民話資料

омо jэгдигэ мамасамула биити. jэгдигэ мамасамула бии～

omo jəgdigə mamasamula biiti. jəgdigə mamasamula bii～

一人の 若者が 妻と二人で いる。 若者が 妻と二人で いる、

бии～ бии～, омо ниитиги-дээ диаӈкини.

bii～ bii～, omo niitigi-dəə diaŋkini.

暮らしている、暮らしている、ある 人へ向かって（彼は）言った、

''эи наа уjэлэни бии бууфуи маӈга нии анчи, валаа нии нет.

''əi naa ujələni bii buufui maŋga nii anči, walaa nii net.

「この 大地の 上に 私の ように 強い 者は いない、すごい猟師である 者は いない。

маӈга, валаа нии анчи, эи наа уjадуни.''

maŋga, walaa nii anči, əi naa ujaduni.''

強い、 猟師である 人は いない、この 大地の 上に。」

утэ-бэдэ диаӈкини, сикиэ. утаду, нэӈуни биини, ица'и науҙака.

utə-bədə diaŋkini, sikiə. utadu, nəŋuni biini, ica'i nauǰaka.

そのように 言った、 夕方に。そこに 弟が いる、（まだ）小さな 子供だ。

''оно дианаи агаа, сии утэ-бэдэ, сии бууфуи

''ono dianai agaa, sii utə-bədə, sii buufui

「何を 言っているの、兄さん、あなたは そんな風に、あなたの ように

маӈга анчи-а гуми нии, сии эи сикиэ диаӈкимэи

maŋga anči-a gumi nii, sii əi sikiə diaŋkiməi

強い者は いないなんて 言えば、人は。あなたが 今 この夕方に 言ったのを（とらえて）、

эи тимана нии эмэҙэ,'' гуӈкини.

əi timana nii əməǰə,'' guŋkini.

今 明日 人が やって来るだろう、」と 言った。

утилэ сикиэни дигаи-лиэ ӈуактаи-лиэ. тимаа тээгиэни～,

utilə sikiəni digai-liə ŋuaktai-liə. timaa təəgiəni～,

そこで その晩は 夕食を食べるのだ、寝るのだ。 朝（早朝、夜が明ける前）起きた、

мамаасани тээгиэ, олоктосии дигасии, эини-дээ тээги мафани, ӈуаини.

mamaasani təəgiə, oloktosii digasii, əini-dəə təəgi mafani, ŋuaini.

妻は 起きた、食事を煮る、食べるが、起きもしない、その夫は、 寝ている。

ути нэӈуми-дэ дианаини, ''науҙака,'' ута мэнэ биини

uti nəŋumi-də dianaini, ''nauǰaka,'' uta mənə biini

その 弟に 言う、 「弟よ、」と、 それでも 自分でそのまま 座っている、

тээ～ омо угола, утаду мэнэ～ бисини,

təə～ omo ugola, utadu mənə～ bisini,

ほうれ その部屋の 隅に、 そこに そのまま勝手に 座っていた、

киаӈа биолоҙини гусиини.

kiaŋa bioloǰini gusiini.

アカシカの 骨のおもちゃで 遊んでいる。（1）//(1) kiaŋa bioloni 「アカシカの骨（膝蓋骨）」は、頭の上に乗せて、そこから落として遊んだ。膝蓋骨は、硬い骨であり、食べる時に足を折ると自然に落ちる。アカシカ以外の動物の骨では遊んではいけない。落ちて表（丸い側）が出れば父らの狩りがうまくいく（waaǰaŋani）、裏（平らな側）が出ればうまくいかない（əǰəŋəni waa）、立てばそれほど猟果は悪くない（kumaani）と占い、そのようにして遊んだものであるという（N. Z. Kukchinka氏による）。//

хаандини исэптэ, хаандини эини-дэ исэптэ ути науҙака.

xaandini isəptə, xaandini əini-də isəptə uti nauǰaka.

ある時は 見えるが、ある時は 見えなくなる、 その 少年は。

утаду тээсии, мэнэ гусиини. гээ, ути бэлиэнтэ

utadu təəsii, mənə gusiini. gəə, uti bəliəntə

そこに 座っている、 自分で 遊んでいる。さあ、その 女は

вооҙоӈоjи ҙавагиа воолигиани～, инэӈи иинэи-лиэ. иинэи-лиэ,

wooǰoŋoji ǰawagia wooligiani～, inəŋi iinəi-liə. iinəi-liə,

何か縫い物を 手に取って 縫い始めた、 夜が 明けるのだ。 明けるのだ、

нии, гээ～ эи удэлэ дианадуга-дэ, нии дианаа-да.''

''nii, gəə～ əi udələ dianaduga-də, nii dianaa-da.''

「誰だか、 さあ、この 場所で 語ったな、 誰だか 話したな。」

мафани ӈуаини, суӈгэм-дэ. ''нии дианаини, нии диаӈка-да,

mafani ŋuaini, suŋgəm-də. ''nii dianaini, nii diaŋka-da,

夫は 寝ている、 仰向けに、だ。「誰が 話す、 誰が 言ったんだ。

бии бууфуи маӈга～ валаа～ нии анчи-а,' '' гуми,

bii buufui maŋga～ walaa～ nii anči-a,' '' gumi,

『オレの ように 強い、 すごい猟師の 者は いない、』と、」と 言って、

нии дианҙа утаду туу туу нии-дээ эсини сиэуги.

nii dianǰa utadu tuu tuu nii-dəə əsini siəugi.

人が 質問したが、そこにいる者たちは 黙って 黙って、誰も 答えなかった。

гээ, бэлиэ, тэтигиjэ, ӈэниҙэфи.'' оно-jаҙа мамаасани,

''gəə, bəliə, tətigijə, ŋəniǰəfi.'' ono-jaǰa mamaasani,

「さあ、 女よ、服を着ろ、行こう。」 どうすることができよう、その妻は、

вооҙоӈоjи нэдэми ааҙи тэтигээси гаҙии-лиэ～

wooǰoŋoji nədəmi aaǰi tətigəəsi gaǰii-liə～

縫い物を 置いて、よく 全ての服を着ると、連れ去って行くのだ、

гаҙии-лиэ, ӈэнии-лиэ, мамаасавани. нэӈуни эи-тэнэ,

gaǰii-liə, ŋənii-liə, mamaasawani. nəŋuni əi-tənə,

連れ去って行くのだ、連れ去るのだ、彼の妻を。 弟は 今、

ути гусими-дээдэ утала омо мафааса тээ'эни бисини.

uti gusimi-dəədə utala omo mafaasa təə'əni bisini.

