|
Folk tale of Nanay. Najkhin dialect
by Gejker, Niesulta Borisovna
Source
|
|
эикэ нэу балз̌ихани
|
э～ӈ ундииси, эм з̌оо доолани эикэ нэу балз̌ихани.
туи балз̌ии～ туи бипи-э-лэ ундииси туи бимээри, туи балз̌ии～
туи бимээри ундииси туи бимээри, боа боалгиачии,
пурээн пулсии тамаари туи балз̌ии-гоани, сиагоари.
хусэдуэри осигопи хусэ～, эктэдуэри осигоари осини экэсэл
сиагоари вааичамаари балз̌иал ундэ. туи тами-а-ла ундииси,
эӈ туи бими～ туи бими-э-лэ ундииси, э～ӈ эикэни ундиини,
''ээпаӈгоа～,'' ундиини, ''мии-тэнии эрдэӈгэ,'' ундии,
''хэмдэдуjи хаи з̌ака осихани-ос,'' ундиини. туи тараа хаихани, jаасихани,
''эз̌ику осини-даа, бэjэду осихамби-даа умбури,'' ундиини-гоани эикэни.
гээ туи бии～, нэуни-тэнии туи бими нэуни-дээ саахани мээндуjи.
туи-дээ, нэуни-дээ хэмэ～ коло коло биини-гоани. туи бии～ туи бии
эси-тэнии туи бими ундииси, эикэни, пиктэгуjи баарии-гоани,
эктэкээмбэ. туи бии～ туи бии туи эикэни эз̌ини з̌ичин.
тэи, пиктэкээни, амини баогохани-гоани, з̌ичин тэи наи.
эикэвэни гааз̌охан. пуз̌ин-тэнии, пиктэкээӈкуни-гоани,
эикэjи энухэни хамиалани хусэкээмбэ баариини-гоани, пиктэгуjи.
туи тараа туи биини-гоани, хаи эси, эиду бичин-дээ хаи jэбэ.
эси-тэнии пиктэjи-дээ улээн баараз̌игораа, туи тараа энуини-гоани,
дуиси тоориини-гоани. туи дуиси тоории～, лао лао долбогохан
туи энэми энэми, эм, хурээн чикэчиэни исиини,
тэи хурээн чикэтудуэни мапа хагдони лу～ӈ туи биини-гоани,
мапа омони. чава-тании ундиини-гоани пуз̌ин мораини-гоани,
''нааӈги эз̌ини наа, нааӈги эз̌ини-э～, хурээн эз̌ини хуигулуун,'' ундии,
''нааӈги эз̌ини, наа эз̌эн нааӈги, нааӈги... нааӈги-а''-м,
''пиктэjи ноӈз̌исими пулсими энулуз̌эрэм таи-jа,'' ундиини,
''хоони-даа чиндароо''-м. ''пиктэjи гэкчиивэни долбогохан,
хаоси энэури-м долбо пакчи лао лао осихамбани.''
''хаи-даа баита анаа осини иируу,'' ундиини-гоани.
''баита-даа анаа уилэн-дээ анааjа,'' ундиини-гоани пуз̌ин.
эси-тэнии пиктэмулиэ з̌уэз̌иэри тэи хагдончи иириини-гоани.
эси-тэнии иихэ～н чадо аориини-гоани. пуз̌ин-тэнии иихэн тэи мапа-тании,
мэнэ даакиала осираа, тэи њоамбачи-тании пиктэз̌иэри з̌уэчирээ,
пэрэг баароани нээхэни. чадо туи аориичи-гоани, туи аоми～ аоми
пуз̌ин ичэгуини-гоани, пиктэни оjани-даа сиӈактамахан,
њоани оjани-даа сиӈактамахан, мапа сиӈактаз̌иани сиӈактако осихан.
эси-тэнии туи ичэз̌эи～ туи бии～ туи аории туи тами эм модан-гола
ундииси тэи мапа-тании, аjаачии-даа, гэухэдэи-дээ тами сэнэхэни.
ундиини, ''ундэчиjи-кээ,'' ундии, ''баитако уилэку осини эз̌и иирэ''-м-дэ.
