民話資料

гиаӈанаӈи баала хулаафи лоосии ути, (нада аҙига.)

giaŋanaŋi baala xulaafi loosii uti, [nada aǰiga.] （1）

毎日 外に 自分たちの毛布を 掛けて干していた、その、[七人の 娘たちは。]//(1) 別の話者が語った。語り手が録音の前に話し始めてしまい、それを若干補うために語ったものである。//

тимаадула чоо ӈичааӈити ӈэнээни～ баихи.

timaadula čoo ŋičaaŋiti ŋənəəni～ baixi.

朝 一番 末っ子の娘が 行った、 外へ。

э～ хулаани хэгихи тиӈмээни гунэ～.

ə～ xulaani xəgixi tiŋməəni gunə～.

あれあれ 彼女の毛布が 下に 落ちていた という。

тэу бумбилэптээни гунэ.

təu bumbiləptəəni gunə.

全部 ぐちゃぐちゃに丸まっていた という。

''эи эхэҙигэ-нуу бии хулааjи тиӈмэисини-дэ, эи-дэ гааги

''əi əxəǰigə-nuu bii xulaaji tiŋməisini-də, əi-də gaagi

「これは 姉さんたちったら 私の 毛布を 落としておいて、 取りもしないし、

эи-дэ лоогиду.'' ҙавагими дэулэндээни.

əi-də loogidu.'' ǰawagimi dəuləndəəni.

掛けもしないなんて（ひどい）、」と つかんで 振ってほこりを払い落とした。

ээ～ гаи доӈдолио тиӈмээ гунэ утадиги.

əə～ gai doŋdolio tiŋməə gunə utadigi.

するとあれあれ、カラスが コロコロと転がり 落ちた という、そこから。

нуантиги исэсиэ～ хулаатиги исэсиэ гунэ. ҙаваак, хулааҙи тумулэтээси,

nuantigi isəsiə～ xulaatigi isəsiə gunə. ǰawaak, xulaaǰi tumulətəəsi,

彼女の方を 見たり、 毛布の方を 見たりすると いう。 つかんで、毛布で くるんで、

гаҙиани ҙугди дуjухини. ''эхэ суу бии хулааjи

gaǰiani ǰugdi dujuxini. ''əxə suu bii xulaaji

持って行った、 家の 奥へ。 「姉さん、あなたたちは 私の 毛布を

тиӈмэисини аали-да эу лооги. эу исэ-нуу, суу

tiŋməisini aali-da əu loogi. əu isə-nuu, suu

落としておいて いつだって 掛けやしないわね。見なかったの、 あなたたちは、

эинэӈи баихи хулиу-буубу, суу.''

əinəŋi baixi xuliu-buubu, suu.''

今日 外へ 出入りしたでしょう、あなたたちは。」

''эсини тиӈмэ бисэ, эсини.''

''əsini tiŋmə bisə, əsini.''

「落ちてなかったんじゃない、 落ちてなかったわ。」

''тиӈмээни буубуи-нэ, хэгилэ гаагиами бии.''

''tiŋməəni buubui-nə, xəgilə gaagiami bii.''

「落ちていた じゃないよ、下に、 拾ったのよ、私は。」（それで姉たちは外に掛けに

гаҙикцаивати вээндэгиэк ээни тумулэптэми-дэ.

gaǰikcaiwati wəəndəgiək əəni tumuləptəmi-də.

行こうとした）彼らが取ろうとしたのを、投げ捨てたという ぐちゃぐちゃに丸めて、だ。

эи～ эи-дэ лооно эдэлиэни～ ҙуба нэӈи омо нэӈи ҙуба нэӈи

əi～ əi-də loono ədəliəni～ ǰuba nəŋi omo nəŋi ǰuba nəŋi

今や、 外に干しに行かなく なってしまった（妹は）、二 日、 一 日、 二 日、と

гагда нэӈи эини-дэ лооно.

gagda nəŋi əini-də loono.

毎 日 干しに行かなくなってしまった（妹は）。

''эинихэ хулааjи ими эини лооно эдээни эи?''

''əinixə xulaaji imi əini loono ədəəni əi！?''

「あの娘ったら、自分の毛布を どうして 掛けに行かなく なったのかしら、今！?」

хулаавани ҙавами дэулэндээти гаи доӈдолио тиӈмэлээни.

xulaawani ǰawami dəuləndəəti gai doŋdolio tiŋmələəni.

毛布を つかんで 彼らは振り払った、カラスが コロコロと 転がり落ちた。

''сањаӈа хэктиэни,'' гуӈкини, ''гаива этигэнэми ба'ааси,

''saňaŋa xəktiəni,'' guŋkini, ''gaiwa ətigənəmi ba'aasi,

「このバカ娘ったら、」と 言った、「カラスを 自分の夫として 見つけたから、

хулааjи-да эи лооно эдээи,'' и-тэнэ сантуниӈасилаити, эхинэни.

xulaaji-da əi loono ədəəi,'' i-tənə santuniŋasilaiti, əxinəni.

毛布を 掛けに行かなく なったのか、」と 今 皆拳骨で殴った（妹を）姉たちは。

ниӈунтивэ тэу-дэ. ''ӈэнэjэ, сии, кэигэвэ далусиjа,'' гуӈкини.

niŋuntiwə təu-də. ''ŋənəjə, sii, kəigəwə dalusija,'' guŋkini.

6人 全員がだ。「行け、 あんたは ネコに 餌をやっといで、」と 言った。

нуантигини исэсиэ, бэjэнтигини исэсиэ, ээ гунэ.

nuantigini isəsiə, bəjəntigini isəsiə, əə gunə.

（カラスは） 彼女の方を 見たり、 残りの6人の方を 見たり する という。

ии-гэ ии-гэ каптасиак, ваафиланаа, ''гээ ӈэнэjэ!''

ii-gə ii-gə kaptasiak, waafilanaa, ''gəə ŋənəjə！''

何か ヒモかなんかで 縛った、 肩に担いで、「さあ、お行き！」と（彼女が言うと）

њауху ӈэнээни～ гаиӈини диӈдоӈ диӈдоӈ диӈдоӈ гиаӈиани.

ňauxu ŋənəəni～ gaiŋini diŋdoŋ diŋdoŋ diŋdoŋ giaŋiani.

