～ toobʊǰaraa tɪɪ oonǰa duətini

そうして 棺桶を、 上から 岸の方へ引き上げて その 湾の 端へ

jэпчэм з̌ололохон, тii њавз̌ака.

jəpčəm ǰololoxon, tɪɪ ňawǰaka.

バラバラに砕け散るように 投げた、 その 若者は。

гээ тiiду-гдал тii њii з̌иӈз̌иӈ～ элээ маӈгалахан бүчин,

gəə tɪɪdʊ-gdal tɪɪ ňɪɪ ǰiŋǰiŋ～ ələə maŋgalaxan bučin,

さあ そこで その人は ひどい、もう ぐったりしていた、死んでいた、

баi гiрамсаз̌i з̌үкэ з̌үкэ хэрэктэ з̌апчi таву очоханi,

baɪ gɪramsaǰɪ ǰukə ǰukə xərəktə ǰapčɪ tawʊ očoxanɪ,

ただ 骨と ガリガリ、 皮だけで ほんのわずかに 動くばかりと なっていた。

биини тiду. тутараа～ ''гээ сүү самаамбаари саарii гүрсэл,

biini tɪdʊ. tʊtaraa～ ''gəə suu samaambaari saarɪɪ gursəl,

いる、そこに。それから 「さあ おまえたち シャーマンを 知ってる 者たちは、

хоруксу, эи эивэ, хоруасiтi осiнi симбивэ чуппал

xorʊksʊ, əi əiwə, xorʊasɪtɪ osɪnɪ simbiwə čʊppal

生き返らせよ、これを、 生き返らせない ならば おまえたちを すっかり

ваактараа ходаi-э''-м-дэ вэндии. тii хэмэ хэмэ бичин дүэлэнi

waaktaraa xodaɪ-ə''-m-də wəndii. tɪɪ xəmə xəmə bičin duələnɪ

殺して　　 しまうぞ、」と 言う。　 そうして 黙って 黙って いた、そのあげくに

тii њавз̌ака-танii, тii арчукаачумi тii бичин њавз̌ака.

tɪɪ ňawǰaka-tanɪɪ, tɪɪ arčʊkaačʊmɪ tɪɪ bičin ňawǰaka.

その 若者は、 ああして 骨で遊んでいた、そう であった、若者は、

тiтараа, хаi, тii эксэли-гдэ～л тii, хаулi остановили

tɪtaraa, xaɪ, tɪɪ əksəli-gdə～l tɪɪ, xaʊlɪ ostanovili

それから、 その 女たちが そうして やっとこさ抑えた、

з̌апаз̌уха jэбэ-гүни, тii-хэт њii ум хэрэктэ

ǰapaǰʊxa jəbə-guni, tɪɪ-xət ňɪɪ ʊm xərəktə

捕まえた、やっと安心するのだ、そこでやっと 人が まるで 皮だけが

з̌үкэ з̌үкэ з̌апчii～ гiрамсанi-даа чупал з̌үкэ з̌үкэ з̌апчiмi

ǰukə ǰukə ǰapčɪɪ～ gɪramsanɪ-daa čʊpal ǰukə ǰukə ǰapčɪmɪ

わずかに くっついていて、骨も すっかり わずかばかりが くっついて

биивэни тiва тii долбо инэӈ тii jааjаi

biiwəni tɪwa tɪɪ dolbo inəŋ tɪɪ jaajaɪ

いるのを それを そうして 夜も 昼も そうして 歌ったり

тii тii jааjаi чупал очередь iлаан ээктэ самаандiiтi.

tɪɪ tɪɪ jaajaɪ čʊpal ochered' ɪlaan əəktə samaandɪɪtɪ.

