民話資料

аини вакчанасаа эмэгиэ, олоктогии дигаи, туу

aini wakčanasaa əməgiə, oloktogii digai, tuu

その兄が 狩りに出かけて行って戻って 来ると、 食事を煮て、食べて、そうして

багдилиати～ гусиэ ути, аӈи,

bagdiliati～ gusiə uti, aŋi,

彼らは暮らしていた。（妹の、小人の娘ルティグは）遊んでいる、（そこへ）あの、

биауjани ситэнэни эмэктээти. ''лэтигэ～ лэтигэ, ааjи～ биэ jэу?

biaujani sitənəni əməktəəti. ''lətigə～ lətigə, aaji～ biə jəu?

ならず者の 子供たちが やって来た。「ルティグよ、ルティグよ、兄さんは いるか?

лэтигэ～ лэтигэ, ааjи～ бии...'' ''мииниӈи агаа гиавани ҙулиэлэ

lətigə～ lətigə, aaji～ bii...'' ''miiniŋi agaa giawani ǰuliələ

ルティグよ、ルティグ、兄さんは いるか?」「私の 兄は 夜が明ける 前に

киасулуӈ ӈэнээ киаӈа момовони ваӈнаани～,'' гуӈкини.

kiasuluŋ ŋənəə kiaŋa momowoni waŋnaani～,'' guŋkini.

サッサと狩りに 出かけたわ、アカシカの 肉を 獲りに行ったわ、」と 言った。

эи-тэнэ～ ӈэнээк, чокчолоони ҙаваи jуктасилиати～

əi-tənə～ ŋənəək, čokčolooni ǰawai juktasiliati～

今、 行って、ひっつかんで 取ると、彼らはあちこちに引き摺り回して行った、

нэӈдэлиилилилили сунҙуити утава, ути аҙигава лиаси сунҙуити.

nəŋdəliilililili sunǰuiti utawa, uti aǰigawa liasi sunǰuiti.

ガタガタと揺らして 彼らはいじめる、それを、 その 娘を ひどく からかう。

сунҙуисити-э～ омо бэлиэнтэ эмээ гунэ.

sunǰuisiti-ə～ omo bəliəntə əməə gunə.

彼らがいじめていると、一人の 若い女が やって来た という。

доо'о гунэ дактиахи гунэ, ути туу аӈи аӈи, ниинагиа.

doo'o gunə daktiaxi gunə, uti tuu aŋi aŋi, niinagia.

とまった という、羽根がある という、それは それでいて あれ あれ、人間の姿になった。

таму ҙавааси аактасиани～ биауjа ситэнэвэни коӈкологоми,

tamu ǰawaasi aaktasiani～ biauja sitənəwəni koŋkologomi,

棒を つかんで 追い払った、ならず者の 子供たちを 叩こうと、

''jэу сањавани,'' бооноҙо-дэ, сусакталиа тэу-дэ.

''jəu saňawani,'' boonoǰo-də, susaktalia təu-də.

「何て 馬鹿なの、」と、 追おうとするが、逃げ去るのだ、皆。

лэтигэӈи гаҙиак диливани ааҙи игдигиэк

lətigəŋi gaǰiak diliwani aaǰi igdigiək

ルティグを 連れて行って、 頭を よく 梳いてやって、

кумугэвэни мэлэдээк, ҙугдивани ааҙи акпундаак,

kumugəwəni mələdəək, ǰugdiwani aaǰi akpundaak,

しらみを 取り去って、 家を よく 掃除してやった、

гээ после обеда эдэи-лиэ. олоктоони～ дигалагати, дигалаани олоктоок,

gəə posle obeda ədəi-liə. oloktooni～ digalagati, digalaani oloktook,

さあ、午後に なるのだ。煮た、 食べる物を、食べる物を 煮た、

ҙэувэ аадаванак мэнэ дигаак, лэтигэӈи далусиак ээни.

ǰəuwə aadawanak mənə digaak, lətigəŋi dalusiak əəni.

食事が 煮えた、 自分たちも 食べた、 ルティグも 食べさせてあげたのだ。

''гээ, лэтигэ сии, агаатиги эҙи тэлуӈуси

''gəə, lətigə sii, agaatigi əǰi təluŋusi

「さあ、ルティグよ、 おまえは、兄さんには 決して話すな、

эмэгиисини бии, минэвэ. сии минэвэ тэлуӈусиисии

əməgiisini bii, minəwə. sii minəwə təluŋusiisii

戻って来た ならば、私のことを。おまえが 私のことを 話したら、

бии тимана атами-да эмэ.'' ''эҙэӈэи эхээ, эҙэӈэи тэлуӈуси, бии.''

bii timana atami-da əmə.'' ''əǰəŋəi əxəə, əǰəŋəi təluŋusi, bii.''

私は 明日 もう来ないよ。」 「話さないわ、姉さん、話さないわ、 私は。」

гээ ӈэнии-лиэ～ ҙуба нэӈи ҙиасаани, ути, илаинти нэӈини,

gəə ŋənii-liə～ ǰuba nəŋi ǰiasaani, uti, ilainti nəŋini,

さあ、去るのだ、 二 日は 黙っていた、その、三日目の 日に、

''лэтигэ～ лэтигэ, ааjи биэ jэу?''

''lətigə～ lətigə, aaji biə jəu?''

「ルティグよ、ルティグ、兄さんは いるか。」

''анчи анчи киаӈа момовони ваӈнаани-а киасулуӈ ӈэнээ суалаҙи.''

''anči anči kiaŋa momowoni waŋnaani-a kiasuluŋ ŋənəə sualaǰi.''

「いない、いないわ、アカシカの 肉を 獲りに サッサと 行ったわ、スキーで。」

гээ, эи-тэнэ, њаа ӈэнээси сунҙувэти～

gəə, əi-tənə, ňaa ŋənəəsi sunǰuwəti～

さあ 今、 再び やって来て 彼らがいじめた、

утава ути лэтигэвэ jуктаасиити-э～ сунҙуити

utawa uti lətigəwə juktaasiiti-ə～ sunǰuiti

それを、その ルティグを 引き摺り回す、いじめる、

биауjа њауланани. гээ, ути бэлиэнтэ њаа эмэгиэни～

biauja ňaulanani. gəə, uti bəliəntə ňaa əməgiəni～

ならず者の 若者たちが。さあ、あの 女が また やって来た、

таму ҙавааси аактаани тава чиӈгэсикчэи ава чиӈгэдэкчэи

tamu ǰawaasi aaktaani tawa čiŋgəsikčəi awa čiŋgədəkčəi

棒を つかんで 追い回した、そいつを 叩こうとして、こいつを 叩こうとして、

аактаани, эини мутэ-сэнэ. боонооси чиӈгэсиэни.

aaktaani, əini mutə-sənə. boonoosi čiŋgəsiəni.

追いかけるが、 できないのだ。 追い回して 叩いた。

''jэу сањанани бими сунҙувэ суу гиаӈанаӈи таи таи утава.

''jəu saňanani bimi sunǰuwə suu giaŋanaŋi tai tai utawa.

「何て 馬鹿なんでしょう、いじめるなんて、おまえたちは 毎日 毎日 この子を。

ути аҙигава гуҙи бааҙаӈава сунҙувэ

uti aǰigawa guǰi baaǰaŋawa sunǰuwə

その 娘を 憐れに 思わなくてはいけないのに、いじめるなんて、

сања хэктиэнэни суу.''

saňa xəktiənəni suu.''