先を 行った、 カラスは ピョン ピョン、ピョンピョン 跳ねて歩いて行く。

бэjэни-тэнэ амиала хулааjи ии ваафиланаа ӈэнээни～,

bəjəni-tənə amiala xulaaji ii waafilanaa ŋənəəni～,

彼女は その後ろを 自分の毛布だ 何だを 肩に担いで 行った、

ӈэнэми～ ӈэнэми иинээни, ҙугдихи～ гунэ,

ŋənəmi～ ŋənəmi iinəəni, ǰugdixi～ gunə,

行って～ 行って 着いた、 一軒の家がある という、

''гээ оно бааи бии.'' ҙугдихи биини хаиси,

''gəə ono baai bii.'' ǰugdixi biini xaisi,

「あら、どうして 見つけたのかしら、私は。」 家が あるし、さらに、

мохони-да биэ гунэ jохони-да биэ гунэ,

moxoni-da biə gunə joxoni-da biə gunə,

皿も ある という、鍋も ある という、

ини-дээ хэм биэ гунэ ҙугдила ииисини, таа омо чотоӈолони

ini-dəə xəm biə gunə ǰugdila iiisini, taa omo čotoŋoloni

何でも 揃って ある という、家に 入ってみると、ほら その一つの 隅の所に

биэ гунэ дооӈкуни. утала иигими

biə gunə dooŋkuni. utala iigimi

ある という、 鳥がとまる所が。（カラスは）そこに 入って

утаухи ӈэниэк, утаду доӈдосо～ доогига гунэ

utauxi ŋəniək, utadu doŋdoso～ doogiga gunə

そこへ 行って、そこに フワリと とまった という。

утаухи хэтигэӈисигээси. омо каӈани биэ гунэ

utauxi xətigəŋisigəəsi. omo kaŋani biə gunə

そこへ 跳び乗ってから、だ。 一つ オンドルも ある という、

утала экэиjэни бэjэни-тэнэ. хулааjи ии хэбусиэми утаду нэдээни.

utala əkəijəni bəjəni-tənə. xulaaji ii xəbusiəmi utadu nədəəni.

そこで 休んだ、彼女は。 毛布だ 何だ、持って来た物を そこに 置いた。

бисини～ эи-нэ～ тимаасани,

bisini～ əi-nə～ timaasani,

そうして暮らしていた、 ある時 朝に、

''эи ҙауӈава-да илэ-дэ бааани-да.''

''əi ǰauŋawa-da ilə-də baaani-da.''

「さて今 コクチマスを どこで 見つけよう。」（彼女がそう言うと）

гаиӈини доӈдоми-ка～ ӈэнээ гунэ.

gaiŋini doŋdomi-ka～ ŋənəə gunə.

カラスは ピョンコピョンコと 行く という。

jэу-кэ-дэ～ бисини～ бисэ～ бисэ～ эмэгигэ гунэ.

jəu-kə-də～ bisini～ bisə～ bisə～ əməgigə gunə.

どこにだか長いこと いた、 いた、 いた、 戻って来た という。

нуантиги исэсиэ баихи исэсиэ～ гунэ.

nuantigi isəsiə baixi isəsiə～ gunə.

彼女の方を 見たり 外の方を 見たりする という。

''jэу jаани эи.'' баихи ниувэни

''jəu jaani əi.'' baixi niuwəni

「なあに、どうしたのかしら、これは。」外に 出た、

э～ ҙауӈа омо угэҙи иӈкуалагиани гунэ.

ə～ ǰauŋa omo ugəǰi iŋkualagiani gunə.

ああ、コクチマスが 一つの ウガ（漁労の道具）で 引っ張って来てあった という。

''эгдэӈкэ～ оно вааани оно гаҙиани.''

''əgdəŋkə～ ono waaani ono gaǰiani.''

「不思議だわ、どうやって 捕ったのかしら、 どうやって 持って来たのかしら。」

гадааси тэгэсиэни утава улиӈинэми гадаа, тэгэсиэк нэмиктэсиэк

gadaasi təgəsiəni utawa uliŋinəmi gadaa, təgəsiək nəmiktəsiək

持って来てから 捌いた、 それを 水を 持って来て、捌いた、 三枚に下ろした、

талааӈисиэк, талаа ҙииjэк, сэкувэни хуаинаак хуаинаак,

talaaŋisiək, talaa ǰiijək, səkuwəni xuainaak xuainaak,

たたきにした、刺身に 細かく切った、骨を砕いた、砕いた、 砕いた、

эи-тэнэ олоктоони～, талаа ҙииjэми буувэни эи-тэнэ.

əi-tənə oloktooni～, talaa ǰiijəmi buuwəni əi-tənə.

今 煮た、 刺身に 細かく切ったのを 与えた、 今。

тэу мэнэ лугбум лугбум ҙогҙоми дигаа гунэ～ тэу-дэ.

təu mənə lugbum lugbum ǰogǰomi digaa gunə～ təu-də.

全部 自分で 嘴でつついてつついて つついて 食べた という、全部だ。

утадиги њаа олоктооми уиjэ ''дигаи, маа ава, ҙауӈа

utadigi ňaa oloktoomi uijə ''digai, maa awa, ǰauŋa

それから さらに 煮たのを 盛った、「食べなさいな、ほうら それを、コクチマスを

олоктосово.'' дигаа гунэ лугбум лугбум ҙауӈа олоктоомони тэу-дэ.

oloktosowo.'' digaa gunə lugbum lugbum ǰauŋa oloktoomoni təu-də.

煮たのを。」 食べた という、つっついてつっついて コクチマスを 煮た物を 全部だ。

бисини～ эи-тэнэ,

bisini～ əi-tənə,

そうして暮らしている、 今。

оно, оно ниинагиванаи бисэи утава а?

ono, ono niinagiwanai bisəi utawa a！?

それからどうやって、どうやって 人間にさせるん だったっけ、それを、え！?

омо хокто чуулини хулии гунэ～ jэу-кэ ӈэнээ гунэ,

omo xokto čuulini xulii gunə～ jəu-kə ŋənəə gunə,

いつも同じ 道を まっすぐ 行き来している という、どこかへ 行く という、

тэу инэӈи ӈэнээ～ тимадула ӈэнээ～ сикиэ эмэгии гунэ～ тимадула ӈэнээ

təu inəŋi ŋənəə～ timadula ŋənəə～ sikiə əməgii gunə～ timadula ŋənəə

いつも 昼も 行くし、 朝も 行く、 夕方 戻ってくる という、朝 行って

сикиэ эмэгии гунэ. ''эи jаухи хулиини эи,''

sikiə əməgii gunə. ''əi jauxi xuliini əi,''

夕方 戻ってくる という。「これは どこへ 行っているのか、これは。」

ӈэнээни～ ӈэнээни хоктовони чуули эи-тэнэ. гаи хоктони

ŋənəəni～ ŋənəəni xoktowoni čuuli əi-tənə. gai xoktoni

行った、 行った、その足跡に沿って まっすぐに、今。 カラスの 足跡は、

ути чулэ～ ути чуулини пиоло пиоло исэсими ӈэнээни.

uti čulə～ uti čuulini piolo piolo isəsimi ŋənəəni.

それは 細々と、それは まっすぐに ピョンピョンと続いている、それを見ながら 行った。

э～ омо бау～ моо тэхэдуни биини лоӈгигу～ биэ,

ə～ omo bau～ moo təxəduni biini loŋgigu～ biə,

さあ、一本の 太い 木の 根元に いる、 寝転がって いる、

''ими биӈнэи сии, оло.'' эи-дэ диана гунэ.

''imi biŋnəi sii, olo.'' əi-də diana gunə.

「どうして 来ているの、あなたは、 ここに?」 何も言わない という。

илигиэ этэӈиэни. э～ суала хоктони киолоноини биини гунэ утала.

iligiə ətəŋiəni. ə～ suala xoktoni kiolonoini biini gunə utala.

立って ずっと見ていた。あらら、スキーの 跡が 平らに続いて ある という、そこから。

''эи ҙали-да биини,'' гунэ, сагди ҙали утала.