彼は 遊んでいたが、そこに 一人の じいさん（連れ去った男）が 座っていたの だった。

ҙулиэтиги тулаанаваӈкини, биолова. ута гаагиани.

ǰuliətigi tulaanawaŋkini, biolowa. uta gaagiani.

その前へ、 投ばした、 遊んでいた骨を。そうして またつかんだ。

ҙукэ～ гиктали гиктали исээни ути мафааса, ути баатава.

ǰukə～ giktali giktali isəəni uti mafaasa, uti baatawa.

やっとのことで、揺れて、霞んで（見える）、見た、 その じいさんは、その 子供を。

исэсии, исэкцэми. ''дасигии-лиэ～ гулиӈиктэи-лиэ,

isəsii, isəkcəmi. ''dasigii-liə～ guliŋiktəi-liə,

見る、 見ようとして。「全員去ってしまったよ、出発してしまったよ、

гээ, эи сикиэни маӈгаӈисии бисэи атигаи хуктугими-э

gəə, əi sikiəni maŋgaŋisii bisəi atigai xuktugimi-ə

さあ、この 夕方に 自慢したもの だから、あなたの妻を 連れ去ってしまったのに、

хаи ӈуаи,'' нэӈуни.

xai ŋuai,'' nəŋuni.

なおも 寝ているのか、」と（言う）、弟は。

''jэу сања аласими ӈуаи њаа-на.''

''jəu saňa alasimi ŋuai ňaa-na.''

「何を バカみたいに 待って 寝ているのか、まだ。」

утадиги сокчуи тээгиэни, ааини-а тээгиэ,

utadigi sokčui təəgiəni, aaini-a təəgiə,

それから スックと 起き上がった、 兄は 起きた、

тэтигисиэ, дигасиа, мэндувэ чаjаӈи уминасиа,

tətigisiə, digasia, mənduwə čajaŋi uminasia,

服を着た、食べた、 自分で 茶を 飲んだ、

''гээ, гээ нэхусэ бии, гулинэми. эи сикиэни, боонои вааи,

''gəə, gəə nəxusə bii, gulinəmi. əi sikiəni, boonoi waai,

「さあ、さあ 弟よ、 私は でかけるよ。今 晩のうちには、追いついて、殺す、

эисини-кэ догбо иигиҙэми-э,'' гуӈкини,

əisini-kə dogbo iigiǰəmi-ə,'' guŋkini,

夜のうちにもし 戻らなかったならば、」と 言った、

эинэӈи эли эмэги, тиманаӈи элиси эмэги,

''əinəŋi əli əməgi, timanaŋi əlisi əməgi,

「今日のうちに 戻らなかったら、明日も 戻らなかったら、

тимана чаалани элиси эмэги, агаа будээни гунтэиҙэ.''

timana čaalani əlisi əməgi, agaa budəəni guntəiǰə.''

明 後日も 戻らなかったら、兄は 死んだと 言ってくれ。」

эи ҙали понтоолони, кусигэвэ луэндээни.

əi ǰali pontooloni, kusigəwə luəndəəni.

今、蔵の 板に、 ナイフを 突き刺した。

''бии будэисии, эи кусигэ хэгихи тиӈмэҙэӈэни-э,'' гуӈкини.

''bii budəisii, əi kusigə xəgixi tiŋməǰəŋəni-ə,'' guŋkini.

「私が 死んだら、この ナイフが 下に 落ちるだろう、」と 言った。

гээ эи-тэнэ гулинэи-лиэ～ ааини. бисини～ ути-лэ сикиэни. ӈуаани～

gəə əi-tənə gulinəi-liə～ aaini. bisini～ uti-lə sikiəni. ŋuaani～

さあ 今 出発する、 兄は。（弟は）いた、 その 晩に。 寝た、

тиманаӈисиини～, тимадула тээгиисини биэ гунэ,

timanaŋisiini～, timadula təəgiisini biə gunə,

朝になった、 朝 起きてみると ある という、

кусигэ луэндээни, утэлиэ нэӈини бисини～ утэлиэ сикиэни

kusigə luəndəəni, utəliə nəŋini bisini～ utəliə sikiəni

ナイフは 刺さっていた、 その日の 昼になっても あった、その日の 夕方、

ӈуагиани～ тимадула тээгиэ кэ～ хэгихи тиӈмээни гунэ～ кусигэ,

ŋuagiani～ timadula təəgiə kə～ xəgixi tiŋməəni gunə～ kusigə,

寝た、 朝 起きた、ああ、下に 落ちていた という、ナイフが、

''гээ, будэи-лиэ, бии агаjи.''

''gəə, budəi-liə, bii agaji.''

「ああ、死んだんだ、私の 兄は。」

туктиӈку ҙалитиги тэгдээсии туктиэни, э～ ҙали тапчии,

tuktiŋku ǰalitigi təgdəəsii tuktiəni, ə～ ǰali tapčii,

梯子を 蔵に 架けてから 上った、 さあ 蔵には ぎっしりと、

jэу-дээ хэм биэ гунэ, ''эи～ баи-дэ эини маӈгаӈиси～ буубуи

jəu-dəə xəm biə gunə, ''əi～ bai-də əini maŋgaŋisi～ buubui

何でも 全て ある という、「ああ、だてに 自慢していたわけじゃない ようだ、

бии агаjи.'' jэу jэу иини тэу тапчии биини.

bii agaji.'' jəu jəu iini təu tapčii biini.

