民話資料

омо, омо мэгэ, мамасамула бисити.

omo, omo məgə, mamasamula bisiti.

ある、一人の 男が 妻と二人で 暮らしていた。

мамасамула бими～ бими бими, мафани туу соломосиа ето,

mamasamula bimi～ bimi bimi, mafani tuu solomosia eto,

妻と二人で、 暮らしていて、いて、いて、夫は いつも ヤスで魚を突く、

омо нэӈи таи таи соломосиа, тимадула тээгими туу ӈэнии,

omo nəŋi tai tai solomosia, timadula təəgimi tuu ŋənii,

一 日 中ずっと 魚を突く、 朝 起きると そうして でかける、

соломосими～ тии эмнэӈи jэу-дэ эини соло～,

solomosimi～ tii əmnəŋi jəu-də əini solo～,

魚を突いて、 そうして ある日、 何にも 突けなかった、

''jэу ими сугҙани-да эини соло нет, оно нихээни.

''jəu imi sugǰani-da əini solo net, ono nixəəni.

何だか、なぜか 魚が 突けなかった、無しだ、どう したんだ。

тээсиини-э～ кэтэ после обеда экини илактаӈка гунэ, хаку,

təəsiini-ə～ kətə posle obeda əkini ilaktaŋka gunə, xaku,

座っていた、 午後の時となって（何者かが） 現れた という、 ああ、

даӈбаа-хина анаа гунэ, лиаси-да сагдиҙи ута.

daŋbaa-xina anaa gunə, liasi-da sagdiǰi uta.

大波に 押された という、すごく でっかいものだ、それは。

''гээ ута, ути, гээ оно нихэҙэӈэ ава.

''gəə uta, uti, gəə ono nixəǰəŋə awa.

「さあ、それ、それ、さあ、 どう するんだ、 これは。

конечно угдаҙи аккиҙаӈаи бии, ава.''

koneshno ugdaǰi akkiǰaŋai bii, awa.''

もちろん 舟で 行って突き刺してやろう、オレは、 これを。」

эи-тэнэ, иинээ-дэ jаа-да гуми,

əi-tənə, iinəə-də jaa-da gumi,

そいつは（舟に） 寄って来たり 何だりする という、

угдалаjи уунами гулиӈкини. таги анаа, таги анаа,

ugdalaji uunami guliŋkini. tagi anaa, tagi anaa,

舟に 乗って 行った。 川の中の方へ（自分の舟を） 押した、川の中の方へ 押した、

боӈголони аккисиани,

boŋgoloni akkisiani,

頭か何かその大きい部分に ヤスを突き刺した、

тигэ～ лумду солоихи хуктулигэ гунэ,

tigə～ lumdu soloixi xuktuligə gunə,

グィーッと 魚が舟ごと引っ張って 上流へと 引っ張って行かれた という、

угдаjи эунигиэ элээ, угдаjи ҙулиэзэтигини тукиаани

ugdaji əunigiə ələə, ugdaji ǰuliəzətigini tukiaani

舟は あっちを向いたりこっちを向いたりして もう、自分の舟の 前の所へ 走った、

эи-тэнэ. ҙулиэзэ тэээни, мэимэjи чиндакцаани,

əi-tənə. ǰuliəzə təəəni, məiməji čindakcaani,

今。 前の場所に 座った、 ヤスを 手から離そうとしたが、

лагбанаини ӈаалалани тиак тиак сања хэктиэни.

lagbanaini ŋaalalani tiak tiak saňa xəktiəni.

くっついてしまっている、手に ガッチリガッチリ、ちくしょうなんてこった。

лагбанаини ӈаалалани, мэимэjи чиндакцаисини, (ҙогбоӈини?)

lagbanaini ŋaalalani, məiməji čindakcaisini, [ǰogboŋini?]

くっついている、 手に、 ヤスを 放そうとする、[銛をかい?]

иӈкэ, ҙогбо аккиани, лагбанаани ӈаалалани,

iŋkə, ǰogbo akkiani, lagbanaani ŋaalalani,

そう、 銛で 突いた、くっついてしまった、 手に、

гээ～ солоихи хуктугэ эjэихи хуугии-лиэ,

gəə～ soloixi xuktugə əjəixi xuugii-liə,

さあ、 上流の方へ 引っぱって行って、下流の方へ 向きを変えて、

эjэихи хуктугиэни эи～ этэтэ～ мамаасани ниувэ гунэ

əjəixi xuktugiəni əi～ ətətə～ mamaasani niuwə gunə

下流の方へ 引っぱって行った、 今、 さあ 妻が 出て来た という、

улитиги мулэхи ҙавааси～,

ulitigi muləxi ǰawaasi～,

川の方へ、バケツを 手にして、

''э～ эи бии мафаваи jэу сањани хуктугиэни-э,'' гуӈкини,

''ə～ əi bii mafawai jəu saňani xuktugiəni-ə,'' guŋkini,

「ああ、これは 私の 夫を どこの バカものが 引っ張っていくのか、」と 言った、

''jама сања сугҙа. минэвэ-дэ оно оно-доо атаи гаҙи.''

''jama saňa sugǰa. minəwə-də ono ono-doo atai gaǰi.''

「何の バカ 魚よ。 私を どうやっても お前は連れ去る事はできないよ。」

нада даа њуктэjи дэпчэлиэни, лэмбэлигдэ эи-тэнэ.

nada daa ňuktəji dəpčəliəni, ləmbəligdə əi-tənə.

七 尋の その髪を 放り投げた、パァーッと広がった、 今。

тэ～ хоонтигини ҙоӈчилоони, вээндэлээни, лэгдэ～ таа гунэ.

tə～ xoontigini ǰoŋčilooni, wəəndələəni, ləgdə～ taa gunə.

そうれ その上へ 投げかけた、投げた、 それを包み つかんだ という。

эи-тэнэ, амаихи хуугими тукиагиани, диихи.

əi-tənə, amaixi xuugimi tukiagiani, diixi.

彼女は、 後ろに 振り向いて 走り出した、 山の方へ。

ули киалани-да иӈкуалаани лоӈцо лоӈцо-да.

uli kialani-da iŋkualaani loŋco loŋco-da.

川の 岸辺から 引っぱった、 グイグイとだ。

утадиги-тэнэ иӈкуалаани, амаихи иӈкуалагиани гунэ～ улилэ-гдэ тукиагиани,

utadigi-tənə iŋkualaani, amaixi iŋkualagiani gunə～ ulilə-gdə tukiagiani,

そこから 引っぱったが、後ろへ 引っぱられた という、川の所から 走った、

њаа ааҙи ааҙи њаа ҙулэихи тукиагиани. ути иӈкулагиани.

ňaa aaǰi aaǰi ňaa ǰuləixi tukiagiani. uti iŋkulagiani.

