民話資料

өмөн бэjэ балдiча, эj дулiн буғаду, биттэ,

ɵmɵn bəjə baldɪča, əj dʊlɪn bʊɣadʊ, bittə,

ある 人が 暮らしていた、この 真ん中の 世界に、 我々の、

вот это наша света это название... гэлбинин дулiн буға.

vot eto nasha sveta eto nazvanie... gəlbinin dʊlɪn bʊɣa.

ほら この 私たちの 世界さ、その 名前は、 名前は 真ん中の 世界、だ。

биттэ хэjгидээдүт амбан буғанiн. бунiнкан буғанiн.

bittə xəjgidəədut amban bʊɣanɪn. bʊnɪnkan bʊɣanɪn.

我々の 下には 魔物の 世界だ。 死んだ者たちの 世界だ。

а биттэ үвидээдүт, таj үвү буға, дэғиктиисэл таj дэғиктиисэл.

a bittə uwidəədut, taj uwu bʊɣa, dəɣiktiisəl taj dəɣiktiisəl.

一方 我々の 上には、 この 上の 世界は、飛ぶ者たちの、その 飛ぶ者たちの（世界）だ。

үвү буғадун еехун, бэjэ что ли, бэjэтин бэjэ,

uwu bʊɣadʊn eexʊn, bəjə chto li, bəjətin bəjə,

上の 世界には 何が（いるか）、人間だろうか、人といえば 人、

ну з̌эпкүнтин эӈүн. сразу ичэз̌ээс, гүннэхэн～ бүү...

nu ǰəpkuntin əŋun. srazu ičəǰəəs, gunnəxən～ buu...

だが 彼らの食べ物は あれだ。すぐに 見るだろう、と 言いながら、 私たちは、

бии ичэччэв тээлүӈ тии бисин-и. ичэз̌ээс,

bii ičəččəw təəluŋ tii bisin-i. ičəǰəəs,

私は 見た、 話が そのようであるのを、話がそのようであることを。見るだろう、

таj асал эмэjэ, iла～н кеетiхан эмэjэ, эӈүчэл,

taj asal əməjə, ɪla～n keetɪxan əməjə, əŋučəl,

その 女たちが 来た、 三羽の 川カモメが 来た、 ああした、

таj-кка, биттэдими еема кеетiхан, iла～н кеетiхан эмэjэ,

taj-kka, bittədimi eema keetɪxan, ɪla～n keetɪxan əməjə,

それは、 ネギダール語で 何と、川カモメ、三羽の 川カモメが 来た、

өмөн ээнмэ прямо сивүндүлэ блестез̌ан. таj красивее всех,

ɵmɵn əənmə prjamo siwundulə blesteǰan. taj krasivee vsekh,

一人は すごく、まっすぐ 太陽の 輝きだ。 それは 美しい、 誰よりも、

ээнмэ иидүккэj-дэ аjа таj асi, таj-а сразу,

əənmə iidukkəj-də aja taj asɪ, taj-a srazu,

すごく、どれよりも きれいだ、その 女は、 彼女は すぐに、

таj тээлүӈ таj, это сказка, не правда

taj təəluŋ taj, eto skazka, ne pravda

この 話は、これは、これは おとぎ話だ、真実ではない、

ну, эси-гдэ эмэjэн гээ, эмнэ еехун, өмөн бэjэ балдiча, эӈүнэн,

nu, əsi-gdə əməjən gəə, əmnə eexʊn, ɵmɵn bəjə baldɪča, əŋunən,

さあて、今 来た、 さあ、ある時 何が、 一人の 人が 暮らしていた、あれだ、

энинин эӈүндүккэj, үвү～ буғадуккаj бисин, амiнiн дулiн буғадуккаj,

əninin əŋundukkəj, uwu～ bʊɣadʊkkaj bisin, amɪnɪn dʊlɪn bʊɣadʊkkaj,

母は あそこから、 上の 世界からの者 だ、 父は 真ん中の 世界から、

амiнiн гэлбинин эӈүн, iлдаанi, энинин гэлбинин еема-ха, ӈии-дэ эсин сааjа,

amɪnɪn gəlbinin əŋun, ɪldaanɪ, əninin gəlbinin eema-xa, ŋii-də əsin saaja,

父親の 名前は あれだ、エルダーニ、母親の 名前は 何とかいうが、誰も 知らない、

таjва, эси-гдэ～ таj-а эӈүнэн, биси, тихэн-э энинин,

tajwa, əsi-gdə～ taj-a əŋunən, bisi, tixən-ə əninin,

それを、今、 それが ああする、暮らしているが、それから 母は、

хүтэj асijан гэлэjэн, үвү буғадуккаj, мээн эӈүн... роднядуккаj,

xutəj asɪjan gələjən, uwu bʊɣadʊkkaj, məən əŋun... rodnjadʊkkaj,

自分の子供の 妻を 求める、 上の 世界から、 自分の 親類たちから、

еедуккаj-ву, эмэӈитин, эмэӈитин, үвү буғадуккаj.

eedʊkkaj-wʊ, əməŋitin, əməŋitin, uwu bʊɣadʊkkaj.