なんて 馬鹿なんでしょう、あなたたちは。」

гаҙиани ҙуктиги гаҙиак, аӈивани аӈиак, диливани игдигиэк ааҙи-да.

gaǰiani ǰuktigi gaǰiak, aŋiwani aŋiak, diliwani igdigiək aaǰi-da.

連れて行った、家へ 連れて行って、あれを ああした、頭を 梳いた、 よく、だ。

вэигэвэ акпундагиа дигалаани олоктооси～ ''сии нии

wəigəwə akpundagia digalaani oloktoosi～ ''sii nii

床を 掃除してやった、食事を 煮てから、 「おまえ、（これは）誰が

нихээни гунэ, бии нихээми гунтэиҙэ,'' эи-тэнэ.

nixəəni gunə, bii nixəəmi guntəiǰə,'' əi-tənə.

やったのか、と 言われたら、私が自分で やったと 言いなさいよ、」と（言う）、今。

утадиги-тэнэ ӈэнии-лиэ～ ути бэлиэнтэ. эмэгии-лиэ,

utadigi-tənə ŋənii-liə～ uti bəliəntə. əməgii-liə,

それから 去るのだ、 その 女は。 （兄が）帰って来るのだ、

''э～ лэтигэ лэтигэ, нии нихээни сии олоктоои jэу?''

''ə～ lətigə lətigə, nii nixəəni sii oloktooi jəu?''

「ああ、ルティグよ、ルティグ、誰が やったんだ、おまえが 煮たのか?」

''бии олктооми～.'' ''маӈга маӈга сии хэдигэ

''bii olktoomi～.'' ''maŋga maŋga sii xədigə

「私が 煮たのよ。」 「えらい、えらい、おまえは そうしろ、

агаава бэлэсилэгэми олоктои.'' гээ эи-тэнэ њаа～ тиманаӈи

agaawa bələsiləgəmi oloktoi.'' gəə əi-tənə ňaa～ timanaŋi

兄さんを 助けるために 食事を煮ろ。」 さあ 今 再び、 次の日に

хаи утэ-бэдэ ҙиасаи～ тиманаӈи хаи утэ-бэдэ ҙиасаи～.

xai utə-bədə ǰiasai～ timanaŋi xai utə-bədə ǰiasai～.

また あのように 隠していた、次の日も また そのように 黙って秘密にしていた。

''элээ тэлуӈусиҙэми бии агаатиги, сафани.''

''ələə təluŋusiǰəmi bii agaatigi, safani.''

「ああもう 話すわ、 私は 兄さんに、しょうがないもの。」

''лэтигэ～ лэтигэ, ааjи биэ jэу?'' ''мииниӈи агаа гиавани ҙулиэлэ

''lətigə～ lətigə, aaji biə jəu?'' ''miiniŋi agaa giawani ǰuliələ

「ルティグ、ルティグ、兄さんは いるか?」 「私の 兄さんは 夜が明ける 前に

киасулуӈ ӈэнээ киаӈа момовони ваӈнаани-jа.''

kiasuluŋ ŋənəə kiaŋa momowoni waŋnaani-ja.''

サッサと 出かけたわ、アカシカの 肉を 獲りに行ったわ。」

утадиги-тэнэ оно нихээ бисэ-дэ. ''киаӈа момовони ваӈнаани.''

utadigi-tənə ono nixəə bisə-də. ''kiaŋa momowoni waŋnaani.''

それから どう するん だったっけ。「アカシカの 肉を 獲りに行った。」

бэлиэӈини эмэгиэ, диливани аjаҙи аисигиа

bəliəŋini əməgiə, diliwani ajaǰi aisigia

女が やって来た、頭を よく 整えた、

ҙугдивани аjаҙи аисигиа дигалаани олоктоо,

ǰugdiwani ajaǰi aisigia digalaani oloktoo,

家を よく 片付けた、 食べ物を 煮た、

њаа ӈэнии-лиэ. гээ, бэлиэнтэ ӈэнии-лиэ. эмэгии-лиэ, агаани.

ňaa ŋənii-liə. gəə, bəliəntə ŋənii-liə. əməgii-liə, agaani.

また 去るのだ。 さあ、 女は 去ったのだ。帰って来た、兄が。

''э～ лэтигэ хаи бади бади аjаҙи аисигиани,'' гуӈкини,

''ə～ lətigə xai badi badi ajaǰi aisigiani,'' guŋkini,

「ああ、ルティグ、今度も もっと もっと 良く きれいにしたな、」と 言った、

''маӈга маӈга,'' гуӈкини. ''агаа бии эими аисиги утава.''

''maŋga maŋga,'' guŋkini. ''agaa bii əimi aisigi utawa.''

「えらい、えらい、」と 言った。「兄さん、私が きれいにしたんじゃないのよ、これを。」

''ута нии аисигиани, сии эиси аисиги.''

''uta nii aisigiani, sii əisi aisigi.''

「それじゃあ 誰が きれいにしたんだ、おまえが きれいにしたんじゃないのなら。」

''омо кэту аjа эхэ хулиэ,'' гунэ,

''omo kətu aja əxə xuliə,'' gunə,

「一人の とても すてきな お姉さんが やって来たのよ、」と 言う、

''агаа, сии тимана эҙи ӈэнэ ҙаваjа утава.

''agaa, sii timana əǰi ŋənə ǰawaja utawa.

「兄さん、あなたは 明日 行くな、 つかまえてよ、彼女を。

эхэнэу ҙаваjа утаду, кэту аjа эхэ буубу.

əxənəu ǰawaja utadu, kətu aja əxə buubu.

あたしたちの姉さんに、捕まえてよ、そこで、とても すてきな お姉さん なのよ。

ути эхэ-мэи аисии, олоктои нихэини,'' гуӈкини.

uti əxə-məi aisii, oloktoi nixəini,'' guŋkini.

その 姉さんこそが きれいにしたり、 食事を煮たり するのよ、」と 言った。

''гээ, сии ими анана минтиги эи диана.''

''gəə, sii imi anana mintigi əi diana.''

「ああ、おまえは なんで もっと前に オレに 言わなかったんだ。」

''эҙи диана гунэи буубу бэини-нэ.'' гээ, тимадула тээгиэ

''əǰi diana gunəi buubu bəini-nə.'' gəə, timadula təəgiə

「言うなと 言うんだもの、 その人が。」 さあ、次の日 起きた、

олоктоо дигааси мутуэ тэтигиэ,

oloktoo digaasi mutuə tətigiə,

食事を煮た、食べてから、終わったら 服を着た、

''гээ гулинэми бии,'' гулинээк,

''gəə gulinəmi bii,'' gulinəək,

「さあ、でかけるよ、オレは、」と 出かけたが、

тээ jохо чаалани дигэнээни. ау кичогуу-да.

təə joxo čaalani digənəəni. au kičoguu-da.

ほうれそこの 鍋の 後ろに 隠れた。 帽子が はみ出して見えていたけれども。

''лэтигэ～ лэтигэ, ааjи～ биэ jэу?''

''lətigə～ lətigə, aaji～ biə jəu?''

「ルティグよ、ルティグ、兄さんは いるか?」

''мииниӈи агаа гиавани ҙулиэлэ киасулуӈ ӈэнээ.''

''miiniŋi agaa giawani ǰuliələ kiasuluŋ ŋənəə.''

