|
Folk tale of Nanay. Najkhin dialect
by Gejker, Niesulta Borisovna
Source
|
|
эм пуз̌ин эмучкээ～н балз̌ихан
|
э～ӈ ундииси эм з̌оо доолани эм пуз̌ин эмучкээ～н балз̌ихан.
туи биэ ундэ. тэи-лэ пуз̌ин-гулэ ундииси, хаива-даа～да тааси.
уилэнду～-мања биэ ундэ. тэи-тэнии чимии тээхэн уилээ ундэ,
улпимби з̌апагои туи улпиэ ундэ, долбо-а～ иниэ туи уилэми
балз̌иа ундэ. сиаорива-даа саараси-а з̌оо доони хаоси-даа оосиори-даа
саараси, сиагоjи пуjуурэдээси хаива-даада тааси,
тэӈ уилэнду-мања биэ ундэ. тэи-тэнии～ мэнэ, сиагоани котаан мэнэ з̌идии,
сиами хоз̌иочиани мэнэ оосигои, котаан коотоа силкочигои мэнээ-дэ.
эн туи биэ ундэ. тооилани согдата з̌аи тиас хаарии, тэи-тэнии мэнэ,
мээпээри тообогои, мэнээ хэм мээпээри-дээ хэм саар тэлгэчигуи,
холгии холгии, таксаи-даа, симсэ аӈгои-даа туи мэнээ таа ундэ,
тэи-лэ пуз̌ин-тэнии хаива-даа тоӈгалааси туи, уилэнду-мања биэ ундэ,
коли анаа улээн пуз̌ин. э～ӈ туи салими
туи уилэми биэ ундэ. туи биидуэни～ эм мэргэн з̌ичини.
э～ӈ тэи-лэ ундииси, тэи мэргэн з̌ичиндуэни-лэ тэи-лэ ундииси,
э～ӈ пуз̌ин-гулэ хэмэ～ тээсиини-гоани, тэи-тэнии мэнэ～ дамхи-ла,
нэптээриу～ туи тэучиэ ундэ, тэи мэргэндулэни.
туи тапи ундииси, эӈ дэрэ мэнэ энэхэ～н,
туи тапи-тании котаан мэнэ энэхэн
тэи мэргэн сиами хоз̌иочиани-ла ундииси-э, мэнэ хэм оосигохан,
сиами хоз̌иочиани хаиси дамхива гучи нэптээриу тэучигухэн.
э～ӈ тэи-лэ мэргэн-гулэ ундиини-гоани, ''анда～ пуз̌ин ундииси,
эи-мээ бими, тургэн эз̌игуjи гэлэхэси-э,'' ундии,
''оркин-а наи ундии-jэ''-м-дэ.
''эи-мээ бии нии хаали-даа тургэн эз̌игуjи гэлэвэси.''
пуз̌ин-гулэ ханорио～к досоз̌иини-гоани, хаи тургунчигилэи,
наи туи ундиивэни-дээдэ. эӈ туи, ''асичиjи аваниндаи,'' ундии,
туи тараа энухэн тэи мэргэн. э～ эм хадолта～ бипи з̌из̌ухэни.
хаиси хэикугухэни тэи-лэ мэргэн-гулэ хаиси чадо-даа туи ундии,
хаи мэнэ тэи, дамхи туи-дээ, сиаори туи-дээ, мэнэ таини-гоани
њоанчиани котаан-даа мэнэ энэи, мэнэ оосигои мэнэ, коотоа силкочигои
таа ундэ, каӈго, тахидо эсэлигуи. э～ӈ тэи-дээ ундиини, ''анда～ пуз̌ин,
ундииси, эи-мээ～ балз̌ии нии, э～ӈ эз̌игуjи тургэн гэлэвэси-э,'' ундии,
''каока биури-э''-м-дэ, ''хэмэ-дэ.'' э～ӈ пуз̌ин-гулэ, доолз̌иини-ос абаани-ос
хаива-даа... хаи-даада ундэдээси туи хэмэ бии, туи биидуэни гучи,
хадолта～ бипи, эм мэргэн з̌ичини хаи-даа улээн мэргэн бичини.
э～ӈ њоамбани асигоjи мэдэсии. э～ӈ ундииси пуз̌ин ундиини,
''мии, эз̌и анааjи-гоани,'' уже дааи, пуз̌ин осихан.
э～ӈ чихалахани, мэдэсиивэни асигоjи.
э～ӈ тэи-тэнии ундииси мэнэ котаан дэӈсихэ～н, тэи-тэнии тэи энухэ～н
тэи мэргэн мэдэсирээ њоамбани. э～ӈ пуз̌ин-тэнии ундии,
''хоони энуури, мии туи-дэ, з̌аиз̌и синз̌и оораа-да.
э～ӈ мии тиас биэси, уилэхэмби балз̌иханз̌иа уилэхэмби з̌акасал
з̌ээ бии-нуу эгз̌и.'' тактодо-даа тиас бии, з̌оогдо-даа тиак тиак бии,
лоохан. э～ӈ туи тараа-тании тэи, мэргэн энухэн.