そうして 歌ったり 全員で 列を作って、三人の 女達は シャーマンを行う。

тii jааjачiмаарi-дii～ з̌үлэ инэӈ хэрэ～ хэрэ вроде

tɪɪ jaajačɪmaarɪ-dɪɪ～ ǰulə inəŋ xərə～ xərə vrode

そうして シャーマンの歌を歌うが、 最初の 日には わずかに わずかに 何だか少し

түнчүини, тii, тii долбо инэӈ тii jааjачiмаарi

tunčuini, tɪɪ, tɪɪ dolbo inəŋ tɪɪ jaajačɪmaarɪ

動いた、 そうして 夜も 昼も そうして シャーマンの歌を歌って

тii хавасi-даа хэмэр тii бүсэсүмээри тii самаӈдамаарi

tɪɪ xawasɪ-daa xəmər tɪɪ busəsuməəri tɪɪ samaŋdamaarɪ

そうして、どんなにか 全力で、そうして 熱心に努力して、そうして シャーマンして

тii бүсэсамаар... или... хаi з̌үүи инэӈдүлэ хаулiа

tɪɪ busəsamaar... ili... xaɪ ǰuui inəŋdulə xaʊlɪa

そうして 頑張って、 二日目の 日に やっとなんとか

кiiӈалухан. з̌iлз̌ан з̌үкэ～-дээ. тii илии инэӈдү-гдал,

kɪɪŋalʊxan. ǰɪlǰan ǰukə～-dəə. tɪɪ ilii inəŋdu-gdal,

小さな声を出し始めた。 声は ごくわずかに、だ。そうして 三日目の 日にやっと、

тii jааjачiмаарi-дii～, хаулi түнчүлүэ вэндэ.

tɪɪ jaajačɪmaarɪ-dɪɪ～, xaʊlɪ tunčuluə wəndə.

そうして シャーマンの歌を歌って、やっとこさ 動いた という。

түнчүлүхэн. гээ тii тараа тiiду-гдал тii њавз̌ака

tunčuluxən. gəə tɪɪ taraa tɪɪdʊ-gdal tɪɪ ňawǰaka

動いた。 さあ そうして それから そこで あの 若者が

дидэрээ, вэнчини-тэнии, ''гээ агаа～,'' вэнчин-тэнии,

didərəə, wənčini-tənii, ''gəə agaa～,'' wənčin-tənii,

来て 言ったことには、「さあ　兄さん、」と 言った、

''њii үjэкини биүхэн осiнi～, хаi, кiчатак iлз̌уласi～,''

''ňɪɪ ujəkini biuxən osɪnɪ～, xaɪ, kɪčatak ɪlǰʊlasɪ～,''

「本当に他の人より 勝って いる ならば、 スックと 立つだろう、」と

вэнчини, ''њii пэз̌икини тii биүхэн осiнi,

wənčini, ''ňɪɪ pəǰikini tɪɪ biuxən osɪnɪ,

言った、「人よりも 劣っている、そのよう である ならば、

тii хаi түкилэси-танii,'' вэнчин. гээ тiтараа тii-гдал

tɪɪ xaɪ tukiləsi-tanɪɪ,'' wənčin. gəə tɪtaraa tɪɪ-gdal

そうして 倒れたまんまだろうが。」と 言った。 さあ それから そうして

тii дiлiнi, нүктэлэни гапакалараа～ хүjэ муда дiлi үикини

tɪɪ dɪlɪnɪ, nuktələni gapakalaraa～ xujə mʊda dɪlɪ uikini

そうして その頭の、髪の所を、 つかんでから、　九 回 頭の 上で

хэрээлүхэн-тэнии. ''гээ аjа, агаа, агаа,'' вэндиини,

xərəəluxən-tənii. ''gəə aja, agaa, agaa,'' wəndiini,

振り回した。 「さあ、よし、 兄よ、 兄よ、」 と 言う、

''агаа, маӈга њii биүхэн осiнi кiчатак iлз̌уласi''-м-дэ.

''agaa, maŋga ňɪɪ biuxən osɪnɪ kɪčatak ɪlǰʊlasɪ''-m-də.

「兄さん、 強い 人で ある ならば スックと足で 立つことだろう、」と。

тiта～раа тii-хэт з̌ололохон. хаулi кiчатак iлз̌ухан.

tɪta～raa tɪɪ-xət ǰololoxon. xaʊlɪ kɪčatak ɪlǰʊxan.