どこかから、 来させる、 来させる、上の 世界から。

таду ээнмэ гоjоло эчэ биси, өмөн асаткан, эдү, тии таj дулiн буғаду,

tadʊ əənmə gojolo əčə bisi, ɵmɵn asatkan, ədu, tii taj dʊlɪn bʊɣadʊ,

そこは そんなには 遠く なかった、一人の 女の子、ここに、この 真ん中の 世界に、

биттэ буғадут, балдiча, балдiчан-ӈу～,

bittə bʊɣadʊt, baldɪča, baldɪčan-ŋʊ～,

我らの この世界に、暮らしていた、暮らしていたんだが、

амiнман энинмэн амбан з̌эпчэл, а нуӈанман з̌аjачал,

amɪnman əninmən amban ǰəpčəl, a nʊŋanman ǰajačal,

その父親も その母親も、 魔物が 食べてしまった、しかし 彼女を 隠した、

еечал-ву сэктэ хэjгидээдүн, гээ, таj-а эгдэӈэ оодан, iсоввун,

eečal-wʊ səktə xəjgidəədun, gəə, taj-a əgdəŋə oodan, ɪsowwʊn,

どうしたか、 敷物の 下に、 さあ、彼女が 大きく なった、すっかり育った、

буғаскi jүүjэн, буғала～-да тэғэчиктэjэн, таj сэктэ хэjгидээлин гэлэктиjэн,

bʊɣaskɪ juujən, bʊɣala～-da təɣəčiktəjən, taj səktə xəjgidəəlin gələktijən,

外へ 出た、 外に 座っている、 その 敷物の 下を 探した、

энинин тес таj сэктэ хэjгидээлин нээктэчэ з̌эпкиткэлбэ,

əninin tes taj səktə xəjgidəəlin nəəktəčə ǰəpkitkəlbə,

その母親は たくさん その 敷物の 下に 置いておいた、 食べ物を、

ееккалба, үлэккэлбэ, гэ, таjкаха～нма бахаjаан з̌эппэн, тихэм-деен таj,

eekkalba, uləkkəlbə, gə, tajkaxa～nma baxajaan ǰəppən, tixəm-deen taj,

いろんな物を、 肉を、 さあ、そのそれを 見つけて 食べる、 それから その、

сэктэ хэjгидээдүн чупал манапча, манавван,

səktə xəjgidəədun čʊpal manapča, manawwan,

敷物の 下にあった物は すっかり 尽きてしまった、 無くなった、

з̌эбз̌эхин аачiн оодан, асаткан.

ǰəbǰəxin aačɪn oodan, asatkan.

食べ物は なく なった、 女の子は。

тихэм-дихэ～н, таj нэхүнин бичэ, өмөн куӈахан. таjва эсин сааjа,

tixəm-dixə～n, taj nəxunin bičə, ɵmɵn kʊŋaxan. tajwa əsin saaja,

それから、 その 弟が いた、 一人の 男の子。 そのことを 知らない、

нэхүлкэнми-дэ эсин сааjа, еелканмi-да эсин сааjа.

nəxulkənmi-də əsin saaja, eelkanmɪ-da əsin saaja.

