民話資料

канда мафа, омо～ баатама ситэҙи биини. канда мафа

kanda mafa, omo～ baatama sitəǰi biini. kanda mafa

カンダ じいさんが、一人の 男の子の 子供と 暮らしている。カンダ じいさんが

омото баатаӈиҙи биини. бими～ баатаӈини туу вакцаи

omoto baataŋiǰi biini. bimi～ baataŋini tuu wakcai

一人の 息子と いる。 暮らしていて、息子は そうして 狩りをする、

вакцаи, буjивэ лиаси вааи туу вааи, туу вааи,

wakcai, bujiwə liasi waai tuu waai, tuu waai,

狩りをする、獣を たくさん 獲る、そうして 獲る、 そうして 獲る、

амини синадаи,

amini sinadai,

父親は（それを）背負って運ぶ、

''энини～ ситэфи вааҙафи～, бии элээ дэугэи～ синадами.''

''ənini～ sitəfi waaǰafi～, bii ələə dəugəi～ sinadami.''

「母さんや、息子を 殺そう、 私は もう 疲れたよ、背負うのは。」

''сии эму синада, бимулэ сања вооони.''

''sii əmu sinada, bimulə saňa woooni.''

「あんたは 背負いたくないんなら、背負わなくていいよ、このバカッタレ。」

вааини ваалиини ситэjи ваалиини,

waaini waaliini sitəji waaliini,

殺そうとする、殺そうとする、 息子を、殺そうとする、

''сањаӈа хэктиэни～ сии ваалигиҙаӈаи ивэ гуӈкини утава вааи,

''saňaŋa xəktiəni～ sii waaligiǰaŋai iwə guŋkini utawa waai,

「このバカッタレ、 あんたが 殺そうだなんて、何を 言うのよ、あの子を 殺したら、

ивэ сањавани дигаҙаӈаи.''

iwə saňawani digaǰaŋai.''

何を かすを 食べて（生きて）いくのよ。」

''элээ битэҙэ～ эи эгдилэӈкивэни вааани минти будэитигифи-дэ.''

''ələə bitəǰə～ əi əgdiləŋkiwəni waaani minti budəitigifi-də.''

「十分 あるだろう（食料は）、もう たくさん 獲った、 我々が 死ぬまで（足りるさ）。」

мамаасатиги дианаини мафани, ''элээ энини. дэугэи,

mamaasatigi dianaini mafani, ''ələə ənini. dəugəi,

妻へ 言う、 じいさんは、「もうたくさんだ、母さんや。疲れた、

бии гиаӈанаӈи улэвэ синадами. ситэфи вааҙафи сафани.''

bii giaŋanaŋi uləwə sinadami. sitəfi waaǰafi safani.''

私は 毎日 肉を 背負って。 息子を 殺そう、 しょうがないよ。」

''сањаӈа хэктэини сии ваалигиҙаӈаи-ну утава, вааи-на,'' гуӈкини.

''saňaŋa xəktəini sii waaligiǰaŋai-nu utawa, waai-na,'' guŋkini.

「バカタレ、 あんたは 殺すというのなら、あの子を、殺すでしょうよ、」と言った。

''jэу сањавани сањактаҙаӈаи, сии.''

''jəu saňawani saňaktaǰaŋai, sii.''

「何のろくでもない物を 食べる気なの、あんたは。」

''ути ути эгдилэӈкини вааани элээ ата биэ

''uti uti əgdiləŋkini waaani ələə ata biə

「あの、あの たくさん 獲ったのが 足りるさ、そうじゃないか、

минти будэитигифи-дэ.'' ''сања хэктэини,'' гуӈкини,

minti budəitigifi-də.'' ''saňa xəktəini,'' guŋkini,

我々が 死ぬまで。」 「バカッタレ、」と 言った、

''сии. ути, утиҙигэи багдиҙаӈаи сии сааи-нуу гунэи,

''sii. uti, utiǰigəi bagdiǰaŋai sii saai-nuu gunəi,

「あんたは、それ、それぐらいしか 生きないだろうと、あんたは わかるのか、 という、

аали-да будэҙэӈэи. сии эи нээ будээ.'' утэми мамасаӈи гунэини.

aali-da budəǰəŋəi. sii əi nəə budəə.'' utəmi mamasaŋi gunəini.