эм хадолта бипи з̌из̌ухэни. эӈ хаидо, гилаз̌и.
эӈ тооила хааха～н эси мэргэн тоохан ундииси э～ӈ эси-тэнии пуз̌ин-тэнии,
пэргэчиини-лэ, дамхи-даа мээпи туjээси-э～, котаан-даа мээпи ирааси-а бичини.
эси-мээ пуз̌ин-гулэ, эӈ илихани-а～ сиаори биини з̌аароани
соосими туjучихэни сиавааӈкини ундииси э～ӈ котаамба силкочигохани.
эӈ туи тараа ундииси з̌оогдоани тиас биини-гоани тэвэ,
хаи-даа хэм биини. эси-тэнии ундииси
пуз̌ин-гулэ такточиjи энэхэн тэвэвэ ээвугуэчи. элчиусэл ээвугуэни.
такточи энэхэни-лэ тэи тактони-тании хамачаава-даада абаа бичин чистый,
эм сэрини-мања осиогохани. ''эрдэӈгэ, хоони тахани туи-дэ.''
э～ӈ таjааз̌и иигухэни. хэрэ～ з̌оогдоани-даа эм лоохан з̌ака-даа
хамачаа-даа абаа, котаан-даа абаа хамачаа-даа абаа, э～ӈ ундииси тэи-тэнии ундииси-э,
тэӈ аории тэтуэкээни-рэгдэл улпичэ хукуэкээни осиогохани.
гээ хамачаа-даада абаа з̌оогдоани. эси-тэнии тэи улпичэ хукуэкээмбэни,
аории тэтуэкээмбэни з̌апараа наи ээвугуи-гоани.
э～ӈ пуз̌ин-тэнии эрдэӈгэсиини-гоани, ''хаими туи энэхэни, хэм абаа,
хаоси энэхэчи тэи. уи-дээдэ ичээдээсиз̌иэни.
эӈ тэи эгз̌илээ хаз̌омба покто анааз̌и наи хаи jааӈкогилаи,''
мурчиини. эӈ туи тараа тэи мэргэнз̌и энэхэ～н эси-тэнии тадо бии-гоани,
эм хадолта туи энэхэни-дээ гоидаасини-гоани,
тэи эз̌илэхэн мэргэн-дээ хаоси-даа～да энээсини-гоани,
з̌оогдо～ биини-гоани. хаи-даада ундэдээси тэи пуз̌инчи-дээдэ.
эӈ пуз̌ин хаиси уилэини-гоани, наичи энэхэн-дээ улпии наи улписуу нии.
эӈ туи тами пуз̌ин ундиини, ''мии-тэнии эмучкээн бии-дээ
њаалоон з̌ака эчиэ сиара, эм сиарами эчиэ бииjэ,'' ундии,
''хакомо-а～ хаи-даа,'' ундии, ''сиагоjи-даа бааваси-а''-м-да,
''њаалоон з̌ака, ии～,'' ундии, ''сии алоосиваси гэлэи-тэнии,''
ундии тэи мэргэн. эси-тэнии паатоо～ баараз̌игоиз̌иjи гэсэ
энэхэни тэи мэргэн асико бичини, эм пуз̌инз̌и.
э～ӈ мэргэн энэини-тэнии эси-тэнии, хэдун маӈга хэдулухэни
эси-тэнии ундииси-э～ агз̌и-даа поикои-даа таа ундэ.
эси-тэнии пуз̌ин-тэнии апсиӈгохани, аопи-о～ сэнэхэни тэи,
хориани пуз̌ин-тэнии ундииси э～ӈ голз̌он кираадоани тээрээ,
''эрдэӈгэ～ хаи-даа ундииси, туи бии боава ундииси-э,
эӈ эз̌ипу-лэ уjуӈ-гулэ биэси-э～,'' ундии, ''хаали-даа баогоаси-а''-м.
''э～ӈ эмэчээ боадо талгала наи, эси будии-jэ,''
ундиини-гоани, наи, туи эмучкээн хисаӈгоини-даа
голз̌он кираадоани дамхива омими.
эӈ бунз̌иэ пуз̌ин тэи пуз̌ин-тэнии ундииси олгалигда-о～
тэи пуз̌ин хисаӈгоини досиз̌ами оӈасахани. оӈасагохани.
э～ӈ туи аопи-о～ сэнэгухэни. з̌оо доолани уи-дээдэ абаа, пиӈгу пиӈгу.
эм сактан-даа абаа, хамачакаа-даа абаа, з̌оодоани чистыj осиогохан,
э～ӈ хаидо, эм илба-мања аориини. э～ӈ ундииси эси-тэнии
пика нилакон осиогохани пуз̌ин, хамачаа-даа анаа, тэтуэ-дээ анаа
хамачаа-даа анаа. эси-тэнии ундииси пуз̌ин-гулэ,
''эрдэӈгэ～, эи хаи з̌ака, хоони, хаими ааваандиини, эрдэӈгэ туи-дэ.''