''наи эиниэ бурбури-мања,'' ундии, ''наи бумбиjэ хукчуи,'' ундии,
''ваандаи-jа,'' ундии, ''наи. наи гэлэгуjи,'' ундии,
''пиктэjи, асиjи гэлэгуми пулсии-jэ''-м, ''наи.''
гээ пуз̌ин-тэнии хэмэ хэмэ биини-гоани. мапа осихани хаи уӈгилэи.
э～ӈ ундииси тэи-лэ мапаачаан-гола туи, аjаачии～ гэухэдэи таи-гоани,
туи тами ундииси, иниэ-лэ наи з̌илгани-ла боала-ла чаик осихан
эси-тэнии ниэвээмусии-дээ, ''ниэруу мапа,'' мапа ниэгувээндээ,
тэи з̌акасал-тании ниэвээмусимээри даичаичи-гоани, тулиэду тэи-тэнии,
эси-тэнии тэи-тэнии, мэргэн з̌илгани осихан, ''пиктэjэ ээндээсу,
пиктэjэ ээндээсу.'' ''пиктэjи эз̌и ээндээсу''-м туи мораини доолани
пиктэкээн-тэнии тэи мапа ниэриини, бэгз̌ини алдандола чилок,
боачи ниэхэни. гээ, пиктэни ниэриини ваахан уже.
э～ӈ ундииси ваахани ундииси туи тараа-тании эси-тэнии ваахан,
мэргэн-тэнии хаирии-гоани пакпарии-гоани, ''мии хаиjа-м уӈкэjэ,
пиктэjи ээндээсу, мораачиjи-каа''-м-да.
э～ӈ эси-тэнии тэи мапа ниэхэн,
мапава-даа ваахан. эси-тэнии пуз̌ин таваӈки-тании
гээ даичами ниэрии-гоани～, эси-тэнии пуз̌имбэ-тэнии,
наи-тании хагдон уjээз̌иэз̌иэни-дээ эjэ таjа холдонз̌иаз̌иани-даа,
наи, поикамаари дэруухэн, з̌апагоари,
туи тамаари хаолиа пуз̌имбэ з̌апахан.
эси-тэнии ундииси хаи-даа даилаани з̌улз̌иэни ваалаани
з̌улз̌иэни з̌улз̌иэлэхэ～н пуз̌ин-тэнии эси-тэнии з̌оокчиари гааз̌охан.
эси-тэнии наи хамачаа бууриини-дээ сиараси-а
наи з̌ооӈни бипугуэни кориjа аӈгохамбани-даа,
ту～л тул боjачиини-гоани ини ини-дэ. э～ӈ наи алисахан.
эикэни-тэнии соӈгоми-а～ з̌из̌уини-гоани, ''ээпаӈгоа～,'' ундии,
''эрдэӈгэ хаи-даа,'' ундии, ''хаи, тэз̌э бэjун осихаси-ноо,'' ундиини.
''хаоси осиохан з̌акани-а''-м-да. ''эси-э наилчиӈгоми-даа аjа,''
ундиини-гоани, ''наи-даа алисахан эси симбиэ наи вааори-а, мурчии-jэ''-м
соӈгоа ундэ эси-тэнии, сиагоани ираини-гоани соӈгоми-а-да.
ирахамбани jук jук паачилаи сиарадааси, туи даичами
туи биэ ундэ пуз̌ин-гулэ. эси-тэнии туи тами-а ундииси
э～ӈ эм чиманиа эикэни соӈгоми-а～ з̌ичини ундииси, ''ээпаӈго～ ундииси
эрдэӈгэ хаи-даа,'' уӈкини, ''хоони осихаси-а～,'' ундии,
''хоони бэjун осихаси-а''-м-да. ''э～ӈ ундииси наи симбиэ,
чимана ваарии-jа,'' ундиини, ''алисахан,
наи-даа кориjа аӈгоми-даа чиилаха～н, хамачааз̌и уиини-дээ хэм кикпуур,
хамачаа з̌улз̌иэни уиичи-дээ хэм боjа боjа энэи, боjачии. алисаха～н,''
ундии, ''наи. хоони-даа симбиэ этэхими мутээси осихан''-м-да.
