民話資料

Иркин гоораткэ Пиэтэр Бэрбэкин модольол. Почтальонок.

irkin gooratke pieter berbekin modol'ol. pochtal'onok.

ある町にピエテル・ベルベキンが暮らしていた。（彼は）郵便夫だった。

Пиэтэр Бэрбэкингэлэ убун гооратӈин льиэльэлӈаа, лэмэн надоӈоодьуɵнэк йандил льэлӈаа.

pieter berbekingele ubun gooratŋin l'iel'elŋaa, lemen nadoŋood'uönek jandil l'elŋaa.

ピエテル・ベルベキンをほかの町へああしたんだ、何か必要なものを送ろうとしていたんだ。

Пиэтэр Бэрбэкин таат кэбэч.

pieter berbekin taat kebet'.

そしてピエテル・ベルベキンは出発した。

Хонут хонут хонут шаал молҕот альоодэй анньэк мэдуул.

qonut qonut qonut ʃaal molʁot al'oodej ann'ek meduul.

ずっと歩きつづけると、木の（繁みの）中からとても大きな声が聞こえた。

"Пиэтэр Бэрбэкин мэт лаӈи кэлук!"

"pieter berbekin met laŋi keluk!" moni.

「ピエテル・ベルベキンよ、私のところへ来い」と言った。

Йуɵдэй, ньэлэмэдиэ эл льэн.

juödej, n'e=lemedie el=l'en.

（彼は）目を向けたが、何もなかった。

"Пиэтэр Бэрбэкин мэт лаӈи кэлук!"

"pieter berbekin met laŋi keluk!"

「ピエテル・ベルベキンよ、私のところへ来い」

Хони, ажуу мэдуулбэнӈин хони.

qoni, aʒuu meduul=benŋin qoni.

声の聞こえる方へ行った。

Таат йуɵм, модьулэмдик, шаалгэ апльэтай йододаальэл.

taat juöm, mod'ulemdik, ʃaalge apl'etaj jododaal'el.

そして見ると、何と木にアプリタイが巻きついていた。

"Мигидэ мигидэ кэлук, мигидэ кэлук!"

"migide migide keluk migide keluk!"

「こっちへこっちへ来い、こっちへ来い」

Альдэгэ йахай, шаал архаа йахай.

al'dege jaqaj, ʃaal arqaa jaqaj.

彼女のそばに近付いた、木のそばに近付いた。

Апльэтай мэнмэгэт (?) Пиэтэр Бэрбэкингэ таат йодаач.

apl'etaj menmeget (?) pieter berbekinge taat jodaat'.

アプリタイは飛び跳ねて、そしてピエテル・ベルベキンに巻きついた。

Ньачиилэ хони, ньэ оҕоодин лорхайм, ньэ мододин лорхайм, молҕодин титаат йододайльэл.

n'at'iile qoni, n'e=oʁoodin lorqajm, n'e=mododin lorqajm, molʁodin titaat jododajl'el.

（彼は）やっとのことで歩いた、立っていることもできなかったし、座っていることもできなかった、（アプリタイは）彼の体中に巻きついていた。

"Таат аҕурпэл кэрийэтэ," мони, "лочилгэ эт пиэдэйэ."

"taat aʁurpel kerijete," moni, "lot'ilge et=piedeje."

「こんな風に苦しむよりも、火の中で燃えてしまおうか」（ピエテル・ベルベキンは）言った。

"Ээ, пиэдэк," мони, "мэт лочил эл иӈийэ."

"ee, piedek," moni, "met lot'il el=iŋije."

「燃えてしまうがいい、私は火は恐くない」（アプリタイは）言った。

"Таат аҕурпэл кэрийэтэ," мони, "мэт оожиигэ эт лɵwдичэ."

"taat aʁurpel kerijete," moni, "met ooʒiige et=löwdit'e."

「こんな風に苦しむよりも、水に落ちてしまおうか」（ピエテル・ベルベキンは）言った。

"Ээ, лɵwдуук," мони, "мэт оожии эл иӈийэ."

"ee, löwduuk," moni, "met ooʒii el=iŋije."

「ああ、落ちてしまうがいい、私は水は恐くない」（アプリタイは）言った。

"Титаат лэӈдоолит аҕурпэдэ эwрэл кэрийэтэ шибичэ ноноҕо шибичэ ноноҕо молҕо эт эwрэйэ, шибичэ лэгут."