э～ӈ туи тараа тээхэни-э～ ундииси, боачи ниэхэнз̌иjи-дээ ичэини-лэ,
иргэн-гулэ хэи соли, хэм колаани мугдумз̌и бии бии, ундииси, наи хаихани,
далихани. э～ӈ тэи ноӈз̌ини, гэкчиини-гоани, з̌эмуни осихани-гоани,
эси-тэнии, эӈ солиадо хэз̌иэду, наи тактони, з̌оовани тутуми пулсихэни.
э～м хамачаа пасивани-даа эчиэ баарани. эм манаха пасини-даа абаа,
эм з̌иэктэ з̌ирхани-даа эчиэ наи тугбуэни-э-дэ.
эӈ з̌из̌ухэни-э～ эси-тэнии хаоси энэури тэи, ивачиохамба,
эњуэ наи чуӈну татахани, хэрэличуни чуул апсиӈкини.
туи тэӈ оӈасахани. туи аории-гоани, туи гэкчии,
туи сиргундии туи аора ундэ, туи аориидоани～ эм модан-гола
ундииси, эӈ тооилани-ла з̌оор наи з̌аиз̌и хаахани, ичэхэни. эӈ тэи,
асигоjи гэлэндэми хэикуэчихэн мэргэн бичини.
э～ӈ эмз̌иэ ӈааладо калакааӈко, эмз̌иэ ӈааладо алда хуктувэ, тухисигуини.
э～ӈ тулиэвэ исихани-а～ ундииси, ''анда～ пуз̌ин ундииси, уjумби осини
эи алда хуктувэ з̌апараа тэтуруу,'' ундиини. э～ӈ наӈгалахани нии,
паавава чуул-дэ. паава-даа абаа хамачаа-даа абаа.
э～ӈ туи тараа-тании тэи пуз̌ин-тэнии, хаириини-гоани наи туи, туи,
тэтуэвэ тэтухэ～н, туи-тэнии боӈгал боӈгал мээпи хэкурээ
тэсичиини-гоани гэкчиухэн хаи, алда хуктуз̌и-дээ тэтуэхэнз̌и-дээ хаи
пика нилакони-гоани, туи биилэjи тэтурээ хоз̌ихани.
эӈ тэи мэргэн-гулэ иихэни-э～ туи тараа-ла ундииси тэи,
калакаандоjи-ла ундииси э～ӈ бодава-ла пуjууухэни ундииси
э～ӈ туи тараа пуjуурээ, сиаваандиини-гоани,
''анда пуз̌ин элэдэлэ～ оминасироо,'' ундии,
''э～ӈ мии эксэмби-тэнии мии з̌идииjэ, з̌ичимби, саахан,'' ундиини,
''эси энэучиэjэ-дээ хаилараа,'' ундии, ''ваарии-ноо уз̌ии-нуу-дээ сааваси,''
ундии, ''эӈ мии эксэмбиэ-тэнии хаӈгиала хисаӈговаси,
ээнз̌иэни эхэнчувэси,'' ундии, ''хэм саарии-jа,'' ундии, ''хэм.
э～ӈ њоани-тании ундииси, эӈ эиду хисаӈгоори баи симуэчихэси-дээ
хаи-даа боадоани њоани бии-дээ хэм доолз̌ии хэм саарии,'' ундиини.
''эси мии энэучиэjэ мимбиэ ваарии-ноо хоони таи-ноо,'' ундии
гасаини-гоани тэи мэргэн. ''э～ӈ гуз̌иэсими-э～ з̌ичимби, мии хаиjа
уӈкэjэ～,'' ундии, ''эи-мээ бими
эз̌игуjи тургэн гэлэвэси ундэчиjи-кээ''-м.
''э～ӈ ундииси-э тэи, сии-тэнии ханориак досиз̌ихаси-гоани,'' ундиини,
''элээ мии саахамби,'' ундии, ''туи эз̌игуjи тургэн баагилаиваси.
э～ӈ буэ-тэнии эчкэз̌и з̌уэз̌иэри уликсэвэ ваарии,
з̌уэз̌иэри пинасимаари такточиаси ирасои, э～ӈ согдатава ваарии,
з̌аидо тиас тиас з̌уэ з̌аиз̌и тооиласи хаарии таи бичипу,'' ундии,
''тэи дэӈсихэни-тэнии њоани, асиjи дэӈсивээӈкини,'' ундии,
''нуучи асиjи. э～ӈ ундииси симбиэ дэӈсивээӈкини, хамачаава-даа～
тоӈгалаами бивээӈкини,'' ундии, ''уилэнду-дээ. э～ӈ мии уӈкимби-тэнии,''
ундии, ''туи бими, эз̌игуjи тургэн гэлэвэси-э''-м-дэ.
''эӈ сии-тэнии ханориак досиз̌ихаси-гоани,'' ундии, пуз̌ин ундии,
''хаи саара,'' ундиини, ''хаоси, туи биури буэ.
туи балз̌ии-тании-м мурчихэмби-тэнии,'' ундии, ''отолиасимби.''
эӈ туи тараа-ла ундииси-э тэи, эӈ пуз̌ин-гулэ хаириини-гоани,
туи тараа ундиини-гоани, гасами тэи мэргэн энухэн.