''əi ǰali-da biini,'' gunə, sagdi ǰali utala.

「これは、蔵も あるわ、」と 言う、 大きな 蔵が そこに。

''эи нии биу, минду бими,

''əi nii biu, mindu bimi,

「これはどうやら 人間の ようだわ、私の所に いる時には、

гаи биини-буубуни эи.'' ҙаваани ути тэкпуни

gai biini-buubuni əi.'' ǰawaani uti təkpuni

カラスの姿で いる みたいだけど、これは。」 つかんだ、その 空っぽの皮を、

ниани-сэнэ биини гунэ. гаҙиани утава.

niani-sənə biini gunə. gaǰiani utawa.

毛皮だけで ある という。持って行った、それを。

''гаҙиҙами бии, ниинагиамани исэлэгэми.'' ҙавагими гаҙиани～

''gaǰiǰami bii, niinagiamani isələgəmi.'' ǰawagimi gaǰiani～

「持って行くわ、私は、人間に戻るのを 見るために。」 つかんで 持って行った、

ниинагиамани исэлэгэми. бисини～ олоктосиани～

niinagiamani isələgəmi. bisini～ oloktosiani～

人間の姿に戻るのを 見るために。家にいた、食事を煮た、

аjа ҙэувэ олоктосиани. сикиэ～ кас кас кас эмэгигэ гунэ.

aja ǰəuwə oloktosiani. sikiə～ kas kas kas əməgigə gunə.

良い 料理を 煮た。 夕方 シャカシャカとスキーの音をさせて 戻って来た という。

''э～ бэлиэ иду гаҙиаи,'' гуӈкэ,

''ə～ bəliə idu gaǰiai,'' guŋkə,

「ああ、おまえよ、どこに 持って行った、」と 言った、

''бии ниаваjи буугиjэ сии.'' ''бии эҙэӈэи бууги,'' гунэи,

''bii niawaji buugijə sii.'' ''bii əǰəŋəi buugi,'' gunəi,

「私の 毛皮を 返せ、 おまえは。」「私は 返さないわ、」と 言う、

''сии нии бими оно бии минтиги jэу-дэ эи диана,

''sii nii bimi ono bii mintigi jəu-də əi diana,

「あなたは 人間で あるのに どうして 私に 何も 言いもしないのか、

jэу-дэ эи диана-ҙуӈэ. эҙэӈэи бууги

jəu-də əi diana-ǰuŋə. əǰəŋəi buugi

何も 言わないのか。 返さないわ、

бии синду буугилэгэми эсими гаҙи.''

bii sindu buugiləgəmi əsimi gaǰi.''

私は あなたに 返すために 持って来たんじゃないわ。」

''хаулиа хаулиа буугиjэ,'' гуӈкини,

''xaulia xaulia buugijə,'' guŋkini,

「どうか、どうか 返してくれ、」と 言った、

''эсини иинэ,'' гуӈкини, ''бии нии эсигиҙэӈэи элиини.

''əsini iinə,'' guŋkini, ''bii nii əsigiǰəŋəi əliini.

「まだその時にはなっていないんだ、」と 言った、「私が 人間に なるべき 時には。

нии эсигиҙэӈэи элии иигиисини ниинагиҙаӈаи,'' гуӈкини.

nii əsigiǰəŋəi əlii iigiisini niinagiǰaŋai,'' guŋkini.

人間に なるべき 時が 来たなら、私は人間になるだろう、」と 言った。

''гээ эмэгиjэ аjа,'' гуӈкини.

''gəə əməgijə aja,'' guŋkini.

「さあ、いいから 戻ってくれば いいのよ、」と 言った。

''оно jаҙа эму эмэги-дэ.'' гэлэгиэми, исэсиэни, илигээси

''ono jaǰa əmu əməgi-də.'' gələgiəmi, isəsiəni, iligəəsi

「どう するつもりなの、もし帰らないのなら。」 呼んだのを、見ている、立ったまま

исэсиэни эҙи иигивэнэ～ маӈга маӈга jэгдигэ гунэ хаку.

isəsiəni əǰi iigiwənə～ maŋga maŋga jəgdigə gunə xaku.

見ている、入れさせなかった、立派な、すてきな いい男である という、ああ。

тугэлээни миолони иигиэмэни.

tugələəni mioloni iigiəməni.

抱きしめた、首の所を、 彼が入ってくる所を。

''гээ, тээгиjэ!'' тээгивэнэ～ чаjава чудиэк буувэни

''gəə, təəgijə！'' təəgiwənə～ čajawa čudiək buuwəni

「さあ、座って！」 座らせた、 お茶を 淹れて 渡した、

умивэӈкини～ чаjава. олоктооми уиjэни дигаваӈкини～ дигаани.

umiwəŋkini～ čajawa. oloktoomi uijəni digawaŋkini～ digaani.

飲ませた、 お茶を。 自分が煮た物を 盛った、食べさせた、 食べた。

бисини～ э～ эхинэни сааати утава эи-тэнэ

bisini～ ə～ əxinəni saaati utawa əi-tənə

そうして暮らしていた、 さあ 姉たちが 知った、彼女を 今、

гиаӈанаӈи ча'асиналиати нэӈуфи. элээ аатанаитиги

giaŋanaŋi ča'asinaliati nəŋufi. ələə aatanaitigi

毎日 くすぐっていじめた、妹を。 もう 気を失いそうになった、

туу чаасии туу чаасии,

tuu čaasii tuu čaasii,

ずうっと くすぐる、ずうっと くすぐる、

элээ～ гээнҙи эдээни хаиси ути хаиси,

ələə～ gəənǰi ədəəni xaisi uti xaisi,

もうすぐ 子供が生まれそうに なっていたのだが、再度、また 再度、と

туу чаасии бими бими коӈолиани～ э～,

tuu čaasii bimi bimi koŋoliani～ ə～,

ずうっと くすぐって いると、そうしていると、痩せ始めた、さあ、

''элээ ими коӈоои,'' гуӈкини, ''сии. коӈово-до богово-до

''ələə imi koŋooi,'' guŋkini, ''sii. koŋowo-do bogowo-do

「あれあれ、どうして 痩せたのか、」と 言った、「おまえは。痩せたのも、太ったのも

вааами буубуи бии сии дигалагаи.''

waaami buubui bii sii digalagai.''

たくさん獲った じゃないか、オレは、おまえが 食べるようにと。」

''эими дига, бии дигами буубу-нэ.''

''əimi diga, bii digami buubu-nə.''

「私が 食べていないことなぞありましょうか、私は ちゃんと食べてる じゃないですか。」

ҙиасаини эини тэлуӈуси. утэ нихэити～ тэлуӈусиэни,

ǰiasaini əini təluŋusi. utə nixəiti～ təluŋusiəni,

本当の事を言わなかった、 話さなかったのだが、そう していたが、 話した、

''элээ～ бии эхинэми минэвэ ваалиити～'' гуӈкини.

''ələə～ bii əxinəmi minəwə waaliiti～'' guŋkini.

「ああ、 私の 姉たちが 私を 殺そうとする、」と 言った。

''гиаӈанаӈини минэвэ лиаси чаасинаа-да, сии эҙи ӈэнэ эинэӈи.