"titaat leŋdoolit aʁurpede ewrel kerijete ʃibit'e nonoʁo ʃibit'e nonoʁo molʁo et=ewreje, ʃibit'e legut."

「こんな風にお腹を空かせて苦しみながら歩くよりも、ノイバラの繁みを、ノイバラの実を食べて歩こうか」

"Моноҕотчок?" мони.

"monoʁott'ok?" moni.

「何て言ったんだい?」（アプリタイは）言った。

"Мэт шибичэ лэгудэ эт эwрэйэ," мони, "лэӈдоолит," мони, "шибичэ лэwдин."

"met ʃibit'e legude et=ewreje," moni, "leŋdoolit," moni, "ʃibit'e lewdin."

「私はノイバラを食べながら歩こうか、お腹が空いたから、ノイバラを食べて」

"Эл холлох," мони, "шибичэӈин, мэт иӈи," мони.

"el=qolloq," moni, "ʃibit'eŋin, met iŋi," moni.

「行くな、ノイバラのところへ、私はノイバラが恐い、

"(мэткэ) тамун льэлги мидэдьэ титимиэлбэнньэй, ничаҕатум мэткэлэ."

"(metke) tamun l'elgi mided'e titimiel=benn'ej, nit'aʁatum metkele."

あれには針のようなものがついていて私のことを刺す」

Дьэ Пиэтэр Бэрбэкинӈин ... мэдим эльэ.

d'e pieter berbekinŋin ... medim=el'e.

ピエテル・ベルベキンに、...（彼は）それを聞いた。

Дьэ чэйдьиэ шибичэ ноно молҕин таат кэбэч.

d'e t'ejd'ie ʃibit'e nono molʁin taat kebet'.

（ピエテル・ベルベキンは）わざとノイバラの中に行った。

Таат мэнмэгэдэ апльэтайги шаалгэ аай йододач.

taat menmegede apl'etajgi ʃaalge aaj jododat'.

するとアプリタイは跳ねながら、木に再び巻きついた。

Оо дьэ эдьиэй льэгэ Пиэтэр Бэрбэкин.

oo d'e ed'iej l'ege pieter berbekin.

ピエテル・ベルベキンは生気を取り戻した。

Апльэтай тудэгэт лодаай.

apl'etaj tudeget lodaaj.

アプリタイは彼から離れた。

Таат кэбэч.

taat kebet'.

そして（彼は）出発した。

Дьэ "мэткэт палаайэк," мони, "мэт чаачаагэт эл палаатэйэк."

d'e "metket palaajek," moni, "met t'aat'aaget el=palaatejek."

「（お前は）私からは助かったが、私の兄からは助からないだろうよ」（アプリタイは）言った。

Дьэ таат кэбэч.

d'e taat kebet'.

そして（彼は）出発した。

Хонут хонут хонут хонут иркин ... иркин пулуткэ йахай.

qonut qonut qonut qonut irkin ... irkin pulutke jaqaj.

ずっと歩きつづけると、一人の老人のところに着いた。

Чуульдьии пулут (?) дуу, лэмдик дуу? иркин пулуткэ.

t'uul'd'ii pulut (?)=duu, lemdik=duu? irkin pulutke.

チューリジー・プルットだろうか、何だろうか、ある老人のところに（着いた）。

Чуульдьии пулуттэгэ оольэлтэй.

t'uul'd'ii puluttege ool'eltej.

チューリジー・プルットだったのだろう。

Аӈдьэги эрич.

aŋd'egi erit'.

彼は目が悪かった。

Хоробо мучинбэн лэгооги чиэни молҕодоҕо омон шохной.

qorobo mut'in=ben legoogi t'ieni molʁodoʁo omon ʃoqnoj.

彼が牛を食べたさまざまな残りが玄関の中にあった。

Дьэ тудэньэ модой.

d'e tuden'e modoj.

（ピエテル・ベルベキンは）彼と暮らした。

"Аа," мони, "титаат (аҕур) модол кэрийэтэ," мони, "аҕурпэл кэрийэтэ ... шоромо аӈдьэ (аалоо) лиэнунну омолотнунну."