「私の 兄さんは 夜明け 前に サッサと 行ったわ。」

''ааjи～ ауни кичогу биэ исэптэини.''

''aaji～ auni kičogu biə isəptəini.''

「兄さんの 帽子が はみ出して いるのが 見えるよ。」

''нодоӈпиани биҙэ нодоӈпиани биҙэ,'' гуӈкини.

''nodoŋpiani biǰə nodoŋpiani biǰə,'' guŋkini.

「落として行ったん でしょう、失くしたん でしょう、」と 言った。

''сањаӈпиани биҙэ нодоӈпиани биҙэ,'' гуӈкини. ''цэҙэ-дэ биҙэ.''

''saňaŋpiani biǰə nodoŋpiani biǰə,'' guŋkini. ''cəǰə-də biǰə.''

「忘れたん でしょう、失くしたん でしょう、」と 言った。 「本当 らしいや。」

эи-тэнэ лэтигэвэ њаа сунҙулиэти～ ути бэлиэнтэ њаа эмэгиэни

əi-tənə lətigəwə ňaa sunǰuliəti～ uti bəliəntə ňaa əməgiəni

今 ルティグを 再び いじめた、 あの 女が 再び やって来た、

тава вакцаи ава вакцаи сусактагиа гуӈкини

tawa wakcai awa wakcai susaktagia guŋkini

あっちを やっつけよう、こっちを やっつけようとするが、皆逃げてしまった という、

тэу-дэ. атугаjи ҙавагиак иӈмэвэ сэӈмиэк иӈмэвэ сиэктэ

təu-də. atugaji ǰawagiak iŋməwə səŋmiək iŋməwə siəktə

全員だ。 裁縫箱を つかんで、 針に 糸を通した、針に 糸を、

гулулэни сэӈмиэк, ''гээ, эхэ бии диливаjи кумугэдиjэ.''

gululəni səŋmiək, ''gəə, əxə bii diliwaji kumugədijə.''

糸巻きから 通して、 「さあ、姉さん、私の 頭の しらみを探して。」と

кэптээни утааси иӈмэҙи кафуани～

kəptəəni utaasi iŋməǰi kafuani～

横になった、それから 針で 縫いつけた、

ҙуу тугэвэ омо баатиги. улиэни утава мээн тэгэтиги.

ǰuu tugəwə omo baatigi. uliəni utawa məən təgətigi.

二枚の 服を 一 箇所へと。縫いつけた、彼女の服を 自分の 服へと。

улиэк, аини мэнэ баану аласиини. улими мутуи-лиэ.

uliək, aini mənə baanu alasiini. ulimi mutui-liə.

縫った、兄 自身は 外で 待っている。縫うのも 終わるのだ。

''агаа ху！'' хундээни. ''оно нихэи оно лэтигэ.''

''agaa xu！'' xundəəni. ''ono nixəi ono lətigə.''

「兄さん、オ～イ、」と 叫んだ。 「どう したの、どうした、ルテゥグよ。」

''эими саа эхэ бии, ӈуами～ ӈуами хэутиндэми бии.''

''əimi saa əxə bii, ŋuami～ ŋuami xəutindəmi bii.''

「知らないわ、お姉さん、私は、寝ていて 寝ていて 叫んでしまったのよ、私は。」

''хаи маи-лиа хаи чэмнэини-дэ.''

''xai mai-lia xai čəmnəini-də.''

「今度も えらいぞ、今度も 騙した、」（と兄は思った）。

њаа～ дилинагими кумугэдивэӈкини～ њаа

ňaa～ dilinagimi kumugədiwəŋkini～ ňaa

もう一度、頭を膝枕にして シラミを探させた、 もう一度、

''агаа ху ху,'' гуӈкини эи-тэнэ. гээ, агаани тэкчи тэкчи тукиагиани,

''agaa xu xu,'' guŋkini əi-tənə. gəə, agaani təkči təkči tukiagiani,

「兄さん、オ～イ、」と 言った、今。 さあ、 兄が バタバタと 走って来た、

ҙугди дуихини. ''гэлэ～,'' саӈњамугу чуулини дэгдэгикцээни～

ǰugdi duixini. ''gələ～,'' saŋňamugu čuulini dəgdəgikcəəni～

家の 奥の方へ。「あらいけない、」と 煙突から まっすぐに 飛び立とうとしたが、

лэтигэ лафуи-лиэ утала.

lətigə lafui-liə utala.

ルティグが 詰まってしまった、 そこに。

аи тиӈтооми-да. гээ, гаагиани экэ～

ai tiŋtoomi-da. gəə, gaagiani əkə～

その尻だけが ぽっこり見えている。さあ、捕まえた、静かにだ。

''jаухи сусагикцаи-jа ими ӈээлэи сусагикцаи сии

''jauxi susagikcai-ja imi ŋəələi susagikcai sii

「どこへ 逃げようというのだ、なぜ 恐れる、 逃げようとする、おまえは、

бии синэвэ оно jаҙами ӈээлэлэгэи.''

bii sinəwə ono jaǰami ŋəələləgəi.''

オレが おまえを どうか するだろうか、 恐れるようなことを。」

''эими чаала нихэмҙэ.'' ''ими эи чаала,'' гуӈки,

''əimi čaala nixəmǰə.'' ''imi əi čaala,'' guŋki,

「そんな風に したくないわ。」「どうして 同意しないのか、」と 言った、

''ути аjа минҙуӈэ багдилафи омосиҙафи. мамасамула эдэҙэфи.'' гуӈкини.

''uti aja minǰuŋə bagdilafi omosiǰafi. mamasamula ədəǰəfi.'' guŋkini.

「それが いいぞ、私と 暮らそう、一緒になろう。夫婦と なろう。」と 言った。

гаагиани ааҙи, вэjэвэни тэу дигаванаа,

gaagiani aaǰi, wəjəwəni təu digawanaa,

連れて来た、よく、引き出した、全部よく 食べさせる、

''гээ эи бии улэвэ ваамаи олктои сии дигалафи.

''gəə əi bii uləwə waamai olktoi sii digalafi.

「さあ、今 私が 肉を 獲ったのを 煮ろ、おまえが 食べるように。

гээ аjа олоктосиа бии дигалаи хаи эҙэӈэи синэвэ гээ нихэ, бии.''

gəə aja oloktosia bii digalai xai əǰəŋəi sinəwə gəə nixə, bii.''

さあ よく 煮たなら、私の 食べる物を、もう おまえに悪いことなど しない、私は。」

''кохо-бэдэ чэмнэи минэвэ утава.''

''koxo-bədə čəmnəi minəwə utawa.''

「腫れ物のように 騙した、私を、 それを。」

гээ утадиги-тэнэ, экэиjэни～ оно jаҙа, олоктоо гунэ

gəə utadigi-tənə, əkəijəni～ ono jaǰa, oloktoo gunə

さあ それから、 居残った、 どう することができょう、煮た という、

олоктолиани. дигалаани тимадула тээгиэ олоктои

oloktoliani. digalaani timadula təəgiə oloktoi

食事を作るようになった。 彼の食べる物を、次の日 起きた、煮る、

сикиэ тээгиэ олоктои, ниа ууи jэу-гдэ каии,

sikiə təəgiə oloktoi, nia uui jəu-gdə kaii,

晩に 起きた、煮る、 皮の 真皮を削り、何だの、皮を柔らかくし、

уӈтаӈисии дэлувэни билиэни～ эи-тэнэ. утэми утэми

uŋtaŋisii dəluwəni biliəni～ əi-tənə. utəmi utəmi

靴作りも し始める、 暮らし始めた、今。 そうして そうして、

омо баата бааати～. гээ, ситэнэфи-дэ ситэӈисигэфи гунэ.

omo baata baaati～. gəə, sitənəfi-də sitəŋisigəfi gunə.