再び 良く、良く 再び 前へと 走った。 そいつが また引っ張った。

потом jуктаасими jуктаасими

potom juktaasimi juktaasimi

それから あっちへ引っぱり こっちへ引っぱりして、

кээ～ њуктэни тэу чоптои таӈдаа гунэ.

kəə～ ňuktəni təu čoptoi taŋdaa gunə.

ああ～、 髪の毛が 全部 無くなって 引き抜かれてしまった という。

тэу њуктэ, аӈи, њата мэӈдээ ӈэнэи-лиэ. пиалаам-да,

təu ňuktə, aŋi, ňata məŋdəə ŋənəi-liə. pialaam-da,

全ての 髪の毛が、あれだ、 頭皮 丸ごと、 行ってしまう。皮が剥け肉が見えるように。

''сања хэктиэни-э,'' гунэи, ''кэту маӈга бии jэу сии,

''saňa xəktiəni-ə,'' gunəi, ''kətu maŋga bii jəu sii,

「こんちくしょう、」と 言う、 「ひどく 強いじゃないの、あんたは、

jэгдиэ～ нии-дэ уисигату бааjа,

jəgdiə～ nii-də uisigatu baaja,

夫よ～、 誰なのか、 その人攫いを 見つけろ、

бии њуктэвэи хаулиа гаҙии-да гаҙитаиҙа,'' гуӈкини.

bii ňuktəwəi xaulia gaǰii-da gaǰitaiǰa,'' guŋkini.

私の 髪の毛を なんとかして 取ってきて、取り返してきて下さいな、」と 言った。

''иӈкэ～,'' гуӈкини, ути угда хоӈколони тээсии хуктувэни～ ӈуалаи угда,

''iŋkə～,'' guŋkini, uti ugda xoŋkoloni təəsii xuktuwəni～ ŋualai ugda,

「よし、」と 言った、 その 舟の 先端に 座って、 引っぱられて 行った、その舟は、

баа тигдээни, баа эдиини, jэуини,

baa tigdəəni, baa ədiini, jəuini,

天は 雨降りとなり、天は 風となり、何となり、

тэу оно нихэми тэу огоми мэнэ тигдэи мэнэ огогиа

təu ono nixəmi təu ogomi mənə tigdəi mənə ogogia

全て どう なって（びしょぬれになり）、全て 乾いて、勝手に 雨となり 勝手に また乾き、

туу ӈэниэти～ ули эjэихи тикпалатагиани. ӈэними～

tuu ŋəniəti～ uli əjəixi tikpalatagiani. ŋənimi～

そうして 行った、 川を 下流へと 向きを変えたのだった。行って、

биасава датаӈими, тээ～ биаса датани багиаихи биэ гунэ,

biasawa dataŋimi, təə～ biasa datani bagiaixi biə gunə,

川をその流れに沿って 河口へと下り、ほうれあの 川の 河口の 向こう岸に ある という、

нии биолоони, утава ути чоӈ чоӈ ҙоӈчилога гунэ, хаку,

nii biolooni, utawa uti čoŋ čoŋ ǰoŋčiloga gunə, xaku,

人の 村が、 それへ 彼は ピューッと 銛を投げた という、さあ。

багиаза эjэлэни иигими, кэктимэ хооӈдолигда～ диӈду нихуаӈка гунэ

bagiaza əjələni iigimi, kəktimə xooŋdoligda～ diŋdu nixuaŋka gunə

対岸の 下流の側へ 入って、岸の方へ 向き直ると サッと ジャンプした という、

диихи, диихи туктии-лиэ агдаи-лиэ. агдааси экэиисини, исэсигэ,

diixi, diixi tuktii-liə agdai-liə. agdaasi əkəiisini, isəsigə,

岸の奥の方へ、 岸の方へ 上り、 着岸するのだ。 着岸してから 立ち止まると、見た、

''или или оно нихэҙэ,'' гуми, аӈмани чуулини ниугэи

''ili ili ono nixəǰə,'' gumi, aŋmani čuulini niugəi

「どこで、どこで、どう する気なんだろう、」と 言うと、その口から まっすぐ 出てきた

гунэ, боӈбо～ эсигээси, мафааса.

gunə, boŋbo～ əsigəəsi, mafaasa.

という、丸々とその姿と なってから、一人のじいさんが。

''гээ, мэисиэми гаисаи, эдиги,

''gəə, məisiəmi gaisai, ədigi,

「さあ、これまでいろいろと魚を捕ってきて こんな奴を見つけたよ、ここから、

сэлэмэ адили тэугээси, тээ～ диэзэлэ бии тоӈила лооноу

sələmə adili təugəəsi, təə～ diəzələ bii toŋila loonou

鉄の 網を 積んでから、ほうれあの 遠くの側に ある 湖に 掛けに行って来いよ。

суу ава ҙуу нии синадааси хэбунээ ӈэнээси,'' (ути аантава?)

suu awa ǰuu nii sinadaasi xəbunəə ŋənəəsi,'' [uti aantawa?]

お前達は これを 二 人で 背負ってから 持って 行け、」と。[その 女を?]

ути аҙигава, баатава. (баатава?) иӈкэ, мафавани,

uti aǰigawa, baatawa. [baatawa?] iŋkə, mafawani,

その 娘を、 息子を。 [息子を?] そうだ、夫を、

аанта там осталас' эмусэ, гээ утадиги-тэнэ, сэлэмэ аӈилаjи,

aanta tam ostalas' əmusə, gəə utadigi-tənə, sələmə aŋilaji,

女は そこに 居残った、一人きりでだ、 さあ そこから、 鉄の あれに、

адилиjи тэувэк хэбуи-лиэ～ синадами-дэ, ҙубэ нии, гагда нии

adiliji təuwək xəbui-liə～ sinadami-də, ǰubə nii, gagda nii

網を 積んで 持って行った、背負って、 二人の 人は、一方の 者が

уихи туктиэ, гагда нии хэгиэҙэӈэҙи уихи алуа ээни,

uixi tuktiə, gagda nii xəgiəǰəŋəǰi uixi alua əəni,

上流の側へ 上がって、もう一方の 者が 下流の側から 上流の側へと 渡す、

ҙававани, вэjэвэни, ҙаваани утала лоо'они. ''гээ, jэгди～,'' гуӈкини,

ǰawawani, wəjəwəni, ǰawaani utala loo'oni. ''gəə, jəgdi～,'' guŋkini,

つかめるように、その上の所を つかんだ、それを、掛けた。「さあ、若者よ、」と 言った、

''мафааса эмэгиэни, лиаси кэсээни. синэвэ, ҙуэҙэлэ хэӈэфулэвэнээ,

''mafaasa əməgiəni, liasi kəsəəni. sinəwə, ǰuəǰələ xəŋəfuləwənəə,

「じいさんが 戻って来たなら、ひどく 苦しむぞ。おまえを、机の所に ひざまずかせて、

мафааса-тэнэ, мэнэ тэгэjи jама jама ҙаваи тэу тэтигиҙэӈэни,'' гуӈкини,

mafaasa-tənə, mənə təgəji jama jama ǰawai təu tətigiǰəŋəni,'' guŋkini,

じいさんは、 自分の 服を なんやら かんやら つかんで、全部 着るだろう、」と 言った。

бусэли бусэлилэгии,～ тэу толи-да чукагиҙа,

busəli busəliləgii,～ təu toli-da čukagiǰa,

男の服を 身に着ける、 全て、シャーマンの鏡も 身につけるだろう、

эjэjи-дэ чукагиҙа тэу-дэ.

