民話資料

3-13 Валвиӈын ынкъам рэӄокалгын Nikolaj Tokeさんによる Chukchiの民話出典

原文

3-13 Валвиӈын ынкъам рэӄокалгын

Ӄол-ым итгъи валвиӈын нутэгчигъи ӄулинымык-ым. Льунин ранмыткынык нывакъотваӄэн лыгивыльиӈкрутӄыльу ӈээккэӄэй. Валвиӈа ивнин: ―Э-эмэй, ынӈатал-ым ӈотӄэн ӈэвысӄэт гымнан тыльугъэн гэмгэнутэйиквик ынанавыльэӈкрокычьэн. Энмэч ынӄэн эӄылпэ ӄырэсӄикви, тэӈэвыльиӈкрукыльыӄэйигыт ӄэвъяӈӈоркын. Ӈээккэӄэе ынпыӈэвӄэй ивнин: ―Ынӈатал-ым гым валвиӈа энамайӈанъягъэ. Иниквъи: “Ынӈатал-ым ӄэвъяӈӈоркын тэӈэвыльинкрукыльыӄэйигыт, тэгнытэӈӄинэӄэйигыт, эӄылпэ ӄырэсӄикви”. Ынпыӈэвӄэе ӈээккэӄэй ивнин: ―Ӄытэнрэсӄивӈыгын валвиӈын. Э’тки а’тавлыгэн нанъягыт, еп микынэ лёӈанъята нэнтыгыт. Ӈээккэӄэе валвиӈын тэнрэсӄивӈынин. Валвиӈын лыгэнэвыр рэсӄиквъи. Ынӄор-ым нанӄамэтвавын. Таӈынанмыӄычьыӄай тыргытъулӄэй пиринин валвиӈа. Турпэглитинэӈу лыгэнэвыр ӈытосӄычатгъэ. Ярагты эквэтгъи. Валвиӈын ярак пыкиргъи. Риӄукэтэ пынлёнэн: ―Ынӈатал-ым колё гыныгмич. Мэӈӄо тэкичгытъулынӈэгъи ? Валвиӈа ивнин рэӄокалгын: ―Этъопэл ӄэквэтги, митъэлыги рэльуӈын ранмыткынык лыгивыльиӈкруӈээккэӄэй нывакъотваӄэн, ынкъам ынӄэн вэтыӄун тылянво рэлгыӈын, ынкъам лыгэн ынӈот ӄиквын: “Ынӈатал-ым колё мэӈӄокэнайгыт ынангытэӈӈавэгыт, тэӈэвыльиӈкрукыльигыт. Вынэ ынӄэн ӄэвъяӈӈоркын, эӄылпэ ӄырэсӄикви”. Рэӄокалгын эквэтгъи. Ынӄэн вэтгав ӄонпы лыги нинэлгыӄин, таӈымтыляӈэт нэнатвыӄэн валвиӈэн нинъэйвын. Ӄэглынангэт-ым льунин ранмыткынык нывакъотваӄэн лыгивыльиӈкрутӄыльу ӈээккэӄэй. Йъонэн вакъотвальын ранмыткынык. Ынраӄ-ым гантээватлен ранмыткынык вакъотвальын, чама валвиӈэн нинъэйвын гантээватлен. Ивнин: ―Ынӈатал-ым мэӈӄокэнайгыт? Вэнъым лыгъэткиӈӄэйигыт, лыгивыльиӈӄрутӄыльуӄэйигыт, рапытӄывыльэӈгыпгъа энмэч ынӄэн ӄэвъяӈӈок, опопы