いつ 死ぬかなんて。あんたは 今 必ず 死ぬのか。」 そのように 妻は 言う。

''оно будэҙэми, эи нээ-нэ эивэни будэптэ.''

''ono budəǰəmi, əi nəə-nə əiwəni budəptə.''

「どうして 私が死ぬだろうか、今 すぐ 死にはしないだろう。」

гээ, ситэjи вааӈинаини, огдионони вооок, гаҙиак

gəə, sitəji waaŋinaini, ogdiononi woook, gaǰiak

さあ、自分の息子を 殺すための物を、彼の棺桶を 作った、持って来て、

ути, крават' киалани нэдээни, утава огдиовони.

uti, kravat' kialani nədəəni, utawa ogdiowoni.

彼の、ベッドの そばに 置いた、 その 棺桶を。

''элээ～ эи абуга～ аванаи иду иду нихэи jэу

''ələə～ əi abuga～ awanai idu idu nixəi jəu

「ああ、今 父さん、こんな物を、どうして、何に するのか、何という、

соондовони воои абуга сии ава.''

soondowoni wooi abuga sii awa.''

罰当たりな物を 作るのか、 父さん、あなたは、これを。」

''элээ～ ситэ абуга сикэ биӈэифи утэ биилэ кэптэуи.

''ələə～ sitə abuga sikə biŋəifi utə biilə kəptəui.

「ああ、息子よ、 父さんは 若かった 頃には このような 所に 寝たものだよ。

аӈи, вакцанасаа эмэгиэ маӈга дуэисиjи утэ биилэ кэптэуи,

aŋi, wakcanasaa əməgiə maŋga duəisiji utə biilə kəptəui,

あれだ、 狩りに行って 戻って来て、ひどく 疲れて、 こんな 所に 横になる、

ӈуаи. утэ биилэ кэптээси ӈуаму лиаси ӈуакпа.

ŋuai. utə biilə kəptəəsi ŋuamu liasi ŋuakpa.

寝るんだ。こんな 所に 横になれば 眠くなって、とても良く 眠れたのだ。」

ути элээ ситэjи ваалагами дэлувэни.

uti ələə sitəji waalagami dəluwəni.

彼は もう 自分の息子を 殺そうとし 始めた。

''аjа ситэи утала кэптээси, ӈуаи, гуӈкини ситэjи.

''aja sitəi utala kəptəəsi, ŋuai, guŋkini sitəji.

「よし、息子よ、ここに 横になって、 寝ろ、」と 言った、自分の息子に。

гээ амими дианаивани цэҙэ-jаҙата, кэптэи-лиэ утала.

gəə amimi dianaiwani cəǰə-jaǰata, kəptəi-liə utala.

さあ、自分の父の 言ったことだから、本当なんだろう、横になるのだ、そこに。

ӈуаа～ ӈуаи-лиэ～ эмнэ дуээ лиата ӈуаи-jаҙата ути.

ŋuaa～ ŋuai-liə～ əmnə duəə liata ŋuai-jaǰata uti.

寝た、 寝るのだ、ひとたび 疲れているからには、深く 眠るのだ、彼は。

кулига～ jэу сањавани jэу, jэу jэу сањавани таиjани,

kuliga～ jəu saňawani jəu, jəu jəu saňawani taijani,

蛇だの 何だの、ひどい虫だの 何だの、何でも かんでも ろくでもないものを 集めた、

тэкпутиги таиjани, ути дуjухини куӈгэдээни.

təkputigi taijani, uti dujuxini kuŋgədəəni.