"aa," moni, "titaat (aʁur) modol kerijete," moni, "aʁurpel kerijete ... ʃoromo aŋd'e (aaloo) lienunnu omolotnunnu."

「こんな風に暮らしているよりも、苦しむよりも...（私は）人々の目を治療したものだ」（ピエテル・ベルベキンは）言った。

"Пиэтэр Бэрбэкин мэт аӈдьэ омолот та!"

"pieter berbekin met aŋd'e omolot=ta!"

「ピエテル・ベルベキンよ、私の目を治してくれ」

"Таӈниги льэк," мони, "чомоодьэ алҕуй оожии альбэштэлэ таат лолҕодайк.

"taŋnigi l'ek," moni, "t'omood'e alʁuj ooʒii al'beʃtele taat lolʁodajk.

「それなら、大きな鍋に水を注いで沸かせ。

Тэт, тэт ходоок," мони.

tet, tet qodook," moni.

そしてお前は横たわっていろ」（ピエテル・ベルベキンは）言った。

"таӈ алҕуй лолҕайгэ табудэ льэтчэ."

"taŋ alʁuj lolʁajge tabude l'ett'e."

その大鍋が沸いたら、それでやろう（治そう）」

Дьэ таӈ алҕуй лолҕач.

d'e taŋ alʁuj lolʁat'.

その大鍋が沸いた。

Пиэтэр Бэрбэкин ньаачэдэ будиэ таат альбэшум таӈ оожиигэлэ, лолҕой оожиигэлэ.

pieter berbekin n'aat'ede budie taat al'beʃum taŋ ooʒiigele, lolʁoj ooʒiigele.

ピエテル・ベルベキンは彼の顔の上に沸騰した湯をかけた。

Оо аӈдьэдэйлэ чуму итогэдэйм.

oo aŋd'edejle t'umu itogedejm.

彼の目をすっかり破裂させてしまった。

Лолҕой оожии ... падоомуй.

lolʁoj ooʒii ... padoomuj.

沸騰した湯で... 煮えてしまった。

Дьэ таат шэйрэч.

d'e taat ʃejret'.

そして（ピエテル・ベルベキンは）逃げた。

Шэйрэйдин льэй.

ʃejrejdin l'ej.

逃げようとしていた。

Шападаӈильпэ йоӈнойбэнпэк.

ʃapadaŋil'pe joŋnoj=benpek.

（家の）ドアは開いていた。

"Шападаӈильпэ тɵбиэӈик," мони.

"ʃapadaŋil'pe töbieŋik," moni.

「ドアよ閉まれ」（老人は）言った。

Шападаӈильпэ таат тɵбиэӈи.

ʃapadaŋil'pe taat töbieŋi.

するとドアは閉まった。

Махлоол шападаӈильгэт укэч.

maqlool ʃapadaŋil'get uket'.

近くのドアから出た。

Чиэньэ молҕо тэбиэй.

t'ien'e molʁo tebiej.

玄関の中に閉じこもった。

Дьэ чиэньэ молҕодоҕон хоробо мучинбэн лэгооги таӈ ниӈиэдамунпэги йоӈнот ньугэрэдамунпэги чумут титаат йоӈной.

d'e t'ien'e molʁodoʁon qorobo mut'in=ben legoogi taŋ niŋiedamunpegi joŋnot n'ugeredamunpegi t'umut titaat joŋnoj.

玄関の中には、彼（老人）が牛を食べたさまざまな残り、胴体の骨、肋骨がすべて広がっていた。

Пиэтэр Бэрбэкин тамун молҕодоҕо амлэч, амлэч.

pieter berbekin tamun molʁodoʁo amlet', amlet'.

ピエテル・ベルベキンはその中に潜った。

Тинтаӈ ... пукижэч.

tintaŋ ... pukiʒet'.

その...（老人）は走り出た。

Шукумэ тии аӈчиилаам.

ʃukume tii aŋt'iilaam.

いたるところを探しはじめた。

Аӈчиит аӈчиит ɵйльэ, Пиэтэр Бэрбэкингэлэ эл нугунуй.

aŋt'iit aŋt'iit öjl'e, pieter berbekingele el=nugunuj.