ӄырэсӄикви. Нэмыӄэй ытлён рэсӄиквъи. Нанӄамэтвавын. Тыргытъул пиринин таӈынанмайӈычьын. Винвэ, рэӄокалгын ӄамэтвама, ӈээккэӄэе нэнанымӈылявӄэн ынпыӈэвӄэй: “Иниквъи риӄукэтэ, у-у, опопы ӄырэсӄикви, лыгивыльиӈкрутӄыльуӄэйигыт ӄэвъяӈӈоркын”. Ӄэмиплыткук рэӄокалгын ӈытогъэ, лыгэнэвыр ярагты эквэтгъи, тыргытъул ынанмайӈычьын рымнин. Ярак пыкиргъи. Эвын ынӄэн тыргытъул кэтэм ытръэч вэлымэл мэйӈэльын, наӄам валвиӈэн нылгэнымайыӈӄэначгын тыргытъул. Нэмэ валвиӈын чейвыткугъи. Льунин нылгээнанватыльатӄэн ӈэвысӄэт, наӄам ярак ӄача нытваӄэн ӈалвыльиӈын нылгинымкыӄин. Валвиӈа таӈынанмыӄычьыӄай ӄаёолгыӄай чиӈкъэттывэнин. Лыгэнэвыр рагтакватгъэ. Эвын ярак пыкиргъи – нылгинымэйыӈӄин ачьыльиӈын чымӈачгын. Риӄукэтэ пынлёнэн: ―Колё мэй гыныгмич, мэӈӄо вэнъым ачьыӄор рэтгъэн ? Валвиӈа ивнин: ―Митъэлыги ӈоонко мачыяа рэльуӈын ӈэвысӄэт нылгээнанва-тыльатӄэн, ынкъам таӈынанмыӄычьыӄай ӄылӄыриргын ӄэюуӄэй, ынӄэн ӄычиӈкъэттывэгын, чама, митъэлыги, ӈэлвыл варкын маёлгыӄайык амэчыӈ. Рэӄокалгын эквэтгъи. Льунин ӈэвысӄэт нэнанватыльатӄэн, ынӄо маёлгын йъонэн. Эвын ынкы амэчыӈ ӈалвыльиӈын нытваӄэн. Вэнлыги таӈынанмайӈычьын ӄэюу чиӈкъэттывэнин. Эвын ярак пыкиргъи– таӈынанмыӄычьыӄай ӄэюуӄэй, наӄам эмъыттъымӄэй. Нэмэ валвиӈын ӈытогъэ, ынраӄ аӈӄачормэты ӄытгъи. Рыркамкычгын льунин. Йъонэнат, таӈынанмыӄычьыӄай нэмэ чиӈкъэттывэнин. Ярак пыкиргъи – эвын ӄэтваёлгычгын. Нэмэ риӄукэтэ пынлёнэн: ―Колё аны гыныгмич, ӄонпы лыгэн ныкынтатапэчгыӈэгыт, ӄонпы уйӈэ лёӈытвата итыркын. Валвиӈа ивнин: ―Аӈӄачормыеквэ ӄылеркын, митъэлыги таӈынанмыӄычьын рыркы рэльуӈын, ынӄэн ӄычиӈкъэттывэгын. Нэмэ таӈынанмайӈычьын рыркачгын чиӈкъэттывэнин. Люур мэмлеты тиӈунин, энмэч рыпылӄэвнин. Ӄонпы люӈвытрэтэ итгъи рэӄокалгын. Ытръэч.