一人の 男の子が 生まれた。 さあ、 自分たちの子供を 作った という。

гээ, эи-тэнэ, гээ ситэнэфи бааати～ игисиэти～ ситэфи.

gəə, əi-tənə, gəə sitənəfi baaati～ igisiəti～ sitəfi.

さあ、今、 さあ 自分たちの子供を 授かった、 育てた、 子供を。

гээ, оно бисэ-дэ утаду, ситэфи игисиэ,

gəə, ono bisə-də utadu, sitəfi igisiə,

さあ、どう だったっけ そこで、子供を 育てた、

хаи вакцанаини ути агаани. ''лэтигэ сии баатава валиасии

xai wakcanaini uti agaani. ''lətigə sii baatawa waliasii

再び 狩りに行く、その 兄は。 「ルティグよ、あなたは 男の子を お守りしていて、

эинэӈи бии ниава ууҙэми, уӈтанани воологофи, каиҙами..''

əinəŋi bii niawa uuǰəmi, uŋtanani woologofi, kaiǰami..''

今日 私は 皮を 真皮を削る、 靴を 作るために、 なめす。」

баата, ситэми, эинэӈи лэтигэ эмусиисиини лиаси соӈои лиаси-да.

baata, sitəmi, əinəŋi lətigə əmusiisiini liasi soŋoi liasi-da.

男の子は、子供は、今日 ルティグが 揺り籠を揺らすと、ひどく 泣く、 ひどくだ。

ситэтиги диаӈкини-дэ. хабаусиа

sitətigi diaŋkini-də. xabausia

子供へ 言ったのだ、 乳をやったり、

эмугэлэи, чиӈгоогиак ээни.

əmugələi, čiŋgoogiak əəni.

揺り籠に 結わえ付けたり、した。

энини уунээни ууjи ҙаванаа. ҙали хэгилэни куа куа куа

ənini uunəəni uuji ǰawanaa. ǰali xəgiləni kua kua kua

母親は 皮を削りに行った、削る道具を つかんで。 蔵の 下の所で、カリ カリ カリ、

куа куа куа, ''баата～ баата эниӈэ минтиги

kua kua kua, ''baata～ baata əniŋə mintigi

カリ カリ カリと、「男の子よ、男の子よ、母さんは 私たちに

бобоонофи-лиэ воологоми-jа～ ниава ууини-э эҙи соӈоо бэ～бэ.''

boboonofi-liə woologomi-ja～ niawa uuini-ə əǰi soŋoo bə～bə.''

子供用の靴を 作るために、 皮の 真皮を削っているのよ、泣かないで、ネンネコ～。」

бади бади бади соӈолии. ''баата баата,

badi badi badi soŋolii. ''baata baata,

もっと もっと ひどく 泣き出した。「男の子よ、男の子よ、

абуга минтиги дигалагафи киаӈа момовони ваӈнаани.''

abuga mintigi digalagafi kiaŋa momowoni waŋnaani.''

父さんは 私たちに 食べる物をと、アカシカの 肉を 獲りに行ったのよ。」

бади бади соӈоини лиата лиата-да.

badi badi soŋoini liata liata-da.

もっと もっと 泣く、 ワーン ワーンとだ。

''jэу сањавани гэлэми соӈои-jэ～,'' гуӈкини,

''jəu saňawani gələmi soŋoi-jə～,'' guŋkini,

「何だって こんちくしょう、求めて 泣くのか、」と 言った、

''сии, jэу гэлэи эними хуаӈкивани гэлэи jэу,'' гуӈкини.

''sii, jəu gələi ənimi xuaŋkiwani gələi jəu,'' guŋkini.

「あんたは、何が 欲しいの、母さんの 不思議な羽根でも 欲しいのか、」と 言った。

''хихихахак,'' ињэлиэни сања хэктэини.

''xixixaxak,'' iňəliəni saňa xəktəini.

「ヒャハハハッ、」と 笑い出した、 こんちきしょうめ。

''хихихахак,'' ињэлиэни утава.

''xixixaxak,'' iňəliəni utawa.

「ヒャハハハッ、」笑い出した、それを聞いて。

ууjи вээндэми тукиагиани эи-тэнэ.

uuji wəəndəmi tukiagiani əi-tənə.

自分の皮を削る道具を 投げ捨てて 走って来た、今。

''лэтигэ, ути нэӈуjи оно дианаисии ињэини.''

''lətigə, uti nəŋuji ono dianaisii iňəini.''

「ルティグよ、その 自分の弟を、 なんて 言って 笑わしたのか。」

''абуга киаӈа момовони ваӈнаани гунэисии ињэилиэни.''

''abuga kiaŋa momowoni waŋnaani gunəisii iňəiliəni.''

「父さんは アカシカの 肉を 獲りに行ったのよ、と 言ったら 笑い出した。」

''эими цэҙэ,'' гуӈкини,

''əimi cəǰə,'' guŋkini,

「私は 信じないわ、」と 言った、

''сии утэ-бэдэ дианаи, бии эси догди-нуу, сии jэхэивэи.''

''sii utə-bədə dianai, bii əsi dogdi-nuu, sii jəxəiwəi.''

「おまえが あんな風に 言ったのを、私が 聞き逃す事があろうか、おまえが 歌ったのを。」

гээ, оно jаҙа, камаливаjи оно jаҙата.

gəə, ono jaǰa, kamaliwaji ono jaǰata.

さあ、どう する、本当のことであるのに、どう できようか。

''эниӈэ хуаӈкивани гэлэми соӈои jэу, гуӈкими,'' гунэини.

''əniŋə xuaŋkiwani gələmi soŋoi jəu, guŋkimi,'' gunəini.

「『母さんの 不思議な羽根を 求めて 泣くのか、』と 言った、」と 言う。

''сањаӈа хэктиэни,'' гуӈкини,

''saňaŋa xəktiəni,'' guŋkini,

「こんちきしょう、」と 言った、

''сии минэвэ утэ-бэдэ кэниини валиасига нэӈуми.''

''sii minəwə utə-bədə kəniini waliasiga nəŋumi.''

「おまえは 私を そんな風に 侮辱して、 お守りをしていたのか、自分の弟を。」

эи-тэнэ ситэjи ниусиэк, утэ-бэдэ утэвэни хоӈтово калагиак

əi-tənə sitəji niusiək, utə-bədə utəwəni xoŋtowo kalagiak

今 自分の子供を 揺り籠から取り出して、あのような おむつを 別のと 取り替えて、

ааҙи бэигиэк, хабаусиак акалаjи синаугиак синаугиак,

aaǰi bəigiək, xabausiak akalaji sinaugiak sinaugiak,

よく 縛りつけて、乳を与えて、自分の背中に 背負った、背負った、

дактиаjи хуаӈкини. тэу сулагиани, чобоjи ии тэу сулагиани.

daktiaji xuaŋkini. təu sulagiani, čoboji ii təu sulagiani.