入れ物へと 集めた、その 奥へ 注ぎ入れた。

гроб ӈиаихи иӈкуалаак улилэ эjээк, эjэи-лиэ, ликпигээси.

grob ŋiaixi iŋkualaak ulilə əjəək, əjəi-liə, likpigəəsi.

棺桶を 岸辺へ 曳いて行った、川に 流した、流れて行くのだ、蓋を閉めてからだ。

эjэи-лиэ～ улилэ, омо омото ӈиала лэӈгээни.

əjəi-liə～ ulilə, omo omoto ŋiala ləŋgəəni.

流れて行くのだ、流れに沿って、ある、ある 岸辺の所で 引っ掛かって止まった。

''jэвэ сањавани гээнэми лэӈгэнээни

''jəwə saňawani gəənəmi ləŋgənəəni

「何を、ちきしょうめ、求めて 来て引っ掛かったんだ、

нии кинугуњаа оло бии ӈиалаи-лиэ.'' ҙокогиани тагихи

nii kinuguňaa olo bii ŋialai-liə.'' ǰokogiani tagixi

人の 岸に、 ここは オレん所の 岸なんだぞ。」 押し返した、川の中の方へ、

эjээни～ ута њаа омо бэлиэнтэ киалани... ӈиалани лэӈгээни.

əjəəni～ uta ňaa omo bəliəntə kialani... ŋialani ləŋgəəni.

流れて行った、そうして 再び ある 女の人の そばに、 岸辺の所に 止まった。

элээ～ эи, ути, аӈи, чинҙи биэ. ути-гдэ саувани. диэлиэни.

ələə～ əi, uti, aŋi, činǰi biə. uti-gdə sauwani. diəliəni.

さあ、 今、 その、あれだ、 小鳥が いる。それが 知らせた。 飛んで来た。

''бэлиэ бэлиэ, канда мафа, мэнэ ситэjи вааани,'' гуӈкини.

''bəliə bəliə, kanda mafa, mənə sitəji waaani,'' guŋkini.

「人よ、人よ、 カンダ じいさんが、 自分の 息子を 殺したぞ、」と 言った。

''кэндэгэ воооси эjиjэни,'' гунэ,

''kəndəgə wooosi əjijəni,'' gunə,

「棺桶を 作ってから、 川に流した、」と 言う、

''агбугиjа мафанами уисигиjэ сии утава

''agbugija mafanami uisigijə sii utawa

「水からすくい上げろ、自分の夫を 生き返らせろ、おまえは、彼を、」と

чинчи биа биа чинчи биа биа гуӈкини диаӈкини. тэлуӈусиэни.

činči bia bia činči bia bia guŋkini diaŋkini. təluŋusiəni.

鳥は ビービー、鳥は ビービーと 言った、話した。 物語った。

эувэни～ бэлиэнтэ исэи-дэ лэӈгээни гунэ.

əuwəni～ bəliəntə isəi-də ləŋgəəni gunə.

岸辺へ下りて行った。その女が 見ると、止まっていた という（棺桶が）。

ҙаваак диихи таӈдаак, какпалиани. эи～ jэу иjэлэ-гдэ

ǰawaak diixi taŋdaak, kakpaliani. əi～ jəu ijələ-gdə

つかんで、陸の方へ 引き上げて、開けた。 ああ、何も どこにも（残っていない）、

jэу кулига-гда лимбиам дигаити гунэ. утаду.

jəu kuliga-gda limbiam digaiti gunə. utadu.

何だの 蛇だのが、 ニョロニョロと全部 食べてしまっている という、 そこには。

сигилиани тэу анчи～ бэjэни гиамани-да анчи.

sigiliani təu anči～ bəjəni giamani-da anči.

除けて探したが、全て 無くなっている、彼の体は 骨さえも 無い。

сигилими～ галактагими～ омо, омо чимча'ава баагиани буубэи гунэи.

sigilimi～ galaktagimi～ omo, omo čimča'awa baagiani buubəi gunəi.