qol-əm itɣʔi walwiŋən nutæɣsiɣʔi qulinəmək-əm. lʔunin ranmətkənək nəwakʔotwaqæn ləɣiwəlʔiŋkrutqəlʔu ŋæækkæqæj. walwiŋa iwnin: ―æ-æmæj, ənŋatal-əm ŋotqæn ŋæwəsqæt ɣəmnan təlʔuɣʔæn ɣæmɣænutæjikwik ənanawəlʔæŋkrokəsʔæn. ænmæs ənqæn æqəlpæ qəræsqikwi, tæŋæwəlʔiŋkrukəlʔəqæjiɣət qæwʔaŋŋorkən. ŋæækkæqæje ənpəŋæwqæj iwnin: ―ənŋatal-əm ɣəm walwiŋa ænamajŋanʔaɣʔæ. inikwʔi: “ənŋatal-əm qæwʔaŋŋorkən tæŋæwəlʔinkrukəlʔəqæjiɣət, tæɣnətæŋqinæqæjiɣət, æqəlpæ qəræsqikwi”. ənpəŋæwqæje ŋæækkæqæj iwnin: ―qətænræsqiwŋəɣən walwiŋən. æ’tki a’tawləɣæn nanʔaɣət, jep mikənæ loŋanʔata næntəɣət. ŋæækkæqæje walwiŋən tænræsqiwŋənin. walwiŋən ləɣænæwər ræsqikwʔi. ənqor-əm nanqamætwawən. taŋənanməqəsʔəqaj tərɣətʔulqæj pirinin walwiŋa. turpæɣlitinæŋu ləɣænæwər ŋətosqəsatɣʔæ. jaraɣtə ækwætɣʔi. walwiŋən jarak pəkirɣʔi. riqukætæ pənlonæn: ―ənŋatal-əm kolo ɣənəɣmis. mæŋqo tækisɣətʔulənŋæɣʔi ? walwiŋa iwnin ræqokalɣən: ―ætʔopæl qækwætɣi, mitʔæləɣi rælʔuŋən ranmətkənək ləɣiwəlʔiŋkruŋæækkæqæj nəwakʔotwaqæn, ənkʔam ənqæn wætəqun təlanwo rælɣəŋən, ənkʔam ləɣæn ənŋot qikwən: “ənŋatal-əm kolo mæŋqokænajɣət ənanɣətæŋŋawæɣət, tæŋæwəlʔiŋkrukəlʔiɣət. wənæ ənqæn qæwʔaŋŋorkən, æqəlpæ qəræsqikwi”. ræqokalɣən ækwætɣʔi. ənqæn wætɣaw qonpə ləɣi ninælɣəqin, taŋəmtəlaŋæt nænatwəqæn walwiŋæn ninʔæjwən. qæɣlənanɣæt-əm lʔunin ranmətkənək nəwakʔotwaqæn ləɣiwəlʔiŋkrutqəlʔu ŋæækkæqæj. jʔonæn wakʔotwalʔən ranmətkənək. ənraq-əm ɣantææwatlen ranmətkənək wakʔotwalʔən, sama walwiŋæn ninʔæjwən ɣantææwatlen. iwnin: ―ənŋatal-əm mæŋqokænajɣət? wænʔəm ləɣʔætkiŋqæjiɣət, ləɣiwəlʔiŋqrutqəlʔuqæjiɣət, rapətqəwəlʔæŋɣəpɣʔa ænmæs ənqæn qæwʔaŋŋok, opopə qəræsqikwi. næməqæj ətlon ræsqikwʔi. nanqamætwawən. tərɣətʔul