э～ӈ эикэни-лэ, ''сиароо,'' ундиини-гоани. эбур сиарии тэи-тэнии,
эикэjи ирахамбани-ла хэм jук jук энэиз̌иэни паачичахани
эуси таоси-ла туи тараа ундииси, э～ӈ эикэни-лэ соӈгоми энухэн.
э～ӈ эси-тэнии тэи-тэнии ундииси, иниэ～-лэ з̌иа чимани ундиииси э～ӈ
наи з̌идии-гоани ундииси-э, э～ њоамбани ваандами-ла эси-тэнии
хамачаа гида анаа. э～ӈ уи-дээ гида, гидалаини-даа хэм,
эуси таоси гидавани паачичаи, мээндулэjи эмбэ-дээ тоиковаандаси.
э～ӈ туи тами ундииси тэи мэргэн-гулэ эз̌ини мэргэн-гулэ,
гидалаидоани тэи-лэ пуз̌ин-гулэ ундииси-э, сээксэ палтохани осираа
ундииси э～ эикэjи муэлуучиэни пуикухэни.
э～ӈ ундииси пуикухэни ундииси муэвэ соополагоидоани ундииси,
эм, сиин баароани хаихани, пуикухэни. тэи сээксэ палтохани.
сиин, пуикуиз̌иjи гэсэ гуучэн осираа чиалохани.
таваӈки-ла туи энэи-гоани. эӈ туи энэми～ энэми-э-лэ
эм, наи чиз̌аандоани таахани. эси-тэнии чадо туи биидуэни-э～ ундииси-э,
эм мэргэн хаилоо улээн мэргэн бичин таиригохани.
ваарии-гоани, гуучэн, адолидоjи таахамби з̌ака, чиз̌аан,
чиз̌аандо таахамбани. эӈ туи тараа ундииси тообогохани ундииси
з̌оокчиjи тулиэ, тээ тооидоjи тулэчиини бичини. тообогохани
ундииси э～ ичэини-лэ эм пуз̌инз̌и, мэргэнз̌и бичин наи-даа анаа, з̌оогдоачи.
э～ӈ ундииси тэи асини пуз̌ин-гулэ кучээмби-лэ пиуучими пиуучими
тээгухэни ундииси-э, тэи гуучэмбэ-лэ талаагоjи-тании хаихани,
з̌апараа ундииси, муиидуэни-лэ пуз̌ин-гулэ пээррр наи очогохани,
пуикугухэни палаанчи. эӈ тэи, пуз̌ин-тэнии хаилараа илааз̌ихани ирэнтэи-гоани.
наи, наи, талаава чаалиичахан, талаагоjи наи наи очогохан.
эси-тэнии пуз̌ин-тэнии ундииси хаихани ундииси
э～ӈ ваиси тутуми эурииз̌иjи гэсэ сииндулэни-лэ,
ӈаалаз̌и-ла чак пасоалаиз̌иjи гэсэ, эjэ таjалаjи кэчиивэ з̌апагораа
тообогохани. э～ӈ туи тараа ундииси-э, ундээ, ''анда～ эз̌и оркисира,
эз̌и хаира,'' ундии, эси-тэнии ундии, эӈ тэи-лэ ундииси-э,
кэчииӈгуjи-лэ хэм талаачихани, хэм з̌уэтуӈэ,
з̌уэ кэчии хэм талаарииз̌иjи гэсэ хэм кэрчихэни ундииси,
з̌уэ алиодо тиас кэрчихэн тэи, эз̌идуэни, њоандоани хэм кэрчигухэни
ундииси туи тараа ундииси-э, э～ таваӈки-ла ундииси пуз̌ин-гулэ
чадо сиаха～н хаихан чадо эм хадолта бичин тэи гурундулэ эси-тэнии
ундииси, ''мии энуэмби-э,'' ундии, ''мии, мии-дээ з̌оокоjи, боакоjи,''
ундиини пуз̌ин. ''эӈ анда, хаандами энуиси,
эиду каока буэ з̌иагопо бируу,'' ундии. ''абаа,'' ундии, ''энуми аjа,''
ундиини. эӈ пуз̌ин-гулэ таваӈки-ла тэи-лэ гурун хаила,
дуjэлэни по～с дуиси тоохан. туи дуиси тооми～ тооми-ла ундииси
э～ӈ тэи мапа хагдомбани баохани, тэи мапа осихамби хагдомба.
