|
Folk tale of Nanay. Najkhin dialect
by Gejker, Niesulta Borisovna
Source
|
|
эм мамаачаан пиктэмулиэ балз̌ихани
|
э～ӈ ундииси тэи мамаачаан-тании туи мэнэ～ хаива-даа хэм таини-гоани.
пиктэни-тэнии, салиндо～ биини-гоани, тэи нуктэни онимини,
нуктэjи тавои-даа тавои, тэи-тэнии, хаириини, туи бими-э～
туи бими-э-тэнии, тэи арчокаан-тании оӈасахани эм модан.
туи тапи-о～ саагохани. энинз̌иjи энэини бичини, огдаз̌и.
хоони-даа ичэини маӈбова хэи. тэи-тэнии муэ-тэнии, з̌ээ торон-ноо,
улээн-нуу, эмуту, симсэвэ кучээнз̌и чаалиори-маа огдачи энэини.
чиррррррр мэнэ энэини огда, уи-дээдэ гиолиадааси хаирадааси.
туи тами-а досоз̌иини-тании з̌акпиаз̌иалани-тании,
хоони-даа досоз̌ии-даа эи з̌эуӈгиэ... ааӈгиа калтааз̌иала бии. хаи.
боа бодоми хэи энэини-гоани, тэи, ааӈгиа калтааз̌иалаjи.
наи мэурии сиасин биини-гоани,
каапиа каапиа тоаӈ тоаӈ тоаӈ тоаӈ.
туи тараа улээн ичэини-гоани тэи арчокаан-тании, паихасими
з̌илиjи, эурирээ ичэини. тэи-тэнии энини-тэнии кэтэнду ииӈкочими
тээсиини-гоани. кэтэнду тээсиини эм ииӈкочии-маа-да.
огдачи осини мэнээ энэи. з̌акпиавачи-тании эм,
гирмакса～-мања наи-каа наи, гирмакса-мања гиӈгор гоир биини-гоани.
тэи мэуриини биини-э. тэи-тэнии, хаи, наи, эи талпиз̌иани, уӈчухуӈку,
наи хоӈсоанз̌иани гисилко мэуриини. з̌акпиавачи, хасасими.
туи энэичи-гоани. туи энэми～ энэми-э-тэнии, паихалохани-гоани
тэи арчокаан туи аоми, тадо. туи тараа ичэини-гоани тээрээ-дэ.
эм, мораини-гоани, ''мама～ ундиини, наи эгз̌ини боала энэруу,'' ундии,
''мии з̌эмусиэмби,'' ундии, ''сиагоjи баарасимби-э''-м, тэи, хаи,
гирмакса-мања наи, мэурии наи. мэурии.
тэи-тэнии эм иргэн тооилани～ энэичи-гоани, туи лур-дэ.
чадо-даа пэулээнду эм хусэ наи биини-гоани.
ичэз̌эини. тэи-тэнии туи мэуми з̌ими з̌ими тэи наиjа-тании
хаихани-гоани, луӈбэхэни. з̌илиз̌иаз̌иани луӈбэини-тэнии хаинаа-да. лакпахани.
боачи-даа ниэгувэси～, доочи-даа иивээндэси осихан.
туи тадо туи соримаачиидоани, туи лур огда энэи
туи энэхэни-гоани, туи энэми～ энэми эм хурээндулэ хаахани.
хурээн чикэлэни-дэ. суигуэн-тэнии чала хаахани, огдани мэнээ-дэ.
энини-тэнии хааваандаа дуиси тоохани-гоани.
тэи арчокаан-тании чадо туи аориини-гоани, хаи тээсиини-гоани,
тэи огдадо туи биидуэни, эм эктэ з̌ичини.
ундиини, ''тоогоари, тоороо,'' ундиини-гоани,
''эниси бунду бии-jэ''-м-дэ. туи тараа тэи арчокаан тоориини-гоани тэи.
тоориини тадо энини тэи з̌оогдо эм мапа～ мама биини-гоани.