弟がいることを 知らない、 どんな兄弟がいるのかも 知らない。

тихэм-дихэ～н таду тэғэчиктэjидүн, тэғэчиктэjидүн-е～ өмөн куӈахан,

tixəm-dixə～n tadʊ təɣəčiktəjidun, təɣəčiktəjidun-e～ ɵmɵn kʊŋaxan,

それから そこに 座っていると、 座っているときに、 一人の 少年が、

эӈүн... ӈэнэчэн, нуӈантiхiн, таj асаткантiхiн, гүнэн,

əŋun... ŋənəčən, nʊŋantɪxɪn, taj asatkantɪxɪn, gunən,

あれだ、行った、 彼女の方へ、その 女の子の方へ、言う、

эхинми саача, гүнэн, ''сии,'' гүнэн,

əxinmi saača, gunən, ''sii,'' gunən,

自分の姉と わかっていて、言う、 「あなたは、」と 言う、

''миндүккэj сагдiнма бэjэ, сааji биз̌эс～'' гүнэн,

''mindukkəj sagdɪnma bəjə, saajɪ biǰəs～'' gunən,

「私より 年上ですから、 （そのことを）知っている でしょう、」と 言う、

''еема уз̌анiн,'' гүнэн таj-е, ''өмөн уз̌ава бахачав-е～,'' гүнэн,

''eema ʊǰanɪn,'' gunən taj-e, ''ɵmɵn ʊǰawa baxačaw-e～,'' gunən,

「何の 道だろうか、」と 言う、 彼は、 「一本の 道を 見つけました、」と 言う、

''тииски, весь ростом аасiнчав,'' гүнэн,

''tiiski, ves' rostom aasɪnčaw,'' gunən,

「あっちへ、丸々僕の身長くらいの幅の道だ、僕が横になって、」と 言う、

''тии-jи, тии, өмөн гijактанiн, эj мин ростадуккав-да эгдиӈэ～,''

''tii-ji, tii, ɵmɵn gɪjaktanɪn, əj min rostadʊkkaw-da əgdiŋə～,''

「このようだ、そうして、一歩の 歩幅は、 この 私の 背丈よりも 大きい、」と

гүнэн, гүнэн, таj эхинин гүнэн, ''таjва эхэл асактijа,

gunən, gunən, taj əxinin gunən, ''tajwa əxəl asaktɪja,

言う、 言う、 その 姉は 言う、 「それを 追いかけてはいけない、

сии лүчше, эӈүнмэ з̌эбдэвэj эӈүнмэ ваахал,''

sii luchshe, əŋunmə ǰəbdəwəj əŋunmə waaxal,''

お前は まだ、 何か 自分たちの食べ物となる 獣を何か、獲れ、」と（姉は言う）

''эли～ ээнмэ эгди ииjүчэн хүллэ～,'' гүнэн,

''əli～ əənmə əgdi iijučən xullə～,'' gunən,

「その道に沿って、とても たくさんの 野生トナカイが 行き来しているんだよ、」と 言う、

''эли～-дэ, эситин гоjоло биси биз̌эн-е～,'' гүнэн,

''əli～-də, əsitin gojolo bisi biǰən-e～,'' gunən,

「その道に沿って、そんなに 遠くへは行ってない、彼らは、」と 言う、

''таjва вааjан, эмүвкэл, бии-дэ з̌эбз̌ээв аачiн ооча.''

''tajwa waajan, əmuwkəl, bii-də ǰəbǰəəw aačɪn ooča.''

「それを 獲って、 持って来て、あたしも 自分の食べ物が 無く なったのよ、」と。

''сии-дээ з̌эбз̌ээс аачiн ооча,''

''sii-dəə ǰəbǰəəs aačɪn ooča,''

「あなたも 食べ物が 無く なったのか、」と。

ее таj, маӈга соо бэjэ биси,

ee taj, maŋga soo bəjə bisi,

何か、それは、すごく 力の強い 人が いるのだ、

''бии үлгүхээнэм, гоjо туксаз̌ан что ли,'' ӈэнэчэн,

''bii ulguxəənəm, gojo tʊksaǰan chto li,'' ŋənəčən,

「私が 話してやろう、（その強い者が）遠くへ 逃げたりするだろうか、」と、 行った、

з̌үүл бэjэ iлан бэjэвэ сэпкэлэчэн-дэ. ӈаалаз̌i уксаjгiчан.

ǰuul bəjə ɪlan bəjəwə səpkələčən-də. ŋaalaǰɪ ʊksajgɪčan.