э～ӈ энухэни хамиалани тэи алда хуктуз̌иjи-лэ ундииси-э,
боӈга～л боӈгал мээпи хуикэгурээ... хукурээ ундииси-э тэи,
эњуэ хэрэличууду хаиси чуул апсиӈкини, апсиӈгохани.
апсими-а оӈасахани. аопи-о～ угз̌иилэjи сэнэгухэн, тэи-тэнии ундииси,
нилакон пика хаиси очогохани. хаи-даада абаа.
э～ӈ эси-тэнии туи сиргуми туи гэкчии-гоани, худэдэм.
эӈ туи тами～ гучи эм модан-гола ундииси,
эӈ тооилани з̌оо～р хаахака ундэ, эӈ ичэхэни.
хоони-даа, туи гэкчии-дээ ичэини-гоани паава луӈтукэвэ,
э～ӈ тэи-лэ мэргэн-гулэ з̌из̌ухэни ундииси,
эӈ хаиси эм алда хуктувэни-дээ олбиӈкини бичини.
э～ӈ алда хаиси калакааӈко, пээjэини осини,
худэ～н даралааз̌иани капсачако бичини.
э～ӈ ундииси туи тараа ундииси-э, эӈ мэргэн-гулэ ундииси тоохани-а～
паава модамбани исиини ундии, ''эукэ～ анда～ пуз̌ин ундииси,
эивэ уjумби осини, эи алда хуктувэ з̌апараа мээпи улээн хукуруу,''
ундиини-гоани, наӈгалахани. паавава чуул-да.
эӈ пуз̌ин-гулэ з̌апараа тэтурээ ундииси мээпи-лэ
бонгал бонгал хукухэни-гоани. бэгз̌и-гдэл осииз̌иани.
эӈ туи тараа～ тэи мэргэн-гулэ хаиси туи з̌из̌ухэни, ''ичэруу,'' ундии,
''анда пуз̌ин,'' ундии, ''э～ӈ эчкэ-тэнии мии энэхэндуjэ-тэнии
з̌ээ хаихан-ноо,'' ундиини, ''мии симбиэ гуз̌иэсихэмби...
гуз̌иэсими пулсии-jэ,'' ундиини. ''э～ӈ коткаалахани,'' ундии,
''тоз̌ама котакаанз̌и эилэjи томторам энэиз̌иэни, эилэ чок калтаахани,''
ундии, ''з̌уэрку, туи дааралаз̌и калтаахани,'' ундии,
''э～ӈ эси энэучиэjэ то ваарии-ноо хоони таи-ноо,'' ундиини-гоани,
''симбиэ гуз̌иэсими туи пулсии-jэ.'' ''э～ӈ эдэдэ,'' ундиини-гоани,
''ээдэн, эчкэ-лэ ээдэни～ бэлчини～,'' ундиини-гоани,
''туи, улээн эктэ туи эрулэини-э, паиӈками-даада,''
туи хэсэ аӈгоини-гоани, мээн эмучкээн-дэ, пуз̌ин-тэнии хэмэ～ досоз̌иини-гоани.
эӈ туи хаиси бодава пуjуурээ омиваандиини-гоани, пуз̌имбэ.
э～ӈ эси-лэ ундииси эси-лэ, ''анда～ пуз̌ин,'' уӈкин, ''эси-тэнии,
будии-дээ эси хоони з̌из̌уз̌ээмби-э, туурии-дээ хоони з̌из̌уз̌ээмби,''
ундиини, ''будии-дээ туи буз̌ээчи-э, туурии-дээ туи тууз̌ээчи,''
ундии, ''эси мии энэучиэни-тэнии, энэучиэjиjэ-тэнии эксэмби-тэнии ваарии-ноо～
уз̌ии-нуу-дэ,'' ундии, ''хоони сааори-а.
э～ӈ з̌ээ аjакталааси з̌ээ тагдааси,''
ундии, ''минчи.'' э～ӈ туи гасами энухэни.
э～ӈ энухэни хамиалани-ла ундииси пуз̌ин-гулэ, боӈга～л боӈгал хаигораа,
кумэлигурээ апсиӈгохани чаз̌и. апсиӈгоми оӈасаини-гоани,
хамачаа аамиани баариини-ос. туи аоми～ сэнэгухэни хэрэ～ ундииси
тэи-тэнии ундииси, нилакон пика очогохан.
тэи-тэнии хэхэхээрии-гоани, туи гэкчими-тэнии, туи хэктэкхэп.
туи jааи, мораи таа ундэ тэи-тэнии пуз̌ин-тэнии,
гэкчими дабами-тании, туи тами-дэ. э～ӈ туи хэхэхээрими туи,
сиргуми туи тами ундииси, эӈ инэктэлугуиз̌иjи гэсэ-лэ ундииси,
хаончок энэхэни. эӈ туи тапи-о～ саагохани. оjаани-даа хулуӈ,
пэгиэни-дээ хулуӈ, аориини бичини. э～ӈ туи тараа ичэини,
эм гои з̌оо～ биэ ундэ. тэи-тэнии хаи,
тэтуэни-тэнии ба～лана тэсчихэн тэтуэкээни бичин тэтугувээӈкичи.