pirinin taŋənanmajŋəsʔən. winwæ, ræqokalɣən qamætwama, ŋæækkæqæje nænanəmŋəlawqæn ənpəŋæwqæj: “inikwʔi riqukætæ, u-u, opopə qəræsqikwi, ləɣiwəlʔiŋkrutqəlʔuqæjiɣət qæwʔaŋŋorkən”. qæmiplətkuk ræqokalɣən ŋətoɣʔæ, ləɣænæwər jaraɣtə ækwætɣʔi, tərɣətʔul ənanmajŋəsʔən rəmnin. jarak pəkirɣʔi. æwən ənqæn tərɣətʔul kætæm ətrʔæs wæləmæl mæjŋælʔən, naqam walwiŋæn nəlɣænəmajəŋqænasɣən tərɣətʔul. næmæ walwiŋən sejwətkuɣʔi. lʔunin nəlɣæænanwatəlʔatqæn ŋæwəsqæt, naqam jarak qasa nətwaqæn ŋalwəlʔiŋən nəlɣinəmkəqin. walwiŋa taŋənanməqəsʔəqaj qajoolɣəqaj siŋkʔættəwænin. ləɣænæwər raɣtakwatɣʔæ. æwən jarak pəkirɣʔi – nəlɣinəmæjəŋqin asʔəlʔiŋən səmŋasɣən. riqukætæ pənlonæn: ―kolo mæj ɣənəɣmis, mæŋqo wænʔəm asʔəqor rætɣʔæn ? walwiŋa iwnin: ―mitʔæləɣi ŋoonko masəjaa rælʔuŋən ŋæwəsqæt nəlɣæænanwa-təlʔatqæn, ənkʔam taŋənanməqəsʔəqaj qəlqərirɣən qæjuuqæj, ənqæn qəsiŋkʔættəwæɣən, sama, mitʔæləɣi, ŋælwəl warkən majolɣəqajək amæsəŋ. ræqokalɣən ækwætɣʔi. lʔunin ŋæwəsqæt nænanwatəlʔatqæn, ənqo majolɣən jʔonæn. æwən ənkə amæsəŋŋalwəlʔiŋən nətwaqæn. wænləɣi taŋənanmajŋəsʔən qæjuu siŋkʔættəwænin. æwən jarak pəkirɣʔi– taŋənanməqəsʔəqaj qæjuuqæj, naqam æmʔəttʔəmqæj. næmæ walwiŋən ŋətoɣʔæ, ənraq aŋqasormætə qətɣʔi. rərkamkəsɣən lʔunin. jʔonænat, taŋənanməqəsʔəqaj næmæ siŋkʔættəwænin. jarak pəkirɣʔi – æwən qætwajolɣəsɣən. næmæ riqukætæ pənlonæn: ―kolo anə ɣənəɣmis, qonpə ləɣæn nəkəntatapæsɣəŋæɣət, qonpə ujŋæ loŋətwata itərkən. walwiŋa iwnin: ―aŋqasorməjekwæ qəlerkən, mitʔæləɣi taŋənanməqəsʔən rərkə rælʔuŋən, ənqæn qəsiŋkʔættəwæɣən. næmæ taŋənanmajŋəsʔən rərkasɣən siŋkʔættəwænin. luur mæmletə tiŋunin, ænmæs rəpəlqæwnin. qonpə luŋwətrætæ itɣʔi ræqokalɣən. ətrʔæs.

