原文
|
омо самаа мамака
|
гээ, њаа самаа нихээмэни тэлуӈусиҙэми.
хаи омо самаа мамака, бии гээнҙи
бии сааи больница-ла ӈэнээмэjи сааани jатасинаамаjи.
бии jатасинаамаjи саами баатава баа'а бисэи,
илаа, диинҙи нэӈи будээ ути баата.
бии гиан догбо ӈээлэи гиан догбо ӈээлэи, бии аӈитиги дианаа фельдшер-тиги,
''гээ бии лиаси ӈээлэми гиан догбони нии-кэ эмэҙэӈэ-бэдэ биэ.''
''jэу ӈээлэи сии, дэӈэвэ сэулэҙэми бии дэӈэ тэу сэулэҙэми.''
а всё равно ӈээлэми гунэми бии-тэнэ.
''гээ бии синҙи гиэ ӈуаҙами,'' гунэини,
''сии гагданаи сии элэгэи ӈээлэ.''
''гээ ӈуанаи, утэми бии киалаи.''
бэjэни-дэ бии киалаи крабать-ва нэдээ, бии печка киатигини,
бэjэни-тэнэ эуҙэлэ та'аӈкила дэӈэ. баата бии киалаjи ӈуаини.
ванятка-ҙи гэгбиӈиэ бисэи. догбо ӈуами～ эмэини буубу-тэ
хаку, сэҙэлиули-э эмээ, дили тактаахина, мамака.
сиата, бии ситэвэjи цокполоо ''это она''
бии сиата хэутиндэми. ''ой,'' фельдшер,
''Нажа, оно нихэи сии. jэу хэутиндэи.''
бии дианами ути, ''чёрт иигэ,'' гунэми,
''огзо, бии ситэвэjи ҙаваа.''
''оно ҙаваини бии уэктивэ тэу обологиа бисэи.''
''уэктивэ тэу ниэнтилэми ӈэнигэ.'' исэнээ ''эими цэҙэ,''
уэкти утэми. исэми уэкти тэу ниэнтилээни обоо-да анчи.
сиата сусагиани. гээ бии ситэjи соӈолига～ соӈолига～ соӈои соӈои,
ути фельдшер дианаини, ''сэинээ эмугдэни униини биҙэ.''
''оно унилиэни эмугдэ-нэ.'
''бии октово бууҙэми, умиванҙафи октово.''
капли несколько илаа, ҙуба капли капнит, хабаҙи мешала
умивэнэи-дэ всё равно, соӈоо соӈоо соӈоо
соӈоми соӈоми таникталига, таними таними,
тимадула ҙа'а чиса-ла будээ～ бии баатаӈиjи.
ути будэисини jооктосими бэjэни, тэу њоом эдээни,
кэдэнини～-дэ. ҙуӈэ ээлэни-тэнэ, бэгдилэни,
ӈаала э-бэдэ нии ӈаалани, самбами, самбами, ҙуӈэ ээлэни.
ҙаваани бии, ута ута, ута ваа ути бии баатаӈиваи, самаа.
илаама, диимэ инэӈи, диинчи нэӈини вааани.
一人のシャーマンのばあさん
私が妊娠して、病院に行ったことをおばあさんのシャーマンが知った。私は男の子を産んだのだが、三、四日で死んだのだ。子供が生まれてから、私は毎晩恐れた。准医師に言った。「毎晩誰かが来ているようで怖い」「では灯りをつけましょう」それでもまだ私は怖いと言った。「では一緒に寝ましょう」彼女は私の側にベッドを置いた。子供は私の側に寝た。夜寝ていると、毛むくじゃらで頭の大きいばあさんが入って来た。すばやく飛んできて、子供を爪でひっつかんだのだ。「彼女が来たわ」私が叫ぶと、准医師はどうしたのと聞く。「魔物が入って来た、魔物が子供をつかんだ」と言うが、准医師は戸に鍵をかけたからそんなことはないと言う。しかし、戸を見ると全部開け放たれ、鍵もなくなっていた。子供が泣き始めた。「多分お腹が痛いんでしょう」准医師はそう言って、薬を飲ませたが、子供は泣きつづけ、痙攣し、次の日に死んでしまった。死んでから良く見ると、子供の体は全体が青い縞になっていた。腕には人の手の跡がついていた。私の子供をシャーマンが殺したのだ。