эӈ тэи-лэ тулиэдуэни-лэ ундииси э～ӈ пиктэвэни-лэ, амини-ла,
корихани бичин мооз̌и. хамачаа-даа～ иирэсиз̌иэни
хаи-даа боjалиасиз̌иани-ла ундииси, эӈ пуз̌ин-гулэ ундииси
чава-ла ундииси энэиз̌иjи гэсэ, лаӈ осими хэм боjачихани ундииси,
боjачими пиктэjи агбимбогохани. ''э～ӈ эни ичэгуруу～ ундииси,
ээ наи ээрни осини эси кичитак илигоз̌аачи-jа～
наи пэгиэлэни осигои осини, пэимуктэ тоигокто илигоз̌аачи,'' уми,
з̌апараа пиктэjи бэгз̌идуэни з̌апараа поромби дабал наӈгалахани.
эӈ пиктэни-лэ кичитак илигохани, њоани баароани инэктэми-э-дэ.
э～ӈ эси-тэнии пуз̌ин-гулэ пуктэjи ээвугуми эугуи-гоани,
таваӈки з̌оокчиjи-ла туи энэи-гоани. э～ӈ эугухэн, з̌ооjи исигохан,
тадо-ла ундииси, эӈ туи биил-гоани. эӈ туи бии-jэ～
тэи пиктэни-тэнии мэнэ～ купиини-гоани тулиэ удэвэни ниичиэкээмбэ
гарпачии, ваарии таи амбаан дааи наонз̌окаан осигохани-гоани пиктэjи,
хорагохани. э～ӈ туи тами эм модан-гола иигухэни,
''эњээ эњээ, амаа з̌идии, эњээ эњээ амаа з̌идии,'' ундии,
''эни ичэгуруу～ амиӈкоси-ноо,'' ундии, ''буэ амиӈкоз̌и туи биури-нуу''-м-дэ.
''хаидо бии амиси биини.'' ''бии-jэ,'' ундии, ''амаа з̌идии,'' ундии,
''элээ иирии-jэ,'' ундиини. э～ӈ пуз̌ин-гулэ ичэхэни ундииси тэи,
эӈ мэргэн-гулэ иириивэни, ичэиз̌иjи гэсэ пуз̌ин-гулэ
боӈга～л боӈгал апсиӈгохани. э～ӈ тэи масиӈгочи. боӈгал боӈгал аксаичи.
э～ӈ ундииси эси-тэнии ундииси тэи-лэ мэргэн-гулэ иихэни-э,
пиктэчиjи пиктэjи-мээ оз̌октаи-гоани, пиктэни амаа-да амаа таи-гоани.
э～ӈ пиктэjи оз̌октахани ундииси, ''амаа эњээвэ улээлэгуруу,'' ундии,
''амаа эњээз̌и-кээ улээлэгуруу,'' ундиини-гоани аминчиjи.
э～ӈ амини-ла, пиктэjи оз̌октаи бээлгэсии наамансии таини-гоани,
амбаан дааи наонз̌окаан осихани. эӈ эси-тэнии ундииси
мэргэн пуз̌ин з̌акпачиани з̌из̌ухэни-э～ аориичиани-ла ундииси,
э～ӈ тээвугуjи сэруучии хаи, ''тээруу,'' ундии, ''тээруу,'' ундиини-гоани,
пуз̌ин, мэргэн. ''э～ӈ хоони таичаи-jа, минчи аксахаси,
мии-лэ хоони-даа симбиэ эчиэ оркин тааjа,'' ундиини.