訳

Japanese

3-13 Валвиӈын ынкъам рэӄокалгын

Ӄол-ым итгъи валвиӈын нутэгчигъи ӄулинымык-ым. Льунин ранмыткынык нывакъотваӄэн лыгивыльиӈкрутӄыльу ӈээккэӄэй. Валвиӈа ивнин:
―Э-эмэй, ынӈатал-ым ӈотӄэн ӈэвысӄэт гымнан тыльугъэн гэмгэнутэйиквик ынанавыльэӈкрокычьэн. Энмэч ынӄэн эӄылпэ ӄырэсӄикви, тэӈэвыльиӈкрукыльыӄэйигыт ӄэвъяӈӈоркын.
Ӈээккэӄэе ынпыӈэвӄэй ивнин:
―Ынӈатал-ым гым валвиӈа энамайӈанъягъэ. Иниквъи: “Ынӈатал-ым ӄэвъяӈӈоркын тэӈэвыльинкрукыльыӄэйигыт, тэгнытэӈӄинэӄэйигыт, эӄылпэ ӄырэсӄикви”.
Ынпыӈэвӄэе ӈээккэӄэй ивнин:
―Ӄытэнрэсӄивӈыгын валвиӈын. Э’тки а’тавлыгэн нанъягыт, еп микынэ лёӈанъята нэнтыгыт.
Ӈээккэӄэе валвиӈын тэнрэсӄивӈынин. Валвиӈын лыгэнэвыр рэсӄиквъи. Ынӄор-ым нанӄамэтвавын. Таӈынанмыӄычьыӄай тыргытъулӄэй пиринин валвиӈа. Турпэглитинэӈу лыгэнэвыр ӈытосӄычатгъэ. Ярагты эквэтгъи. Валвиӈын ярак пыкиргъи. Риӄукэтэ пынлёнэн:
―Ынӈатал-ым колё гыныгмич. Мэӈӄо тэкичгытъулынӈэгъи ?
Валвиӈа ивнин рэӄокалгын:
―Этъопэл ӄэквэтги, митъэлыги рэльуӈын ранмыткынык лыгивыльиӈкруӈээккэӄэй нывакъотваӄэн, ынкъам ынӄэн вэтыӄун тылянво рэлгыӈын, ынкъам лыгэн ынӈот ӄиквын: “Ынӈатал-ым колё мэӈӄокэнайгыт ынангытэӈӈавэгыт, тэӈэвыльиӈкрукыльигыт. Вынэ ынӄэн ӄэвъяӈӈоркын, эӄылпэ ӄырэсӄикви”.
Рэӄокалгын эквэтгъи. Ынӄэн вэтгав ӄонпы лыги нинэлгыӄин, таӈымтыляӈэт нэнатвыӄэн валвиӈэн нинъэйвын. Ӄэглынангэт-ым льунин ранмыткынык нывакъотваӄэн лыгивыльиӈкрутӄыльу ӈээккэӄэй. Йъонэн вакъотвальын ранмыткынык. Ынраӄ-ым гантээватлен ранмыткынык вакъотвальын, чама валвиӈэн нинъэйвын гантээватлен. Ивнин:
―Ынӈатал-ым мэӈӄокэнайгыт? Вэнъым лыгъэткиӈӄэйигыт, лыгивыльиӈӄрутӄыльуӄэйигыт, рапытӄывыльэӈгыпгъа энмэч ынӄэн ӄэвъяӈӈок, опопы ӄырэсӄикви.
Нэмыӄэй ытлён рэсӄиквъи. Нанӄамэтвавын. Тыргытъул пиринин таӈынанмайӈычьын. Винвэ, рэӄокалгын ӄамэтвама, ӈээккэӄэе нэнанымӈылявӄэн ынпыӈэвӄэй: “Иниквъи риӄукэтэ, у-у, опопы ӄырэсӄикви, лыгивыльиӈкрутӄыльуӄэйигыт ӄэвъяӈӈоркын”.
Ӄэмиплыткук рэӄокалгын ӈытогъэ, лыгэнэвыр ярагты эквэтгъи, тыргытъул ынанмайӈычьын рымнин. Ярак пыкиргъи. Эвын ынӄэн тыргытъул кэтэм ытръэч вэлымэл мэйӈэльын, наӄам валвиӈэн нылгэнымайыӈӄэначгын тыргытъул.
Нэмэ валвиӈын чейвыткугъи. Льунин нылгээнанватыльатӄэн ӈэвысӄэт, наӄам ярак ӄача нытваӄэн ӈалвыльиӈын нылгинымкыӄин. Валвиӈа таӈынанмыӄычьыӄай ӄаёолгыӄай чиӈкъэттывэнин. Лыгэнэвыр рагтакватгъэ. Эвын ярак пыкиргъи – нылгинымэйыӈӄин ачьыльиӈын чымӈачгын. Риӄукэтэ пынлёнэн:
―Колё мэй гыныгмич, мэӈӄо вэнъым ачьыӄор рэтгъэн ?
Валвиӈа ивнин:
―Митъэлыги ӈоонко мачыяа рэльуӈын ӈэвысӄэт нылгээнанва-тыльатӄэн, ынкъам таӈынанмыӄычьыӄай ӄылӄыриргын ӄэюуӄэй, ынӄэн ӄычиӈкъэттывэгын, чама, митъэлыги, ӈэлвыл варкын маёлгыӄайык амэчыӈ.
Рэӄокалгын эквэтгъи. Льунин ӈэвысӄэт нэнанватыльатӄэн, ынӄо маёлгын йъонэн. Эвын ынкы амэчыӈ ӈалвыльиӈын нытваӄэн. Вэнлыги таӈынанмайӈычьын ӄэюу чиӈкъэттывэнин. Эвын ярак пыкиргъи– таӈынанмыӄычьыӄай ӄэюуӄэй, наӄам эмъыттъымӄэй.
Нэмэ валвиӈын ӈытогъэ, ынраӄ аӈӄачормэты ӄытгъи. Рыркамкычгын льунин. Йъонэнат, таӈынанмыӄычьыӄай нэмэ чиӈкъэттывэнин. Ярак пыкиргъи – эвын ӄэтваёлгычгын. Нэмэ риӄукэтэ пынлёнэн:
―Колё аны гыныгмич, ӄонпы лыгэн ныкынтатапэчгыӈэгыт, ӄонпы уйӈэ лёӈытвата итыркын.
Валвиӈа ивнин:
―Аӈӄачормыеквэ ӄылеркын, митъэлыги таӈынанмыӄычьын рыркы рэльуӈын, ынӄэн ӄычиӈкъэттывэгын.
Нэмэ таӈынанмайӈычьын рыркачгын чиӈкъэттывэнин. Люур мэмлеты тиӈунин, энмэч рыпылӄэвнин. Ӄонпы люӈвытрэтэ итгъи рэӄокалгын. Ытръэч.