私の 兄は。」 何だの かんだのと 全て ぎっしりと ある。

нуандини нихээни тэгэ～, нуандини хэиги,

nuandini nixəəni təgə～, nuandini xəigi,

彼のためにも 作ってあった、服も、 彼のために ズボンも、

косоофуини инэми, чобо гадасиани～ ҙактава гадаи,

kosoofuini inəmi, čobo gadasiani～ ǰaktawa gadai,

鳥の羽毛も、彼のために何でもある、鳥の足を 取った、 粟を 取った、

ҙалитиги эугиэ, хэгихи эугиэк, гаҙиак, ҙакта

ǰalitigi əugiə, xəgixi əugiək, gaǰiak, ǰakta

蔵から 下りた、 下へ 下りた、 つかんだ、 粟を

лалаӈисиак, лала типтаани, лиаси-да. суала бэjэни-дихэ

lalaŋisiak, lala tiptaani, liasi-da. suala bəjəni-dixə

お粥に煮た、お粥で 満腹になるまで食べた、たくさんだ。スキーを 身につけた、

суала пэмпу богдо тэу ҙавасиани. jэувэ тэтиҙэӈэ бими

suala pəmpu bogdo təu ǰawasiani. jəuwə tətiǰəŋə bimi

スキーに、被り物に、帽子に、全部 取った。 何でも 身につけられる物が あれば、

jэу ко'олономи инэми, (ути нэхусэ?) иӈкэ,

jəu ko'olonomi inəmi, ［uti nəxusə?］ iŋkə,

何でも、自分のための手袋も、自分のための何でも。［その 少年かい?］ そうだ、

суаланани, нуани-дихэ суала биини. гээ, утаду,

sualanani, nuani-dixə suala biini. gəə, utadu,

自分のためのスキーも、彼には スキーが ある。 さあ、そこで、

тэу гадасии эугиэни. дигаини, аӈмаҙи, аӈмаи

təu gadasii əugiəni. digaini, aŋmaǰi, aŋmai

全て 持って 岸辺へ下りた。食事もした、口で、 その口に

чуули типтаани-ҙэнэ. ута дигаанҙи ӈэнэҙэӈэни ути.

čuuli tiptaani-ǰənə. uta digaanǰi ŋənəǰəŋəni uti.

まっすぐ 押し込んだ（急いで食べた）。そうして 食べてからすぐ 行くんだろう、彼は。

утадиги суалаjи тэтигими гулиӈкини-э～ аими ӈэнээни

utadigi sualaji tətigimi guliŋkini-ə～ aimi ŋənəəni

それから スキーを 履いて 出発した、 自分の兄（の足跡）を 行った、

чуулини-дээ. э～ ӈэнэми ӈэнэми боонооти ӈэнээ～

čuulini-dəə. ə～ ŋənəmi ŋənəmi boonooti ŋənəə～

まっすぐにだ。 さあ、行って 行って 追って行った、行った、

ваалиити гунэ,

waaliiti gunə,

彼らは戦っていたようすだった、という、

утаду сагдиҙиа хаилиати гунэ, моо бими-у～ jэу бими-у

utadu sagdiǰia xailiati gunə, moo bimi-u～ jəu bimi-u

そこで 大きな場所にわたって 彼らは壊していた という、木々 だろうが、何 だろうが、

пэӈ пэӈ чиками ваалиати гунээ.

pəŋ pəŋ čikami waaliati gunəə.

すっかり平らになるほど 土地を均して 戦っていた という。

утадиги хаиси ӈэнээти гунэ～. э～ њаа ииӈкини.

utadigi xaisi ŋənəəti gunə～. ə～ ňaa iiŋkini.

そこから さらに 彼らは先に行っていた という、 さあ、再び 着いた。

сагди сагди бааҙи хаиjати гунэ. дэуми-э кэптэниӈэсии.

sagdi sagdi baaǰi xaijati gunə. dəumi-ə kəptəniŋəsii.

大きな、大きな 場所を 壊してあった という。 疲れて、 横になったようだった。

дэуӈцэ дэуӈцэ илигими-э хаи ваалиати. утадиги,

dəuŋcə dəuŋcə iligimi-ə xai waaliati. utadigi,

休んで 休んで、 また立ち上がって 再び 戦った。 それから、

хаиси ӈэнээти гунэ～, э～ мафааса-ла～ тээини гунэ.

xaisi ŋənəəti gunə～, ə～ mafaasa-la～ təəini gunə.

再び 先へ行っていた という、 さあ、じいさんが 座っていたようだった という。

бэjэни эхээни-тэнэ элээлэ тээини. мэнэ мэнэ бааду

bəjəni əxəəni-tənə ələələ təəini. mənə mənə baadu

彼の 兄嫁は 別の場所に 座っていた。それぞれの 場所に

тээити, гунээ. ути ваалии, ути аласиини.

təəiti, gunəə. uti waalii, uti alasiini.

座っていた という。 彼は 戦う、 彼女は 待つ。

утадиги ӈэнэми～ њаа омо баала ваалиати гунээ～,

utadigi ŋənəmi～ ňaa omo baala waaliati gunəə～,

それから 行って、 再び ある 場所で 戦っていた という、

сагдиҙиа～ ӈэнээни ӈэнээни эи дуэлэни кэ～ агаани

sagdiǰia～ ŋənəəni ŋənəəni əi duələni kə～ agaani

大きな場所を（壊して）、行った、行った、 今 その末に ああ、兄が

будээни гунэ, утаду суӈгэм-дэ. суӈгэм будээни гунэ.

budəəni gunə, utadu suŋgəm-də. suŋgəm budəəni gunə.

死んでいた という、そこに 仰向けで、だ。 仰向けに倒れて 死んでいた という。

''аjа～ эи-тэнэ суэсэjи бэӈзэjи, гээ, суэсэjи бэӈзэjи

''aja～ əi-tənə suəsəji bəŋzəji, gəə, suəsəji bəŋzəji

「ああ、今 斧と、 くりぬき斧だ、 さあ、斧と くりぬき斧だ、

гэгбэjэ, агаава даилагафи.'' аӈива, ӈаӈтава вээндээни гээ,

gəgbəjə, agaawa dailagafi.'' aŋiwa, ŋaŋtawa wəəndəəni gəə,

木を刈れ、兄さんを 覆うために。」 あれを、 常緑樹の枝を その上に投げた、さあ、

ути тиӈ таӈ хуаӈниати～

uti tiŋ taŋ xuaŋniati～

彼らは コーン、コーンと 枝を刈った、

бэjэни-тэнэ утаду тэээси соӈоони～ бомбогу-да. утадиги-тэнэ эи-тэнэ,

bəjəni-tənə utadu təəəsi soŋooni～ bombogu-da. utadigi-tənə əi-tənə,

彼女（妻）は そこに 座って 泣いていた、背中を丸めて、だ。 それから 今、

э～ тэу ӈаӈта иктаасиӈааси тэу киатигини.

ə～ təu ŋaŋta iktaasiŋaasi təu kiatigini.