''giaŋanaŋini minəwə liasi čaasinaa-da, sii əǰi ŋənə əinəŋi.

「毎日 私を ひどく くすぐりに来る、あなたは 行かないで下さい、今日は。

ути эмэисити коӈкологоми.'' ''аjа аjа,'' њаа ӈэнээни.

uti əməisiti koŋkologomi.'' ''aja aja,'' ňaa ŋənəəni.

彼らが 来たときに 叩くために。」「大丈夫、大丈夫、」と また 狩りに行ってしまった。

хаи эмэгиэти-э чаасиа хаи чаасиа～ утадиги оно нихээ бисэ...

xai əməgiəti-ə čaasia xai čaasia～ utadigi ono nixəə bisə...

また やって来た、くすぐった、 また くすぐった、それから どう したか、

''аjа, бууjэ,'' гуӈкини, ''сии эинэӈэ эмэисити

''aja, buujə,'' guŋkini, ''sii əinəŋə əməisiti

「いいや、やってしまえ、」と 言った、 「おまえは 今日 彼らが来たら

иду муњалии. эинэӈи эмэгиисити бууjэ,'' гуӈкни,

idu muňalii. əinəŋi əməgiisiti buujə,'' guŋkini,

どうして 惜しんでいることがあろうか。今日 来たなら やってしまえ、」と 言った、

''аjа. оно jадуҙа утава.''

''aja. ono jaduǰa utawa.''

「よい、いったいやつらはどう するというんだ、それを。」

''иӈкэ, аjа нихэлэгэфи гэлэити,'' гуӈкини,

''iŋkə, aja nixələgəfi gələiti,'' guŋkini,

「ええ、良いことを するために 彼らがそれを求めるでしょうか、」と 言った、

''бии буулэгэjи утава. аjа нихэлэгэфи эити гэлэ ути.''

''bii buuləgəji utawa. aja nixələgəfi əiti gələ uti.''

「私は やらないわ、それを。良いことを するために 求めたりなんかしないわ、彼らは。」

э～ чаасии чаасии, ''гээ тээти атуга доолони биэ,'' гунэ,

ə～ čaasii čaasii, ''gəə təəti atuga dooloni biə,'' gunə,

さあ くすぐる、くすぐる、「ああ、あそこよ、裁縫箱の 中に あるわ、」と 言う、

''jэу сањалани jалагафи гэлэу суу утава.''

''jəu saňalani jalagafi gələu suu utawa.''

「何 バカなことを するために 求めるの、あなたたちは それを。」

гээ тоово илагиини илагиа, гаагиини гаагиа ээти

gəə toowo ilagiini ilagia, gaagiini gaagia əəti

さあ 火を 焚く者は 火を焚いた、カラスの皮を持って来る者は 持って来たり、した、

эи-тэнэ. тоовони ҙэгдилиэни, тоотиги вээндэлээти

əi-tənə. toowoni ǰəgdiliəni, tootigi wəəndələəti

今。 火を 燃やし始めた。火の中へ 投げた、

ими-гдэ ҙэгдэлиҙэ-тэ ути офокто. таӈдагиани～

imi-gdə ǰəgdəliǰə-tə uti ofokto. taŋdagiani～

もちろんあっという間に 燃えてしまう、その 羽根は。 急いで引き出したが、

офокто куаси куаси ҙэгдээни. гаагиак имоҙи сиӈкиэк ээни.

ofokto kuasi kuasi ǰəgdəəni. gaagiak imoǰi siŋkiək əəni.

羽根は カリカリに 燃えてしまった。取って 油で 塗ったのだ。

''оно нихэисии аjа биҙэ ути.''

''ono nixəisii aja biǰə uti.''

「どう したら よく なるのだろう、これは。」

диилэ киаӈа ваами сиими биини,

diilə kiaŋa waami siimi biini,

（一方で男は）森で アカシカを 獲って 皮を剥いで いると、

тэгэ-дэ ээӈэни ҙэгдэлигэ гунэ, тоо. хэли хэли луктасиани утэмдэ-гдэ.

təgə-də əəŋəni ǰəgdəligə gunə, too. xəli xəli luktasiani utəmdə-gdə.

服の 裾が 燃え始めた という、火が。急いで 急いで 脱いだ、 所かまわず。

хэли хэли луктасиак, имааҙи пиомио ӈэниэни～

xəli xəli luktasiak, imaaǰi piomio ŋəniəni～

急いで 急いで 脱いだ、 雪で 中へ押し込んで 帰る、

эли суала дуктэндэгиисини эли ҙэгдээ гунэ, тоо-тоно-до.

əli suala duktəndəgiisini əli ǰəgdəə gunə, too-tono-do.

もっと スキーの スピードを出すと、さらに 燃える という、火は。

иигиэни, ''элээ～. эдээ оно нихээи-э,'' гуӈкини.

iigiəni, ''ələə～. ədəə ono nixəəi-ə,'' guŋkini.

家に入った、 「ああ、 ああ、どう したの、」と 言った。

''гээ, бууjэ гунэи бисэи,'' гуӈкини, ''аjа jэу.

''gəə, buujə gunəi bisəi,'' guŋkini, ''aja jəu.

「ああ、やってしまえと 言った じゃないの、」と 言った、「いいの！?

гээ, утэ-бэдэ нихэлэгэфи гэлэивэти сааами-гиэни бии.

gəə, utə-bədə nixələgəfi gələiwəti saaami-giəni bii.

ああ、こんな風に するために 彼らが求めていたのを 知っていたのよ、私は。

бууjэ гунэи бисэи сии.'' ''аjа,'' гуӈкини.

buujə gunəi bisəi sii.'' ''aja,'' guŋkini.

やってしまえと 言った じゃないの、あなたは。」「いいんだ、」と 言った。

гээ чаjа умиани, элээ дигандаани њаӈга њаӈга-да.

gəə čaja umiani, ələə digandaani ňaŋga ňaŋga-da.

さあ、お茶を 飲んだ、 さあ 少し食べた、ちょっと、ちょっとだ。

тоо ҙэгдэи агдаа, jэу сањавани ҙэу ҙэбҙэ-тэ, ути.

too ǰəgdəi agdaa, jəu saňawani ǰəu ǰəbǰə-tə, uti.

火が 燃えているのだから、もちろん何の 食べ物を 食べられるはずがあろう、彼は。

''баала тоо илаjа,'' гуӈкини.

''baala too ilaja,'' guŋkini.

「外に 火を 焚け、」と 言った（彼は）。

илаани тоова. ''элээ будэҙэӈэи,'' гуӈкини, ''бии.''

ilaani toowa. ''ələə budəǰəŋəi,'' guŋkini, ''bii.''