除けて除けて、探して、 一つの、 一つの 小指を 見つけたの だろう、という。

ута ааҙи сикиак каптаак гаҙиак ээни, ҙуктиги.

uta aaǰi sikiak kaptaak gaǰiak əəni, ǰuktigi.

そうして よく 洗って、くるんで、持って行くことに した、 家へ。

исаҙи, талуҙи эмугэӈисиэк ээни. эмусиэни～ утава.

isaǰi, taluǰi əmugəŋisiək əəni. əmusiəni～ utawa.

小さな、白樺の樹皮で 揺り籠を作ることに した。 揺り籠を揺らす、それを。

''канда мафа ситэвэни～ бэбээгиҙэми～ њањуу

''kanda mafa sitəwəni～ bəbəəgiǰəmi～ ňaňuu

「カンダ じいさんの 息子を 揺り籠に揺らしましょう、ニャニュ～、

бии-лэ бии-лэ～ њањуу мафанами њањуу уисигиҙэми

bii-lə bii-lə～ ňaňuu mafanami ňaňuu uisigiǰəmi

私の、私の、 ニャニュ～、夫に、 ニャニュ～、生き返らせましょう、

њањуу њањуу валаама ситэjи њањуу

ňaňuu ňaňuu walaama sitəji ňaňuu

ニャニュ～ ニャニュ～、優れた猟師の 息子を、ニャニュ～、

вааамани њањуу дигами элэми њањуу

waaamani ňaňuu digami ələmi ňaňuu

殺したのを、ニャニュ～、肉を食べるのに 飽きて、ニャニュ～、

вааани-jа њањуу ситэjи-jэ～ њањуу надама догбони њањуу

waaani-ja ňaňuu sitəji-jə～ ňaňuu nadama dogboni ňaňuu

殺した、 ニャニュ～、自分の息子を、ニャニュ～、 七 晩、 ニャニュ～、

надама нэӈини њањуу бэбээгиҙэми њањуу

nadama nəŋini ňaňuu bəbəəgiǰəmi ňaňuu

七 日、 ニャニュ～、揺り籠を揺らしましょう、ニャニュ～、

нии эсигиҙэи сии њањуу

nii əsigiǰəi sii ňaňuu

人の姿に 再びなるでしょう、あなたは、ニャニュ～、

аасигиҙаи ваагиҙаи,'' гуӈкини. надама догбони

aasigiǰai waagiǰai,'' guŋkini. nadama dogboni

良くなるでしょう、健康に戻るでしょう、」と 言った。 七 晩

надама нэӈини эмусиэни～ нада инэӈини～ эсигиэни.

nadama nəŋini əmusiəni～ nada inəŋini～ əsigiəni.

七 日 揺り籠を揺らす、 七 日目に なった。

сокчо сокчо jэгдигэ илигиэни～ хаку.

sokčo sokčo jəgdigə iligiəni～ xaku.

スックと 若者が 立ち上がった、おお。

''элээ～ нии уисиини～ минэвэ. аанта уисиини～ эниӈэ гунҙэми

''ələə～ nii uisiini～ minəwə. aanta uisiini～ əniŋə gunǰəmi

「ああ、誰が 救ったのか、私を。 女の人が 救ったのなら、母と 言おう、

ниинта уисиисини амими гунҙэми.''

niinta uisiisini amimi gunǰəmi.''

男の人が 救ったのなら、父と 言おう。」

''элээ jэу амивани энивэни дианаи, мафанами уисими бии синэвэ.''

''ələə jəu amiwani əniwəni dianai, mafanami uisimi bii sinəwə.''

「ああ、何を 父だの 母だのと 言うの、自分の夫にと 救ったのです、私は、あなたを。」

''ути-дэ аjа,'' гуӈкини, утадиги～ мафалаани～

''uti-də aja,'' guŋkini, utadigi～ mafalaani～

「それも いい、」と 言った、 それから、結婚した、

оно-jаҙата. мафанами уисигиэнҙи иӈгулэ мафалаиҙи.

ono-jaǰata. mafanami uisigiənǰi iŋgulə mafalaiǰi.