тэи њоамбани гэлэндэсухэни гои эктэ. тоохан, энини ундиини пиктэчиjи,
''дэӈсируу,'' ундиини-гоани, ''тэи наи сиагоани тэи, ирасороо,''
ундиини-гоани. тэи арчокаан-тании тадо туи дэӈсичии～
тадо туи биичи-гоани, эси-тэнии хадолта хадолта бичин.
туи тами эм модан-тании арчокаан, наи хэм апсиӈгохан сиксэ,
боачи ниэхэн чиэчиндэми. боачи ниэхэн-кээ ниэхэн,
хаоси-даа энэи-дээ саараси, мэнэ энэлухэни. пакчи～ пакчи биини-гоани
хаива-даа ичэвэдээси, туи энэми энэми-тэнии,
хаоси энэини-ус хаоси энэини-ус туи энэи. туи тами,
ичэини з̌улиэлэни-тэнии потаса～н биини-гоани, нучикуукээн.
туи энэми энэми ичэини наи паавани, уикэдуэни з̌апараа иириини-гоани.
иириини-тэнии, з̌уэ эктэ чадо, тээсимээри-э биичи-гоани.
тэи эктэкээн иириивэни ичэмээри инэктэлухэчи-гоани.
инэктэини, ''тээруу, тээруу,'' ундиини.
тэи арчокаан-тании тээхэн-кээ тээхэн, илигоасиз̌и дэӈ дэӈ лактохани.
туи тараа, хаихани-гоани. тэи з̌уэ эксэл-тэнии
туи симуэчихэмбэри дуэдуэни ниэхэн боачи.
аргаӈко-а-м ичэури эксэлни-гоани. ниэхэн.
туи таиз̌иjи гэсэ, хээсиини-гоани, хаива, бочаамба, хадо.
туи тараа тэи эксэл-тэнии боачи инэктэмээри ниэхэн,
туи тараа-тании хээсиини-гоани, боа баароани-каа. хаи,
''тургэн, тургэн хатан тууруу-э''-м-дэ. ''бочаа～н з̌из̌уруу-э''-м-дэ.
''хаи, сосииз̌и гарако бочаан.'' тэи-тэнии исиндахан-даа,
исиндахандоани-тании тэи пуз̌имбэ тухилэрээ ниэгуи-гоани.
туи тараа тэи хуjэни алдандоани нээрии, туи тапи-тании,
нуктэз̌иэни-тэнии дэӈ дэӈ туурэси осии-гоани хуjэчиэни уиичи.
ундиини-гоани, ''хаи нии-даа баарасини боачи,
хаи нии-даа энээсини боачи ираоосо''-м, ''намо, гэрээн намо,
ачагоханчиани наӈгалаоосо-а''-м-да.
''гэрээн нии, њоамбани-мања анакисимаари наи хусэ гурсэл биичи-э''-м-дэ.
''уивэ-дээ хэм мэнэ улээнз̌иjи-мања наиjа миамбоочими биини-э''-м-дэ.
туи тараа, туи тараа тэи бочаан-тании уиси паа дэгдэгуини-гоани.
тэи пуз̌ин-тэнии энэини-тэнии, хомбачи бии боава энэми
дэрэӈни пэкэси, хомбачи бии боава энэми дэрэӈни тугдэ тугдэи,
таини-гоани, туи наи, тэи бочаан туи энэини-гоани. туи тами-а～
туи тами-а-тании хаончок энэини-гоани. наиjа дэлуухэн.
туи тапи-о～ саагохан, хоони-а бипи-э саагохани-ос, наи-тании,
ваата ваатаини-ос эмусиини-ус, њоамбани эмусии-мээ～ биини-гоани.
туи тараа хоони-а～ досоз̌иини наи з̌ариини з̌илга～н досоз̌иини-гоани.
туи тами-а улээн таз̌оолагоини-тании, пуз̌ини, з̌илгани,
''намо ваатани-а～,'' ундии, ''мии баароjи буугуруу''-м,
''гаромби-даа хэм лоик аалиха～н, тэтуэjи-дээ хэм хэм чакпаха～н,''
ундиини, ''хоони хоони з̌апагоичами чиилахамби-а''-м,
''мии баароjи буугуруу, эи пуз̌имбэ,
мии улээн этэхиз̌ээмби, улээн нэучэз̌ээмби''-м, соӈгоини.
