原文
|
Мден(2)
|
Мудък нымедъчг'э ӄонпыӈ накев'ӈивоӈнав':
- «ӄытыл амамдъг'алеӈ аньв'аняв'чейка гантыӈвота ымыӈ дедю».
То куллу эвыӈ:
- «Иннедю мдену эдеӄвыдике ӈынвык дялайвылайке».
г'амин дяӈвоӈ ӄэдялгыдёг'ык мдену дяӄэтылаӈ.
ӄутынынэк кив'ӈынын:
- «ӄытыл ынӈг'ан ав'аняватка».
– гедеӄлын г'ам, эв'ынчам дяӄетылаӈ» - эвыӈ дяноткен.
ӈаден г'удемтэв'ылг'ын ыно ыннг'ан ков'аняватыӈ, актыка г'нывын:
- «ӄытыл амамдъг'алёӈ».
г'елыӄлэӈдюг'ылын, ӄок ӈынвыӄ эльгыдямочгыпылг'о гелэлынэв' мдену.
ӈаден г'удемтэв'ылӈын генэлын ӈайӈынойтыӈ, ганӄитвлын.