|
Folk tale of Koryak (Chawchwen dialect)
by Kechgelkhut, Vladimir Kavavovich
|
|
Ыльв'акадюдю
|
Айӈон ыльв'экдъӈ гавдёг'ылэн.
г'айтолэн митг'адин ӄадюдю.
г'ыгэ кытав'ут гадёг'ылэнат.
Ылла гегынтэв'лын.
г'игэ нэкив'ӈын ӄадюдю:
- «Мынынмылаге гыччи».
ӄадюдю эвыӈ:
- «г'аймат пче тэпытг'утвик, тыт ӈынвыӄ кинуӈы нынг'элын».
– Тытэ г'ам мынг'ыдялла то миӈки мынг'ылг'олаге?» - эв'лай г'ыгу.
ӄадюдю:
- «ӈыдяӄ гивив' ныгаланав' то ӈано энмытынопык ӄонпыӈ тдятвайке, ӈанӄо тдюг'этыки».
ӈыдяӄ гивив' нг'аллай.
ӄадюдю мейӈэты.
г'адёг'ылэн г'ыгэ ӄодяӈа.
Уйӈэ эйгулэтке нэкунтыӈын.
Мдев' чемот ыльв'экдъӈнэӄу генг'элын, дъннылг'ынаӄо.
г'ыгу кив'ӈынын:
- «Деӄечг'ам ӄенанолатык, ӈэдяӈ г'алапа ӄенантылатык, ӄенапеннилатык».
г'ыгу гапеннилэнав'.
г'ыльв'ыйняӄо гейкылэлг'эллын, гапкав'лэн г'алапык.
Митыв' гымлэӈ ынӈыг'ан.
Уйӈэ гилынэв' г'ыгу.
Ток чемот.