сапси кираадоани эм эктэ. эм з̌амз̌аз̌и, њоамбани з̌апаи-каачи
эм чиилахани-гоани. туи таини туи соӈгоидоани-тании ваата-тании тэи,
пуз̌имбэ-тэнии њоани баароани ваата паачилагоини-гоани. дааи ваата.
тэи-тэнии наи эмусиини-э-м тахамби-тании ваата ваатаидоани
туи качаалахани-гоани тэи эктэкээн, эктэ. туи тараа,
тэи ваата хаириидоани паачилагоидоани тэи-тэнии, туи ономи,
хаолиа з̌амз̌аз̌и з̌апахани-гоани тэи пуз̌имбэ, з̌апагохан.
тэи-тэнии, тэи-тэнии, нилакон пикан очогохани-гоани,
нуктэ-дээ анаа хамачаа-даа анаа хэм, лоап, туухэн.
хооњаа гоидахан тэи нуктэ-дээ хэм туурииз̌иэни.
тэи эктэни～ хаакораа-тании гои гои октова пуjууриини-гоани,
сээгз̌эн окто, сахарин окто, чаагз̌ан окто, туи пуjуучии-гоани туи,
оминасовааӈкини-гоани. тэи сахарин октони, нуктэни балз̌игоха～н,
сээгз̌эн окто-тании, нии уликсэгуэни сээксэгуэни хэм осиогохани-гоани,
чаагз̌ан-тании бэjэни уликсэгуэни туи очогохани, тэи пуз̌инду.
тэи-тэнии, тэнии бэjэгуjи баарии пуз̌ин-гоани
тэи њоамбани гааз̌охан.
туи тараа～ туи биини-гоани. улээн пуз̌ин осиогохани-гоани.
эси-тэнии ундиини-гоани, ''мии аагби-тании～,'' ундии,
''симбиэ, наи эуси наӈгалаханз̌иани, мимбиэ з̌ивээӈкини,'' ундии,
''мии, эиду-тэнии хадо аиӈани бичини-ус''
тэи, тэи ваатадо туи з̌апагоичами-мања чиилараа туи соӈгоми,
тэи пуз̌имбэ хаолиа з̌апагохани-гоани. ''элээ элээ з̌из̌уи-jэ,'' ундии,
''мии аагби-тании, бии наи-jа луӈбэми, лактохан-тании тэи-тэнии чава,
мээпи хоричиндагоми хаи баароани энэхэни-э''-м,
''хэи. лочадо северныj море баароани энэхэн-тэнии, хэи,
хэз̌иэду бии намо баароани энэхэни-э,'' ундиини-гоани
''тэи хэи. мээпи хоричиндахани,'' ундиини. ''эси элээ исигои-jа,'' ундии,
''аjанагохани,'' ундиини. туи тами ундиини-гоани, ''эгээ,'' ундии,
''эси долбо маӈга боа одии,'' ундии, ''эз̌и эз̌и ниэрэ,'' ундии, ''боачи.''
туи тараа тэи-тэнии хаириини-гоани. э～си-тэнии долбо сэнэини-тэнии
тэи-тэнии а～гз̌и, пуксин, хэдун маӈга осихани-гоани.
туи хэдундиидуэни-тэнии тэи, бунз̌иэ пуз̌ин-тэнии з̌ооӈгохани-гоани,
гаромби боа лоохамби. чаӈсоп, тээхэни-гоани. тэи з̌иани ундии,
''хаоси энэиси,'' ундии, ''гаромби оӈбохамби,'' ундиини-гоани,
''боа, лоохамби.'' ''аjа,'' ундиини-гоани, ''хаоси-даа энээси-э''-м-дэ,
''апсиӈгороо,'' ундиини-гоани. ''туи бии боа, хаоси энэиси,
уикэвэ нихэлими-даа ачааси-а, пуксин.'' туи тараа чимии тээриичи-гоани.
хэдун-дээ абаа хамачаа пуксин-дээ абаа, чистыj улээн боа осиогохани.