əjəji-də čukagiǰa təu-də.

丈の長いシャーマンの服も 身につけるだろう、全てだ。

синэвэ-тэнэ накта-бэдэ кусигэлэҙэӈэни ҙуэҙэлэ хэӈэфулэвэнээси.''

sinəwə-tənə nakta-bədə kusigələǰəŋəni ǰuəǰələ xəŋəfuləwənəəsi.''

おまえを イノシシのように ナイフで切り刻むだろう、机の所に ひざまずかせてから。」

''гээ, оно jэу гунҙэи, jэу гунҙэи-тэ,''

''gəə, ono jəu gunǰəi, jəu gunǰəi-tə,''

「さあ、いったい 何を 言っているんだか、何を ほざいているんだか。」

туу туу jаа киагу～ ути доонини биини, ути гунэми～

tuu tuu jaa kiagu～ uti doonini biini, uti gunəmi～

そうして そうして 目を カッと見開いて その 網の中に いる、 そいつは 言って、

ӈэниктэи-лиэ, лоо'о лоо'оси,

ŋəniktəi-liə, loo'o loo'osi,

去ったのだ、掛けてからだ。

кээ～, ути ӈэниисини бисини～ утаду киагу～ уилэ чэӈгэгу-дэ.

kəə～, uti ŋəniisini bisini～ utadu kiagu～ uilə čəŋgəgu-də.

ああ、 そいつが 去ると、 いた、 そこで ゆらゆらと 上へ 揺れて。

гээ, ути туу тэхэлэ оно-ко оно-ко jаидаа-бэдэ биэ гунэ,

gəə, uti tuu təxələ ono-ko ono-ko jaidaa-bədə biə gunə,

さあ、その そうした 根っこの所から 何だか 何だか 音がするようで ある という、

исэсиэни утаухи. тэтэ ҙубэ мохо, мохо бохосоони

isəsiəni utauxi. tətə ǰubə moxo, moxo boxosooni

見た、 そちらを。その根の所に、二人の ぼっこり、ぼっこりと こぶがあるじいさんが

илактанду гунэ утадиги, туу тэхэлини-дэ,

ilaktandu gunə utadigi, tuu təxəlini-də,

現れた という、そこから、その 木の根の所から、

''э～ эи эҙэн мафа эи биаса дуэлэни бии jэгдигэвэ

''ə～ əi əǰən mafa əi biasa duələni bii jəgdigəwə

「ああ、今 主人の じいさんが この 川の 端に いる 若者を

гаҙисаани биҙэ, эи. ҙомиҙафи минти.'' гээ～,

gaǰisaani biǰə, əi. ǰomiǰafi minti.'' gəə～,

連れ去って来た ようだ、これは。 盗んでしまおう、 我々は。」 ほうれその、

уилэ диэвэсии, ''эинэӈи эндули нэӈини～,'' диами диами диэвэсиэти,

uilə diəwəsii, ''əinəŋi ənduli nəŋini～,'' diami diami diəwəsiəti,

上を 飛び回った、「今日は 神の 日だ、」と 話して、話して あちこち飛び回った、

ути бохосооҙига дактиахи. ''эи ниива jэу-дэ эҙи jаидавана

uti boxosooǰiga daktiaxi. ''əi niiwa jəu-də əǰi jaidawana

その こぶじいさんたちには 羽根がある。 「今、誰も 何も 音を立てさせるな、

jэу-дэ эҙи jаидавана jэу-дэ эҙи jаидавана, наува-да

jəu-də əǰi jaidawana jəu-də əǰi jaidawana, nauwa-da

何も 騒がしくさせるな、 何も しゃべらせるな、ニワトリにだって

эҙи хоконовоно, jэу инаива-да эҙи хоконовоно, туу туу эсигиу,

əǰi xokonowono, jəu inaiwa-da əǰi xokonowono, tuu tuu əsigiu,

声をあげさせるな、いかなる 犬にも ワンとも言わせるな、静かに 静かに皆 なれ、

ҙугдулэ туу туу эсигиу,'' чулими чулими диэвэсиэти

ǰugdulə tuu tuu əsigiu,'' čulimi čulimi diəwəsiəti

家の中も 静かに 静かに なれ、」と しゃべりながら しゃべりながら 飛び回った、

ути бохосооҙига уилэjи, ути ҙоомилаафи нихэити,

uti boxosooǰiga uiləji, uti ǰoomilaafi nixəiti,

その こぶじいさんたちは 上を、 彼を 盗んでしまおうと する（彼らは）、

утадиги эи-тэнэ, экэ～ туу туу эдэдугэ гунэ～

utadigi əi-tənə, əkə～ tuu tuu ədədugə gunə～

それから 今、 静か～に シ～ン シ～ンと なった という。

гээ, ути бохосооҙига ӈэнэи-лиэ ута,

gəə, uti boxosooǰiga ŋənəi-liə uta,

さあ、その こぶじいさんたちは 行く、 そうして、

''гээ, сии, эҙи тиӈмэ, эҙи будэвэнэ. бии тиӈдагиҙами

''gəə, sii, əǰi tiŋmə, əǰi budəwənə. bii tiŋdagiǰami

「さあ、おまえは、 落とすなよ、死なせるなよ、 オレが はずして

синтиги, эҙи будэвэнэ хэгилэ эҙи тиӈмэвэнэ,''

sintigi, əǰi budəwənə xəgilə əǰi tiŋməwənə,''

（下にいる）おまえに（渡すから）、死なせるな、 下へ 落っことすなよ、」と

гагдани логҙогу хэгину аласии гагдани-тэнэ уилэ туктиэ,

gagdani logǰogu xəginu alasii gagdani-tənə uilə tuktiə,

片一方は 背中を丸めて 下で 待ち受けている、 片方が 上へ 上った、

лооомоти асуктагиа, хэгихи њаӈга～ экэ～ экэ jэувэнээ.

looomoti asuktagia, xəgixi ňaŋga～ əkə～ əkə jəuwənəə.

掛けてあるのを はずした、 下へ すこ～し、そうっと そうっと 下ろした。

''гээ ҙавагиjа гээ, эҙи будэвэнэ,'' логҙооӈио～ тээвэнээти гунэ,

''gəə ǰawagija gəə, əǰi budəwənə,'' logǰooŋio～ təəwənəəti gunə,

「さあ、つかめよ、さあ、死なせるなよ、」と 背中を丸めてやった、座らせた という、

хаку гагдани хаиси. гээ, гагдани-да эугии-лиэ,

xaku gagdani xaisi. gəə, gagdani-da əugii-liə,

さあ、 一人は なお上にいる。 さあ、もう一人も 降りて来るのだ、

тигэ～ синадами сусагиати～ эи～ jэу улили-гдэ,

tigə～ sinadami susagiati～ əi～ jəu ulili-gdə,

そそくさと 背負って 逃げて行った、今、 何だ、川に沿って、

идиги-гдэ ули вээфэ гианааду гунэ, пиата пиата пиата.

idigi-gdə uli wəəfə gianaadu gunə, piata piata piata.