1/3 次へ

Ӄол-ым итгъи валвиӈын нутэгчигъи ӄулинымык-ым. Льунин ранмыткынык нывакъотваӄэн лыгивыльиӈкрутӄыльу ӈээккэӄэй. Валвиӈа ивнин:

―Э-эмэй, ынӈатал-ым ӈотӄэн ӈэвысӄэт гымнан тыльугъэн гэмгэнутэйиквик ынанавыльэӈкрокычьэн. Энмэч ынӄэн эӄылпэ ӄырэсӄикви, тэӈэвыльиӈкрукыльыӄэйигыт ӄэвъяӈӈоркын.

Ӈээккэӄэе ынпыӈэвӄэй ивнин:

―Ынӈатал-ым гым валвиӈа энамайӈанъягъэ. Иниквъи: “Ынӈатал-ым ӄэвъяӈӈоркын тэӈэвыльинкрукыльыӄэйигыт, тэгнытэӈӄинэӄэйигыт, эӄылпэ ӄырэсӄикви”.

Ынпыӈэвӄэе ӈээккэӄэй ивнин:

―Ӄытэнрэсӄивӈыгын валвиӈын. Э’тки а’тавлыгэн нанъягыт, еп микынэ лёӈанъята нэнтыгыт.

Ӈээккэӄэе валвиӈын тэнрэсӄивӈынин. Валвиӈын лыгэнэвыр рэсӄиквъи. Ынӄор-ым нанӄамэтвавын. Таӈынанмыӄычьыӄай тыргытъулӄэй пиринин валвиӈа. Турпэглитинэӈу лыгэнэвыр ӈытосӄычатгъэ. Ярагты эквэтгъи. Валвиӈын ярак пыкиргъи. Риӄукэтэ пынлёнэн:

―Ынӈатал-ым колё гыныгмич. Мэӈӄо тэкичгытъулынӈэгъи ?

Валвиӈа ивнин рэӄокалгын:

―Этъопэл ӄэквэтги, митъэлыги рэльуӈын ранмыткынык лыгивыльиӈкруӈээккэӄэй нывакъотваӄэн, ынкъам ынӄэн вэтыӄун тылянво рэлгыӈын, ынкъам лыгэн ынӈот ӄиквын: “Ынӈатал-ым колё мэӈӄокэнайгыт ынангытэӈӈавэгыт, тэӈэвыльиӈкрукыльигыт. Вынэ ынӄэн ӄэвъяӈӈоркын, эӄылпэ ӄырэсӄикви”.