探しまわったがいなかった、ピエテル・ベルベキンを見つけなかった。

Тинтаӈ хоробо амунпэгэлэ шападаӈильгэт пуллугудэ пэйжиим.

tintaŋ qorobo amunpegele ʃapadaŋil'get pullugude pejʒiim.

その牛の骨をドアから外へ投げた。

Таӈ хоробо ажуу мони, "оо Пиэтэр Бэрбэкин мэтньэ мэтньэ иркильэн пуллугудэ пэшшэймэк."

taŋ qorobo aʒuu moni, "oo pieter berbekin metn'e metn'e irkil'en pullugude peʃʃejmek."

その牛の声がした「ピエテル・ベルベキンを私と一緒に外へ投げてしまったぞ」

Дьэ Пиэтэр Бэрбэкин айаай.

d'e pieter berbekin ajaaj.

ピエテル・ベルベキンは喜んだ。

Дьэ тинтаӈ пулут ньумудьиик пэшшэймэлэ.

d'e tintaŋ pulut n'umud'iik peʃʃejmele.

その老人は斧を投げつけた。

"Пиэтэр Бэрбэкин," мони, "тэтин надоӈоотэй ма!" мони.

"pieter berbekin," moni, "tetin nadoŋootej ma!" moni.

「ピエテル・ベルベキンよ、お前に必要になるだろう、そら!」（老人は）言った。

Дьэ Пиэтэр Бэрбэкин тудэ йолоҕопиэдичэгэлэ таат (шин льэн) чакитайм.

d'e pieter berbekin tude joloʁopiedit'egele taat (ʃin l'en) t'akitajm.

ピエテル・ベルベキンは小指で（斧に）触れた。

Нугэн титаат тоттич.

nugen titaat tottit'.

手は（斧に）こんな風にくっついた。

Чоҕойэлэ титаат чоҕум, чинэйм, чоҕум.

t'oʁojele titaat t'oʁum, t'inejm, t'oʁum.

（ピエテル・ベルベキンは小指を）ナイフで切り落とした。

Дьэ шэйрэч.

d'e ʃejret'.

（ピエテル・ベルベキンは）逃げた。

Тинтаӈ пулут миньдэлэ таӈ льэдэйлэ йолоҕопиэдичэдэйлэ лэгум, лэгум.

tintaŋ pulut min'dele taŋ l'edejle joloʁopiedit'edejle legum, legum.

その老人は小指をつかんで食べた。

"Дьэ мэткэт палаайэк," мони, "мэт паабаагэт бааба-йагаагэт эл поньоотэйэк, эл палаатэйэк."

"d'e metket palaajek," moni, "met paabaaget baaba-jagaaget el=pon'ootejek, el=palaatejek."

「私からは助かったが、私の姉の鬼婆からは助からないだろうよ」（老人は）言った。

Хонут хонут хонут иркин чугэк дуу, лэмдик дуу? таат бэлэм чугэгэн хони.

qonut qonut qonut irkin t'ugek=duu, lemdik=duu? taat belem t'ugegen qoni.

ずっと歩きつづけると、道なのだろうか何なのだろうか、すでにあった道を行った。

Бааба-йагаагэ йахай.

baaba-jagaage jaqaj.

鬼婆のところに着いた。

"Оо Пиэтэр Бэрбэкин киэчэк," мони.

"oo pieter berbekin kiet'ek," moni.

「ピエテル・ベルベキンよ、来たかい」（彼女は）言った。

"Дьэ мэтньэ моттойэк," мони.

"d'e metn'e mottojek," moni.

「私と一緒に暮らせ」

Таӈгэлэ тэрикэӈоожиит модой.

taŋgele terikeŋooʒiit modoj.

（ピエテル・ベルベキンは）それ（鬼婆）を妻として暮らした。

Уɵньэӈи тудэгэт.

uön'eŋi tudeget.

彼らは子供を持った、彼から（鬼婆はピエテル・ベルベキンの子供を産んだ）。

Таӈ уɵги (чом) чоммуй.

taŋ uögi (t'om) t'ommuj.

その彼の子供は成長した。

Пиэтэр Бэрбэкинӈин мони, "идьии эмэй," мони, "ньэ лэмэлэ эл кэчиитэй, таӈниги тэтэк лэктэмлэ," мони.

pieter berbekinŋin moni, "id'ii emej," moni, "n'e=lemele el=ket'iitej, taŋnigi tetek lektemle," moni.