эӈ ба～лана тэсчихэн тэтуэни, гарони, лээмини, бичини.
кэркичэду аории саа... ичэгухэни кэркичэду аории,
пуксун кэркичэдуэни аориини. э～ӈ палаандо-тании сои～р сои～р сои～р
наи гиасоо-да, гиасооз̌и гиариини сиасин бичини. э～ӈ пуз̌ин ичэхэни,
хуэксэ, чуул нээрээ-дэ. эӈ тэи-тэнии мэргэн-тэнии бичини.
оjааз̌и ичэми, сама～н, оjааз̌и ичэми, хаи биэлбуэ-м
ичэури наи бичини. тэи-тэнии улээлээ наи-тании, аjакталахан-тании ундииси,
эм эњуэ пэрэӈни-мэт пака～ пака～ биэ ундэ. эӈ тэи-лэ ундииси туи,
эӈ гиапи-а ундииси хоз̌ииз̌иjи гэсэ пуз̌имбэ-лэ нуктэдуэни катарами
палаанчи, татаиз̌иjи гэсэ, эси-тэнии дуктэхэн тэи,
гиахани мооӈгони хадо бичин осини хадо хэм саар энэдэлэ
дуктэпи-мэт бэунчи наӈгалагохани. эӈ пуз̌ин-гулэ наиjа дэлучии～
саагои таи-гоани туи эси-тэнии ундииси, чадо-ла эм пуз̌ин бии
эси тэнии бэjэгуjи баарии пуз̌ин бичин. тэи-тэнии тэи пуз̌имбэ-тэнии
тул тул дэӈсиини-гоани. э～ӈ сиагоани буурии-дээ сиараси осисии
сиаори, э～ӈ хамачааз̌и-ла окчичиаси тэи пуз̌ин-тэнии њоамбани-тании.
э～ӈ хэмэ хэмэ биичи-гоани, пуз̌ин-дээ з̌аралиаси,
тэи окчии пуз̌ин-дээ њоанчиани з̌аралиаси туи хэмэӈгуз̌иэни.
эси-тэнии ундииси тэи мэргэн-тэнии ини таондоани дуктэлухэн
таваӈкиз̌иа-тании пуз̌имбэ-тэнии-дэ. э～ӈ туи тами ундииси
эси-тэнии ундииси-э, очогохани ундииси, чимии тоокогои тоикаандии,
сиксэ эугупи тоикаандии талогохани. эӈ тэи алдандоани-каа хээ хээ эрсиури.
э～ӈ туи бими туи бими ундииси тоикаандадааси осихани.
э～ӈ туи бими-э～ туи бими-э-лэ ундииси эси-тэнии ундииси-э,
эӈ пуз̌ин хаи мурчиини-гоани, наи туи тоикаамба баариини,
хаи гоокоз̌иани бигилэи, эрууни-гоани. э～ӈ хаи з̌ичини.
эм мэргэн з̌ичини-ус, хаи тэи тоикаамба баахани,
њоамбани хоричихан мэргэн з̌из̌ухэни. э～ӈ ундииси, ''эукэ～ ундииси,
хоони бииси,'' ундии, ''мии, асиjиjа наи гиамата ираиjа,'' ундии,
''эиниэ. э～ӈ ундииси эугугуэри-э,'' ундии, ''мии баароjа.''
э～ӈ ундииси-э, ''эчкэ-лэ ээдэни～ бэлчини,'' ундиини,
''туи улээн эктэвэ ундииси, э～ӈ балз̌ихан вэнтээр-дээ анаа,
хамачаа-даа анаа осигоини эрулэхэн... эрулэини,'' ундиини.
''э～ӈ эугугуэри-э''-м. ''абаа～,'' ундиини, ''эурэсимби,'' ундии,
''иламо～,'' ундиини-гоани, ''хаи гооколаjи наичи эувури-э''-м,
''наи, андаха, гиамата з̌из̌уичиэни.''
эси-тэнии туи наамбичами чиилараа эугухэн, тэи мэргэн.
э～ӈ ундииси, туи тапи-о～-ла ундииси гиамата исиха～н-мал наи,
пиргиал ундэ, пуз̌ин туи аоми биини-гоани з̌оогдо.
тэи њоамбани дэӈсии эктэ-тэнии, туи њоамбани окчичиини-гоани,
хамачааз̌и-гдал окчичиини-ос, эӈ хулу халоктани, хаи
њоӈгиан соирактава пуjуучими оминасиваандии, оjавани мододачии таини-гоани.
э～ӈ ундииси пуз̌ин jэбэлээ осиогохани-гоани тэи, эӈ туи тараа тэи,
мама тоохани. э～ӈ туњэпуӈку бичин сагз̌и-о～ мама бичини.
эӈ тэи-лэ ундииси тоохани-а～ ундииси иихэни пуз̌ин з̌акпачиани з̌из̌ухэни
эси-тэнии оз̌ои-гоани, эjэ～ таjа, дэрэгбэни-лэ чоа～п чоап оз̌октахани.