二人の 人間を、三人の 人間を ひっつかんだ。 手で 引きずっていった。

эхинтихи ӈэнүвгичэн, тиихэм-дихэн эмнэ тэғэччэн,

əxintixi ŋənuwgičən, tiixəm-dixən əmnə təɣəččən,

姉の所へ 連れて行った、 それから ある時、座っていた、

тэғэччэн мээн угдандуj, нуӈан угдан еехун таj,

təɣəččən məən ʊgdandʊj, nʊŋan ʊgdan eexʊn taj,

座っていた、自分の 白樺製の夏用の住居に、彼の 住居は 何か その、

простоj jүрта, эхинин з̌оонiн междү эӈүн,

prostoj jurta, əxinin ǰoonɪn mezhdu əŋun,

単なる ユルタだ、 その姉の 家は、 それら（崖）の間にある、

кадаа, там спрятал её, она там расла,

kadaa, tam sprjatal ejo, ona tam rasla,

崖だ、 そこに 隠した、彼女を、彼女は そこで 育った、

таду з̌аjачан, таj-а доотiн еева-да бэjэвэ-дэ эситин сааjа,

tadʊ ǰajačan, taj-a dootɪn eewa-da bəjəwə-də əsitin saaja,

そこに 隠した、 その 中で、 何も、 人間さえも 知らない、

еева-да эситин сааjа. тихэм-дихэ～н тихэм-дихэн, үлэӈӈэн хүjүвчэн,

eewa-da əsitin saaja. tixəm-dixə～n tixəm-dixən, uləŋŋən xujuwčən,

何も 知らない。 それから それから、 肉を 煮た、

з̌эпчэн, њаан, њаан хүjүвгичэн, њаан хүjүвгичэн,

ǰəpčən, ňaan, ňaan xujuwgičən, ňaan xujuwgičən,

食べた、 また、また 彼女は煮た、 また 彼女は煮た、

еева тес нуӈантiхiн таду үлэ,

eewa tes nʊŋantɪxɪn tadʊ ulə,

何を たくさん 彼らのところに、そこには 肉が、

еехун үлэ, мало что ли нуӈатiл еева з̌эппэ кроме эӈүн, үлэвэн,

eexʊn ulə, malo chto li nʊŋatɪl eewa ǰəppə krome əŋun, uləwən,

何の 肉だか、少ないか、 彼らは 何を 食うだろうか、肉以外に、

еехун биттэ-ичин эӈүнмэ хлеба з̌эппэ что ли,

eexʊn bittə-ičin əŋunmə khleba ǰəppə chto li,

何が 私らと同じようにあるだろうか、あれを、 パンなんか 食べるだろうか、

биттэдү,

bittədu,

私たちにはあるけれども、

хлеба бисихин, конешно з̌эпүмчэл, тихэм-дихэн, сэктэввэл,

khleba bisixin, koneshno ǰəpumčəl, tixəm-dixən, səktəwwəl,

パンが あったならば、もちろん 食べたことだったろうよ、それから、 布団を敷いた、

а～ з̌эппээ～н аапухаччан. тихэм-дихэн сэктэ хэjгидээлин доолдувван, доолдiча,

a～ ǰəppəə～n aapʊxaččan. tixəm-dixən səktə xəjgidəəlin dooldʊwwan, dooldɪča,

さあ、食べてから 横になった。 それから 布団の 下から 聞こえる、 聞いた、

асi бэjэ дiлганiн, дiлганча, оон-тi бичэн-е～ оон-тi бичэн,

asɪ bəjə dɪlganɪn, dɪlganča, oon-tɪ bičən-e～ oon-tɪ bičən,

女の 人の 声だ、 声がした、どんな だったかねー、どんな だったかねー、

''jеве～ jе～ве～ до～iкан дулiн буға солiнiн

''jewe～ je～we～ do～ɪkan dʊlɪn bʊɣa solɪnɪn

「イェウェ～ イェウェ～ド～イカン、真ん中の 世界の 川の上流、

jеве～ jе～ве～ до～iкан бiкааву ӈааладу～ мүүлэми

jewe～ je～we～ do～ɪkan bɪkaawʊ ŋaaladʊ～ muuləmi

イェウェ～ イェウェ～ド～イカン、暮らしている、手には、 水の中を行って、

jеве～ jе～ве～ до～iкан бiкаакiн багдарiiн хулаjiн минэвэ

jewe～ je～we～ do～ɪkan bɪkaakɪn bagdarɪɪn xʊlajɪn minəwə

イェウェ～ イェウェ～ド～イカン、 暮らしている、白い、 赤い、 私を

эjэлэлэ мин ӈаалаj з̌үүлээ～н jеве～ jе～ве～ до～iкан,

əjələlə min ŋaalaj ǰuuləə～n jewe～ je～we～ do～ɪkan,

沈めて、 私の 手を、 二人、 イェウェ～ イェウェ～ド～イカン、

синэвэ гэннэвкэнэн,'' гүнэ, эj-то куӈахан, гүнэн,

sinəwə gənnəwkənən,'' gunə, əj-to kʊŋaxan, gunən,

おまえを 取りに行かせて戻って来させる、」と 言う、 この 子供は、 言う、

улкан куӈахан гүнэн, мээн бүүтүв уутандуккаj эхи ӈэнэлэ,

ʊlkan kʊŋaxan gunən, məən buutuw ʊʊtandʊkkaj əxi ŋənələ,

子供は 言う、 自分の 冬用の狩猟小屋から 姉が 行くのに対して、

''бии эсим асаткан биси. атам ӈэнэjэ, атам ӈэнэjэ～,'' гүнэн,

''bii əsim asatkan bisi. atam ŋənəjə, atam ŋənəjə～,'' gunən,

「私は 娘ではない。 私は 行かない、私は行かない、」と 言う、

аг-да гоjоптi бэjэ, бэjэдүккэj балдijа бэjэктэ, бэjэдүккэj,

ag-da gojoptɪ bəjə, bəjədukkəj baldɪja bəjəktə, bəjədukkəj,

もうずっと以前に 大昔の 人は、 人間から 生まれた 人間は、 人間から、

iтка тии бичэн.