自分の羽を 身につけた。全部 身につけた、 足の爪も、何でも 全部 身につけた。

лэмду лэмду лэмду диэвэсиэни ҙугди доонини хорошо.

ləmdu ləmdu ləmdu diəwəsiəni ǰugdi doonini xorosho.

バサバサバサッと（試しに） あちこち飛んでみた、家の 中を、 調子はいい。

гээ баихи ниуми, ''гээ, мэнэ багдиҙа, лэтигэ, мэнэ маӈгаjи.''

gəə baixi niumi, ''gəə, mənə bagdiǰa, lətigə, mənə maŋgaji.''

さあ 外へ 出て、 「さあ、自分で 暮らせ、 ルティグよ、自分で できるようにね。」

''эхэ～ бии оно нихээми синэвэ гээҙи,'' гуӈкини,

''əxə～ bii ono nixəəmi sinəwə gəəǰi,'' guŋkini,

「姉さん、 私が 何を したの、 あなたに、悪いことを、」と 言った、

''эсими-дэ њаугда, ими гэлэми тагдааи-а,'' гуӈкини.

''əsimi-də ňaugda, imi gələmi tagdaai-a,'' guŋkini.

「罵ったりなんかしなかったわ、 何を 求めて 怒ったのか、」と 言った。

''сии хуаӈкини гэлэми, соӈои jэу,

''sii xuaŋkini gələmi, soŋoi jəu,

「おまえは（母さんの） 不思議な羽根を 求めて 泣くのか、と

гунээми-дэ jэу гээни биҙэ, эсими-дэ њаугда. эсими-дэ кэни.''

gunəəmi-də jəu gəəni biǰə, əsimi-də ňaugda. əsimi-də kəni.''

私の言ったことの 何が 悪いん だろうか、罵ってもいない。 侮辱してもいないわ。」

''гээ гээ, бии хуаӈкиваи, тагдаванами ҙиэлэни

''gəə gəə, bii xuaŋkiwai, tagdawanami ǰiələni

「そう そう、私が 不思議な行いをすることを言って、 怒らせてしまったの だから、

багдиjа эмусэ-дэ, мэнэ-дэ.''

bagdija əmusə-də, mənə-də.''

これから先は暮らせ、一人で、 自分で。」

гээ, диэлигии-лиэ～ ситэjи доӈдоноо тоотоноо-да.

gəə, diəligii-liə～ sitəji doŋdonoo tootonoo-da.

さあ、飛んで行くのだ、自分の子供を 背中に背負ってだ。

э～ мафаjи ээнээ ӈэнээ эитиги-лэ～ диэлигиэни～-э～

ə～ mafaji əənəə ŋənəə əitigi-lə～ diəligiəni～-ə～

さあ、自分の夫が 行った その方向へ 飛んで行った、

киаӈа ваами сиими-э биини гунэ. ''ту～п'' таваjа～, гуӈкини,

kiaŋa waami siimi-ə biini gunə. ''tu～p'' tawaja～, guŋkini,

アカシカを 獲って、皮を剥いで いる という。「ペッ」と 唾を吐いた、言った、

''минҙи атигасиҙами мэисии'' туундээни.

''minǰi atigasiǰami məisii'' tuundəəni.

「私と 結婚しようと 考えるなんて、」と 唾を吐いた。

''эфэ～jэу тиӈмэини эи, њаму-мэи буубуи.''

''əfə～ jəu tiŋməini əi, ňamu-məi buubui.''

「うわぁ、何が 落ちて来たんだ、こりゃ、 いい天気 じゃないか。」

уихи этэӈиэни э～ мамасани ситэjи

uixi ətəŋiəni ə～ mamasani sitəji

上を ちらっと見ると、あれあれ、妻が 自分の子供を、

догболиу аӈи, синэдэгиэк диэлигиини гунэ,

dogboliu aŋi, sinədəgiək diəligiini gunə,

ドグボリュー（飛んでいる様）と、あれだ、背負って 飛んでいる という、

''сањаӈа хэктиэни, оно, оно дэуҙэлэвээнҙи гулиӈиэни

''saňaŋa xəktiəni, ono, ono dəuǰələwəənǰi guliŋiəni

「こんちきしょう、いったい 何に むっとして 飛んで去って行くのか、

ути сања хэктигисиэни,'' гуӈкини. тамава гакпаани,

uti saňa xəktigisiəni,'' guŋkini. tamawa gakpaani,

この くそったれ、」と 言った。 弓矢で 撃った、

''утава хуаӈкини-гда пиоктогими аjа,'' гуӈкини.

''utawa xuaŋkini-gda pioktogimi aja,'' guŋkini.

「あれを、悪いことをしたんなら、尻に当たったって よい、」と 言った。

тамаjи ситэjи ӈаалани пиоктои гакпаани. гаагиак,

tamaji sitəji ŋaalani pioktoi gakpaani. gaagiak,

矢は 子供の 手（の指）に 当たる、撃った。（その指を）持って帰った、

ситэjи ӈаалавани нигуасиак, падуулаjи ааҙи каптак тэугиэк ээни

sitəji ŋaalawani niguasiak, paduulaji aaǰi kaptak təugiək əəni

子供の 手（の指）に キスした、 火器袋に よく 包んで しまっておいたのだ、

падууjи доолони. лаамбу лаамбу сииjэни.

paduuji dooloni. laambu laambu siijəni.

火器袋の 中に。 （アカシカは）適当に、手当たり次第に 皮を剥いだ。

пугэ пугэ ӈэниэни～ дуктэмэгиэни.

pugə pugə ŋəniəni～ duktəməgiəni.

急いで 急いで 帰った、 スキーで急いで走って行った。

гулилаи-бэдэ ҙуктиги гаиту-гдэ иигиэни. э～ аӈи,

gulilai-bədə ǰuktigi gaitu-gdə iigiəni. ə～ aŋi,

狂ったように 家へ 大急ぎで 入った。 さあ、あれだ、

лэтигэӈи элээ паатанами соӈоини гунэ, лиаси-да.

lətigəŋi ələə paatanami soŋoini gunə, liasi-da.

ルティグは ああ、 手足をバタバタさせて 泣いている という、ひどくだ。

''эjэ～ оно нихэи-jэ. эхими оно тагдаванааси

''əjə～ ono nixəi-jə. əximi ono tagdawanaasi

「ああ、 どう したんだ。自分の義姉を どのようにして 怒らせて

ӈэнивэнэи,'' гуӈки, ''эхэ, лэтигэ сии-jэ.''

ŋəniwənəi,'' guŋki, ''əxə, lətigə sii-jə.''

立ち去らせたのか、」と 言った、「義姉を、ルティグよ、おまえは。」

''агаа～ эсэи-дэ гээ диана, эсэи-дэ њаугда,'' гуӈкини,

''agaa～ əsəi-də gəə diana, əsəi-də ňaugda,'' guŋkini,

「兄さん、悪いことなんか言わなかったわ、罵ったりもしなかった、」と 言った、

''тагдаани ути, баата-гда лиаси соӈоини,'' гуӈкини,

''tagdaani uti, baata-gda liasi soŋoini,'' guŋkini,

「怒ったのよ、あの人は、子供が ひどく 泣いた、」と 言った、

''абуга пауза... киаӈа момовони ваӈнаани гуми-да лиата

''abuga pauza... kiaŋa momowoni waŋnaani gumi-da liata

「父さんは ヤギの、 アカシカの 肉を 獲りに行った、と 言っても ひどく

лиата соӈои, эниӈэ уӈта бобоонофи воологоми

liata soŋoi, əniŋə uŋta boboonofi woologomi

ひどく 泣く、 母さんは 靴の、私たちの小さな靴を 作ろうと、

ниа ууи гуми-да, эли дианаму лиата лиата соӈоини,'' гуӈки,

nia uui gumi-da, əli dianamu liata liata soŋoini,'' guŋki,

皮を 剥いでいる、と 言っても、 私が言ううちは、ひどく ひどく 泣く、」と 言った、

''баата. утаа-гда эними хуаӈкивани гэлэи гуӈкими,''

''baata. utaa-gda ənimi xuaŋkiwani gələi guŋkimi,''

「子供が。そうして 母さんの 不思議な羽根を 求めるのか、と 言うと、」と

гунэи, ''утаду баата-гда хихахак ињэлиэни ути.

gunəi, ''utadu baata-gda xixaxak iňəliəni uti.

