|
2-23 miŋkəri mrænæ ɣætæmʔuŋlin kətəjɣən
Folk tale of Chukchi
by Kerginto, Alla
Source
|
|
2-23 Миӈкыри мрэнэ гэтэмъюӈлин кытыйгын
|
Тэленъеп гантомгавлен ӈотӄэн лымӈыл.
Гатваленат нылгинымкыӄинэт гытлимрэнти.
Ытръэч-ым вай ыныкит ныльуӄин ръэтэйӈэт, ныелырачвыӈӄэнат эмпичгэ.
Кытыйгыръок мрэнти амманаӈ ныриллеӄинэт.
ӄынвэр мрэнти чимгъугъэт, миӈкыри тэмъюӈык кытыйгын.
Чемгъоӈӈогъат.
― Э’нӄэвык мури ныпыглянморэ, ныпэраӈӈоморэ ӄорамэл, ытри гарынныленат – ымы мури.
Китъам мынтэмъюӈын кытыйгын.
Кытыйгыръок мынивын:
― Мынӄоранмыгыт.
ӄыпаагэ кытыйгатык.
ӄонпы рапаагъа кытыйгатылъатык.
ӄол итгъи кытыйгыръогъэ.
Мрэнти риллегъэт тэнлымынкыри.
Мрэнэ нэвыӈӈон кытыйгын:
― Вэнъымгынан кытыйгатык.
Ынан вай мытраӄоранмыгыт.
Паагъэ кытыйгатык.
Кытыйга льунин:
ӄырымэн ынк ’эн ӄораӈы.
ӄытлыги э’нӄэвыльын мранлыӈын.
Кытыйгын анӈэнайпыгъэ.
Нэмэ кытыйгыръогъэ.
Ынкатагнэпы малмалянма нивӄинэт:
― Ынӄэн мрэнэ нэтэмъюӈыркын кытыйгын, эвыр-ым ныгтыйгыръоӄэн – нанӈэначьатӄэн мранэты.
Ытръэч о’равэтльат нивӄинэт:
– Кытыйгын нырулӄин:
кытыйгатыркын, мрэнти-ым пэнинэмил мыкэльыт.
Ытръэч.
2-23 miŋkəri mrænæ ɣætæmʔuŋlin kətəjɣən
tælenʔep ɣantomɣawlen ŋotqæn ləmŋəl.ɣatwalenat nəlɣinəmkəqinæt ɣətlimrænti.
ətrʔæs-əm waj ənəkit nəlʔuqin rʔætæjŋæt, nəjeləraswəŋqænat æmpisɣæ.
kətəjɣərʔok mrænti ammanaŋ nərilleqinæt.
k’ənwær mrænti simɣʔuɣʔæt, miŋkəri tæmʔuŋək kətəjɣən.
semɣʔoŋŋoɣʔat.
― æ’nqæwək muri nəpəɣlanmoræ, nəpæraŋŋomoræ qoramæl, ətri ɣarənnəlenat – əmə muri.
kitʔam məntæmʔuŋən kətəjɣən.
kətəjɣərʔok məniwən:
― mənqoranməɣət.
k’əpaaɣæ kətəjɣatək.
k’onpə rapaaɣʔa kətəjɣatəlʔatək.
k’ol itɣʔi kətəjɣərʔoɣʔæ.
mrænti rilleɣʔæt tænləmənkəri.
mrænæ næwəŋŋon kətəjɣən:
― wænʔəmɣənan kətəjɣatək.
ənan waj mətraqoranməɣət.
paaɣʔæ kətəjɣatək.
kətəjɣa lʔunin:
qərəmæn ənk ’æn qoraŋə.
k’ətləɣi æ’nqæwəlʔən mranləŋən.
kətəjɣən anŋænajpəɣʔæ.
næmæ kətəjɣərʔoɣʔæ.
ənkataɣnæpə malmalanma niwqinæt:
― ənqæn mrænæ nætæmʔuŋərkən kətəjɣən, æwər-əm nəɣtəjɣərʔoqæn – nanŋænasʔatqæn mranætə.
ətrʔæs o’rawætlʔat niwqinæt:
– kətəjɣən nərulqin:
kətəjɣatərkən, mrænti-əm pæninæmil məkælʔət.
ətrʔæs.