さあ、 全部 常緑樹の枝を 引きずって来てから、全部 周りに置いた。

обсчсче нии будээ биси биҙээ сэусэни бэӈзэни-дэ. соктоувак,

obshshe nii budəə bisi biǰəə səusəni bəŋzəni-də. soktouwak,

一緒に、 誰が 死んだの だろう、斧も、 くりぬき斧も。 下に敷いた、

утава, ӈаӈта уитигини пуӈгэливэнэ. ӈаӈтаҙи даиjак,

utawa, ŋaŋta uitigini puŋgəliwənə. ŋaŋtaǰi daijak,

枝を、 常緑樹の枝の 上へ 死体を移した。常緑樹の枝で 覆った、

jэуҙигэ мооҙи диӈэгиэк ээни, ''гээ, агаа, сии

jəuǰigə mooǰi diŋəgiək əəni, ''gəə, agaa, sii

あらゆる種類の 木で 周りに被せたのだ、「さあ、 兄さん、あなたは

мэнэ битэиҙэ оду. оно нихэми оно нихэтэиҙэ.

mənə bitəiǰə odu. ono nixəmi ono nixətəiǰə.

そのまま いろ、 ここに。どうでも したいようにするなら、 そのように するがよい。

бии хаи ӈэнэҙэӈэи ҙулэихи. эхими аигиjани.'' ӈэнээни-э～

bii xai ŋənəǰəŋəi ǰuləixi. əximi aigijani.'' ŋənəəni-ə～

私は さらに 行くよ、 先へ。 義姉さんを 攫って行った。」 行った、

ӈэнэми-э～ ӈэнэми илэ-кэ ӈэнэми-э ӈэнэми, э～ ҙулиэҙулэ

ŋənəmi-ə～ ŋənəmi ilə-kə ŋənəmi-ə ŋənəmi, ə～ ǰuliəǰulə

行って、 行って、どこだかを 行って、 行って、 さあ 前の方で

нии диалига гунэ. ''элээ～ jэу биэ,'' дианаини,

nii dialiga gunə. ''ələə～ jəu biə,'' dianaini,

誰かが 話している という。「ああ、 何だろう、」と 言う、

''эхини минэвэ каjаани. илэ-кэ иинэҙэми～ илэ-кэ иинэҙэми～,''

''əxini minəwə kajaani. ilə-kə iinəǰəmi～ ilə-kə iinəǰəmi～,''

「彼の義姉が 私を 遣わした。どこへ 着くんだろうか どこへ 着くんだろうか、」と

гуӈкини. ''нуани нэӈумэни игисинээ гуми каjаани.''

guŋkini. ''nuani nəŋuməni igisinəə gumi kajaani.''

言った。 「彼女の 弟を 育てるためだと 言って 私を遣わした。」

дигэнээни ути. тадаjи ҙавагиак, ҙаӈтаjи-jас, аӈи,

digənəəni uti. tadaji ǰawagiak, ǰaŋtaji-jas, aŋi,

隠れた、 彼は。矢を 手にして、 弓を用意して、あれだ、

ҙаваи ҙавагиак, дигэӈкини. ''эи, минэвэ ваӈнами эмээми

ǰawai ǰawagiak, digəŋkini. ''əi, minəwə waŋnami əməəmi

つかむ、 つかみ直した、隠れた。 「こいつは 私を 殺しに 来て、

агалаини-гиэни.'' гакпаи-jаҙа утава-гда ути.

agalaini-giəni.'' gakpai-jaǰa utawa-gda uti.

騙そうとしているのだな。」 弓で射るのだ、そいつを、 彼は。

тигэ～ анчи-гда. ''элээ～ jэгдигэ-э,'' гуӈкини,

tigə～ anči-gda. ''ələə～ jəgdigə-ə,'' guŋkini,

見えなくなった、いなくなった。「ああ、 若者よ、」と 言った、

''сии минэвэ ими вааи-jа,'' гуӈкини. ''бии синэвэ бэлэнэми

''sii minəwə imi waai-ja,'' guŋkini. ''bii sinəwə bələnəmi

「おまえは 私を なんで 殺すのか、」と 言った。 「私は おまえを 助けるために

эмээ бисэи, сии миндулэ иинэтэиҙэ иинэтэиҙэ,''

əməə bisəi, sii mindulə iinətəiǰə iinətəiǰə,''

やって来たんじゃないか、おまえは 私の所に 立ち寄ってくれ、必ず立ち寄れ、」と

гуӈкини. ''иӈкэ,'' гуӈкини. (хуктуэни ниива вааани?)

guŋkini. ''iŋkə,'' guŋkini. [xuktuəni niiwa waaani?]

言った。 「ああ、わかった、」と 言った。 [人を攫って行った 奴は 殺したのか?]

ути эмээни ниива. эхини каjаани игисилэгэни нэӈуми.

uti əməəni niiwa. əxini kajaani igisiləgəni nəŋumi.

その やって来た 者をだ。 義姉が 派遣した、育てるために、自分の義弟を。

хуктувэ нии хаи эсини иинэ-лиэ.

xuktuwə nii xai əsini iinə-liə.

連れ攫った 者の所へは まだ 着いていないのだ。

гаҙиjа ниила. утадиги ӈэнэми～ сагди туӈзэлэ иинээни.

gaǰija niila. utadigi ŋənəmi～ sagdi tuŋzələ iinəəni.

奪った 者の所には。それから 行って、 大きな 村に 着いた。

э～ утала моо огоо лимбии лимбии jуусии гунэ.

ə～ utala moo ogoo limbii limbii juusii gunə.

さあ そこで 木の 乾いたやつを、誰だかが立ってその木を斧で割っている という。

ээси моова. ӈэнэми сэусэвэни ҙаваани.

əəsi moowa. ŋənəmi səusəwəni ǰawaani.

他人の その木を。行って その斧を つかんだ。

оно хуаӈдаҙа, эини хуаӈдапта хэгихи, ҙаваани.

ono xuaŋdaǰa, əini xuaŋdapta xəgixi, ǰawaani.

どうして 切れるだろうか、どうにも動かない 下へ、 つかんだ。

омочои хуаӈдакчаини хаи утэ-бэдэ. сэусэjи вээндэми

omočoi xuaŋdakčaini xai utə-bədə. səusəji wəəndəmi

何度も 切ろうとするが、またも そのようである。 自分の斧を 投げ捨てて

ӈэниэни. ''маӈга～, бии сэусэjи эини-дээ хэгихи тиӈмэги.

ŋəniəni. ''maŋga～, bii səusəji əini-dəə xəgixi tiŋməgi.

行ってしまった。「だめだ、 オレの 斧は どうにも 下へ 落ちなくなっちまった。

аjа бисэ воотанаӈи, эи, эини тиӈмэги,''

aja bisə wootanaŋi, əi, əini tiŋməgi,''

別に良かったのに、 以前は、 下へ行かないぞ。」

вээндээ хэгихи сэусэjи. њаа омо ээти каjаани.

wəəndəə xəgixi səusəji. ňaa omo əəti kajaani.