他にどうするはずもあろう。自分の夫にと 生き返らせてから すぐに 結婚するのだ。

багдими～ jэу гоо багдиҙа

bagdimi～ jəu goo bagdiǰa

暮らしていて、どうして 長いことそのまま 暮らしていようか、

гоо ҙогҙодуҙа ситэнэми ҙогҙооти омо баатава.

goo ǰogǰoduǰa sitənəmi ǰogǰooti omo baatawa.

どうして長いことかかって 作るだろうか、 子供を 作った、 一人の 男の子を。

омо баата баа'ани～ ситэнэфи. бими～ ситэни ҙооӈиани.

omo baata baa'ani～ sitənəfi. bimi～ sitəni ǰooŋiani.

一人の 男の子を 授かった、自分たちの子に。暮らしていて、その男は 思い出した。

''элээ～ эи бии эниӈэjи бэдээ-тэ～ jаа-та,

''ələə～ əi bii əniŋəji bədəə-tə～ jaa-ta,

「ああ、 今 私の 母は 死んだだろうか、どうしたろうか、

бии эниӈэjи гаҙигиҙами. минти ситэвэфи мэнэ валиасиҙа ути.

bii əniŋəji gaǰigiǰami. minti sitəwəfi mənə waliasiǰa uti.

私は 母を 連れて来よう。 我らが 子供を 彼女自身に お守りさせよう、彼女に。

абугаjи-тэ будээ-с биэ-с, эсини будэ, билисини

abugaji-tə budəə-s biə-s, əsini budə, bilisini

父は 死んだろうか、 生きているか、死んでいなかったら、生きていたら

сиктисиҙэӈэи бии абугаjи эҙэӈэи ҙавана минэвэ ваа'ани бии абугаjи.

siktisiǰəŋəi bii abugaji əǰəŋəi ǰawana minəwə waa'ani bii abugaji.

斧で叩き切ろう、私は 父を、 連れてなぞ来ないよ、私を 殺した、 私の 父は。」

ӈэнээни～ jэу гоо ӈэнэҙэ-тэ ути.

ŋənəəni～ jəu goo ŋənəǰə-tə uti.

行った、 どうして 遠くまで 行くだろうか、彼は。

хоња гоо эjээни. суалаjи тэтими ӈэнээни～

xoňa goo əjəəni. sualaji tətimi ŋənəəni～

たいして 遠くへ 流れて来たわけでもない。スキーを 履いて 行った、

саӈњамугудиги туктигээси исэсигиини～

saŋňamugudigi tuktigəəsi isəsigiini～

煙突に 登ってから様子を 覗き見ると、

э～ уӈтани бисимэни бэjэни уӈтани бисимэни

ə～ uŋtani bisiməni bəjəni uŋtani bisiməni

さあ、（じいさんは）靴が あったのを、 彼の 靴が あったのを

цаани～ сикигээси, хуисиини гунэ,

caani～ sikigəəsi, xuisiini gunə,

きれいに 洗ってから、煮立った湯に入れた という、

ута-гдэ имоктива аӈманаами, туминээни

uta-gdə imoktiwa aŋmanaami, tuminəəni

それから 油を 口に入れて、 唾を吐いた。

''ҙигҙээ～ энини～ валаӈа ситэjи уӈтани～ имосиини～.''

''ǰigǰəə～ ənini～ walaŋa sitəji uŋtani～ imosiini～.''

「油が水の上に漂っているよ、母さんや、良い猟師の 息子の 靴だ、 油があるよ。」

''саниӈа вооони,'' ӈэнэми сантуани～-кэ,

''saniŋa woooni,'' ŋənəmi santuani～-kə,

「こんちきしょう、」と 行って 拳骨で殴った、

''энээ～ энээ～ сии воогди минэвэ коӈкои.''