（子供は）ピエテル・ベルベキンに言った「今度、母さんが（狩りから）何も持って帰らなかったら、お前を食べてしまうだろう。

"Таат тамун йалаа мэтэк лэктэмлэ.

"taat tamun jalaa metek lektemle.

そして、その後に私を食べてしまうだろう。

(шэйрэй) льэӈин хон, унуӈ йаҕилӈин хон," мони.

(ʃejrej) l'eŋin qon, unuŋ jaʁilŋin qon," moni.

川岸へ行け」（子供は）言った。

"Атахун угурчэраа оҕоотэй, тамун чинэйк.

"ataqun ugurt'eraa oʁootej, tamun t'inejk.

「（そこに）二本のドロノキが生えているだろう、それを切り倒せ。

Шэпинкэги оожиигэ чандэ кэбэйтэй, тамун анабуsкааӈоон аак," мони, "чугоон аак," мони.

ʃepinkegi ooʒiige t'ande kebejtej, tamun anabuskaaŋoon aak," moni, "t'ugoon aak," moni.

（そのうちの一方の木の）木端は川を上流へ向かって流れて行くだろう、それを丸木舟にしろ、素早くやれ」（子供は）言った。

"Дьэ эмэй кэлтэй, таат ɵрньэти," мони, "Пиэтэр Бэрбэкин мигидэ йуɵдэйк, мит уɵ хаартэгэ, эл льуɵдэйлэк," мони, "тэт".

"d'e emej keltej, taat örn'eti," moni, "pieter berbekin migide juödejk, mit uö qaartege, el=l'uödejlek," moni, "tet".

「すると母さんが来て、叫ぶだろう」（子供は）言った、「"ピエテル・ベルベキンよ、こっちを見ろ、私たちの子供を分け合おう"、お前はそれを見るな」（子供は）言った。

Дьэ чугоон таат льэй.

d'e t'ugoon taat l'ej.

ピエテル・ベルベキンは素早くそのようにした。

(поньхараа) угурчэраагэлэ шэпинкэдэйлэ чинэйм.

(pon'qaraa) ugurt'eraagele ʃepinkedejle t'inejm.

ドロノキを切り倒して、木端を出した。

Унуӈгэ чандэ хадин кэбэйл, табудэк анабуsкааӈоон аамэлэ.

unuŋge t'ande qadin kebejl, tabudek anabuskaaŋoon aamele.

（木端が）川の上流へ流れて行った方を丸木舟にした。

Чугоон аам.

t'ugoon aam.

素早くやった。

Дьэ таат анабуsкаагэлэ оожиигэ льэм, чолҕайм.

d'e taat anabuskaagele ooʒiige l'em, t'olʁajm.

そして丸木舟を川に押し出した。

Бааба-йагаа андаат шубэжэги шубэжэлэ мэдэйл.

baaba-jagaa andaat ʃubeʒegi ʃubeʒele medejl.

鬼婆があっちから走って来るのが聞こえた。

Тудэ ибишиипэгэлэ титаат миньдэлэ титаат пэйжиим, шубэжэй.

tude ibiʃiipegele titaat min'dele titaat pejʒiim, ʃubeʒej.

（鬼婆は）自分の乳房をつかんでこんな風に（後ろに）投げて、走って来た。

"Льэк," мони, "мит уɵ хаартэгэ," мони, "мигидэ йуɵдэйк."

"l'ek," moni, "mit uö qaartege," moni, "migide juödejk."

「私たちの子供を分け合おう」（鬼婆は）言った「こっちを見ろ」

Тамун титаат чуть йуɵдэч.

tamun titaat chut' juödet'.

（ピエテル・ベルベキンは）それをこんな風にちょっと見た。

Тинтаӈ тудэ уɵгэлэ шашаҕадайм.

tintaŋ tude uögele ʃaʃaʁadajm.

（鬼婆は）その自分の子供を引き裂いた。

Эймундэдэйлэ таат айим.

ejmundedejle taat ajim.

そして、その半分を投げつけた。

Мондьаат оожиигэ ал альбэшум.

mond'aat ooʒiige al=al'beʃum.