焚いた、火を。 「もうすぐ 死ぬ、」と 言った、 「私は。」

''аjа, эҙэӈэи будэ,'' гуӈкини,

''aja, əǰəŋəi budə,'' guŋkini,

「大丈夫よ、あなたは死なないわ、」と 言った、

''хаи ваагиҙаӈаи, бии мэнэ баалаjи симсинэгиҙэӈэи,

''xai waagiǰaŋai, bii mənə baalaji simsinəgiǰəŋəi,

「再び 生き返るだろう、 私は 自分の 故郷に 行って治療する、

багдиами баалаjи симсинэгиҙэӈэи,'' гуӈкини,

bagdiami baalaji simsinəgiǰəŋəi,'' guŋkini,

自分の生まれた 故郷へ 行って治す、」と 言った、

''сии эи нэкини гээнҙи jатасиҙаӈаи, баата бааҙаӈаи

''sii əi nəkini gəənǰi jatasiǰaŋai, baata baaǰaŋai

「おまえは この 春に、 妊娠の状態から 産むことだろう、男の子を 産むだろう、

ааҙи игисиjэ. илаама аӈани игисиjэ,'' гуӈкини.

aaǰi igisijə. ilaama aŋani igisijə,'' guŋkini.

良く 育てろ。 三 年間 育てろ、」と 言った。

''илаама аӈани кэтэ эдэҙэӈэни-гиэни, ситэjи.

''ilaama aŋani kətə ədəǰəŋəni-giəni, sitəji.

「三 年のうちに 大きく なるだろう、 私の子は。

ӈиала аана биэ утава аиситаиҙа, утава аисигааси,

ŋiala aana biə utawa aisitaiǰa, utawa aisigaasi,

岸に 舟が ある、 あれを 直せ、 穴が開いているのを 直してから、

оно-гу оно-гу ҙокотаиҙа, ӈиаихи, улитиги.

ono-gu ono-gu ǰokotaiǰa, ŋiaixi, ulitigi.

なんとか どうにかして 押して行け、岸辺へ、河へ。

саӈавани нитоҙаӈаи, нитоҙи. мэиҙэ нитово лиаси гаӈнасааси

saŋawani nitoǰaŋai, nitoǰi. məiǰə nitowo liasi gaŋnasaasi

穴を 塗り込めろ、松脂で。 水が漏ってしまうから 松脂を たっぷり 持って来てから

саӈавани нитосиани～ сэлэвэ угдисиэни лавами нитосиани.

saŋawani nitosiani～ sələwə ugdisiəni lawami nitosiani.

穴を 塗り込めた、 鉄を 火で溶かして 広げて 松脂を塗った。

утадиги-тэнэ ӈиаихи, ҙокоони～

utadigi-tənə ŋiaixi, ǰokooni～

それから 岸辺へ、押して行った、

гооӈиҙи гооӈиҙи гаӈҙасиани ҙокоони ӈиаихи, ути.

gooŋiǰi gooŋiǰi gaŋǰasiani ǰokooni ŋiaixi, uti.

静かに 静かに 棒で梃子を使いながら 押して行った、岸辺へ、それを。

''аjа, эини мэи.'' ситэjи тэувэни ҙулиэҙэлэ.

''aja, əini məi.'' sitəji təuwəni ǰuliəǰələ.

「大丈夫、水は漏って来ないわ。」自分の子供を 置いた、舟の前の所に。

соктоувак накта ниани, соктоу соктоувак, ҙэнтувэ нэдээк ээни.

soktouwak nakta niani, soktou soktouwak, ǰəntuwə nədəək əəni.

敷いたり、 イノシシの 毛皮を、敷いたり、敷いたり、 枕も 置いたり、した。

''гээ, тээjэ, оло сии, экуку-дэ.''

''gəə, təəjə, olo sii, əkuku-də.''

「さあ、座っていてね、ここに、あなたは、ちゃんと静かにね。」

jэу jаҙа ути ситэ, илаа сээ ситэ.

jəu jaǰa uti sitə, ilaa səə sitə.

どうして できないことがあろう、その 子供は、 三 歳の 子供だ。

экуку～ тээини утаду. бэjэни мэнэ эjэнээни～

əkuku～ təəini utadu. bəjəni mənə əjənəəni～

じっと 座っている、そこに。 彼らは 勝手に 流れて下り出した、

аӈасиа тээгиэ њаа аӈасиа тээгиэ эjэнээни～

aŋasia təəgiə ňaa aŋasia təəgiə əjənəəni～

一晩過ごし、起き、 また 一晩過ごし、 起きして 流れて行った、

эjэнэми～ вооко гооко эjэнэми ниилээти～

əjənəmi～ wooko gooko əjənəmi niiləəti～

流れて行って、どんなにか 長いこと 流れて、人のいるところまで来た、

нии саӈњани дэгдээ гунэ. эjэнээти～ э～ багиаҙала ээлэни

nii saŋňani dəgdəə gunə. əjənəəti～ ə～ bagiaǰala əələni

人の家の 煙が 立ち昇っている という。流れて行った、さあ その正面の 側に

омо ҙугди биэ гунэ. утала агдаати

omo ǰugdi biə gunə. utala agdaati

一軒の 家が ある という。そこに 着岸した、

багиаҙала ээлэни. утала агдаати～ омо мамака～

bagiaǰala əələni. utala agdaati～ omo mamaka～

その正面の 岸辺の所に。 そこに 彼らは着岸した、一人の おじいさんと

омо мафааса биити～, ''идиги эмэи-jэ, бэлиэнтэ сии.''

omo mafaasa biiti～, ''idigi əməi-jə, bəliəntə sii.''

一人の おばあさんが いる、 「どこから 来たのか、娘よ、 おまえは。」

''чумдиги эмээми бии, аанаҙи эjэнээми.''

''čumdigi əməəmi bii, aanaǰi əjənəəmi.''

「ある所から やって来ました、私は、舟で 流れて来ました。」

ситэни ниуи, тукиагусилиани вэмбэлилилили тукиавасии.

sitəni niui, tukiagusiliani wəmbəlililili tukiawasii.

子供は 出た、 走り出した、 トトトトーッと 走り回る。

''ээ～багиаҙала jэу нии-нэ биити.''

''əə～ bagiaǰala jəu nii-nə biiti.''

「お母さん、向こう岸には どんな 人が いるんですか。」

''ути гаанау баа, эҙи ӈэнэвэнэ ситэjи утаухи.

''uti gaanau baa, əǰi ŋənəwənə sitəji utauxi.

「あれは ガーナウの 世界だ、行かせてはいけないよ、 子供を、向こうへ。

нии ситэвэни аӈи, вааити маӈга утала. њаулава-на исээ вааду.''

nii sitəwəni aŋi, waaiti maŋga utala. ňaulawa-na isəə waadu.''

人の 子供を あれは、殺す、 ひどく強い、あそこの奴らは。子供を 見ると 殺す。」

илэ-кээ баандаафи аива умии, илэндээти ути. ӈуаани～,

ilə-kəə baandaafi aiwa umii, iləndəəti uti. ŋuaani～,

どこからか 見つけてきた 酒を 飲む、それで眠りについた、彼女は。寝た、

''эҙи ӈэнэ ситэ, багиаҙатиги гаанау баа.''

''əǰi ŋənə sitə, bagiaǰatigi gaanau baa.''

「行ってはいけないよ、我が子よ、向こう岸へは、ガーナウの 地だ。」

ситэни мэисиини, ''jэу биини гаанау баа.''

sitəni məisiini, ''jəu biini gaanau baa.''