あらゆる所を通って、川の 中も 横切る という、パタ パタ パタと歩いて行く。

э～ сагди ули багиаихи даугидугэ гунэ, ули вээфэ-дэ ули вээфэ-дэ.

ə～ sagdi uli bagiaixi daugidugə gunə, uli wəəfə-də uli wəəfə-də.

さあ、大きい 川の 向こう岸へと 渡った という、川を 横切って、川を 横切ってだ。

утала～ гугда гугда уэ биэ, уэ буи буи биэ уэ.

utala～ gugda gugda uə biə, uə bui bui biə uə.

そこに、 高い 高い 山が ある、その山は ツル ツルである、山は。

утаухи тэӈ тэӈ даугидугэ гунэ. ути уэ хэгилэни иинэми

utauxi təŋ təŋ daugidugə gunə. uti uə xəgiləni iinəmi

そこへ まっすぐに 渡って行った という。 その 山の 下の所に 着いて、

уэпти ниэнтилэми ути чуули нихуаӈидугэ гунэ～,

uəpti niəntiləmi uti čuuli nixuaŋidugə gunə～,

山の戸を 開いて、 彼らは まっすぐに 入り込んで行った という、

хаи ликпигии-лиэ ӈэнээти～, ути чуулини хэбуэти-тэнэ,

xai likpigii-liə ŋənəəti～, uti čuulini xəbuəti-tənə,

再び 閉めたのだ（戸は）、 行った、 彼らは まっすぐに 運んで行った、

тала ликпигии оло ликпигии саӈани эгди.

tala likpigii olo likpigii saŋani əgdi.

そこで 閉める、 ここで 閉める、穴は たくさんだ。

ликпими ликпими нихуаӈиати дуjухи, ӈэними～ иигиэти

likpimi likpimi nixuaŋiati dujuxi, ŋənimi～ iigiəti

閉めて、閉めて、入り込んでいった、奥の方へ、行って、 入った、

''гээ, хуктугими-дэ мутуэфи. гээ, бии-дэ сэвэхи гээнэгиҙэми.''

''gəə, xuktugimi-də mutuəfi. gəə, bii-də səwəxi gəənəgiǰəmi.''

「さあ、連れさらって来たのも 終わった。さあ、 私も 木偶を 取りに行くよ。」

тии-дэ ''сэвэхи гээнэгиҙэми,'' ҙуӈэти тэу сэвэхи гээнэгими ӈэнэктээти.

tii-də ''səwəxi gəənəgiǰəmi,'' ǰuŋəti təu səwəxi gəənəgimi ŋənəktəəti.

そいつも、「木偶を 取りに行く、」と 二人とも 皆 木偶を 取りに 去ってしまった。

гагда нии тоопти ҙулиэлэни нихуаӈка гунэ,

gagda nii toopti ǰuliələni nixuaŋka gunə,

一方の 者は 炉の 前から 入り込んで行った という、

гагда нии тэу омо чотоӈоли нихуаӈка гунэ～.

gagda nii təu omo čotoŋoli nixuaŋka gunə～.

もう一方の 者は 全く、 一つの 隅の所へ 入り込んで行った という。

утала пиагу～ утала вээндээти,

utala piagu～ utala wəəndəəti,

そこに そのまま そこに（その網は） 置いたままにしていった、

jэу jаҙаӈа-та ути, адили доолони бисини, утаду мэнэ кэптэи jаҙа.

jəu jaǰaŋa-ta uti, adili dooloni bisini, utadu mənə kəptəi jaǰa.

何を どうできよう、彼は、網の 中に いた、 そこで 自らは 横になっているだけだ。

утадиги ӈэнэисити бисини～ гээ малуаҙала оно-ко～ оно-ко нихэити биҙэ

utadigi ŋənəisiti bisini～ gəə maluaǰala ono-ko～ ono-ko nixəiti biǰə

そこから 行くと いた、 さあ 真ん中の席の側に 何だか 何だか している ようだ、

исэсиэ, омо мамака илактаӈка гунэ.

isəsiə, omo mamaka ilaktaŋka gunə.

見ると、一人の おばあさんが 現れた という。

''энэ～ эи бохосоо маӈга, маӈга сањаҙига,

''ənə～ əi boxosoo maŋga, maŋga saňaǰiga,

「ああ、この こぶじいさんたちは 強いぞ、この強い こんちくしょうめらが、

эи, эи эҙэн мафа, гаисаамани ҙоминасаати. бии-дэ ҙомиҙами,''

əi, əi əǰən mafa, gaisaamani ǰominasaati. bii-də ǰomiǰami,''

今、今、主人の じいさんから、持って来たのを 盗んで来た。 私も 盗んでやろう、」と

ҙавами синадагиани～ ути доони, синадагиа хуктугиэни～ эи-тэнэ.

ǰawami sinadagiani～ uti dooni, sinadagia xuktugiəni～ əi-tənə.

つかんで 背負った、 その 中で、 背負った、 連れ去った、 今。

ӈэниэни～ ӈэниэни ути-дэ ниугиэ иигиэ ниугиэ иигиэ

ŋəniəni～ ŋəniəni uti-də niugiə iigiə niugiə iigiə

行った、 行った、そいつも（穴を）出たり 入ったり、出たり 入ったりして、

њухамасими ӈэниэни мэнэ буатиги, мэнэ бии буала иинээ иигиэ,

ňuxamasimi ŋəniəni mənə buatigi, mənə bii buala iinəə iigiə,

這って 行った、自分の 土地へ、自分の いる 土地に 着いた、 家に入った、

''гээ бии-дэ ии-дэ ии-дэ гаҙигиҙами гээ минти-дэ.''

''gəə bii-də ii-də ii-də gaǰigiǰami gəə minti-də.''

「さあ、 私も 何だの かんだの（シャーマンの種々の道具）を 取って来よう、私たちも。」

гээ, ути тэу тэу њухамасидугэ илэ-гдэ илэ-гдэ,

gəə, uti təu təu ňuxamasidugə ilə-gdə ilə-gdə,

さあ、そいつらも 皆、皆 這って出て行った、 ここやら そこやらから、

њухамасидуга гунэ～ анчи-гда～да, утааси ӈэнэисити

ňuxamasiduga gunə～ anči-gda～da, utaasi ŋənəisiti

這って出て行った という、 見えなくなった、 それから 行くと、

бисэ～ бисэ малуҙалаjи jаи багдига гунэ.

bisə～ bisə maluǰalaji jai bagdiga gunə.