1/3 次へ全体表示

前へ 2/3 次へ

Рэӄокалгын эквэтгъи. Ынӄэн вэтгав ӄонпы лыги нинэлгыӄин, таӈымтыляӈэт нэнатвыӄэн валвиӈэн нинъэйвын. Ӄэглынангэт-ым льунин ранмыткынык нывакъотваӄэн лыгивыльиӈкрутӄыльу ӈээккэӄэй. Йъонэн вакъотвальын ранмыткынык. Ынраӄ-ым гантээватлен ранмыткынык вакъотвальын, чама валвиӈэн нинъэйвын гантээватлен. Ивнин:

―Ынӈатал-ым мэӈӄокэнайгыт? Вэнъым лыгъэткиӈӄэйигыт, лыгивыльиӈӄрутӄыльуӄэйигыт, рапытӄывыльэӈгыпгъа энмэч ынӄэн ӄэвъяӈӈок, опопы ӄырэсӄикви.

Нэмыӄэй ытлён рэсӄиквъи. Нанӄамэтвавын. Тыргытъул пиринин таӈынанмайӈычьын. Винвэ, рэӄокалгын ӄамэтвама, ӈээккэӄэе нэнанымӈылявӄэн ынпыӈэвӄэй: “Иниквъи риӄукэтэ, у-у, опопы ӄырэсӄикви, лыгивыльиӈкрутӄыльуӄэйигыт ӄэвъяӈӈоркын”.

Ӄэмиплыткук рэӄокалгын ӈытогъэ, лыгэнэвыр ярагты эквэтгъи, тыргытъул ынанмайӈычьын рымнин. Ярак пыкиргъи. Эвын ынӄэн тыргытъул кэтэм ытръэч вэлымэл мэйӈэльын, наӄам валвиӈэн нылгэнымайыӈӄэначгын тыргытъул.

Нэмэ валвиӈын чейвыткугъи. Льунин нылгээнанватыльатӄэн ӈэвысӄэт, наӄам ярак ӄача нытваӄэн ӈалвыльиӈын нылгинымкыӄин. Валвиӈа таӈынанмыӄычьыӄай ӄаёолгыӄай чиӈкъэттывэнин. Лыгэнэвыр рагтакватгъэ. Эвын ярак пыкиргъи – нылгинымэйыӈӄин ачьыльиӈын чымӈачгын. Риӄукэтэ пынлёнэн:

―Колё мэй гыныгмич, мэӈӄо вэнъым ачьыӄор рэтгъэн ?

Валвиӈа ивнин:

―Митъэлыги ӈоонко мачыяа рэльуӈын ӈэвысӄэт нылгээнанва-тыльатӄэн, ынкъам таӈынанмыӄычьыӄай ӄылӄыриргын ӄэюуӄэй, ынӄэн ӄычиӈкъэттывэгын, чама, митъэлыги, ӈэлвыл варкын маёлгыӄайык амэчыӈ.

Рэӄокалгын эквэтгъи. Льунин ӈэвысӄэт нэнанватыльатӄэн, ынӄо маёлгын йъонэн. Эвын ынкы амэчыӈ ӈалвыльиӈын нытваӄэн. Вэнлыги таӈынанмайӈычьын ӄэюу чиӈкъэттывэнин. Эвын ярак пыкиргъи– таӈынанмыӄычьыӄай ӄэюуӄэй, наӄам эмъыттъымӄэй.

Нэмэ валвиӈын ӈытогъэ, ынраӄ аӈӄачормэты ӄытгъи. Рыркамкычгын льунин. Йъонэнат, таӈынанмыӄычьыӄай нэмэ чиӈкъэттывэнин. Ярак пыкиргъи – эвын ӄэтваёлгычгын. Нэмэ риӄукэтэ пынлёнэн:

前へ 2/3 次へ全体表示