''э～ӈ ээдэни～ бэлчини,'' ундии, соиjа ундэ эз̌ивэни-лэ ундииси,
''эӈ хамачаа наи, такамбани-даа～, хамачаа оркиачихамбани-даа ундииси,
з̌ээлээ-дээ таори,'' ундии, ''эивэ гучкули пиктэвэ, эи туи улээн эктэвэ,
эӈ наи эрулэхэн-тэнии хаоси-даа биивэни-дээ отоливаси осиогохани,''
ундиини-гоани. э～ӈ туи хэсэ аӈгоми ундиини, ''эни ичэгуруу,'' ундии,
''мии симбиэ ӈаанихамби,'' ундии, ''аӈпаси ӈаанивааӈкини,'' ундиини.
''э～ӈ инаси, асивани наи ирахани,'' ундии, ''гиамата. эӈ чадо симбиэ,
гэлэндэвээӈкини-м нээ-дэ.'' э～ӈ пуз̌ин ундиини, ''иламо～,'' ундиини-гоани,
''хаи гооколаjи энээмби''-м ''туи эрундулэjи.'' ''аjа～,''
ундии, ''энэгуэри-э,'' ундии, ''хаоси-даа бииси-дээ аjани, аӈпаси уӈкини,''
ундии, ''хаоси-даа бии-дээ ээвугуруу, нээ-дэ.''
э～ӈ туи наамбичаи пуз̌ин-гулэ туи бии-лэ ундииси, э～ӈ лээмилэрээ,
тэи мама туи аливаси таини-а илихани.
туи тараа гэсэ эугуи-гоани.
э～ӈ уикэдуэни з̌апараа иихэчи ундииси тэи-лэ з̌оо-ла доолани
тиа～с биини-гоани, наи гиамата ирахандоани
наи эгз̌и аркива омии гурсэл. э～ӈ ундииси эси-тэнии, туи, тэи-лэ,
ичэини эз̌ини-дээ туи чадо биини-э～, тэи тоикаамба баарии,
њоамбани гуз̌иэсихэн инани мэргэн-дээ бии-jэ.
э～ӈ гиамата пуз̌имбэни ичэхэни-лэ, э～ӈ насоолчиа～ сахарто пуз̌ин бичин
тэи. э～ӈ ундииси-э, тэи мэргэн асини, гиамата ирахани.
эӈ тэи гиамата амиӈко～, бичини, амини з̌идии...
амини-даа ирахани пиктэjи. эниӈку, амиӈко-да.
э～ӈ ундииси тэи-тэнии мапаачаан, з̌оо мапани тэи, эз̌ини ааӈни-ла,
''мама～,'' ундии, ''оромби гааз̌окаси-ноо,'' ундиини.
''силаа～н ээвугухэмби,'' ундии, ''осисиивани.'' ''эӈ ами ичэгуруу, з̌из̌уу～,''
ундии, ''мии оз̌огоjа, з̌из̌уруу,'' ундиини. ''э～ӈ аjа з̌из̌уруу''-м
туи хээсиэ ундэ, пуз̌ин-гулэ ундииси мама ундиини, ''энэруу,''
ундиини-гоани, ''аӈпаjи оз̌огоани. з̌акпачиани.''
эӈ пуз̌ин-гулэ, тэи мама хэсэвэни дахорасими тэи,
накандо тээсими хээсии мапаачаанчи энэхэни.
хаилоо улээн мапани-гоани, наи улээн гурун. э～ӈ пуз̌имбэ-лэ ундииси,
''ам ичэгуруу з̌из̌уу,'' ундии, ''оз̌огоjи лаӈ-да.''
эӈ пуз̌ин-гулэ энэхэни ундииси, эси-э～ эjэ～ таjа дэрэгбэни-лэ
лоа～п лоап оз̌октахани. эӈ туи таиз̌иjи гэсэ пакпарими дэруухэни.
эӈ нэуни-лэ з̌акпадоани бичини. ''э～ӈ ээдэмби～ бэлчимби саагоиси-ноо,''
ундии тэи, ''туи улээн эктэвэ хоони таивани туи эрулэхэни-э''-м-дэ.
''э～ӈ хамачааз̌иани илааз̌ими, хамачаа-даа, хамачааз̌иани боолдаз̌ими,
туи нэучихэмби дуэлэни чава-тании, туи эрулэгуиси улээн-нуу,'' ундии,
''њааз̌акта-даа анаа, хамачаа амини-даа анаа энини-дээ
аӈгаз̌аан пиктэвэ туи эрулэиси, эрулэхэси улээн-нуу''-м, ''ичэруу,'' ундиини,
''асичиjи. ба～лз̌ихани хаоси-даа биивэни-дээ отоливаси осиогохан,''
ундиини, ''тэи улээлээ эктэвэ.'' э～ӈ пакпарии-даа пакпарии таи-гоани,
гэрэн нии доолани тэи мапаачаан-гола. эз̌ини-тэнии ко～л кол биини-гоан,
тэи мэргэн. э～ӈ туи тараа ундииси пуз̌имбэ, з̌акпадоjи тээсивээндиини-гоани,
хаоси-даада энэвээндэдээси туи, туи тээсими туи хаиха～н,
мапа-даа соктохан мама-даа соктохан пуз̌ин-гулэ ундииси,
''э～ӈ з̌оокчи энуури,'' ундиини-гоани. эӈ энухэн тоокохан дуиси.