言う、 「そこで 子供は ヒャハハッと 笑い出した、あの子は。

ута тагдаани ути оно иини

uta tagdaani uti ono iini

そうして 怒った、 義姉さんは、どう したのか、

сањани пусэгээни сањаӈа вооони ути.''

saňani pusəgəəni saňaŋa woooni uti.''

何か 気に障ることでも、腫れ物でも裂けたんだろうか、あんちきしょうは。」

мооӈинами туэлээ улиӈинэми гаӈнаа,

mooŋinami tuələə uliŋinəmi gaŋnaa,

薪を 取って来て、水を 取って来て、

''гээ сии мэнэ тоо илами олоктотоиҙо. бии ӈэнэҙэми, ааҙами.''

''gəə sii mənə too ilami oloktotoiǰo. bii ŋənəǰəmi, aaǰami.''

「さあ、おまえは 自分で 火を 焚いて 食べ物を煮ろ。オレは 行く、 追って行く。」

аани～ ӈэниэни тэӈ тэӈ дуктэмээни сиата-да. ӈэнэми～

aani～ ŋəniəni təŋ təŋ duktəməəni siata-da. ŋənəmi～

兄は 行った、どんどんと スキーで滑って行った、 強く、だ。行って、

омо ҙугди пуњаала биилэ иинээни. гээ элээ иинэми

omo ǰugdi puňaala biilə iinəəni. gəə ələə iinəmi

一軒の 家が モクモクと煙を上げて いるのへ 着いた。 さあ、もうすぐ 着く、

дакцалиани. хуаинами бии сакиа мааӈуса, гунэ ути.

dakcaliani. xuainami bii sakia maaŋusa, gunə uti.

近くになっていた。赤黒くなった 血を 撒いていた という、そこの人は。

гээ, иинээни утаду, укэвэни.

gəə, iinəəni utadu, ukəwəni.

さあ、着いた、そこに、戸口の所に。

''э～оно нихэми ӈэнивэнэи-э～ ути мамаасаjи-на.''

''ə～ ono nixəmi ŋəniwənəi-ə～ uti mamaasaji-na.''

「ああ、どう して 立ち去らせてしまったのか、その 自分の妻を。」

''бии эими саа, бии вакцанаа бисэи,'' гуӈкини.

''bii əimi saa, bii wakcanaa bisəi,'' guŋkini.

「オレは 知らないんだ、オレは 狩りに行って いたんだから、」と 言った。

''бии эсими ӈэнивэнэ. бии нэӈуми дэудулээни.

''bii əsimi ŋəniwənə. bii nəŋumi dəuduləəni.

「オレが 立ち去らせたんじゃない。オレの 妹が 侮辱したんだ。

лэтигэ нихээни,'' гуӈкини. ''оно нихээни.''

lətigə nixəəni,'' guŋkini. ''ono nixəəni.''

ルティグが やったんだ、」と 言った。 「どう やったのか。」

''њаугдаани.'' ''эсини њаугда～, нэӈуми соӈоони,

''ňaugdaani.'' ''əsini ňaugda～, nəŋumi soŋooni,

「罵ったのか。」「罵ったんじゃないんだ、弟が 泣いた、

эними хуаӈкивани гэлэми соӈоо jэу, гуӈкини.

ənimi xuaŋkiwani gələmi soŋoo jəu, guŋkini.

自分の母の 不思議な羽根を 求めて 泣いたのか、と 言った。

утаа тагдами ӈэниини. сањаӈа хэктиэни,'' гуӈкини,

utaa tagdami ŋəniini. saňaŋa xəktiəni,'' guŋkini,

そしたら 怒って 去った。 あんちきしょうめ、」と 言った、

''нии хуаӈки гунээ-дээ иини гээни,

''nii xuaŋki gunəə-dəə iini gəəni,

「誰が 不思議な行いをすると 言ったって、何が 悪いん だろうか、

эсини њаугда-да эсини-дэ jаа.''

əsini ňaugda-da əsini-də jaa.''

罵ったんじゃないんだ、何でもないんだ。」

гээ чаjава уминдаани утаду. ''гээ ааjа хулибэдэ.

gəə čajawa umindaani utadu. ''gəə aaja xulibədə.

さあ お茶を ちょっと飲んだ、そこで。「さあ 追って行け、急いで。

таухи мамакала иинэи ааҙи тауси.''

tauxi mamakala iinəi aaǰi tausi.''

あっちへ、またばあさんがいるから そこに着いて、よく聞け、そこへ行って。」

њаа чаjава умиа гулиӈкини～ гулиалаи-бэдэ дуктэмээни ути сиата-да.

ňaa čajawa umia guliŋkini～ gulialai-bədə duktəməəni uti siata-da.

再び お茶を 飲んで 出発した、 狂ったように スキーを蹴り続けた、彼は、強く、だ。

гээ ӈэнэми～ омо ҙугди пуњаа～ла биилэ иинээни,

gəə ŋənəmi～ omo ǰugdi puňaa～la biilə iinəəni,

さあ 行って、 一軒の 家から モクモクと煙が上がっている 所へ 着いた、

э～ хуаилаа бии сакиа мааӈуса гунэ ути. гээ, эи-тэнэ иинээни утала.

ə～ xuailaa bii sakia maaŋusa gunə uti. gəə, əi-tənə iinəəni utala.

ああ、やや赤い 血を 撒いていた という、そこの人は。さあ、今 着いた、そこに。

хоси кас хоси кас ииӈкини.

xosi kas xosi kas iiŋkini.

ホッシ カッス、ホッシ カッス（スキーの音）と 着いた。

суалаjи асуктаак тээфинээни. ''гээ, э～ хаулиа эмэигэувэ.''

sualaji asuktaak təəfinəəni. ''gəə, ə～ xaulia əməigəuwə.''

自分のスキーを はずした、行って座った。「ああ、なんとかそれでも やって来たな。」

''оно нихэҙэми,'' гуӈкини, ''ситэjи наантами аами

''ono nixəǰəmi,'' guŋkini, ''sitəji naantami aami

「私は 他にどうできようか、」と 言った、「自分の子が かわいそうで、追うんだ、

бии утава. нии баатаӈивани хуктунээ сусагиини

bii utawa. nii baataŋiwani xuktunəə susagiini

私は あれを。 人が 子供を 連れたまま 逃げてしまった、

сања хэктэини,'' гуӈкини.

saňa xəktəini,'' guŋkini.

あんちきしょうめ、」と 言った。

''гээ эи-тэнэ, гээ～ оно ҙавагиҙаӈаи-а сии утава,'' гуӈкини.