投げ捨てた、下へ、 自分の斧を。また 別の方へ 行った。

ути конҙити-даа хаи ути-бэдэ. эини тиӈмэги.

uti konǰiti-daa xai uti-bədə. əini tiŋməgi.

その 斧も、 またも そのようである。下へ落ちない。

моо эини хуаӈдаги. утаҙи гиэ ииjээни～

moo əini xuaŋdagi. utaǰi giə iijəəni～

木を 割れない。 その男と 一緒に 家に入った、

ути, науҙака, утаҙи гиэ ииjээни～

uti, nauǰaka, utaǰi giə iijəəni～

その、若者は、 その男と 一緒に 家の中へ入った、

эхини ути омо аӈи, каӈа мэjэдуни тэгэҙи нэмээси

əxini uti omo aŋi, kaŋa məjəduni təgəǰi nəməəsi

義姉は その ある、 あれだ、 オンドルの 端の所に 服を 肩に掛けて

хугбуини гунэ утаду. ӈэнэми-э～ бэгдилэни тэээни,

xugbuini gunə utadu. ŋənəmi-ə～ bəgdiləni təəəni,

横になっている という、そこに。 行って、 その足の上に 座った、

''jэу сањавани бии бэгдилэи тээнэини-дээ.'' сукундээни.

''jəu saňawani bii bəgdiləi təənəini-dəə.'' sukundəəni.

「どこの バカが 私の 足の上に 来て座ったのかしら、」と 足を蹴り伸ばしておきた。

сукундээ～ ''ути эи, может бии нэӈуми-кэ эмээни эи.''

sukundəə～ ''uti əi, mozhet bii nəŋumi-kə əməəni əi.''

とびおきて、「これは、今、 ひょっとして 私の 義弟が 来たのかしら、 今。」

тэгэjи њаӈга～ ванилаи уиндээси исэсиэни.

təgəji ňaŋga～ wanilai uindəəsi isəsiəni.

自分の服を 少しだけ、まくる、上に持ち上げて 見た。

цэҙэ-дэ боӈбогоо～ биини гунэ бэгди...

cəǰə-də boŋbogoo～ biini gunə bəgdi...

本当だ、丸くなってひょっこりと座って いる という、 足を・・・

ӈаалалани ҙавами тагдиндаани мээнтиги. ''ии～ оно jалагами

ŋaalalani ǰawami tagdindaani məəntigi. ''ii～ ono jalagami

その手を つかんで ちょっと引き寄せた、自分の方へ。「ああ、どう しようとして

эмээи сии, оно мутэлэгэми эмээи ицаиҙига бими.''

əməəi sii, ono mutələgəmi əməəi icaiǰiga bimi.''

やって来たの、あなたは、どうにか できると思って 来たの、こんなに小さい くせに。」

''аjа, аjа, эхэ аjа эҙи ӈээлэ.

''aja, aja, əxə aja əǰi ŋəələ.

「大丈夫、大丈夫、 義姉さん、大丈夫だよ、心配するな。

гээ, jэу нихэини. ути мафаасава гээнэjэ. ути хуликцэи мафаасава,

gəə, jəu nixəini. uti mafaasawa gəənəjə. uti xulikcəi mafaasawa,

さあ、（奴は）どう してるか。あの じいさんを 呼べ。 あの やって来た じいさんを、

гиэ хуликцэи мафаасава.'' ути эмээни.

giə xulikcəi mafaasawa.'' uti əməəni.

一緒に 戻って来た じいさんを。」 そいつが やって来た。

''jэу нихэини-ҙэ.'' ''моо jуусии доолони эини, моо эини хуаӈдаги,

''jəu nixəini-ǰə.'' ''moo juusii dooloni əini, moo əini xuaŋdagi,

「何を してるの。」「木を 割っている 最中に、行かない、木を 切らなくなっちまった、

мооло эини хуаӈдаги. тиак тиак биини, хуаӈдагикцаму,''

moolo əini xuaŋdagi. tiak tiak biini, xuaŋdagikcamu,''

木を 切らないんだ。 がっちり 動かない、いくら割りたくても、」と

ути мафааса дианаи. ''jэу чоӈколоҙоми, бии утава.

uti mafaasa dianai. ''jəu čoŋkoloǰomi, bii utawa.

その じいさんは 言う。 「何の 魔法を使うんだろうか、私が それを（するのに）。

бии утала хулисэӈиэи～, бии багиаҙа ээлэни тээнҙи

bii utala xulisəŋiəi～, bii bagiaǰa əələni təənǰi

私が あそこに 行って来たあの時に、私が その向かい 側に 座ると、

ичаи каӈала тээнҙи, утава, омо њаула～ jэу-кэ гусигэ утаду.

ičai kaŋala təənǰi, utawa, omo ňaula～ jəu-kə gusigə utadu.

小さな オンドルに 座ると、それを、 一人の 少年が 何かで 遊んでいた、そこで、

минтиги тугбуэни бисэ, киаӈани биоловони.

mintigi tugbuəni bisə, kiaŋani biolowoni.

私の方へ 落としたん だった、アカシカの 骨のおもちゃを。

сэинэ ути эмээни биҙэ.

səinə uti əməəni biǰə.

たぶん あの少年が やって来たん だろう。

ута илэ биини. эхилэни биини биҙэ, сэинэ-дэ.''

uta ilə biini. əxiləni biini biǰə, səinə-də.''

そうして どこに いるんだ。義姉の所に いるん だろう、たぶん。」

бэити мэнэ дианаини. ''эхиндилэjи ӈэнээни биҙэ.''

bəiti mənə dianaini. ''əxindiləji ŋənəəni biǰə.''

彼は 自分で 独り言を言う。「自分の義姉のところに 行ったん だろう。」

анчи буубуи исэптэ. эхини хулаа тэгэвэни таӈдаа

anči buubui isəptə. əxini xulaa təgəwəni taŋdaa

いない ようだ、 見えない。義姉の 毛布を、服を 引っぱった、

утаду боӈбогоо кэптэивэни бааи, баагии-jаҙата.

utadu boŋbogoo kəptəiwəni baai, baagii-jaǰata.