もう少しで（ピエテル・ベルベキンを）川に落とすところだった。

Таӈдиэт унуӈгэ лэдудэ кэбэч анабуsкаалэ.

taŋdiet unuŋge ledude kebet' anabuskaale.

それから（ピエテル・ベルベキンは）丸木舟で川下へ行った。

"Дьэ мэткэт кэбэйэк," мони, "атахун багатиргэт (эл поньоо) эл кэбэтэйэк."

"d'e metket kebejek," moni, "ataqun bagatirget (el=pon'oo) el=kebetejek."

「（お前は）私のところからは去ったが、二人の勇士のところからは去ることができないだろうよ」（鬼婆は）言った。

Дьэ таат хони.

d'e taat qoni.

そして（ピエテル・ベルベキンは）行った。

Хонут хонут хонут хонут иркин чомоодьэ чорхогэ йахай.

qonut qonut qonut qonut irkin t'omood'e t'orqoge jaqaj.

ずっと歩きつづけて、ある広い平原に着いた。

Андаа атахун багатирпэк кимдьиӈил.

andaa ataqun bagatirpek kimd'iŋil.

あっちで二人の勇士が戦っていた。

Кимдьит чиилэ улумулгэ таат абудаальэлӈи.

kimd'it t'iile ulumulge taat abudaal'elŋi.

（勇士たちは）戦って力尽きたので横たわった。

Ходооӈи.

qodooŋi.

（勇士たちは）横たわっていた。

Таат кэнигильэ мони, "дьэ мит чиилэ улумугэ," мони, "мо ходоойиили.

taat kenigil'e moni, "d'e mit t'iile ulumuge," moni, "mo=qodoojiili.

すると一方が言った「私たちは力尽きて横たわっているのだ。

Мэтул хамиэк, адиӈ багатир кудэдэгэ," мони.

metul qamiek, adiŋ bagatir kudedege," moni.

私を手伝ってくれ、あの勇士を殺そう」（彼は）言った。

"Таӈниги (мэтул) мэт тэтул тэт нумэӈин йохтот," мони.

"taŋnigi (metul) met tetul tet numeŋin joqtot," moni.

「そしたら私はお前をお前の家に送り届けよう」（勇士は）言った。

Дьэ таӈ багатиргэлэ атахлоот кудэдэӈаа.

d'e taŋ bagatirgele ataqloot kudedeŋaa.

その勇士を二人で殺した。

Тамун нигидэч, льэӈоот кудэй, пиэрииньэйбэн нодоӈоот кудэй.

tamun nigidet', l'eŋoot kudej, pieriin'ej=ben nodoŋoot kudej.

それは体を揺すって、羽を持つもの、鳥になった。

Таат тудэ будиэ имдом, таат кэбэйӈи.

taat tude budie imdom, taat kebejŋi.

そして（ピエテル・ベルベキンを）自分の上に乗せ、そして（彼らは）出発した。

Тудэ нумэгэ йахаӈи.

tude numege jaqaŋi.

彼（勇士）の家に着いた。

Аай шоромоӈоот кудэй.

aaj ʃoromoŋoot kudej.

（勇士は）再び人間になった。

"Дьэ Пиэтэр Бэрбэкин," мони, "дьэ мэт тэтул тэт нумэӈин хонтот."

"d'e pieter berbekin," moni, "d'e met tetul tet numeŋin qontot."

「ピエテル・ベルベキンよ」（勇士は）言った、「私はお前をお前の家へ連れて行こう」。

Дьэ нодоӈоот кудэй.

d'e nodoŋoot kudej.

（勇士は）鳥になった。

Тудэ будиэ имдом, таат мэриэшум.

tude budie imdom, taat merieʃum.

（ピエテル・ベルベキンを）自分の上に乗せ、そして飛んで連れて行った。

Дьэ туɵн тудэ гоораткэ йохтом.

d'e tuön tude gooratke joqtom.

彼の町へ送り届けた。

"Мэт," мони, "мэтньэ мэт тэтул кэчиилоол (эл) нилгиӈин эл пундулэк," мони.

"met," moni, "metn'e met tetul ket'iilool (el) nilgiŋin el=pundulek," moni.

「私が」（勇士は）言った、「私がお前を自分と一緒に連れて来たことを誰にも話すな」

Дьэ таат льэллэ кэбэч.

d'e taat l'elle kebet'.