ии, гои боачи энэхэчи, тэи долбо. тэи хэдундиидуэни
гои боачи нуктэхэчи, тэи боаз̌иаз̌иа. чадо-тании тэи,
мэргэн пондаз̌оони эктэни ундиини-гоани, ''эгээ～,'' ундиини,
''буэ-тэнии эси гои боа з̌ичипу,'' ундиини.
''тэи симбиэ, эрдэлэхэн эксэл-тэнии, наа доовани-даа пулсии,
боа уjэвэни-дээ пулсии,'' ундиини, ''з̌ээ бии аргаӈко гурсэл-нуу,''
ундиини. тэи гурсэлз̌и чочахапо, чочагомаари з̌из̌ухэпу,'' ундии,
''энэхэпу,'' ундиини-гоани, ''эси.'' туи тами туи чадо бии,
туи тами эм чимии сэнэини-гоани пуз̌ин, бунз̌иэ пуз̌ин.
тэи-тэнии сэлэмэ укур доолани-тании з̌уэ пуз̌ин биини чадо.
хоони-даа ичэини-дээ тэи њоамбани эрдэлэхэн пуз̌ин-мээ бии
балз̌ичасалчи. туи тараа тэи, арчокаан ундиини, ''эгээ,'' ундии,
''ичэруу,'' ундиини, ''тэи, симбиэ эрдэлэхэн гурсэл,'' ундиини.
''эси-тэнии њоанчи-тании хамачаа саман-даа анаа
хамачаа эрдэн-дээ анаа осиогохан,'' ундии,
''эм баи бии нии гурун-мээ осиогохаал,'' ундиини, ''эси.''
тэиз̌и хаивани хэм хэтэхэн тэи арчокаан, самамбачи.
њоандоани дааи осигохани-гоани, њоанчи хамачаа-даада анаа
баи бии нии осиогохани, тэи экэсэл. эси-тэнии тэи,
сэлэмэ хаидо укур доолани бими-тэнии тэи, пуз̌иунээ баароани-тании
оркин насалз̌иани ичэктусиичи-гоани тэи, з̌уэ пуз̌ин.
сэлэмэ, сэлэмэ хаи доолани, укур доолани биини хаоси агбиӈгилаи.
туи биидуэни туи ундииси туи бими ундиини-гоани тэи эктэкээн,
''гээ эси чимана агаа з̌из̌уи,'' ундии, ''исиндагои,'' ундии, ''аагби.''
туи тараа тэз̌э-дээ з̌иа чимани исигохан тэи мэргэн.
коли анаа улээн мэргэн бичини. исигохан.
тэи нэуни пуз̌ин-тэнии ундиини-гоани аакчиjи, ''агаа～,'' ундиини.
''тэи з̌уэ экэсэлбэ, хоони чихалаи осини хоони наказаалароо,''
ундиини-гоани. ''эрдэлэи, туи эрдэлэхэмбэчи.
хоони чихалами хоони тароо,'' ундиини.
эси-тэнии ааӈни-тании боачи ниэхэ～н туи тапи-о～
тухиду ти～ас урэктэвэ гааз̌охани. маӈбо урэктэвэни тэи, хаи-тании,
бунду, сивагдаани-гоани тэи гэрбуни.
бурээӈкулэ тамачаа урэктэвэ гааз̌охани-гоани.
туи тараа эси-тэнии чава-тании, хорактавани ачои～ хаиз̌и, хаирии,
тавачи пикичими хорактавани хэм ачохан.
эси-тэнии тэи тухи урэктэвэни-тэнии хэ～м дуктэхэн тэи-тэнии экэсэлбэ.
эмун-дээдэ иих-даа тааси, энэнэ-дээ ундэдээси, тэи экэсэл.
хэм мокто мокто энэи паачилаини таондоани
тэи мооӈгони хэм саар энэхэни. туи тараа нэуни ундиини-гоани,
''агаа,'' ундии, ''эдэдэ,'' ундии, ''сии тэз̌э туи чиилахаси-ноо,''
ундиини. эси-тэнии нуктэлэjи-тэнии эилэjи-тэнии з̌уэ урэктэвэ... хаи
з̌уэ нуктэвэ татахани. туи тараа-тании пуухэни,
з̌уэ сэлэмэ урэктэ осихани-гоани. ''гээ, наа эjвэ,'' ундиини-гоани,
''эиз̌и дуктэруу,'' ундиини, ''тэи экэсэлбэ.'' гээ тэи урэктэвэ дуктэи дуктэи,
дуктэи тэи-тэнии паачилаидоани хооњаа паачилаи-ос хооњаа иирии,
хэрэктэни доочиани. тадо, туи, ник ник энэини-гоани пуjэнтуиз̌иэни.