''gəə əi-tənə, gəə～ ono ǰawagiǰaŋai-a sii utawa,'' guŋkini.

「さあ、今、 さあ どうやって つかまえるのだ、おまえは あれを、」と 言った。

''э～и ути тиаӈка, ути намула. анана иинээни. эи-тэнэ иинээни.''

''ə～i uti tiaŋka, uti namula. anana iinəəni. əi-tənə iinəəni.''

「今 彼女は 居を定めた、その 海に。 ずっと前に 着いた。 今 着いた。」

''гээ, оно ӈэнэҙэи сии эинэӈи, тимана ӈэнэҙэӈэи,

''gəə, ono ŋənəǰəi sii əinəŋi, timana ŋənəǰəŋəi,

「さあ、どうやって 行けようか、おまえは 今日、 明日 行きなさい、

оно гаагиҙаӈаи тагила ваjанаивани.'' тимана мамака

ono gaagiǰaŋai tagila wajanaiwani.'' timana mamaka

どうやって 捕まえるんだ、岸から遠くに 泳いでいるのを。」 明日 そのばあさんが、

вооо, ''эи бии вооо, хэбунээ ӈэнэҙэӈэи сии тимана.''

wooo, ''əi bii wooo, xəbunəə ŋənəǰəŋəi sii timana.''

作った、「今 私が 作ったのを、持って 行くがよい、おまえは 明日。」

аӈасиани утаду. тимадула тимаасала тээгиэ олоктосиа дигасиа

aŋasiani utadu. timadula timaasala təəgiə oloktosia digasia

泊まった、そこに。 次の日 朝早くに 起きた、食事を煮た、食べた、

гээ, ваними ваними сукиэӈисиэни э～ ваними ванимиҙи.

gəə, wanimi wanimi sukiəŋisiəni ə～ wanimi wanimiǰi.

さあ、長い 長い 紐を作った、さあ、長く 長く、だ。

киаӈава вааак, кофоло сииjэк, сумувэни

kiaŋawa waaak, kofolo siijək, sumuwəni

アカシカを 獲って、全体を丸ごと 皮を剥ぎ、その腱を

аӈи, хукувэ-бэдэ суувэни. гээ эи-тэнэ, хэли хэли

aŋi, xukuwə-bədə suuwəni. gəə əi-tənə, xəli xəli

あれだ、縄のように 綯った。 さあ、 今、 急げ 急げ、

суувэ мутуэ, ҙавами омо мамака бэгдивэни аӈи,

suuwə mutuə, ǰawami omo mamaka bəgdiwəni aŋi,

綯い 終えた、つかんで、その一方を ばあさんは 彼の足に 縛った、

омо аӈи, гаjаӈини бэгдэлэни омо муjэвэни хэкээк,

omo aŋi, gajaŋini bəgdələni omo mujəwəni xəkəək,

もう一方は その、カモ（を作ってその） 足に、 一方の 端を 縛りつけて、

туэлэми хэбусиини～ утава ули киатигини. гаjа вооони,

tuələmi xəbusiini～ utawa uli kiatigini. gaja woooni,

両手に抱きかかえて 持って行った、 それを、水 辺へ。 カモを 作った、

мамака воооси, бууэни, гаjава.

mamaka wooosi, buuəni, gajawa.

ばあさんは 作って、 与えた、 カモを。

''гээ, сии мээми эҙи исэвэнэ,'' гуӈкини,

''gəə, sii məəmi əǰi isəwənə,'' guŋkini,

「さあ、おまえは 自らの姿を 決して見せるな、」と 言った、

''сии, дииниги чиндатиҙа мэнээ.

''sii, diinigi čindatiǰa mənəə.

「おまえは 遠く岸から （カモを）放て、 自分で。

эи хукувэни мэнэ дэпчэлигитэиҙэ,

əi xukuwəni mənə dəpčəligitəiǰə,

この 縄を 自分で どんどん伸ばして放て、

бэjэни мэнэ эутэҙэ ӈиаихи.''

bəjəni mənə əutəǰə ŋiaixi.''

カモ自身は 勝手に 下って行くだろう、岸辺へ。」

гээ, диилэ дигэнээни. эувэни～ тагиаихи,

gəə, diilə digənəəni. əuwəni～ tagiaixi,

さあ 遠く岸に行って 隠れた。 下って行った、 海の真ん中の方へ、

''эхэ эхэ пиоло пиоло эхэ эхэ пиоло,

''əxə əxə piolo piolo əxə əxə piolo,

「姉さん、姉さん、ピョロ ピョロ、姉さん、姉さん、ピョロ、

хэли мама пиоло пиоло, пиоло пиоло баатама пиоло пиоло,

xəli mama piolo piolo, piolo piolo baatama piolo piolo,

急げ、母さん、ピョロ ピョロ、ピョロ ピョロ、子供の（手）が、ピョロ ピョロ、

наму омо паи саитигини пиоло пиоло баатама ӈаалани.

namu omo pai saitigini piolo piolo baatama ŋaalani.

海の ひと かけらが、塩辛いのへ、ピョロ ピョロ、子供の 手（の具合）が、

эфулэҙэӈэ пиоло пиоло гаjани пиоло пиоло гаҙигиа

əfuləǰəŋə piolo piolo gajani piolo piolo gaǰigia

悪くなるから、ピョロ ピョロ、カモを、ピョロ ピョロ、連れて来い、

киатиги эмэгиjэ,'' гуӈкини. моголиа моголиа ваjамасими

kiatigi əməgijə,'' guŋkini. mogolia mogolia wajamasimi

岸辺へ 戻って来い、」と 言った。くるくると回って（カモは彼らの周りを）泳いで、

пиоло пиоло ээни эхими моголиа-да. бэjэвэни

piolo piolo əəni əximi mogolia-da. bəjəwəni

ピョロ ピョロと 歌った、その姉さんの周りを 回って、だ。 彼女（の周り）を

моголиа моголиа монтолими пиоло пиоло ээни～ киала-гда～ киала-гда～

mogolia mogolia montolimi piolo piolo əəni～ kiala-gda～ kiala-gda～

くるくる くるくる 回って、 ピョロ ピョロと した、 岸辺に、 岸辺に、

ули киалани～ иӈкуалалигиани ули киалани иигиэни.

uli kialani～ iŋkualaligiani uli kialani iigiəni.

海の 岸辺に 曳いて来た、 海の 岸辺に 着いた。

ули киалани иигими тукиани эи-тэнэ. ҙаваани,

uli kialani iigimi tukiani əi-tənə. ǰawaani,

海の 岸辺に 着くと、走って行った、 今（その夫は）。 捕まえた、

хуаӈкини сањавани, ини сањавани тэу тагдиани лобои лобои-да.

xuaŋkini saňawani, ini saňawani təu tagdiani loboi loboi-da.

羽根だの 何だの、 何だの かんだのを 全部 引き抜いてしまった、バッ、バッ、と。

ини дактиавани, ини чобовони, тэу ҙогҙоовони тэу тагдиани лобои лобои-да.

ini daktiawani, ini čobowoni, təu ǰogǰoowoni təu tagdiani loboi loboi-da.