そこに ひょっこりと丸まって 寝ているのを 見つける、 見つけるのだ。

ӈаалалани ҙавами таӈдагиати эи-тэнэ. ''хаку, минду баӈцалауи-а,''

ŋaalalani ǰawami taŋdagiati əi-tənə. ''xaku, mindu baŋcalaui-a,''

その手を つかんで 引っぱった、 今。 「ああ、 オレに 蹴らせろ、」と

гуӈкини. ''писэ писэ туланаитиги-да, баӈцалаиҙа,''

guŋkini. ''pisə pisə tulanaitigi-da, baŋcalaiǰa,''

言った。「バラ バラに ちぎれて飛んで行くように、蹴っ飛ばして、」と（言った）、

баӈцалаани, сосогоони гагда бэгдини, ''ондо ондо-дээ.''

baŋcalaani, sosogooni gagda bəgdini, ''ondo ondo-dəə.''

蹴っ飛ばした、 ちぎれた、片一方の 足が、 「もう一本の足もそうしろ。」

''энэ～,'' нии бэгдивэни сосолоини, гагда бэгдивэни сукундээни.

''ənə～,'' nii bəgdiwəni sosoloini, gagda bəgdiwəni sukundəəni.

「痛い。」 人の 足を ちぎる、 もう一本の 足を 蹴っ飛ばした。

гагда бэгдини-дээ сосогоони.

gagda bəgdini-dəə sosogooni.

もう一本の 足も ちぎれた。

''хаку, минду саӈтулауи-а,'' гуӈкини, гээ, ''саӈтулаи,'' саӈтулаани,

''xaku, mindu saŋtulaui-a,'' guŋkini, gəə, ''saŋtulai,'' saŋtulaani,

「ああ、 オレに 殴らせろ、」と 言った、 さあ、「殴らせろ、」と、殴った、

ӈаалани тээ～ пиоко пиоко тулаӈкини.

ŋaalani təə～ pioko pioko tulaŋkini.

その手が ほうれ向こうへ ピョコ ピョコと すっ飛んで行った。

њаа гагда ӈаалавани саӈтулаини. тэу муктэ муктэ эсигиэни

ňaa gagda ŋaalawani saŋtulaini. təu muktə muktə əsigiəni

さらに もう一本の 手を 殴る。 全て、手も足も無く なるように、

ӈаалани-да анчи бэгдилэ-дээ анчи-даа.

ŋaalani-da anči bəgdilə-dəə anči-daa.

手も 無い、 足も 無い。

утадиги-тэнэ науҙака тээгиэни, магилиани эи-тэнэ, дигаити гунэ,

utadigi-tənə nauǰaka təəgiəni, magiliani əi-tənə, digaiti gunə,

それから 少年は 起きた、 皆殺しにし始めた、今、 彼らは食事している という、

касаадиити. ваӈнасами касаадигини дигаити гунэ.

kasaadiiti. waŋnasami kasaadigini digaiti gunə.

白樺の容器から食べている。殺しに行って来て 白樺製の容器から 食べている という。

тэфээми биити гунэ. тээгиэти илигиэ биэ

təfəəmi biiti gunə. təəgiəti iligiə biə

じっとして いる という。 起き上がって、立って、いる、

науҙака тээгиэк магиани-а эи аактавани нэгиэ

nauǰaka təəgiək magiani-a əi aaktawani nəgiə

少年は 起きた、 殺し尽くした、 今 良い者を 残し、

гээктэвэни магиа, ээни мамасани бими-о, ситэни бими-о магиани～.

gəəktəwəni magia, əəni mamasani bimi-o, sitəni bimi-o magiani～.

悪い者どもを 皆殺しにしたのだ、 その妻 だろうが、子供 だろうが、皆殺しにした。

''гээ, эхэ, минҙуӈэ дигаҙафи тээгиҙэфи.

''gəə, əxə, minǰuŋə digaǰafi təəgiǰəfi.

「さあ、義姉さん、私と一緒に 食事をするために 座りましょう。

минҙуӈэ касаадиҙафи. агаа ҙиэлэни.''

minǰuŋə kasaadiǰafi. agaa ǰiələni.''

私と一緒に 白樺の大皿から食べましょう。 兄さんの ために。」

тээгээси, дигалиати～, дигаати～ дигаати.

təəgəəsi, digaliati～, digaati～ digaati.

座って、 彼らは食べ始めた、食べた、 食べた。

''эхэ, бии баихи ӈэнэҙэми.'' баихи ӈэнээни. таатила ӈэнээ,

''əxə, bii baixi ŋənəǰəmi.'' baixi ŋənəəni. taatila ŋənəə,

「義姉さん、 私は 外へ 行きます。」 外へ 行った。 ほうれそこを 行った、

таатила ӈэнээ таатила ӈэнээ, ҙугди акалани-даа

taatila ŋənəə taatila ŋənəə, ǰugdi akalani-daa

そこを 行って、 そこを 行って、ある家の 前の所も通って

ӈэнээни. тээ～ диэҙэлэ омо дэӈэ хутагау биэ гунэ дэӈэ.

ŋənəəni. təə～ diəǰələ omo dəŋə xutagau biə gunə dəŋə.

行った。 ほうれ ずっと向こうに 一つの 灯りが 明るく光って いる という、灯りが。

ута сањакта сањакта тукиани～ утаухи

uta saňakta saňakta tukiani～ utauxi

そうして 何だかんだと懸命に 走って行った、そっちへ、

бомбомиа-гда. чуаӈхула исэсиисини～ чуаӈху чуули исэсиини.

bombomia-gda. čuaŋxula isəsiisini～ čuaŋxu čuuli isəsiini.

ボンボミアッと（小さい少年の走る様）。窓から 見る、 窓から まっすぐ 見る。

дииҙима аҙига биити гунээ. ''сии-лэ～ кэту маӈга

diiǰima aǰiga biiti gunəə. ''sii-lə～ kətu maŋga

4人の 娘が いる という。「あなたったら、とっても 強い

мафава бааи-а гунээ-дэ гунэ, ути ҙуу аҙига.

mafawa baai-a gunəə-də gunə, uti ǰuu aǰiga.

夫を 見つけたわね、」と 言った という、その 二人の 娘が。

''мэнэ-дэ утэфи мафава бааса биси-да аjа бимусэ,'' гунээ гунэ.

''mənə-də utəfi mafawa baasa bisi-da aja bimusə,'' gunəə gunə.

「自分も あんな風な 夫を 見つけた ならば、いいのにね、」と 言った という。

утэ-бэдэ дианаити доолони ииjэни эи-тэнэ.

utə-bədə dianaiti dooloni iijəni əi-tənə.