эӈ дуиси тоокораа～ бэундуjи апсиӈгораа аории-гоани хаи,
наи омиваандаа-да, ''хаива омииси,'' наамбичаини,
тэи инамби наамбичаини, эм кочикаамба силаа～н омихани.
энурээ～ пуз̌ин-гулэ со～ӈгои-даа соӈгои тахани.
элэдэлэ соӈгораа ундииси-э～ пуксун кэркичэдуэни оӈасагохани.
э～ӈ соӈгоини-гоани, ''буэ аӈгаз̌аан балз̌иоха～н, хамачаа-даа анаа,
наи бумбиэ, туи гаралаи... эрулэи-дээ уи-дээдэ бумбиэ
каанз̌оини-даа абаа хамачаа-даа анаа биури туи бии-гоани-а''-м-да.
э～ӈ туи соӈгопи ундииси пуз̌ин-гулэ ундииси, jадараа оӈасахани.
э～ӈ аопи-о～ сэнэгухэни. э～ӈ тэи мэргэн-гулэ ундииси з̌акпадоани,
з̌акпадоани-ла ноамбани наамаӈгораа～ аора ундэ.
эӈ пуз̌ин-гулэ хаи уӈгилэи. хэмэ～ кол кол биичи.
туи тами-а～ ундиини-гоани ''анда～ пуз̌ин ундииси, э～ӈ сии,
сии туи тахаси-даа, мии-дээ оркимби-гоани,'' ундиини.
эси-мээ саагохани, оркимби. ''мии-дээ оркимби-гоани-а,'' ундиини.
''хаидо бии њааз̌актачиаси, хаидо бии аминчиаси,
биалтоми туи тахамби-даа саарасимби-а''-м ''мии оркимби-гоани,''
ундиини. пуз̌ин-дээ ундии, ''сии эи бэjэз̌и иирээ,
эи бэjэз̌и минчи хисаӈгораа тахаси осини, хаи эз̌игуjи гэлэз̌ээмби,''
ундиини, ''тул тул туи балз̌иханз̌и, туи бии, биури-э,
туи балз̌ии-jа мурчими, наи гэлэивэни баахани чихалаори-гоани,''
ундии, ''эктэ нии эмучээн-дээ хаи эз̌и анаа тул тул биури-э''-м-дэ.
э～ӈ эз̌ини-тэнии туи асиjи ниидэрэчии-гоани эси-тэнии ундииси-э,
''анда пуз̌ин,'' ундии, ''сии-дээ хаи-даа анаа осигоани,'' ундии,
''эӈ чимана, чимии, сии-дээ эилэӈгуэси пуjуучигуэри-э,'' ундии,
''бортии тэи гиаматаз̌и гэсэ. сии-дээ гиамата з̌ичиси осигоани,
тагоари,'' ундиини-гоани. эси-тэнии,
чимии тээхэ～н мэргэн-тэнии асиjи-тании, хамачааз̌и окчичихан-ос,
хамачааз̌и мододахан-ос, пуз̌ин-тэнии ундииси,
э～ӈ даан бичиндуjи дабадала～ jэлэ бичиндуjи jэӈнэдэлэ осиогохан,
тэи-тэнии, хамачаа калхин-даа анаа, хамачаа пиӈан-даа анаа,
синиака-даа абаа, хаи-даада абаа осиогохани.
э～ӈ эси-тэнии туи тараа-тании хаихани. эси-тэнии пуjуучии-гоани,
хачин з̌акава иивурээ, иивуми туи пуjуухэ～н тиас, тиас,
пуjуурии-гоани эси-тэнии ундииси-э, тэи-тэнии ундииси,
хаз̌омбани ундии, ''хаи-даа хэм хаз̌онси хэм бии-jэ～,'' ундиини-гоани.
''э～м хамачаа-даа эчиэ хуэдэптэ,'' ундиини, пуз̌инчиjи.
эси-тэнии пуз̌ин ахоравани агбимбогоха～н,
гиамата з̌ичини осихани-гоани, гиамата тэтуэвэни тэтугухэн,
хамачаа эндур-мэ осилохан. эси-тэнии ундииси-э,
э～ӈ з̌уэ гиамата осихан-гоани тэи з̌оогдоани. эӈ мапа з̌оогдоани.
эугухэчи. эси-тэнии ундииси тэи, гиамата амини-ла аи～н сэнэкэ ундэ.
тэи-лэ ундииси-э, пуз̌ин баароани аи～ ичэз̌эи,
э～ӈ пиктэчиjи ичэз̌эи таа ундэ тэи мапаачаан-гола ундииси тэи-тэнии.
э～ӈ тэи хэмэ～ ичэз̌ээ ундэ. эӈ туи тараа ундииси тэи,
наи алдан кагбава анаи осии-гоани.