しばらくして しばらくしてから 真ん中の席の側から 音が 生じてきた という。

малуҙала jаи исэсиисини э～ омо хатала, эмээ гунэ алагдига-и хатала.

maluǰala jai isəsiisini ə～ omo xatala, əməə gunə alagdiga-i xatala.

真ん中の席の 音の方を 見ると、 ああ、一人の 娘が、 来た という、美しい 娘だ。

''эjэ～ эи jэу сањани ниинани кэсэлиэти ава jаадами,

''əjə～ əi jəu saňani niinani kəsəliəti awa jaadami,

「ああ、これは どこの 馬鹿者たちが 苦しめているのか、これは、何のために。

бии мафаваjи сања хэктиэни уисиҙэми бии ава.''

bii mafawaji saňa xəktiəni uisiǰəmi bii awa.''

私の 夫を、 ああひどい、 救い出そう、私は、これを。」

асуктагиак, ӈаалалани ҙавааси хэбуи, ''тээ～

asuktagiak, ŋaalalani ǰawaasi xəbui, ''təə～

はずした、 手を つかんで 抱く、 「ほうれあの、

эи суу сааӈхулагиини тэӈ тэӈ тукиаjа хэлибэҙи, сии,''

əi suu saaŋxulagiini təŋ təŋ tukiaja xəlibəǰi, sii,''

今、太陽が 正午にかかるわ、まっすぐに、まっすぐに 走れ、 はやく、 あなたは。」

(чиндаани?) аха, сусаа, тукиаа,

[čindaani?] axa, susaa, tukiaa,

[放したのか?] そうだ、逃げた、走った、

''суу сааӈхулагиини тэӈ тэӈ тукиаи утала биэ,'' гунэини,

''suu saaŋxulagiini təŋ təŋ tukiai utala biə,'' gunəini,

「太陽が 正午にかかるわ、まっすぐに、まっすぐに 走れ、あそこに ある、」と 言う、

''чэӈгэлимэ ҙугди, утава исэми хэутими хэутими тукиатаиҙа.

''čəŋgəlimə ǰugdi, utawa isəmi xəutimi xəutimi tukiataiǰa.

「ぶら下がった 家が、 それを 見たら、叫んで、 呼びながら 走れ。

минэвэ уисиjэ, минэвэ уисиjэ～,' хэутими тукиатаиҙа,''

minəwə uisijə, minəwə uisijə～,' xəutimi tukiataiǰa,''

『私を 救え、 私を 救え、』と 叫んで 走れ、」と

гуми, ''хэдигэ. боонои-дала эҙи экээ гиана,'' гуӈкини,

gumi, ''xədigə. boonoi-dala əǰi əkəə giana,'' guŋkini,

言って、「がんばれ。 追ってくるから、 ゆっくり 歩くな、」と 言った。

jэу jэу-дэ даафа тукиаҙа ути,

jəu jəu-də daafa tukiaǰa uti,

しかしどうして どうして 長いことずっと 走っていられようか、彼は、

эи～ тэуни-гдэ хуктиэни сиата-да, утаухи.

əi～ təuni-gdə xuktiəni siata-da, utauxi.

今、 全ての者どもが 走って追ってくる、はげしく、そこへ。

илэ ӈэнэми тукиами исэҙэ-тэ ути цэҙэ-дэ биэ гунэ

ilə ŋənəmi tukiami isəǰə-tə uti cəǰə-də biə gunə

どこだか 行って、走って、 見る、 それは 本当だった という、

чэӈгэми～ ҙугди уилэ. ''минэвэ уисиjэу～ минэвэ уисиjэ.''

čəŋgəmi～ ǰugdi uilə. ''minəwə uisijəu～ minəwə uisijə.''

ぶら下がって 家が 上に（ある）。「私を 救え、 私を 救え。」

тукиаани～ хэутими хэутими тукиаани,

tukiaani～ xəutimi xəutimi tukiaani,

走った、 呼んで、叫んで、走った、

''хэгилэ иинэидиги,～ тикэ～,'' тиизэвэ ҙокодуга гунэ. туктиэни утаухи.

''xəgilə iinəidigi,～ tikə～,'' tiizəwə ǰokoduga gunə. tuktiəni utauxi.

「下に 着いたぞ、 おお！」梯子を 下ろしてきた という。上った そこへ。

туктиисини ҙуу аҙига биити. ''гээ, сии эи ава,

tuktiisini ǰuu aǰiga biiti. ''gəə, sii əi awa,

上ると 二人の 娘が いる。「さあ、おまえは 今 これを、

jэу чаалами jэу дигами дигаjа. чаjа-да биэ ҙэу-дэ биэ,

jəu čaalami jəu digami digaja. čaja-da biə ǰəu-də biə,

何か 気に入ったのがあったら それを 食べて、食べよ。 茶も ある、食べ物も ある、

дигаjа мэнээ-дэ. буу ӈэнэу. ваӈнаити бэjэни багиаувани.''

digaja mənəə-də. buu ŋənəu. waŋnaiti bəjəni bagiauwani.''

食べろ、自分で。 私たちは 行くわ。殺しにやって来る、あなたの、敵たちを迎えに。」

утадиги-тэ эи-тэнэ, хэгихи эугиду, тиизава таӈдагиак ээни, хэгихи эугисиити,

utadigi-tə əi-tənə, xəgixi əugidu, tiizawa taŋdagiak əəni, xəgixi əugisiiti,

それから 今 下へ 降りる、梯子を 引き戻した。 （彼らが）下へ 降りると、

мэнэ утаду дигаани-с jаани-с ӈуаани～ ади ади нэӈини догбо

mənə utadu digaani-s jaani-s ŋuaani～ adi adi nəŋini dogbo

彼自身は そこで 食べたのか、どうしたのか、寝たのか、 数日 数晩

кэсээ～ оно ата ӈуа-та ути. тигдэ маӈгани jэу тэу,

kəsəə～ ono ata ŋua-ta uti. tigdə maŋgani jəu təu,

苦しんだのだから、どうして 寝ないことがあろうか、彼は。雨も 強く 何でも 皆、

ӈаалалани тиак тиак лактиванааси иӈкуалаваӈкини.

ŋaalalani tiak tiak laktiwanaasi iŋkualawaŋkini.

手に がっちり がっちりと くっついてしまって 引きずられてきたのだ。

утадиги, ӈуаани, вооко гооко ӈуаани～ адима-да нэӈини ӈуаани ути.

utadigi, ŋuaani, wooko gooko ŋuaani～ adima-da nəŋini ŋuaani uti.

それから、寝た、 どんなにか長いこと 寝た、 いったい何 日 寝たのか、彼は。

сэлэгиэни ''киала～ киала,'' хэутиити гунэ, илэ-кэ-дэ мэдэисини,

sələgiəni ''kiala～ kiala,'' xəutiiti gunə, ilə-kə-də mədəisini,

目覚めた、「キャラ～、キャラ、」と 彼らが呼ぶ という、どこからか、 気がつくと、

''илэ хэутиити эи,'' сэлэгиэ, jааjи ниэгигээси

''ilə xəutiiti əi,'' sələgiə, jaaji niəgigəəsi

「どこで 呼んでいるんだ、 これは、」と 目が覚めて、 目を 開いたら、

э～ суу сааӈхуан биини-гиэни, хэгилэ хэутиду гунэ, ниувэни.