何の 羽根でも、 何の 爪だろうと、全部 口ばしも 全部、むしり取った、バッ バッ、と。

''jэу сањавани баами, сусагиаи,'' гуӈкини,

''jəu saňawani baami, susagiai,'' guŋkini,

「何を バカな気に なって、 逃げたんだ、」と 言った、

''оно ини униэ биини,'' гуӈкини,

''ono ini uniə biini,'' guŋkini,

「どんな、何か 痛いとこでも あったのか、」と 言った、

''сии хуаӈки гунэ-дээ jэу маӈга унии бисэ, сии аилаи,''

''sii xuaŋki gunə-dəə jəu maŋga unii bisə, sii ailai,''

「おまえの 羽根と 言ったが、何か ひどく 痛かったのか、おまえの 尻の所に、」と

гуӈкини. эи-тэнэ, тооjи илаак, тэу токтоони утава,

guŋkini. əi-tənə, tooji ilaak, təu toktooni utawa,

言った。 今、 火を おこした、 全部 斧で叩き切った、それを、

пили пала токтоони анаак ээни,

pili pala toktooni anaak əəni,

バラ バラのかけらに 切り刻んで （火に）押し込んだのだ、

коӈкосиак ээни тамуҙи акалани.

koŋkosiak əəni tamuǰi akalani.

叩いたのだ、 棒で、 彼女の背中を。

ситэjи гаҙинаа ӈэниэни～ туэлэми-дэ. сигди бааи-jаҙата

sitəji gaǰinaa ŋəniəni～ tuələmi-də. sigdi baai-jaǰata

自分の子供を 連れて 戻った、 抱きかかえて、だ。悲惨な状態に なっているだろう、

эини-э нэӈуми эини мутэ имэнээ.

əini-ə nəŋumi əini mutə imənəə.

できなくて、 妹（ルティグ）は 何もできないだろう、そのまま残して来た。

''э～ хаулиа ҙавагии-гау ҙавагии. гээ, ситэjи нэдэми, тээjэ

''ə～ xaulia ǰawagii-gau ǰawagii. gəə, sitəji nədəmi, təəjə

「ああ、なんとか 捕まえたんだな、おまえは捕まえたか。さあ、子供を 置いて、 座れ、

оду сии.'' ''бии ваӈнаҙами.'' таатила ӈэнэми

odu sii.'' ''bii waŋnaǰami.'' taatila ŋənəmi

ここへ、おまえは。」「私は 狩りに行って来る。」 ほうれそこへ 行って

огбио, вааани, сииjэк, jуктаасигиак ээни мамака ҙугдитиги, улэвэ.

ogbio, waaani, siijək, juktaasigiak əəni mamaka ǰugditigi, uləwə.

ヘラジカを 獲った、 皮を剥いだ、曳いて来たのだ、 おばあさんの 家へ、 肉を。

''асаса, асаса,'' гуӈкини

''asasa, asasa,'' guŋkini

「ありがとう、ありがとう、」と 言った、

ути киаӈава-да jэу-гдэ сањавани магими jуктаасиани, паузава-гдэ-дэ.

uti kiaŋawa-da jəu-gdə saňawani magimi juktaasiani, pauzawa-gdə-də.

その アカシカでも 何でも かんでも たくさん獲って 曳いて来たのを、ヤギも、だ。

''гээ, гулиӈиҙэ,'' ''элээ бии нэӈуми будээ,'' гуӈкини,

''gəə, guliŋiǰə,'' ''ələə bii nəŋumi budəə,'' guŋkini,

「さあ、出発しろ、」「もうすぐ 私の 妹が 死んでしまうだろう、」と 言った、

ути, ''эи-дээ мутэ уливэ гаӈнами-дэ, эи мутэ,

uti, ''əi-dəə mutə uliwə gaŋnami-də, əi mutə,

彼は、「できないんだ、 水を 運んで来ることも、できないし、

тоо илами-да эи мутэ,'' гулиӈиэни～

too ilami-da əi mutə,'' guliŋiəni～

火を おこすことも できない。」 出発した、

гагда мамакаӈини-да хаиси вааани jэу-гдэ jэу-гдэ-дэ.

gagda mamakaŋini-da xaisi waaani jəu-gdə jəu-gdə-də.

もう一人の おばあさんのためにも 再び 獲った、 何だの かんだのを、だ。

утаҙи гулиӈиэни～ ситэjи туэлэнээ ӈэниэни,

utaǰi guliŋiəni～ sitəji tuələnəə ŋəniəni,

それで また出発した、自分の子供を 抱きかかえて 戻って行った、

ҙугдила иигиэни. э～ тоо-да эини пуњаана гунэ,

ǰugdila iigiəni. ə～ too-da əini puňaana gunə,

家へ 着いた。 ああ、火も、 煙が出ていない という、

''оно нихээ эи.'' иигиэни～ лэтигэ, утаду соӈоми

''ono nixəə əi.'' iigiəni～ lətigə, utadu soŋomi

「どう したんだ、これは。」 入った、 ルティグは、そこで 泣いて

мэӈдээ кагбами лагбанаани гунэ.

məŋdəə kagbami lagbanaani gunə.

全身で丸ごと 床に這いつくばって くっついていた という。

jаа иӈамуктаjи лумдэми～-дэ. ''гээ оно нихэуҙэӈэи ава.''

jaa iŋamuktaji lumdəmi～-də. ''gəə ono nixəuǰəŋəi awa.''

目の 涙が 垂れて凍りついていた。「さあ、 どう しようか、 これを。」

тоо илагиани эи-тэнэ, лоӈкоjи угдисиэни уливэ.

too ilagiani əi-tənə, loŋkoji ugdisiəni uliwə.

火を 焚いた、 今、 大鍋に 沸かした、 湯を。

уливэ угдисиэ аивани ивэни эмугдэвэни диливани тэу,

uliwə ugdisiə aiwani iwəni əmugdəwəni diliwani təu,

湯を 沸かした、尻も 何も、 腹も 頭も 全部、

хэкуи улиҙи аӈисиак, таӈасиак, аилани баӈчалаани эи-тэнэ.

xəkui uliǰi aŋisiak, taŋasiak, ailani baŋčalaani əi-tənə.

熱い 湯で ああした、ぶっかけて洗った、尻を 蹴っ飛ばした、今。

''э～агаа jэу ами диалаа,'' гуӈкини,

''ə～ agaa jəu ami dialaa,'' guŋkini,

「ああ、 兄さん、何て 夢が 長いのかしら、」と 言った、

''э～ мэиби ами диалаа ӈуаии-а,'' гуӈкини,

''ə～ məibi ami dialaa ŋuaii-a,'' guŋkini,

「ああ、勝手に 夢が 長いと、寝ていると思っているのか、」と 言った、

''сии хакусаҙи. оно jааи сии тоо илами-да эи мутэ-нуу,'' гуӈкини,

''sii xakusaǰi. ono jaai sii too ilami-da əi mutə-nuu,'' guŋkini,

「おまえは 何て奴だ。何だ、 おまえは、火を 焚くことも できないのか、」と 言った、

мэӈдэ лагбанаи ээхи-бэдэ.

məŋdə lagbanai əəxi-bədə.

全身 くっついていた、カエルのようにだ。

утаа, тоо илагиа, олоктосиа дигалафи дигаа,

utaa, too ilagia, oloktosia digalafi digaa,

そうして、火を 焚いた、煮た、 自分たちの食事を 食べた、

утааси-тэнэ багдилиати элээ бисини. тэтэни.

utaasi-tənə bagdiliati ələə bisini. tətəni.

それからは 暮らし始めた、 そこまでだった。 終わり。