дэгбэлихэ～н пуз̌ин обовани эси-тэнии, мэргэнз̌и пуз̌инз̌и,
з̌уэз̌иэри хэрии, тэи гиаматаз̌и, тэи мэргэн...
хаи тэи пуз̌ин инанз̌иани гэсэ хэрии таи-гоани.
эӈ тэи-тэнии ундииси-э～ тэи мапаачаан-тании тас нилкиӈкуини-гоани
тэи андаха, тэи пуз̌ин амини. ундиини-гоани бадоачи исираа,
''ам ичэгуруу～ з̌ээлээ, осиори,'' ундии, ''мии балз̌иханз̌иjиjа
наи улээнз̌иэни, наи пуз̌инз̌иэни, нилкиӈкууриэ эчиэ баараjа''-м,
''эси-мээ баахамби,'' ундии, ''наи, наиз̌и нилкиӈкуури-э.
э～ӈ насал боотоа, болдо, хаигоани-тании-а～ хаочиини-гоани,
насалдолаjи муэ хэjэивэ, ''нилкиӈкуиjэ,'' ундиини-гоани,
''симбиэ ичэрээ-дэ.'' э～ӈ эси-тэнии туи, дэӈсихэ～н аркива омимаари
туи бии-гоани. э～ӈ туи тараа эси-тэнии з̌уэ гиамата осихан-тании
наи аркиӈгони-даа эгз̌и-гоани. закускани-даа эгз̌и.
сиаптаӈги-даа тиас бии. эси-тэнии хадолта хадолта туи арки омиха～н
туи тапаари ундииси, эӈ тэи гиамата амини-даа энухэн,
пуз̌ин хаоси энуи... хаидо бии њааз̌актани энугилэи.
э～ӈ туи тараа з̌?оокчиари тоокораа туи балз̌ии-гоани,
горо-а бичэ～ з̌из̌а бичэ～ элээ.
Translation
一人のプジンが一人きりで暮らしていた
ある家にたいへん美しい女が一人きりで暮らしていた。彼女は朝から晩までただ縫い物をしていた。家のことは何もしなくてもよかった。食べ物は勝手に現れ、皿は自動的に洗われて片づけられた。魚は小舟いっぱい、いつも岸に届けられて、自動的に調理された。そうしてある時に一人の男がやって来た。客を迎えるタバコや食事も勝手に出てきて、女は何もしなかった。彼は、急いで夫を得てはならない、と警告した。数日後に彼はもう一度やって来てやはり同じように警告した。しかし女はそれをあまり注意して聞いてはいなかった。さらにその数日後、別の男がやって来て、女に求婚した。女は同意した。男はいったん立ち去って、数日後大きな船に乗って女を迎えに来た。客を迎えるタバコや食事は出てこなかった。女は生まれて初めて食事を用意し、皿を洗った。女は自分がこれまでにたくさん縫った物を取りに、蔵へ行ったが、不思議なことに蔵には何一つ無くなってしまっていた。家に戻ると、寝巻きと縫い物袋を残して全ての物が消えて無くなってしまっていた。船に乗って男の家に行くと、男にはすでに妻が一人あった。数日後男が狩りに出かけると、天気は大荒れになった。前妻は、私たちの夫は生きて帰っては来れないだろう、と言った。女は眠ってしまった。目を覚ますと家の中には誰もいなくて、何も無くなっていた。自身も素っ裸で、ただ薄い毛皮が一枚あるだけだった。外に出ると、村の人々も全ていなくなっていた。食べ物と着物を求めて村中を探したが、何一つ無かった。寒さに震えてオンドルにもぐって寝ていると、小舟で一人の男がやって来た。それは一番最初に女を訪ねて警告した男だった。男が言うことには、以前に姿を見せずに魚を捕って女の所に運んでいたのは、彼と彼の叔父であったのだという。ところが警告を聞かずに女が別の男を夫にしたためにその叔父がすごく怒っているのだという。男は再び一枚の冬服と食事をくれて立ち去った。女は再び眠った。目を覚ますとまたも裸になっていた。凍えていると先ほどの男がまた現れて冬服と食事をくれた。眠るとまたも裸に戻っていて、寒さと飢えで気を失った。目を覚ますと別の家で暖かく包まれて寝ていた。服は自分の以前の服だった。そばには初めて見る男が座っていて、顔を真っ赤にして怒っていた。男は、女が目を覚ますと、その髪の毛をつかんで床に引きずり落とし、木の棒で叩いた。家にはもう一人、小さな娘がいた。その娘は女の世話をし、叩かれた傷の手当てをした。男は女を毎日木の棒で叩いた。男の母親がやって来た。男の甥（最初に警告に来た男）が結婚するので、結婚式に来るよう呼びに来たのだった。女は自分の姿を恥じて最初行くのをためらったが、結婚式に行った。そこには男の父親もいて、女を叩いていることについて男（息子）を強く叱った。家に戻ると男はそれまでのことを謝罪した。薬を塗って、女を元の美しい姿に戻した。女が縫ったたくさんの服も返し、女を美しく着飾らせた。そして盛大な結婚式を行って、それからは幸せに暮らした。終わり。