ə～ suu saaŋxuan biini-giəni, xəgilə xəutidu gunə, niuwəni.

ああ、日は 正午になって いるのだ、 下から 彼らは呼んでいる という、外へ出た。

ниуисини цэҙэ хэгилэ хэутии гунэ, ҙуу бэлиэнтэ эмэгиэти гунэ.

niuisini cəǰə xəgilə xəutii gunə, ǰuu bəliəntə əməgiəti gunə.

出ると、本当だ、下から 呼んでいる という、二人の 女が 戻って来た という。

ута, ути ҙуу бэлиэнтэ эмэгиэти туктилэгэти ҙокоо, ''туктигии-тэ.''

uta, uti ǰuu bəliəntə əməgiəti tuktiləgəti ǰokoo, ''tuktigii-tə.''

それから、その 二人の 女が 戻って来た、上れるように 梯子を下した、「上れよ。」

''jэу, jэу оно нихээи, эинэӈи таи jэу дигаи сии,

''jəu, jəu ono nixəəi, əinəŋi tai jəu digai sii,

「何を、何を、どう していたの、今日 一日中は 何を 食べていたの、あなたは。

эи адима нэӈини ҙубэмэ нэӈини-эс, илаама нэӈини-эс.''

əi adima nəŋini ǰubəmə nəŋini-əs, ilaama nəŋini-əs.'' ''bii jəu-də əsəi olokto

この 何 日か、 二 日だか、 三 日だか。」 「オレは 何も 煮なかったよ、

бии jэу-дэ эсэи олокто бии, эи-тэнэ сэлээми бии ӈуааи, суу хэутиисиу.''

bii, əi-tənə sələəmi bii ŋuaai, suu xəutiisiu.''

オレは、今になってやっと 目が覚めたんだ、オレは 寝ていて、お前達が 呼んだから。」

''гээ, сии оно эмээ бими, оно ӈэниjэ

''gəə, sii ono əməə bimi, ono ŋənijə

「さあ、あなたは どのようにかして やって来た なら そのように 帰りなさい、

мэнэ хоктоjи чуулини-дэ, или эмээ бими или ӈэниjэ,

mənə xoktoji čuulini-də, ili əməə bimi ili ŋənijə,

自分の 道を まっすぐに、 どこかを 通ってきた なら、 そこを 通って、

эухи эмэгиэ, оно эмээ бими оно ӈэниэ, гулиӈиjэ-ҙэ гээ сии.''

əuxi əməgiə, ono əməə bimi ono ŋəniə, guliŋijə-ǰə gəə sii.''

ここへ 来た、 どのようにか 来た なら、 そのように 帰れ、行け、 さあ、あなたは。」

''оно гулиӈии, минэвэ элэгэу дигавана,

''ono guliŋii, minəwə ələgəu digawana,

「どうやって 行けようか、 私を 食べさせてくれなければ、

гулиӈивакцау.'' гуӈкини эи-тэнэ. утадиги-тэнэ чаjава умиа,

guliŋiwakcau.'' guŋkini əi-tənə. utadigi-tənə čajawa umia,

私を見送ってくれよ、」と 言った、 今。 それから お茶を 飲んだ、

ҙэуӈи дигандаа чаjава умиа ээни.

ǰəuŋi digandaa čajawa umia əəni.

ちょっとしたものを ちょっと食べた、 お茶を 飲んだり した。

эугиэни хэгихи. ӈэниэни эи～ омо хокто чуулини ӈэниэни,

əugiəni xəgixi. ŋəniəni əi～ omo xokto čuulini ŋəniəni,

川の方へ下りた、下へ。 行った、今、 一つの 足跡だけが まっすぐ 続いていた、

тэу jэу-дэ анчи гунэ, ӈэму ӈэму

təu jəu-də anči gunə, ŋəmu ŋəmu

すっかり 他には 何の足跡も無かった という、さっぱりと何もない、

маӈинасаати гунэ jэу-дэ,

maŋinasaati gunə jəu-də,

彼ら（女たち）は皆殺しにしてきた という、何でも、

jэу амбаа пукчэндэвэни хуктугэсиэти-дэ анчи гунэ,

jəu ambaa pukčəndəwəni xuktugəsiəti-də anči gunə,

どんな 魔物の 丸々とした奴をもあっちこっちへ 運び去った、 もういない という、

ваӈба, пукчэми вааати гунэ утава-тэнэ ули киадуни,

waŋba, pukčəmi waaati gunə utawa-tənə uli kiaduni,

亀のような、 丸々とした魔物も 殺した という、そいつは 川の 岸辺で、

тэу магинасаати ути аанта нада аанта вакчаа вакчанасаати,

təu maginasaati uti aanta nada aanta wakčaa wakčanasaati,

全て 殺し尽くして戻って来た、その 女たち、七人の 女たちが 殺しに行ってきた、

утигатува, ути jэгдигэ нада аантава бааани мамасанами.

utigatuwa, uti jəgdigə nada aantawa baaani mamasanami.

その彼らを、その 若者は、七人の 女たちを 得た、 自分の妻に。

утигату вакцанасаати утигатува тэу-дэ.

utigatu wakcanasaati utigatuwa təu-də.

彼らは 殺しに行ってきた、 あの魔物たちを 全てだ。

аӈини, ээтиӈгувэни, аваӈкивэни нэгиэ гээвэни магии.

aŋini, əətiŋguwəni, awaŋkiwəni nəgiə gəəwəni magii.

その、 良いのを、 良い者を 残しておいて、悪い者たちを 全部殺す。

мамакаӈини ситэни биини бисивэни тэу магиати,

mamakaŋini sitəni biini bisiwəni təu magiati,

ばあさんも、子供も、いるのを、 いたのを 全部 殺した、

тэу-дэ, jэу-дэ анчи. ''гээ, оно нихэҙэми-тэ, хаи солоихи,'' мэисими,

təu-də, jəu-də anči. ''gəə, ono nixəǰəmi-tə, xai soloixi,'' məisimi,

全部だ、何者も いない。「さあ、どう しようか、 再び 川を遡るか、」と 考えて、

''гулиӈиҙэми бии мэнэ ҙуктиги,'' сагди сагди диа воооси,

''guliŋiǰəmi bii mənə ǰuktigi,'' sagdi sagdi dia wooosi,

「行こう、 私は 自分の 家へ。」 大きな 大きな 船を 作って、

диа доолони тэусигээси, аӈи, гээ, мамаасаjи дианаини,

dia dooloni təusigəəsi, aŋi, gəə, mamaasaji dianaini,

船の 中に 全て載せて、 そいつはあれだ、さあ、 自分の妻に 言う、

''бии эинэӈи сии ҙаӈчаӈаваи сааҙаӈаи.''