э～ӈ ундииси тэи тэтуэдуэни з̌апараа татаини осини,
сактани куэп нихэлии. тэи пуз̌ин аксахани.
эӈ туи наамбичаи туи тами ундиини-гоани, пуз̌ин,
''хоони, хоони улээсиурини-э,'' ундиини.
''буэ эгээ з̌уэркээн з̌оо доолани биипу, хаилани, хаиз̌иани илааз̌ими～
хаиз̌иани боолдаз̌ими миами, туи эрдэлуухэн з̌акани,'' ундиини.
''наи саарасиз̌иани наи бэjэду осиваандии,
наи саарасиз̌иани пиктэгуjи бааваандии тами.
суэ гиансо туи биини-тэнии-э,'' ундиини. э～ӈ ундииси тэи мэргэн ундии,
''анда～ мэргэн тэи-лэ мии-лэ оркимби-гоани,'' ундиини.
''э～ӈ мии-дээ боолдаз̌ихамби-тании-а,'' ундиини, ''туиз̌и, бэjэз̌и з̌иури.''
''хаини боолдапсини,'' ундиини-гоани,
''экэсэл-мања биичиэни з̌оокчиэни иивурээ, эи-мээ бэjэз̌и,
иирээ тээсирээ гусэрээндурээ таохан осини,
осисии-даа осисиори бимчэ-мэ, чихалаи-даа чихалаори бимчэ-мэ,''
ундиини-гоани, ''эз̌игуjи бааориjа.'' э～ӈ туи хаихан
эси-тэнии туи тами тээгухэ～н, пиктэни-тэнии амааз̌и улээлэгу-дээ,
амааз̌и улээлэгу-дээ, энимби-тэнии, пиктэ, амини эниз̌и улээлэгугуи
наамбичаи, пиктэни аминз̌иjи улээлэгувээӈкичэми энимби наамбичаи таиз̌и,
эӈ пуз̌ин-гулэ алиами тээгухэни ундииси эси-тэнии ундииси
э～ӈ эси-мэт тээгухэн баараз̌игохан ундииси, сиагои баргии-гоани,
эси-мээ-дэ. э～ӈ эси-мээ эз̌иjи з̌ичимбэни.
эси-мээ, пиктэjи дааи осиочиани-мээ эз̌иjи дэрэгбэни ичэури.
э～ӈ туи тараа тэи-тэнии ундииси хаихани.
сиагои баргиха～н сиахан ундииси тадо аоӈгахан, тэи мэргэн.
эӈ з̌иа чиманиа гааз̌ои одии-гоани, пиктэjи, асиjи-да.
эӈ хаико биури... хаи хаз̌он-даа эгз̌и бигилэи.
бэjэ з̌эк балз̌иохан з̌акасал. э～ӈ пуз̌ин ундиини, ''хоони, энуури-э,''
ундиини-гоани, ''илираа-да. биӈгуз̌иэни балз̌иӈгоз̌иани биухэн.
мимбиэ, асигоjи гааз̌ои осини, мии эниӈгуjэвэ,
амиӈгоjава кэкэвэ элчивэ з̌ивээндуу,'' ундии,
''эуси. мии амимби-а-м энимби-э-м з̌иимасоми бипугуjэвэ, пулсигуjэ.
мии, амимби энимби буикинз̌иэни-дээ гоидаи-jа,'' ундиини-гоани,
''мии амимби энимби орондолани, з̌иимасогоjа з̌ивээндуу,'' ундиини-гоани,
''эуси. туи тапи-мат энэз̌ээмби-э''-м-дэ.
гээ эз̌ини чихалахан энухэн.
туи тапи-о～ з̌из̌ухэн. эм кэкэвэ, эм элчивэ гааз̌оми.
эӈ пуз̌ин ундиини-гоани, ''гээ, гээ～ элчи-э кэкэ,'' ундиини-гоани, пуз̌ин.
''сумбиэвэ-тэнии энимби орондола эниӈгуjи～,
амимби орондола амиӈгоjи гэлэхэмби,'' ундиини.