そんな風に 話している その最中に 家に入って行った、今。

тии тиӈмулигдэ эи тиӈмулигдэ, ути ҙуу дианаа-гда～ ниугидугэ.

tii tiŋmuligdə əi tiŋmuligdə, uti ǰuu dianaa-gda～ niugidugə.

あっちも 黙り込み、こっちも 黙り込み、 その 二人の 話していた娘は、外へ出て行った。

пиолтои ниугими ӈэниктэи-лиэ～.

pioltoi niugimi ŋəniktəi-liə～.

ピューッと急いで 出て 行ってしまうのだ。

''гээ, эҙи гээ баа нэӈути аjа,'' гуӈкини.

''gəə, əǰi gəə baa nəŋuti aja,'' guŋkini.

「さあ、 悪く思わないで下さい、妹は 大丈夫です、」と 言った。

''ниива-каа багдими сакиаҙи гусигэ.

''niiwa-kaa bagdimi sakiaǰi gusigə.

「人が 出会ったので、血が 上ったんです（恥ずかしくて）。

эними, амими, сакиавани исэи-гдэ. гусимҙэ, сакиаҙи, гуӈкини.

ənimi, amimi, sakiawani isəi-gdə. gusimǰə, sakiaǰi, guŋkini.

母と、 父の 血を 見たんですから。恥ずかしくて、血が上りました、」と言った。

''эҙи гээ баа эҙи тагда,'' гуӈкини.

''əǰi gəə baa əǰi tagda,'' guŋkini.

「悪く思わないで下さい、怒らないで下さい、」と 言った。

инаи далуни эдэи гунэисии, инаи далуӈкуни эдэтэмҙэ.

''inai daluni ədəi gunəisii, inai daluŋkuni ədətəmǰə.

「犬の 餌に なれ、と 言われれば、犬の 餌にだって なりましょう。

эҙи минэвэ ваа эҙи ваа.''

əǰi minəwə waa əǰi waa.''

私を 殺さないで下さい、殺すな。」

гээ, ути～ бэлиэнтэ њаа олоктоони, jэу-гдэ jэу-гдэ олктоони,

gəə, uti～ bəliəntə ňaa oloktooni, jəu-gdə jəu-gdə olktooni,

さあ、その 女は 再び 煮た、 何でも かんでも 煮た、

хаиси аиӈихи-даа бии-jаҙа. туу ути ниива дигаваналиани.

xaisi aiŋixi-daa bii-jaǰa. tuu uti niiwa digawanaliani.

さらに 彼らの酒も あるのだ。そうして その 人を 食べさせ始めた。

иӈкэ～ ути мафааса хаи гэлэини бисэ утава,

iŋkə～ uti mafaasa xai gələini bisə utawa,

そうだ、その じいさんは また 呼ぶの だった、 彼を、

ути науҙакава. ӈэниэни ути мэнэ ҙугдитиги олоктоногиани.

uti nauǰakawa. ŋəniəni uti mənə ǰugditigi oloktonogiani.

その 少年を。 戻った、その 自分の 家へ 煮るために戻った。

гээ, утааси-тэнэ гооло бисини～ утаду.

gəə, utaasi-tənə goolo bisini～ utadu.

さあ、それから 長いこと いた、 そこに。

''гээ, ӈэними бии.'' ӈэниэни～ э～ ути мафааса

''gəə, ŋənimi bii.'' ŋəniəni～ ə～ uti mafaasa

「さあ、去るよ、私は。」去った、 さあ その じいさんの所の

дэӈэни хутагуу биэ гунэ, утаухи тукиани иӈгулэ-дэ.

dəŋəni xutaguu biə gunə, utauxi tukiani iŋgulə-də.

灯りは 明るく輝いて いた という、そこへ 走って行った、 すぐに、だ。

''эдэ～ jэу аласиванаи.'' ''jэгдигэ сии эи догбони хаи

''ədə～ jəu alasiwanai.'' ''jəgdigə sii əi dogboni xai

「じいさんよ、何を 待たせるんだ。」「若者よ、おまえは 今晩 再び

минэвэ jэу биэ, ути эмусэ баала бими-нуу,''

minəwə jəu biə, uti əmusə baala bimi-nuu,''

私を、 何 だ、 あの 同じ一つの 場所には 見つけられないだろう、」と

гунэини, ''тала хулии оло хулии бимjэ,'' гунэини.

gunəini, ''tala xulii olo xulii bimjə,'' gunəini.

言う、 「あっちへ 行き、こっちへ 行きしている だろうから（私は）、」と 言う。

''гээ, гээ ситэ эмэгиjэ,'' хаталаӈи гэлэгиэни,

''gəə, gəə sitə əməgijə,'' xatalaŋi gələgiəni,

「さあ、 さあ 娘よ、こっちへ来い、」と 自分の娘を 呼んだ（じいさんは）、

гээ jэу-гдэ jэу-гдэ олоктоо вэисиэни дигаванаи, њаа утаду

gəə jəu-gdə jəu-gdə oloktoo wəisiəni digawanai, ňaa utadu

さあ、 何だの かんだのと 煮た、 注いだ、 食べさせた、 再び そこで

њаа дигаванаи～ њаа бааани утала мамаасанами～ ути мафааса хаталаӈивани.

ňaa digawanai～ ňaa baaani utala mamaasanami～ uti mafaasa xatalaŋiwani.

また 食べさせる、またも 得た、 そこで 自分の妻を、 その じいさんの 娘を。

утадигини, jэу-jаҙа тимаасанаӈи тээгиэ～ ӈиаихи эувэни～,

utadigini, jəu-jaǰa timaasanaŋi təəgiə～ ŋiaixi əuwəni～,

それから、どうする、朝 起きた、 川辺へ 下りた、

э～ аана биэ гунэ, лодка утала. дили коӈкодоони. дили.

ə～ aana biə gunə, lodka utala. dili koŋkodooni. dili.

さあ 舟が ある という、舟が そこに。 自分の頭を 叩いた。 頭を。

сагди～ ээчи эдээни.

sagdi～ əəči ədəəni.

大きな 大人の奴隷の姿に なった。

ого лимби лимби лимби утала уунаани.

ogo limbi limbi limbi utala uunaani.

高くて大きな姿のその男は その舟に 乗った。

ути аанала гаундаани～

uti aanala gaundaani～

その 舟で、 長い棹で押して進んで行った、

jаухи гулиӈкини～ ути аанала уунааси. омо паи моово тэувэ,

jauxi guliŋkini～ uti aanala uunaasi. omo pai moowo təuwə,

どこへ向かって 出発したのか、その 舟に 乗って。 一 束の 薪を 積んだ、

омо нии ӈиалани агдаани.

omo nii ŋialani agdaani.

