Folk Tales

jэгдигэ ӈэнээни～, гулиӈкини эмусэ jэгдигэ биини.

jəgdigə ŋənəəni～, guliŋkini əmusə jəgdigə biini.

гулиӈкини эи-тэнэ. э～ ули киалани эувэни.

guliŋkini əi-tənə. ə～ uli kialani əuwəni.

тэ～ наму киалани, ули киалани эувэни.

tə～ namu kialani, uli kialani əuwəni.

тэ～ эҙиэҙэлэ jэу-кэ сэӈгээ-хинэ сэудэгии гунэ～ утаду.

tə～ əǰiəǰələ jəu-kə səŋgəə-xinə səudəgii gunə～ utadu.

дилиjи коӈкодоок ицаи～ пацана эдээни

diliji koŋkodook icai～ pacana ədəəni

уӈиа уӈаа уӈиа микигусиэни ули киафа-да, баата эдээси.

uŋia uŋaa uŋia mikigusiəni uli kiafa-da, baata ədəəsi.

''jэу, jэу, аӈи баа вээндэнэсээни''

''jəu, jəu, aŋi baa wəəndənəsəəni''

эи-тэнэ хуӈиа хуӈиа микигусиини.

əi-tənə xuŋia xuŋia mikigusiini.

''гээ, гаҙиҙами бии сафани, хамаҙи сикиэ дигандалагами.''

''gəə, gaǰiǰami bii safani, xamaǰi sikiə digandalagami.''

ӈаалалани ҙавами кэптэтээ вээндээни угдаjи диихини тэувэни.

ŋaalalani ǰawami kəptətəə wəəndəəni ugdaji diixini təuwəni.

ӈэниэни～ сэӈгэми сэудэгиэни.

ŋəniəni～ səŋgəmi səudəgiəni.

''бии-лэ～ бии-лэ～ сундулэ бусэ～, бого～ бого～ сундулэ бусэ～,

''bii-lə～ bii-lə～ sundulə busə～, bogo～ bogo～ sundulə busə～,

jэгдигэвэ сундулэ бусэ～, гаҙими гаҙими сундулэ бусэ,'' гунэини.

jəgdigəwə sundulə busə～, gaǰimi gaǰimi sundulə busə,'' gunəini.

сэудэгиэни～, ''мамаса～ мамаса сундулэ бусэ～,

səudəgiəni～, ''mamasa～ mamasa sundulə busə～,

мулэхи хэбунээ эмэjэ～ сундулэ бусэ, jэгдигэвэ бааами-а,'' гунэ.

muləxi xəbunəə əməjə～ sundulə busə, jəgdigəwə baaami-a,'' gunə.

ӈиалаjи иигиэни эи-тэнэ.

ŋialaji iigiəni əi-tənə.

мамаса мулэхи хэбунээ эмээни эи-тэнэ,

mamasa muləxi xəbunəə əməəni əi-tənə,

''илэ биэ илэ.'' ''таа амиаҙала.''

''ilə biə ilə.'' ''taa amiaǰala.''

тээкчик сиктиндээни, дилини. ''энэ～jэ, иду сиктиндэи бии диливаjи,

təəkčik siktindəəni, dilini. ''ənə～jə, idu siktindəi bii diliwaji,

jэу эи исэ сии утава. таду тээи бисэ.''

jəu əi isə sii utawa. tadu təəi bisə.''

илэ биини илэ анчи буубу.'' њаа гагдугими сиктиндээни.

''ilə biini ilə anči buubu.'' ňaa gagdugimi siktindəəni.

элээ эҙи сикти сии бии диливаjи, униэ дилиjи,'' гуӈкини.

''ələə əǰi sikti sii bii diliwaji, uniə diliji,'' guŋkini.

''илэ нодоптоо ути,'' гээнэгиэни～,

''ilə nodoptoo uti,'' gəənəgiəni～,

''jэгдигэ, jэгдигэ сундулэ бусэ～, илэ нодокпи～ сундулэ бусэ～,

''jəgdigə, jəgdigə sundulə busə～, ilə nodokpi～ sundulə busə～,

ситэнэми гаҙиами бии синэвэ дигалагами

sitənəmi gaǰiami bii sinəwə digalagami

вааваналагами гаҙиами～,'' гунэи ''илэ биэ нодокпини.''

waawanalagami gaǰiami～,'' gunəi ''ilə biə nodokpini.''

''э～ оло нодокпими одоо,''

''ə～ olo nodokpimi odoo,''

''сии аласиjа, бии, бии эмэҙэми синтиги мэнэбэҙи.''

''sii alasija, bii, bii əməǰəmi sintigi mənəbəǰi.''

гээ, ути аӈмаjи тоаси аласиани утава.

gəə, uti aŋmaji toasi alasiani utawa.

элээ утава мутэими. эи биэ. ваатаафи.

ələə utawa mutəimi. əi biə. waataafi.