''эӈ сумбиэ, суэ будиичиэсу, мии эи хаз̌осал исии-jа,'' ундиини,
''сиариидоасо-даа исии-jа, тэтуидуэсу-дээ исии-jа,'' ундиини.
''хаи-даа хэм бии-jэ''-м, ''сиаори з̌ака-даа пулэдэлэ бии～,
тэтуури з̌ака-даа бии-jа,'' ундии, ''сунду.
эӈ суэ будиивэсу-дээ мии сааз̌аа-ма, сунду... суэ баарас...
амимби-а-м энимби-э-м з̌иимасоми биз̌ээмби,'' ундиини.
э～ӈ туи хаихан, туи тараа ундииси таваӈки-ла, энэи-гоани чадо-мат-да,
огда... гилаз̌и. гиамата энэхэ～н хаз̌омби тэучихэн, тэи кэкэвэ элчивэ нээ,
њоамбани пиктэвэри гиамата ираи-гоани, тэи эз̌ичиэни.
э～ӈ туи тараа туи бии-гоани ундииси, энэхэн,
тэи-тэнии хадолта хадолта аркива омипаари тэи кэкэз̌и элчиз̌и
з̌оокчиачи з̌из̌уи-гоани, ирагои-гоани, њоамбачи.
эси-тэнии туи тараа тэи пуз̌ин эикэз̌иjи улээлэгухэ～н,
эикэни-дээ соӈгоми баогоха～н. эикэни соӈгохан дааи бира～,
нэуни соӈгохан нуучи бира осихани. тэи-тэнии эз̌ичи-тэнии, эикэ нэу...
аа нэуни бичини. эикэни эз̌ини дааиз̌има, нэуни эз̌ини нэуз̌имэ-дэ.
туи тараа туи бичин, горо бичэ～ з̌из̌а бичэ～ элэ-гоани.
чадоани, чадоани эрдэлэхэчи тэи гоо анааз̌и.
Translation
姉と妹が暮らしていた
ある家に姉と妹が二人で暮らしていた。狩りをして食料を得て暮らしていた。何もしていないのに姉が妊娠した。さらにしばらくしてやはり何もしていないのに妹も妊娠した。姉は女の子を産んだ。姉の夫が現れて姉と子供を連れて去って行った。妹はその後で一人の男の子を産んだ。彼女はその子を抱いて山の方へ出発したが、日が暮れて真っ暗になってしまった。そこである丘のふもとに、クマの住む洞穴を見つけた。クマに頼んでその洞穴に泊めてもらった。すると子供の体にも、彼女の体にも毛が生えてきて、二人はクマになってしまった。その後、彼女の夫が、妻と子供を取り戻すために狩りの仲間たちと共にその洞穴へやって来た。子グマが最初に穴の外に出て行って、狩人たちに殺されてしまった。次に元からいたクマが出て行って、これも殺されてしまった。女のクマは最後に出て行って生け捕りにされ、村へ連れて行かれた。村には彼女の姉がいた。彼女（クマ）は小屋も、餌を入れる皿も壊してしまい、吠えてばかりいるので、村人は彼女を殺すことに決めた。槍で刺されて死ぬ時に、彼女は血の塊に姿を変えて川に飛び込み、さらにカワカマスになって泳ぎ出した。そしてある男の網に掛かった。その男の妻がその魚を刺身にしようとして、切ろうとした瞬間に人間の姿に戻った。彼女は自分がなるはずだった刺身の代わりに、鯉を二匹川から捕って来て刺身にした。彼女は山に行き、自分がクマになった洞穴に着いた。その洞穴の前に、夫が小屋を作り、そこに息子の死体が安置してあった。彼女は小屋を壊して息子を取り出し、自分の頭越しに投げた。息子は生き返って立った。息子を連れて自分が最初に暮らしていた家に帰り、そこで二人で暮らしていた。そこに夫がやって来た。妻はひどく腹を立て、口もきかなかった。子供が頼むので、ついに妻は夫を許し、正式に結婚して夫の村へ行った。彼女の夫と姉の夫は兄弟であった。彼女はそこで姉に再会した。それからは仲良く平和に暮らした。終わり。