子供は 考える、 「何 だろう、ガーナウの 土地って。」

гусими-э гусими-э-дэ, ''эниӈэjи, бии ӈэнэми багиахи.''

gusimi-ə gusimi-ə-də, ''əniŋəji, bii ŋənəmi bagiaxi.''

遊んで 遊んで、 「母さん、 僕は 行くよ、向こう岸へ。」

эсэ-дэ мэдэ соктоо. ''jэу биини гаанау баа.''

əsə-də mədə soktoo. ''jəu biini gaanau baa.''

聞こえなかった、酔っていたので。 「何 だろう、ガーナウの 世界って。」

одоко угдавани ҙавами, ҙавами ҙокоони～ даувани ҙокоми.

odoko ugdawani ǰawami, ǰawami ǰokooni～ dauwani ǰokomi.

おじいさんの 舟を つかんで、つかんで 押した、 渡った、 押して、

ути ӈиалати ӈэнээси тукиавасиани～ гиимаа ҙоло бии jаҙата

uti ŋialati ŋənəəsi tukiawasiani～ giimaa ǰolo bii jaǰata

その 岸辺の方へ 行ってから 走った、 海岸のような 石が ある じゃないか、

таухи тукиагиа эухи тукиагиа гусии.

tauxi tukiagia əuxi tukiagia gusii.

あっちへ 走り、 こっちへ 走りして 遊ぶ。

гээ, ути эҙэн мафа исэи-лиэ. ''тээ～ нии ситэни

gəə, uti əǰən mafa isəi-liə. ''təə～ nii sitəni

さあ、その 主人の じいさんが 見ている、「ほうれ、 誰の 子供が

тукиавасиини ути. гээнэу суу утава.'' ӈэнээти.

tukiawasiini uti. gəənəu suu utawa.'' ŋənəəti.

走り回っているんだ、あれは。捕まえろ、おまえら、あれを。」 彼らは行った。

хэутиндээти, ''эмэи, баата.'' ӈэнээни-тулу.

xəutindəəti, ''əməi, baata.'' ŋənəəni-tulu.

叫んだ、 「こっちへ来い、子供よ。」 行ったのだ。

ӈаалалани ҙавааси гаҙиани～ ҙугдитиги.

ŋaalalani ǰawaasi gaǰiani～ ǰugditigi.

腕を ひっつかんで 連れて来た、 家へ。

''э～ идиги эмэу баата, суу.''

''ə～ idigi əməu baata, suu.''

「さあ、どこから 来たのか、子よ、おまえたちは。」

''чумдиги эмээму буу, эниӈэҙи эjэнээми.''

''čumdigi əməəmu buu, əniŋəǰi əjənəəmi.''

「ある所から 来た、 僕たちは、母さんと 流れて来た。」

''эниӈэ илэ биэ?'' ''тээ багиаҙала бии.''

''əniŋə ilə biə?'' ''təə bagiaǰala bii.''

「お母さんは どこに いるのだ。」「ほらあの 向こう岸に いるよ。」

''сии абугахи бисэи?'' ''эими саа бии, эими саа.

''sii abugaxi bisəi?'' ''əimi saa bii, əimi saa.

「おまえの 父親はいるのか?」 「知らないよ、僕、知らない。

абугаи бисэ～-с исэ～-с, бии эниӈэтиги хаундасиу.

abugai bisə～-s isə～-s, bii əniŋətigi xaundasiu.

父さんが いたのか、 どうだったのか、僕は 母さんに 訊くよ。

бии эсими-дэ багди бисими,'' гунэи бисэ～,

bii əsimi-də bagdi bisimi,'' gunəi bisə～,

僕が まだ生まれて いなかった時に、」と 言うの だった、

''эниӈэ, абуга будээни гунэи бисэ.''

''əniŋə, abuga budəəni gunəi bisə.''

「母さんは、父さんは 死んだと 言うんだ。」

''ами гэгбини jэу бисэ?'' ''эими саа.''

''ami gəgbini jəu bisə?'' ''əimi saa.''

「父親の 名前は 何と 言ったか。」「知らないよ。」

гусиэни ҙугдитиги, мээн таду бими, ути

gusiəni ǰugditigi, məən tadu bimi, uti

遊んでいた時、家で、 自分で そこにいた 時には、 その子供は

''гааки ҙаӈгиа гааки ҙаӈгиа,'' тукиавасиани бисэ-дэ. э～ хаундасиани,

''gaaki ǰaŋgia gaaki ǰaŋgia,'' tukiawasiani bisə-də. ə～ xaundasiani,

「カラスの 長、 カラスの 長、」と言って 走り回っていたのだった。 再び訊いた、

''jэу бисэ～,'' гунҙи-мэли ''амии гэгбини. гээ, утэми,

''jəu bisə～,'' gunǰi-məli ''amii gəgbini. gəə, utəmi,

「何 だったのか、」と 言って、 「おまえの父の 名は。」 さあ、それから、

ҙооӈиани, ҙооӈиани утэми-дэ, элээ миолони кусигэ силэиҙини диӈээни,

ǰooŋiani, ǰooŋiani utəmi-də, ələə mioloni kusigə siləiǰini diŋəəni,

思い出した、思い出した、それから、 もう 喉の所に ナイフの 背を あてた、

ванига соӈоини. оно jаҙата

waniga soŋoini. ono jaǰata

そっくり返って 泣く、 どう しよう、

соӈоини њаула ӈээлэини. ''э～ бии эниӈэjи диаӈка,'' гуӈкини,

soŋoini ňaula ŋəələini. ''ə～ bii əniŋəji diaŋka,'' guŋkini,

泣く、 子供は 恐れて。 「ああ、僕の 母さんは 言ったよ、」と 言った、

''бии хаундасиисии, 'сии абугаи гааки ҙаӈгиа,' гуӈкини,

''bii xaundasiisii, 'sii abugai gaaki ǰaŋgia,' guŋkini,

「僕が 訊いたら、 『おまえの 父さんは カラスの 長だ、』と、」と 言った、

вээндэлэгиэни кусигэjи тээ～ таухи вээндээни.

wəəndələgiəni kusigəji təə～ tauxi wəəndəəni.

投げ捨てた、 ナイフを、ずうっと 向こうへ 投げた。

ситэjи гаагиак туэлэгиэк нигуасиани.

sitəji gaagiak tuələgiək niguasiani.

自分の子供を つかんだ、抱いて、 キスした。

''эҙи соӈо, эҙи соӈо,'' гуӈкини.

''əǰi soŋo, əǰi soŋo,'' guŋkini.

「泣くな、 泣くな、」と 言った。

гээ ули угдиэмэти-дэ баня дуjухини тээвэнээк эгбэсивэӈкини～

gəə uli ugdiəməti-də banja dujuxini təəwənəək əgbəsiwəŋkini～

さあ 水を、温かい湯を沸かして、風呂の 中に 座らせて 水浴びさせた、

имэхи хэиги, имэхи тэгэвэ тэтивэӈкини, ботинка тэтивэнээ,

iməxi xəigi, iməxi təgəwə tətiwəŋkini, botinka tətiwənəə,

新しい ズボン、新しい 服を 着せた、 短靴を 履かせた、

аунани бэjэни дилини ҙээсээ бии кепка тэтивэӈкини.

aunani bəjəni dilini ǰəəsəə bii kepka tətiwəŋkini.

