|
Folk tale of Chukchi
by Nikolaj Toke
Source
|
|
3-11 Тагрывъаглыӈын, пэвэлӄэй ынкъам въайпылякылгыӄай
|
Тагрывъаглыӈын, пэвэлӄэй эвыр въайпылякылгыӄай ӄол итгъэт ваамэты чейвыткугъэт. Нэльугъэн тылянвык вээмӄэй. Иквъи тагрывъаглыӈын:
―Ытлён вай ипэ мэӈин нъиргъэн ынанармачьын ынкъам ынанэнъычьын?
Пэвэлӄэе ивнин:
―Гым итык аръаля ӄырым мъирык.
Тэгрывъэе ивнин въайпылякылгын:
―Гыт опопы ӄыянотгэ, чеӈэт ынанармачьэгыт чама вай-ым ынанэнъычьэгыт. Энмэч эӄылпэ къирги.
Въайпылякылгыӄай иквъи:
―Гым итык нэмыӄэй аръаля ӄырым мъирык.
Въэйпылекӄэе ивнин тагрывъаглыӈын:
―Гыт этъопэл янот ӄъирги, лыгэн вээмӄэйык ӄывулвэтги ынкъам ынкаеквэ мури мынъирмык.
Тагрывъаглыӈын вээмык вулвэтгъи. Въайпылякылгыӄай эчги лыгъэрыӈӈогъэ, тагрывъаглыӈын мылегъи. Въайпылякылгыӄай нэнанлыплятӄэн. Пэвэлӄэе нинэркылеӄин въайпылякылгыӄай рылыплятъё, чама колё пэвэлӄэй нылгитэнӈыткуръуӄин.
Ӄынвэр авынтанӈыткоръома пэвэлӄэй пыткынтэтгъи. Ытръэч.
Translation
3-11 Тагрывъаглыӈын, пэвэлӄэй ынкъам въайпылякылгыӄай
Тагрывъаглыӈын, пэвэлӄэй эвыр въайпылякылгыӄай ӄол итгъэт ваамэты чейвыткугъэт. Нэльугъэн тылянвык вээмӄэй. Иквъи тагрывъаглыӈын: ―Ытлён вай ипэ мэӈин нъиргъэн ынанармачьын ынкъам ынанэнъычьын?
Пэвэлӄэе ивнин:
―Гым итык аръаля ӄырым мъирык.
Тэгрывъэе ивнин въайпылякылгын:
―Гыт опопы ӄыянотгэ, чеӈэт ынанармачьэгыт чама вай-ым ынанэнъычьэгыт. Энмэч эӄылпэ къирги.
Въайпылякылгыӄай иквъи:
―Гым итык нэмыӄэй аръаля ӄырым мъирык.
Въэйпылекӄэе ивнин тагрывъаглыӈын:
―Гыт этъопэл янот ӄъирги, лыгэн вээмӄэйык ӄывулвэтги ынкъам ынкаеквэ мури мынъирмык.
Тагрывъаглыӈын вээмык вулвэтгъи. Въайпылякылгыӄай эчги лыгъэрыӈӈогъэ, тагрывъаглыӈын мылегъи. Въайпылякылгыӄай нэнанлыплятӄэн. Пэвэлӄэе нинэркылеӄин въайпылякылгыӄай рылыплятъё, чама колё пэвэлӄэй нылгитэнӈыткуръуӄин.
Ӄынвэр авынтанӈыткоръома пэвэлӄэй пыткынтэтгъи. Ытръэч.