''bii əinəŋi sii ǰaŋčaŋawai saaǰaŋai.''

「オレは 今日 おまえの 能力を 試してみたい。」

''jэу jэу jаа гунэи минэвэ.'' ''диа вооҙоӈои сии.

''jəu jəu jaa gunəi minəwə.'' ''dia wooǰoŋoi sii.

「何、何、何を 言うの、 私に。」 「船を 作るのだ、おまえは。

эи тэу ии оло биивэ тэу тихии тихигиивэ.

əi təu ii olo biiwə təu tixii tixigiiwə.

この 全てが 何でも ここに あるものを 全部 載せられる、入るようなのをだ。

муи бими-о jаа бими-о тэу тэугиҙэӈэфи. гаҙиҙаӈафи.

mui bimi-o jaa bimi-o təu təugiǰəŋəfi. gaǰiǰaŋafi.

馬だろうが、 牛だろうが、全て 載せよう、 持って行こう。」

туу туу бисини jэу-дэ эсини диана.

tuu tuu bisini jəu-də əsini diana.

じっと黙って いた、 何も 言わなかった。

бэити ӈуагиати～ ути бэjэни-дэ ӈуагиани～, кэптээни～ э～

bəiti ŋuagiati～ uti bəjəni-də ŋuagiani～, kəptəəni～ ə～

彼らは 寝た、 その 若者も 寝た、 横になった、さあて、

вооко гооко ӈуаисини～, мамаасани таӈ таӈ таӈ, таӈ таӈ таӈ,

wooko gooko ŋuaisini～, mamaasani taŋ taŋ taŋ, taŋ taŋ taŋ,

どのくらいか長いことか 寝ると、 その妻は ドンドンドン、ドンドンドンと

дуктэмэини гунэ～, тээгиэни ути мафаани.

duktəməini gunə～, təəgiəni uti mafaani.

シャーマンのタイコを叩く という、 起きた、その 夫は。

''утэ-бэдэ аанаӈисии сањаӈа вооони ути нии.

''utə-bədə aanaŋisii saňaŋa woooni uti nii.

「こんな風にして 船を作るのか、こんちきしょう、 この 者どもは。

сања вооони сии утэ-бэдэ аанаӈисии jэу,'' гуӈкини,

saňa woooni sii utə-bədə aanaŋisii jəu,'' guŋkini,

このやろう、 お前は こんな風にして 船を作るのか、」と 言った、（すると彼女は）

вадиак ӈуагиак ээни. тимадула тээгиэк, ''тээгиjэ гээ, диа ҙоконологоми

wadiak ŋuagiak əəni. timadula təəgiək, ''təəgijə gəə, dia ǰokonologomi

やめた、 また寝て しまった。 翌朝 起きた、 「起きろ、さあ、船を 押しに行け、

ими ӈуаи. эсити эсити аанаӈиси гунэи бисэи.''

imi ŋuai. əsiti əsiti aanaŋisi gunəi bisəi.''

なんで 寝ているのよ。船を作れと 言ったんじゃないの。」

сиугиэни эи-тэнэ. эунэвэнэи улитиди, ''диаӈи, оно биҙэ,''

siugiəni əi-tənə. əunəwənəi ulitidi, ''diaŋi, ono biǰə,''

目を覚まさせた、今。 下りて行かせる、川辺へ、「船が どうか試して御覧なさい、」と

гуми. ''тукпу-нуу, jэу-нуу,'' гуми.

gumi. ''tukpu-nuu, jəu-nuu,'' gumi.

言って。 「舟のようだか、何なんだか、」と 言って。

ӈиаихи эувэк ҙокооти～ сагди сагди эи～ jэу ҙугди,

ŋiaixi əuwək ǰokooti～ sagdi sagdi əi～ jəu ǰugdi,

岸辺へ 下りた、押した、 大きな 大きな、こいつは 何とも、家のよう、

эи ҙуу ҙугди-дэ ҙээ сагди.

əi ǰuu ǰugdi-də ǰəə sagdi.

これは 二軒の 家ほどもの すごい 大きさだ。

диа воооти гунэ сагди сагди-да, ''гээ, чэ～ тээсиу,''

dia woooti gunə sagdi sagdi-da, ''gəə, čə～ təəsiu,''

船を 作った という、大きく、大きくだ、「さあ、どっこいしょ、おまえらも座れ。」

гээ. команда дали тэу тэусиэти～ лаубаҙинани тэу-дэ, jэу бисини,

gəə. komanda dali təu təusiəti～ laubaǰinani təu-də, jəu bisini,

さあ。号令を かけた、 全て 載せた、 奴隷たちも 全てだ、何が いれば、

jэу нау ҙавагисими тэу тэусиэти, jаава ҙавагиаси тэугиэти,

jəu nau ǰawagisimi təu təusiəti, jaawa ǰawagiasi təugiəti,

何でも 鶏でも ひっつかんで 全て 載せた、 牛を 捕まえて 載せた、

нактаӈи ҙавагиа тэугиэти, муиӈифи ҙавагиа тэугиэти, jэу бииӈи

naktaŋi ǰawagia təugiəti, muiŋifi ǰawagia təugiəti, jəu biiŋi

ブタを 捕まえて 載せた、 馬を 捕まえて 載せた、 何かが いれば

jэу тэу тэугиэти тэу-дэ. ''гээ сологиҙафи гээ, оно гаҙиҙаӈафи,''

jəu təu təugiəti təu-də. ''gəə sologiǰafi gəə, ono gaǰiǰaŋafi,''

何でも 全て 載せた、 全部だ。「さあ、 遡ろう、 さあ、どうやって 連れて行こう。」

''гээ, нии сааини сии оно гаҙиҙаӈаи,'' гуӈкини

''gəə, nii saaini sii ono gaǰiǰaŋai,'' guŋkini

「さあ、誰が 知ってるでしょうか、あなたが どうやって 連れて行くのかを、」と 言った、

мамасани-тэнэ. тэгэjи укиэвэни лифо лифо, диаjи дуэтигини таалаани эи-тэнэ.

mamasani-tənə. təgəji ukiəwəni lifo lifo, diaji duətigini taalaani əi-tənə.

妻は。 （男は）自分の服の 裾を 捲り上げて、 船の 舳先へ 行った、今。

диаjи хоӈкотигини таалааси, таа таа таптаани ӈаалаҙи илаалиа-да,

diaji xoŋkotigini taalaasi, taa taa taptaani ŋaalaǰi ilaalia-da,

船の 舳先のところへ 行って、 パンパンパンと 叩いた、 手で、 三回だ、

тигэ～ диани мэнэ гулинэи-лиэ чум-дэ. туу

tigə～ diani mənə gulinəi-liə čum-də. tuu

スゥーと動き出した、船は 勝手に 進みだした、村が見えなくなるまでだ。 そうして

ӈэнэми～ ӈэнэми ӈэнэми, экэиjэни, ''экэиjэ'' гуӈкини хэгилэ тээвэӈкини.