туи дуктэучиэни-э ундиини-гоани, ''гээ элээ,'' ундиини, ''кэсэхэн,''
ундиини. ''эси тэи гурсэл хамачаа-даа анаа очогохан,'' ундиини, тэи,
пондаз̌оони пуз̌ин. туи тараа-тании, ''аjа,'' ундиини,
''њоамбачи вааваси,'' ундиини-гоани. ''њоамбачи такорагоари-а,''
ундиини-гоани, ''њоамбачи. эси такорамз̌илагоори,'' ундиини,
''тэи гурсэл-дээ эси хаоси-даа энээдээси, хаива-даада саарадааси,''
ундиини ''њоанчи эси. хамачаа-даа саараси-а,'' ундиини.
туи тараа-тании, тэи нуктэjи-тэнии з̌апагохан.
з̌апагораа нуктэдуjи бэунду нээкухэни. носоогохани, тэи, эктэкээн.
туи тараа таваӈки, хаирии-гоани, эси-тэнии тэи, бунз̌иэ пуз̌ин-тэнии,
энимби з̌ооӈгохани-гоани. туи таидоани-а энимбэни элээ гааз̌охачи.
чимии тээгухэни, энини уже з̌из̌ухэн. гээ энини-тэнии соӈгои-гоани,
пиктэjи баогохан, ''мии каока мээн боадоjи бичимби, осини
горо улээн бичин,'' ундии, ''пиктэjи хуэдээси бичин-гоани''-м
соӈгоини-гоани. гээ эси тадо бии～ туи улээн осиогохан,
тэи мэргэнз̌и тэи, бунз̌иэ пуз̌ин эз̌илэгухэн.
туи тараа тэи хаириини-гоани, мээн боачиари-даа энуэси
чадо балз̌илохани горо бичэ з̌из̌а бичэ элээ. элээ-гоани, откоокаан.
Translation
一人の おばあさんが 娘と二人で 暮らしていた
一人のおばあさんが娘と二人きりで暮らしていた。娘はたいへんな美人で、いっさい家事をせず、母親であるおばあさんが全部一人でやっていた。ある時娘が目覚めると、母親と二人で舟に乗っていた。大河を下っていた。そばでシャーマンのタイコの音がするので、見ると骸骨が一人、別の舟に乗ってシャーマンをしている。岸辺を通りかかった時、骸骨は一人の人間を岸に見つけてそれを呑み込んだ。それは骸骨の喉に引っ掛ってしまった。娘とおばあさんの舟はさらに先へ進み、接岸した。岸に上がると一軒の家があり、そこには老夫婦と一人の娘が住んでいた。おばあさんと娘はそこに泊めてもらってそこで暮らし始めた。ある時夜中に娘は小用に出た。外はまっくらだったが、前方に一つ灯りがあるのを見つけた。そこへ行くとそこには二人の女がいた。娘が座ると、体が床にくっついてしまい、立ち上がれなくなった。二人の女は天からアカシカを呼び寄せ、その角に娘を縛りつけた。アカシカは空に飛び上がり、長いこと飛んで行った。娘は気を失い、気がつくと海に投げ捨てられて波に揺られていた。岸辺に一人の女がいて、娘を救い上げた。その女はあらゆる薬を使って彼女を治療し、娘は元の美しい姿に戻った。夜中に激しい嵐が吹き荒れたが、翌日は良い天気になった。娘を救った女の兄という人物が旅から戻って来た。娘をシカに縛りつけた二人の女たちが捕えられた。彼らは全ての魔法の力を失っていた。その兄はその二人の女をさんざんに叩いた。それからその兄は娘の母親を連れて来た。その兄はその娘と結婚した。その土地で仲良く幸せに暮らした。終わり。