それから そこで ぶん投げた。 なんとか スックと 立った。

гээ тiтараа, тii, тiду, тiду-мук сааз̌ухатi,

gəə tɪtaraa, tɪɪ, tɪdʊ, tɪdʊ-mʊk saaǰʊxatɪ,

さあ それから、 そこで、 その時になってやっと 意識を取り戻した。

гээ тii тii њii нэүни вэндэ, эи, тii наамбаанi

gəə tɪɪ tɪɪ ňɪɪ nəuni wəndə, əi, tɪɪ naambaanɪ

さあそう　 人の 弟は 言う、 この、こうして 彼の方へ

хорiӈдамi дичин. хаiду алду доолдараа,

xorɪŋdamɪ dičin. xaɪdʊ aldʊ dooldaraa,

生き返らせるために やって来た。どこで その知らせを 聞いてから、

тiва доолдараа, тii, тii дүэтини дидэрээ, тii тii ээктэти,

tɪwa dooldaraa, tɪɪ, tɪɪ duətini didərəə, tɪɪ tɪɪ əəktəti,

それを 聞いてから、その、　端へ　 来てから、 あの 女たちの所へ、

үилэрээ тii, тii халачiмi тii бичин-тэнии

uilərəə tɪɪ, tɪɪ xalačɪmɪ tɪɪ bičin-tənii

働いてから その、そうして 待って、 そうして いた、

ӈүити-дээ хаiва-даа з̌алалiасi тii арчукаачумi долбо инэӈ.

ŋuiti-dəə xaɪwa-daa ǰalalɪasɪ tɪɪ arčʊkaačʊmɪ dolbo inəŋ.

誰にも　 何も 話しかけず、ああして 骨を投げて遊んでいて、 夜も 昼も。

ӈүити-дээ хаiва-даа вэндэси.

ŋuiti-dəə xaɪwa-daa wəndəsi.

誰へも　 何も 言わない。

гээ эси тiтараа тiду ааӈнi хаулiа iлз̌уха～н. вэндиини-танii,

gəə əsi tɪtaraa tɪdʊ aaŋnɪ xaʊlɪa ɪlǰʊxa～n. wəndiini-tanɪɪ,

さあ 今 それから そこで 兄は やっとのことで 立ち上がった。言うのだ、

''jэбэ～, jэбэ～, ӈүи вэмбүвү мимби хурахан-нүү,

''jəbə～, jəbə～, ŋui wəmbuwu mimbi xʊraxan-nuu,

「良かった、良かった、いったい誰なんだろう、私を 救ってくれたのは、

ӈүи вэмбүвү мимби хаi, iлз̌уванчiнi-нүү,'' вэндиини.

ŋui wəmbuwu mimbi xaɪ, ɪlǰʊwančɪnɪ-nuu,'' wəndiini.

いったい誰なんだろう、私を 立たせたのは、」と 言う。

тiду эси тii, хаi, ''агаа, агаа,'' вэндиини,

tɪdʊ əsi tɪɪ, xaɪ, ''agaa, agaa,'' wəndiini,

そこで 今 彼は、 「兄さん、兄さん、」と 言う、

''бии, бии син нэүсi таам-танii-а,'' вэндиини.

''bii, bii sin nəusɪ taam-tanɪɪ-a,'' wəndiini.

「私は、私は あなたの 弟 です、」と 言う。

''гээ симби jааiчахан эксэл эи, эи iлаан эигэ тунз̌асал,

''gəə simbi jaaɪčaxan əksəl əi, əi ɪlaan əigə tʊnǰasal,

「さあ あなたに シャーマンの歌を歌った 女たちは、この、この 三人の 姉妹たちです、

эи, хау њiiз̌i асiлаiсi-нүү.'' в обшем, на трёх этих тii iлаан

əi, xaʊ ňɪɪǰɪ asɪlaɪsɪ-nuu.'' v obshshem, na trjox ətix tɪɪ ɪlaan

この、 どの 人と 結婚しますか、」と。すなわち、 その三人の、 その 三人の

ээктэз̌и чупал асiлахатi ии. гээ тiтараа тii тii бичити-танii.

əəktəǰi čʊpal asɪlaxatɪ ii. gəə tɪtaraa tɪɪ tɪɪ bičiti-tanɪɪ.

女たち 皆と 結婚した、そう。さあ それから そうして そうして 暮らしていた。

мээн баланаа бичин-мэч очуха～н.

məən balanaa bičin-məč očʊxa～n.

自分が 以前そうで あったように なった。

тii нэүни-дээ гэсэ очуха～н, тii тii ларгiнз̌i бимээри

tɪɪ nəuni-dəə gəsə očʊxa～n, tɪɪ tɪɪ largɪnǰɪ biməəri

その 弟とも 一緒に なった。 そうして そうして すばらしく 暮らして

тii, үлээнз̌и бимээри очухатi-танii. гээ элээ-тэнии.

tɪɪ, uləənǰi biməəri očʊxatɪ-tanɪɪ. gəə ələə-tənii.

そうして 良く 暮らすように なったということだ。 さあ それまで。