それから（勇士は）去った。

Тудэ нумэӈин мэриэч.

tude numeŋin meriet'.

（勇士は）自分の家へ飛んで行った。

Дьэ Пиэтэр Бэрбэкин лэмэн надоӈоодьуɵнгэлэ кэчиитэмлэбэнгэлэ чуму кэчиим.

d'e pieter berbekin lemen nadoŋood'uöngele ket'iitemle=bengele t'umu ket'iim.

ピエテル ベルベキンは必要なもの、運んで来るはずであったものをすべて運んで来た。

Дьэ иммуллэ оожэшльэлӈаа.

d'e immulle ooʒeʃl'elŋaa.

彼は（酒を）飲まされて酔っ払った。

Таат угийэлмэ укэч.

taat ugijelme uket'.

そして翌朝、外へ出た。

Тинтаӈ багатир эндии ньаачэдэ ньаачэдэ киэйиэ льэй.

tintaŋ bagatir endii n'aat'ede n'aat'ede kiejie l'ej.

あの勇士が目の前にいた。

"Мэт тэтин эл модьэ," мони, "мэтньэ мэт тэтул кэчиилоол эл пундулэк."

"met tetin el=mod'e," moni, "metn'e met tetul ket'iilool el=pundulek."

「私はお前に言わなかったか?」（勇士は）言った、「私がお前を連れて来たことを話すなと」

"Это эл мэтэк таа льэл," мони, "это хмиэльэк таа лиэльэлул.

"eto el=metek taa l'el," moni, "eto qmiel'ek taa liel'elul.

「あそこにいたのは私じゃない、あそこにいたのは酔いなんだ」（ピエテル・ベルベキンは）言った。

Хмиэль (?) мэткэлэ анньэшум."

qmiel' (?) metkele ann'eʃum."

「酔いが私に喋らせたんだ」

"Лэмдик тамун хмиэль моноолбэн?

"lemdik tamun qmiel' monool=ben?

「何だそれは、酔いって言うのは?

Тэт мэтин кэчиик," мони.

tet metin ket'iik," moni.

お前、私のところへ持って来い」（勇士は）言った。

Лэмэн бочоонок бочооноккэлэ хонтом.

lemen bot'oonok bot'oonokkele qontom.

（ピエテル・ベルベキンは）小さな樽を運んだ。

"Туɵн оожок," мони, "угийэлмэ (мэтин) мэт тэтул йуɵйиит."

"tuön ooʒok," moni, "ugijelme (metin) met tetul juöjiit."

「これを飲め」（ピエテル・ベルベキンは）言った、「明日の朝私はお前を見に来よう」

Дьэ нумэӈин кэбэч.

d'e numeŋin kebet'.

（ピエテル・ベルベキンは）家へ去った。

Угийэлмэ киэч.

ugijelme kiet'.

翌朝やって来た。

Тинтаӈ багатир таӈ хмиэль оожоллэ (лэмэн льэплэ) йаамаплэк аальэлмэлэ пиэпэлэк (?) уйильэлмэлэ.

tintaŋ bagatir taŋ qmiel' ooʒolle (lemen l'eple) jaamaplek aal'elmele piepelek (?) ujil'elmele.

その勇士は酔いを飲んで、穴を掘ったり山を作ったりしていた。

"Идьии йуɵк," мони, "дьэ мэт убуй молльэлдьэ тэтин, эл мэтэк таа льэл, хмиэльэк."

"id'ii juök," moni, "d'e met ubuj moll'eld'e tetin, el=metek taa l'el, qmiel'ek."

「そら見ろ」（ピエテル・ベルベキンは）言った「私はお前に本当のことを言っただろう、あそこにいたのは私じゃない、酔いなんだと」

Пиэтэр Бэрбэкин тэт тэт омоч аамэк, тэт омоч уйильэлмэк.

pieter berbekin tet tet omot' aamek, tet omot' ujil'elmek.

「ピエテル・ベルベキンよ、お前はよくやった。

Идьии мэтньэ кэлоол иском табудэ шоромоӈин ниэдьириик."

id'ii metn'e kelool iskom tabude ʃoromoŋin nied'iriik."

今度は私と来たことを、いつでも人々に話してやるがいい」

Ньаадудэ.

n'aadude.

おしまい。