帽子を、彼の 頭に ぴったりのものを、鳥打帽を かぶらせた。

''илэ биэ эни, нодоо синэвэ, гээ, ӈэниҙэфи.''

''ilə biə əni, nodoo sinəwə, gəə, ŋəniǰəfi.''

「どこに いるのか、母さんは、見失っているだろう、おまえを、さあ、 行こう。」

даугиати～ багиахи. ӈэниэ, тукиагиа њаухулу-дэ.

daugiati～ bagiaxi. ŋəniə, tukiagia ňauxulu-də.

彼らは渡った、対岸へ。 行った、走った（子供は）、 先を行く。

''эни галактагии соӈоми синэвэ.''

''əni galaktagii soŋomi sinəwə.''

「母さんは 探しているよ、 泣きながら、おまえを。」

тукиагиани～ вэмбэлилили-дэ њауху баата, агдаи jаҙа,

tukiagiani～ wəmbəlilili-də ňauxu baata, agdai jaǰa,

走った、 トトトトトーッと 先へ、 子供は、喜んでいるのだ、

амими баагиа, иигиэни, э～ энини соӈоми-а～ биини, хаку.

amimi baagia, iigiəni, ə～ ənini soŋomi-a～ biini, xaku.

父親を 見つけて、 家に入った、 さあ 母親は 泣いて～ いる、 ああ。

''сањаӈа хэктиэни～,'' гуӈкини,

''saňaŋa xəktiəni～,'' guŋkini,

「このおバカさん、」と 言った、

''jэу сања тукиаулами минэвэ соӈоусаи-jа,'' гуӈкини, ''сии.''

''jəu saňa tukiaulami minəwə soŋousai-ja,'' guŋkini, ''sii.''

「どこを 走り回って 私を 泣かせるのよ、」と 言った、「あんたは。」

коӈкокцолиани ситэjи. ииjэни-э амиалани,

koŋkokcoliani sitəji. iijəni-ə amialani,

叩こうとした、 自分の子を。 入って来た、その後ろから、

''эҙи ваа, сии бии ситэвэjи.'' ситэвэни-дэ туэлэгиэни бэjэвэни.

''əǰi waa, sii bii sitəwəji.'' sitəwəni-də tuələgiəni bəjəwəni.

「叩くなよ、 おまえ、私の 子を。」 子供を 抱き上げた、 彼女もだ。

гээ, утадиги, ''гээ ӈэниҙэфи, тээтиги.

gəə, utadigi, ''gəə ŋəniǰəfi, təətigi.

さあ、それから、「さあ、行こう、 向こうへ。

бии оло бими, багиаҙала бими.''

bii olo bimi, bagiaǰala bimi.''

私は ここに 住んでいる、 この対岸に いる。」

багиаҙатиги даугиати～ багиаҙала ӈэниэк, мамаасаjи сикиjэни

bagiaǰatigi daugiati～ bagiaǰala ŋəniək, mamaasaji sikijəni

対岸へ 渡った、 対岸へ 行って、妻を 洗う、

банjалаваӈкини, тэу эгбэсивэӈкини, тэу сикисиэни вэивэни,

banjalawaŋkini, təu əgbəsiwəŋkini, təu sikisiəni wəiwəni,

風呂に入らせた、すっかり 水浴びさせた、 すっかり 洗った、 体を、

ааҙи ааҙи сидими сикиэни вэивэни.

aaǰi aaǰi sidimi sikiəni wəiwəni.

よく、よく、こすって 洗った、その体を。

гээ, эи-тэнэ, баагиани мамаасаjи бисини～ эи-тэнэ.

gəə, əi-tənə, baagiani mamaasaji bisini～ əi-tənə.

さあ、今、 再会した、自分の妻と、暮らしていた、今。

''гээ, бии бифи ӈэниҙэӈэфи, гээ.

''gəə, bii bifi ŋəniǰəŋəfi, gəə.

「さあ、私は、私たちは暮らそう、行こう、 さあ。

эи оду jэу-дэ сањавани эу ваа. jэу улэ-дэ анчи

əi odu jəu-də saňawani əu waa. jəu ulə-də anči

今 ここでは 何も ろくなものが 獲れない。 何の 肉も 無い、

сугҙа-да анчи. хаи ӈэниҙэӈэфи мэнэ баатигифи.''

sugǰa-da anči. xai ŋəniǰəŋəfi mənə baatigifi.''

魚も いない。 また 帰ろう、 自分たちの 土地へ。」

мафани, тимаа～са тээгиэк, наала диава ҙэундэк,

mafani, timaa～sa təəgiək, naala diawa ǰəundək,

夫は、 朝早く 起きて、 地面に 船のような形を 描くと、

оно-ко пиндээк ээни утава.

ono-ko pindəək əəni utawa.

何か プゥッと息を吹きかけたり、した、それに。（本物の船になった）

ҙулэхи ҙокооти～ кололиау-дэ.

ǰuləxi ǰokooti～ kololiau-də.

前へ 彼らは押した、 ガタゴトと水辺に進んだ。

эи～ гээ оло jэу биси jэу, тэуктэу тэу-дэ.

əi～ gəə olo jəu bisi jəu, təuktəu təu-də.

今、 さあ、そこに 何でも あった物は 何でも、 載せた、 全部だ。

э～ вагиа бими-о, накта бими-о муи бими-о,

ə～ wagia bimi-o, nakta bimi-o mui bimi-o,

さあ、 ブタ だろうが、イノシシ だろうが、馬 だろうが、

jаа бими-о, нау бими-о тэуктээти～ jама дуӈсити бими-о

jaa bimi-o, nau bimi-o təuktəəti～ jama duŋsiti bimi-o

牛 だろうが、鶏 だろうが、彼らは載せた、 家財道具 だって、

jэу бими-о аакта дуӈсивэ тэу тэуктээти.

jəu bimi-o aakta duŋsiwə təu təuktəəti.

何 だろうが、 良い 物を 全部 彼らは載せた。

гээ, тагихи анаати эи-тэнэ, уунааси.

gəə, tagixi anaati əi-tənə, uunaasi.

さあ、川の中の方へ 押した、 今、 乗ってから。

хоӈковони солоихи хуугивэӈкити. гээ, мафани таалаа гунэ.

xoŋkowoni soloixi xuugiwəŋkiti. gəə, mafani taalaa gunə.

船の後ろの部分を 上流の方へ 回した。 さあ、夫は 船の中に沿って歩いた という。

баихи ниугэ гунэ～ тэгэjи укиэвэни укаа ука'аси,

baixi niugə gunə～ təgəji ukiəwəni ukaa uka'asi,

外へ 出た という、服の 袖を 捲り上げてから、

таа хоӈко, диа хоӈкотигини ӈэнээ хэутисигэ гунэ～ хааи хааи-да.

taa xoŋko, dia xoŋkotigini ŋənəə xəutisigə gunə～ xaai xaai-da.

そこの船の舳先へ、船の 舳先へ 行ってから 叫んだ という、ハーイ、 ハーイ、と。

кээ～ эи диа мэнэ колондоо гулиӈкэ гунэ.

kəə～ əi dia mənə kolondoo guliŋkə gunə.

