原文
|
ӄалаг'ав' то ӄадъкмиӈын
|
ӄалаг'ата гекмилын ӄадъкмиӈын, накудяначг'ав'ӈыӈын.
ӄадъкмиӈын эвыӈ:
- « ӄытыл пче анмыка, мымейӈэтык, мыпытг'утвик.
ӄонпыӈ гемгеткивык метг'ан нэкунэв'ыденӈыӈ.
ӄотэйӈанӈывоӈ ӄонпын, мдев' надянмыӈын.
Деӄе аму гадёг'ылэн тэйӈатылг'ын, кив'ӈынын: - « ӄудеӄыӈ котэйӈатыӈ?» « Аму-ӄун митыв' дёлг'ыдёно надянмыгым»:- эвыӈ ӄадъкмиӈын.
Деӄе аму кив'ӈынын: - « ӄыгынтэв'».
ӄадъкмиӈын гайӄытэйӈа эвыӈ: - « ӄдъмев'ын мыгынтэвык».
Ынпыӄлавола кив'ӈынын: - «Тдедълги гымнан иттыит, вылӄвыл, ав'талг'ул, ымыӈ инедю гев'дянвлэнав'».
г'емелынгдюлэв'лыӈ ӄадъкмиӈын кив'ӈынин: - «Экилу надяӈвоге клэлг'этык дянотын геныӈлэ иттытг'ул, ӈанӄо вылӄвыл г'ам дявал, автатг'ол».
в'аняв' ынпыӄлаволэн метг'аӈ валомӈэн.
г'егынтэв'лыӈ ӄадъкмиӈын.
ӄалаг'ата тымдено гадегылэн дянот, мдев' уйӈэ, гегынтэв'лыӈ.
г'апенилэн ӄадъкмиӈын калаг'адък, ӄымек накуг'алапӈын.
Диӈлынын дянотыӈ иттытг'ул, тоӈватэ в'эдемнэӄу.
ӈаӈвон калаг'адък дяӄамг'ат плыйвык, эмен гыныткун.
Дяӄам гемелӈэдюлынэв'.
Тэг'и калаг'ав' гымлэӈ пенилай, ӄымек накуг'аланӈын.
Диӈлынын ыняӄ вылӄвыл.
Тоӈватэ в'олвыӈ милг'инэӄу.
ӄочгыльвычейляӈ калаг'ав', копкав'лаӈ милгык в'дяӈтык.
г'аймайтылэнав' мыллыӈэн калаг'ав', гымлэ гапенилэнав'.
ӄадъкмиӈын кугынтэв'тлэӈ, наӈвон галапык.
Диӈлынын ав'татг'ул.
Тоӈванӈывой дяӄэӄун эчвытынупнаӄу.
Модё калаг'адък накочайвыӈнав'.
г'ег'ыӈ ӈаден тнупнаӄу ӄымек купкидъӈ.
ӄалаг'ав' гапкав'лэнав' ымек, унмык гачалэнав' велэйкылэк.
г'амелэн ӄадъкмиӈын.
г'адяйтылэӈ.
г'ачёт лымӈэль.