''ənəə～ ənəə～ sii woogdi minəwə koŋkoi.''

「痛い、 痛い、 おまえ そんなにひどく 私を 殴るのか。」

''сања вооони ваами ими ваӈнаа сањакталагами сања вооони.''

''saňa woooni waami imi waŋnaa saňaktalagami saňa woooni.''

「このバカが、 殺したなら なぜ 狩りに行かないの、食べて行くために、このバカ。」

моово ҙавааси чиӈгээни акалани, ''энэ～ энэ.'' коӈкоони

moowo ǰawaasi čiŋgəəni akalani, ''ənə～ ənə.'' koŋkooni

木の棒を つかんで 叩いた、 背中を、「痛い、 痛い。」 叩いた、

соӈоми коӈкоони. тээгиэни～ ''а～ ута бии jэу,''

soŋomi koŋkooni. təəgiəni～ ''a～ uta bii jəu,''

泣いて 叩いた。 彼女は座った。「ああ、この ような有様じゃないか、」と（彼は）

эугиэк, сэусэ хэбувэни ииjэни, моо jэу сиктии сэусэ биэ гунэ

əugiək, səusə xəbuwəni iijəni, moo jəu siktii səusə biə gunə

煙突を降りて、 斧を つかんだ、 家に入った、薪だの 何だの 割る 斧が ある という、

ута укэ киадуни. ута ииjэни гунэ,

uta ukə kiaduni. uta iijəni gunə,

その 戸の そばに。 そうして 家に入った という、

акалани, сиктиндээни амими логҙоом њохонаатиги-дэ.

akalani, siktindəəni amimi logǰoom ňoxonaatigi-də.

背中に 斧を振り下ろした、父を、 背中を丸めて、お辞儀をするように倒れた。

''элээ～ идиги эмэгиэи ситэ, нии уисигиивэти-дэ бааи jэу.''

''ələə～ idigi əməgiəi sitə, nii uisigiiwəti-də baai jəu.''

「ああ、どこから 来たのか、息子よ、誰に 生き返らせて もらったのか。」

''э～ эниӈэ ваагиами хаулиа уисигиэти,'' гуӈкини, ''минэвэ.

''ə～ əniŋə waagiami xaulia uisigiəti,'' guŋkini, ''minəwə.

「ああ、母さん、生き残った、なんとか 生き返らせたんだ、」と 言った、「私を。

эниӈэи аактани тэгэjи тэтигиjэ тэу-дэ.'' аактава амуjиjи

əniŋəi aaktani təgəji tətigijə təu-də.'' aaktawa amujiji

母よ、 いろいろと良い 服を 着ろ、 全てだ。」 いろいろと良い物を、脛当てを、

тэгэjи аактава-мэи тэтигээси даампива тэу вээндээ оло.

təgəji aaktawa-məi tətigəəsi daampiwa təu wəəndəə olo.

服を、 良い物ばかりを 着て、 古くて悪いのは 全部 捨てた、 そこに。

тэу аактавани тэтигиэ гунэ. ааҙи њамаи тэтигивэнээ гаҙиани～ эними.

təu aaktawani tətigiə gunə. aaǰi ňamai tətigiwənəə gaǰiani～ ənimi.

全部 良い物を 着せた という。良く 暖かく 服を着せて 連れて帰った、自分の母を。

гээ～ ути внучик-нэми баами-тэнэ туэлэси валиасии

gəə～ uti wnuchiknəmi baami-tənə tuələsi waliasii

さあ、 その 自分の孫に 出会って、 抱き上げる、 かわいがる、

туу ути. гээ, элээ

tuu uti. gəə, ələə

そのようだ、その母親は。さあ、終わり、

утаухи биини. мудани нет дальше его.

utauxi biini. mudani net dal'she ego.

それから 暮らしている。終わりだ、ないよ、もうそれ以上、この話は。