スゥーッと 今 船は 勝手に グーンと 動き出した という。

ӈэнээти～ воогоок диэлиэти утадиги сиата-да.

ŋənəəti～ woogook diəliəti utadigi siata-da.

行った、 どんなにか遠くまで 飛んで行った、そこから、力強くだ。

утэми～ экэиjэ гуӈкэ гунэ. ''гээ, эмэгигэ, сии-нэ оно ӈэнэвэнҙэи

utəmi～ əkəijə guŋkə gunə. ''gəə, əməgigə, sii-nə ono ŋənəwənǰəi

それから 停まった、言った という。「さあ 来たぞ、 おまえも どれほど 行かせられるか、

ӈэнэвэнэи гээ, сии-дэ.'' мамасани тэгэjи укиэвэни

ŋənəwənəi gəə, sii-də.'' mamasani təgəji ukiəwəni

行かせてみろ、さあ、おまえも。」 妻は 自分の服の 裾を

ликпа ликпааси ӈэнээни диани хоӈкотигини ӈэнээси

likpa likpaasi ŋənəəni diani xoŋkotigini ŋənəəsi

捲くり、捲り上げてから 行った、 船の 舳先の部分へ 行ってから、

хэутиэни хааи хааи-да. гээ～ эи диани чэӈгэлигдэ

xəutiəni xaai xaai-da. gəə～ əi diani čəŋgəligdə

叫んだ、ハーイ、ハーイと。さあ、 この 船は パァッと

дэгдэми ҙэулиэ. ули чуулини диэлигиэти～

dəgdəmi ǰəuliə. uli čuulini diəligiəti～

飛び上がって 行った。 川を まっすぐに 飛んで行った、

ули хоондилини. ӈэними～ воогок ӈэними, тиӈмэвэнэи-лиэ.

uli xoondilini. ŋənimi～ woogok ŋənimi, tiŋməwənəi-liə.

川の 上を通って。戻って行って、 どんなにか遠く 戻って、 降りさせるのだ。

''гээ эими саа бии сии ҙугдиваи, сии. сии укэи

''gəə əimi saa bii sii ǰugdiwai, sii. sii ukəi

「さあ、知らないわ、私は あなたの 家を、 あなたが。あなたの 家の戸が

илэ-дэ биивэни эими саа. ӈэнивэнэиҙэ.

ilə-də biiwəni əimi saa. ŋəniwənəiǰə.

どこに あるのかを 私は知らない。行かせて下さいな、

сии мэнэ гаҙуи-ҙэ, мэнэ укэтиги.'' ӈэниэти～

sii mənə gaǰui-ǰə, mənə ukətigi.'' ŋəniəti～

あなた 自身で 運んで行って下さいな、自分の 家の戸口へ。」 戻った、

утадиги jэу гоо ӈэниэти, даасала иигээси нихээ-ҙэ.

utadigi jəu goo ŋəniəti, daasala iigəəsi nixəə-ǰə.

そこからは なんで 遠く 帰ることもあろうか、すぐ近くに 着くように したのだ。

иигиэти утала. гээ, утиду тунзэ нии эгдивэни гаҙиани

iigiəti utala. gəə, utidu tunzə nii əgdiwəni gaǰiani

彼らは入った、その家に。さあ、そこに 村の 人々を たくさん 連れて来たが、

оно jаҙа. мамаса-мэи ути, хатала,

ono jaǰa. mamasa-məi uti, xatala,

さあ どうする。（二人目の）妻に その、娘を、

ути тунзэлэ бии хаталава мамасалаани.

uti tunzələ bii xatalawa mamasalaani.

その 村に いる 娘を 娶った。

илаантуӈа ҙаанигааси, солоити эjэихи гиамугасиати～

ilaantuŋa ǰaanigaasi, soloiti əjəixi giamugasiati～

三人になって、手を取り合って、 上流の方へ、下流の方へ、と 歩き回った、

ҙугди пиокологдо багдиани～ мэнэ-дэ.

ǰugdi piokologdo bagdiani～ mənə-də.

すると家が ピョッコリピョッコリと 出現してきた、 勝手に、だ。

э～и муиӈи омоонони-да мэнэ гианаанҙи воооти～

ə～i muiŋi omoononi-da mənə gianaanǰi woooti～

さあて、馬の 馬小屋だって 勝手に 一歩歩くと できてしまう、

jааӈи омоонони-тэнэ мэнэ гианаанҙи воооти～

jaaŋi omoononi-tənə mənə gianaanǰi woooti～

牛の 牛小屋だって 勝手に 一歩歩くと できてしまう、

науӈинафи омоонони-дэ хаи гианаанҙи воооти. ''гээ, мутуэфи.

nauŋinafi omoononi-də xai gianaanǰi woooti. ''gəə, mutuəfi.

鶏の 鶏小屋だって 再び 一歩歩くと できてしまう。「さあ、終わった。

гээ нии эгдигэту, эи сагди квартира-тиги ӈэнэтэуҙэ,

gəə nii əgdigətu, əi sagdi kvartiratigi ŋənətəuǰə,

さあ、人の たくさんいる家族は、この 大きな 部屋へ 行ってくれ、

нии вацаагату, ицаатиги ӈэнэтэуҙэ, ииктэу мэнэ-дэ.''

nii wacaagatu, icaatigi ŋənətəuǰə, iiktəu mənə-də.''

人が 少ない家族は、小さい家へ 行って下さい、皆家へ入れ、それぞれ勝手にだ。」

jэу биси jэу тэу мэнэ тэу иивэнэктээти утаухи.

jəu bisi jəu təu mənə təu iiwənəktəəti utauxi.

何でも ある物を 何でも 全部 それぞれ 皆が 運び入れた、 そこへ。

''эи-тэнэ эҙэн мафа,'' гуӈкини,

''əi-tənə əǰən mafa,'' guŋkini,

「これこそ 主たる 長だ、」と 言った、

мэнэбэҙи-гдэ вооду ҙугдиӈисии мэнэ ҙугди-дэ мэнэ вооду.

mənəbəǰi-gdə woodu ǰugdiŋisii mənə ǰugdi-də mənə woodu.

自分で 作る、 家造りする、自分たちの 家も 自分たちで 作った。

анана эҙэн мафа, мэнэ бэjэ хуаӈнии～ воои,

anana əǰən mafa, mənə bəjə xuaŋnii～ wooi,

昔 主たる 長は、 自ら 自分で 木を切り倒して、作る、

куаи, мэнэбэҙи вооо бисэ ҙугдинами.

kuai, mənəbəǰi wooo bisə ǰugdinami.

丸太を削って、自分で 作ったもの だった、自分たちの家を。

ком, тиӈтолигда нихуактаати ҙугди дуjухини тэу-дэ.

kom, tiŋtoligda nixuaktaati ǰugdi dujuxini təu-də.

皆、 バタバタと 入った、 家の 奥へ（入った）、 皆が。

элээ бисити. ситэнэфи-дэ баадуга-ҙа.

ələə bisiti. sitənəfi-də baaduga-ǰa.

もうそこまで だったよ。 子供でもさらに 生まれたことだろう。