ŋənəmi～ ŋənəmi ŋənəmi, əkəijəni, ''əkəijə'' guŋkini xəgilə təəwəŋkini.

行って、 行って、行って、 停まった、「停まれ、」と 言った、下に 座らせた。

гээ, мамасаjи-дэ ''гээ, сии-дээ ӈэнэвэнэи бии-бэдэ.''

gəə, mamasaji-də ''gəə, sii-dəə ŋənəwənəi bii-bədə.''

さあ、自分の妻にも、「さあ、おまえも（船を） 進ませろ、私がしたのと同じように。」

исэсиэ исэсиэ, мамаасани-тэнэ ӈаалаjи укиэjи лифо лифо,

isəsiə isəsiə, mamaasani-tənə ŋaalaji ukiəji lifo lifo,

見ていた、 見ていると、その妻は その腕の その袖を 捲り上げて、

диаӈи хоӈкотигини хэтигэӈкини эи-тэнэ, ути-дэ ''хааи хааи,'' хэутиэни, хаку,

diaŋi xoŋkotigini xətigəŋkini əi-tənə, uti-də ''xaai xaai,'' xəutiəni, xaku,

船の 舳先の所へ 跳び乗った、今、 彼女も、「ハ～イ、ハ～イ、」と 叫んだ、 ああ、

э～ чэӈгэлигдэ дэгдээ гунэ диани.

ə～ čəŋgəligdə dəgdəə gunə diani.

グーンと 浮かび上がった、 空を飛んだ という、 船は。

тэ～ ули хоондилини диэлигиэти чэӈгэлилиэ-дэ.

tə～ uli xoondilini diəligiəti čəŋgəliliə-də.

スーッと 川の 上の所を 飛んで行った、スイーッとだ。

воогок ӈэнии～ воогок ӈэниэси, тиӈмэвэӈкини хэгихи.

woogok ŋənii～ woogok ŋəniəsi, tiŋməwəŋkini xəgixi.

どんなにか遠くまで 行った、どんなにか遠くまで 行ってから、下ろした、 下へ。

''гээ, сии мэнэ ӈэнивэнэи бии эими саа, оло одиги

''gəə, sii mənə ŋəniwənəi bii əimi saa, olo odigi

「さあ、あなたは 自分で 進ませて下さいな、 私は 知りません、ここに、ここから

сии ҙугди илэ биэ илэ биэ сии маатуи илэ биини,

sii ǰugdi ilə biə ilə biə sii maatui ilə biini,

あなたの 家が、どこに あるか、どこに あるか、あなたの 家の岸辺が どこに あるのか、

сии мэнэ ӈэнивэнэи, мэнэ маатулаjи агданагиjа.''

sii mənə ŋəniwənəi, mənə maatulaji agdanagija.''

あなたは 自分で 行かせて下さい、 自分で 自分の所の岸に 接岸させなさい。」

''ута ими ииӈиҙэфи-тэ иигиэти～ ҙугдилафи.

''uta imi iiŋiǰəfi-tə iigiəti～ ǰugdilafi.

「そいつは どうして（遠く長く着くまで） 行かなければならないだろうか、自分の家が。

гээ, jэу бааҙафи ҙугдинафи,''

gəə, jəu baaǰafi ǰugdinafi,''

ああ、何が 見つけられようか、我ら自分たちのの家として。」

илантуӈа диа, аӈи, диани ҙааниӈати ути. солоихи гианавана,

ilantuŋa dia, aŋi, diani ǰaaniŋati uti. soloixi gianawana,

三艘の 船、 その、 船は 仲間の者たちだ、それは。上流の方へ（仲間を）行かせた、

эjэихи таати тааӈкила сагди тигиа вооо,

əjəixi taati taaŋkila sagdi tigia wooo,

下流の方へも、そうして その真ん中の所に 大きな 白樺の樹皮製の家を 作った、

ҙугдива вооо, солоихи эjэихи

ǰugdiwa wooo, soloixi əjəixi

家を 作った、 上流へ 下流へ、

тэу аӈи, ҙугдиӈисиани～ jэу муи омоони-гда～ jэу jаа омоони-гда,

təu aŋi, ǰugdiŋisiani～ jəu mui omooni-gda～ jəu jaa omooni-gda,

全て あれだ、家を作った、 どんな 馬の 小屋だって、 何の 牛の 小屋だって、

jэу вагиа омоони-гда, нау омоони-гда мэнэ тэу гианаисини багдии,

jəu wagia omooni-gda, nau omooni-gda mənə təu gianaisini bagdii,

どんな ブタの 小屋だって、 鶏の 小屋だって、自ずから 全て 歩くと、 できる、

мэнэ-дэ. ''гээ, гээ нии эгдигэту сагди ҙугдитиги нихуанаа,

mənə-də. ''gəə, gəə nii əgdigətu sagdi ǰugditigi nixuanaa,

勝手にだ。 「さあ、 さあ 人々の（家族が） 多い者たちは 大きな 家へ 入れ、

нии ицаагату вацаагату нии ицаа ҙугдитиги нихуанаа,

nii icaagatu wacaagatu nii icaa ǰugditigi nixuanaa,

人々の（家族が） 小さい、 少ない 者たちは 小さい 家へ 入れ、

багдинауҙа, мэнэ-дэ.'' ''эи-тэнэ эҙэн мафа～'' гуӈкити.

bagdinauǰa, mənə-də.'' ''əi-tənə əǰən mafa～'' guŋkiti.

そこへ行って住め、めいめい勝手にだ。」「ああこれこそ 主たる長だ、」と 人々は言った。

''ҙугдива-да мэнэ багдиванаа, анана эҙэн мафа бии, бими

''ǰugdiwa-da mənə bagdiwanaa, anana əǰən mafa bii, bimi

「家々を 自ら 生まれさせた、 昔は 主たる 長は このようだったよ、いて、

мэнэбэҙи-мэи хуаӈниуи бисэ, мэнэбэҙи-мэи вооуи бисэ, ҙугдинафи.''

mənəbəǰi-məi xuaŋniui bisə, mənəbəǰi-məi wooui bisə, ǰugdinafi.''

自身自らだけで 木を伐って作ったものだ、自分だけで 作ったのだったよ、我らの家を。」

утадиги оно бисэ-дэ. забыла утава.

utadigi ono bisə-də. zabyla utawa.

それから どんな だったかねえ。 忘れたわ、それを。

адима адима аӈани эусэ имааси

adima adima aŋani əusə imaasi jəu aja biǰə-də.

何年だか、 何 年だか、 物語もしなかったら どうして うまく できるだろうか。

jэу аjа биҙэ-дэ. оӈмоктоони хани баала оӈмои.

oŋmoktooni xani baala oŋmoi.

みんな忘れてしまうよ、 いくつかの 箇所を 忘れてしまったよ。