ɪtka tii bičən.

その決まりは そのよう だった。

улкан куӈахан, нijавi хүтэ, мээн з̌ооj оохiн-да эсин ноодаjа,

ʊlkan kʊŋaxan, nɪjawɪ xutə, məən ǰooj ooxɪn-da əsin noodaja,

男の子だ、 男の 子供、 自分の 家を いつだって 捨てることはない、

гээ, тихэм-деен аачiгда оjгiча. аачiгда оjгiча～ тии бисин.

gəə, tixəm-deen aačɪgda ojgɪča. aačɪgda ojgɪča～ tii bisin.

さあ、そうしてから、（その声は）無く なった。 無く なった、 そうして いた。

тии бимдихэ～н, њаан-дахан тии доолдijан,

tii bimdixə～n, ňaan-daxan tii dooldɪjan,

そうして 暮らしていたが、また そうして 聞いた、

таj сэктэнин хэjгидээдүккин, бэjэj эсин ичэвкэнэ, асаткан дiлганiн, њаан,

taj səktənin xəjgidəədukkin, bəjəj əsin ičəwkənə, asatkan dɪlganɪn, ňaan,

その 敷物の 下から、 自分の姿は 見せない、 女の子の 声だ、 また、

''jеве～ jе～ве～ до～iкан дулiн буға солiнiн,

''jewe～ je～we～ do～ɪkan dʊlɪn bʊɣa solɪnɪn,

「イェウェ～ イェウェ～ド～イカン、真ん中の 世界の 川の上流、

jеве～ jе～ве～ до～iкан, солiнiн маатадуj,

jewe～ je～we～ do～ɪkan, solɪnɪn maatadʊj,

イェウェ～ イェウェ～ド～イカン、川の上流、

jеве～ jе～ве～ до～iкан акiм уӈал з̌ооланi

jewe～ je～we～ do～ɪkan akɪm ʊŋal ǰoolanɪ

イェウェ～ イェウェ～ド～イカン、私の兄の

jеве～ jе～ве～ до～iкан багдijiн олi,'' гүнэн эхинин,

jewe～ je～we～ do～ɪkan bagdɪjɪn olɪ,'' gunən əxinin,

イェウェ～ イェウェ～ド～イカン、白く なる、」と 言う、 姉は、

''эмэӈин мээнэхэн, эмэӈин мээнэхэн.''

''əməŋin məənəxən, əməŋin məənəxən.''

「来ればいいんだ、自分で、 来ればいいんだ、自分で。」

''бии атам ӈэнэjэ,'' балдiча куӈахан, еема-да з̌олон, з̌олондуккаj,

''bii atam ŋənəjə,'' baldɪča kʊŋaxan, eema-da ǰolon, ǰolondʊkkaj,

「私は 行かないよ、」と 生まれた 少年、 さまざまな 石から、石から、

куӈахан бэjэ, мээн з̌ооj эсин ноодаjа, асаткан,

kʊŋaxan bəjə, məən ǰooj əsin noodaja, asatkan,

少年という 人は、自分の 家を いつだって捨てることはない、 女の子は言う、

''өмөн з̌ооду бисим бии,'' тихэм-дихэ～н тихэм-дихэн эси-гдэ,

''ɵmɵn ǰoodʊ bisim bii,'' tixəm-dixə～n tixəm-dixən əsi-gdə,

「一人きりで 家に いるのよ、私は、」と。それから それから 今、

эмүвчэн-ӈү еечан-ӈу таjва. гээ, элээ этим кончатся.

əmuwčən-ŋu eečan-ŋʊ tajwa. gəə, ələə etim konchatsja.

連れて来たんだか、どうしたんだか、それを。さあ、 そこまでだ、これは 終わりだ。

она спать захатела, эӈүнэн, и сказала, завтра продалжаем,

ona spat' zakhatela, əŋunən, i skazala, zavtra prodalzhaem,

彼女は 眠たくなってしまったのだ、あれだ、 話した、 明日 続きをしようと。

аj, так и не продолжала она-то умерла.

aj, tak i ne prodolzhala ona-to umerla.

ああ、そうして 続きをしなかった、 彼女は 死んでしまったのだもの。