ある 人の家の 岸辺のところに 着岸した。

''э～ идиги эмэи сии моово хэбунээ-дэ.''

''ə～ idigi əməi sii moowo xəbunəə-də.''

「ああ、どこから 来たのか、おまえは、薪を 持って。」

''бии сунду нэхуэми моово.

''bii sundu nəxuəmi moowo.

「私は あなたに 持って来た、薪を。

уӈтиэни мооӈи. э～ сагди вагиа игисиити гунэ хаиси.

uŋtiəni mooŋi. ə～ sagdi wagia igisiiti gunə xaisi.

舟から運び出した、その薪を。 さあ 大きな ブタを 飼っている という、やはり。

гээ, ииjэни, омо мамака биэ гунэ～ утаду.

gəə, iijəni, omo mamaka biə gunə～ utadu.

さあ、立ち寄った、一人の おばあさんが いる という、そこに。

ути jэу-кэ сагди～ jэу-кэ ээхиӈити бисини～, ''мама,''

uti jəu-kə sagdi～ jəu-kə əəxiŋiti bisini～, ''mama,''

その どっちが 大きいんだか、どっちが 姉さんなんだか、いた、 「ばあさんや、」と

гуӈки, ''сии баатаӈи эмээни эи би-э ути. сии ҙугдила

guŋki, ''sii baataŋi əməəni əi bi-ə uti. sii ǰugdila

言った、「あなたの 息子が 来たよ、違うか、 これは。おまえは 家に

эсэу имэнэ баатаӈи,'' ''имэнээ бисэу, ҙубэ баата имэнээ бисэ,

əsəu imənə baataŋi,'' ''imənəə bisəu, ǰubə baata imənəə bisə,

残さなかったのか、息子を。」「残したの だった、二人の 息子を 残したの だった、

омо сагди, омо баата, омо ицаа. ицаа,

omo sagdi, omo baata, omo icaa. icaa,

一人は 大きい、一人の 息子は、一人は 小さい。 小さい、

эи эи сагди эини би. ээхитиги гулиӈкини,'' гунэини.

əi əi sagdi əini bi. əəxitigi guliŋkini,'' gunəini.

これは、これは 大きい方 じゃない。 下流の方へ 出発した、」と 言う。

''гээ идиги эмээи сии.''

''gəə idigi əməəi sii.''

「さあ、どこから 来たのか、おまえは。」

''гээ идиги идиги эмээми бии. ути огбио даани бии агааваи вааати.

''gəə idigi idigi əməəmi bii. uti ogbio daani bii agaawai waaati.

「ああ、どこから、どこから 来たか、私は。あの 悪い奴らがいて、私の 兄を 殺した。

ути сии эхэвэи гаҙиати, бии эхэвэи гаҙиати,

uti sii əxəwəi gaǰiati, bii əxəwəi gaǰiati,

そいつらは あなたの 義姉を 攫って行った、私は 義姉を 取り返した、

бии агаи мамаасавани. утадиги jэу ӈэнэи бисэ～ оӈмооми.

bii agai mamaasawani. utadigi jəu ŋənəi bisə～ oŋmoomi.

私の 兄の 妻を。 それから どこへ 行くん だったか、忘れた。

ещё дальше ӈэнэи бисэ～ ути.

eshshjo dal'she ŋənəi bisə～ uti.

もっと 先へ 行くの だった、それは。

утадиги гулинээни њаа хаиси, ӈэнээни～ туэ ҙуа ӈэнээни-гиэни ути.

utadigi gulinəəni ňaa xaisi, ŋənəəni～ tuə ǰua ŋənəəni-giəni uti.

それから 行った、 もっと さらに、行った、 一冬、一夏、行ったのだった、それは。

ӈэнэми～ омо, ҙугди-jэс, шалаш, утаду доолони

ŋənəmi～ omo, ǰugdi-jəs, shalash, utadu dooloni

行って、 ある、 家だか、 小屋、 そこに、中に

нии ҙукэ～ тоо иласиини, утаду ниихи утаду. ииjэни～

nii ǰukə～ too ilasiini, utadu niixi utadu. iijəni～

人が やっとのことで 火を 焚いている、そこには、人がいるのだ、そこには。入った、

нии кэптээ гунэ утаду. ''э～ нии эмэини～

nii kəptəə gunə utadu. ''ə～ nii əməini～

人は 横になっていた という、そこに。「ああ、誰か 来たのか、

э～ бии мооӈинаи буктасиӈааси илаjа бии тооӈинаи.''

ə～ bii mooŋinai buktasiŋaasi ilaja bii tooŋinai.''

ああ、私のための 薪を 割って、 焚いてくれ、私の 火を。」

илаани тооӈинани, илаани моо буктаасиаси.

ilaani tooŋinani, ilaani moo buktaasiasi.

焚いた、彼のための火を、焚いた、薪を 割ってからだ。

''эи～ бии тиинуӈэ сааи-jа,'' гунэини. ''бии инасаи эмэивэни.

''əi～ bii tiinuŋə saai-ja,'' gunəini. ''bii inasai əməiwəni.

「ああ、私は 昨日 知ったよ、」と 言う。 「私の 甥が やって来ることを。

бии эхими ситэни, бисэ,'' гуӈкини,

bii əximi sitəni, bisə,'' guŋkini,

私の 姉の 子供 だった、」と 言った、

''баата. ути эмэивэни мэдэвэни сааи,'' гунэини.

''baata. uti əməiwəni mədəwəni saai,'' gunəini.

「男の子が。それが やって来るのを、その知らせを 知った、」と 言う。

''оло-да иинэми аjа минэвэ вэисилэгэми,'' гуӈкини,

''olo-da iinəmi aja minəwə wəisiləgəmi,'' guŋkini,

「ここに 着いたのは 良い、 私を 救いに来たんだ、」と 言った、

бии ути, госони бими, гуӈкини, бэjини эхини ситэни.

bii uti, gosoni bimi, guŋkini, bəjini əxini sitəni.

私は その、彼の伯父 だと 言った、 彼の 姉の 子供だと。

''ивэ оло иинҙэ ути～,'' гуӈкини.

''iwə olo iinǰə uti～,'' guŋkini.

「たぶんおまえは ここへは よらないだろうと思った、」と 言った。

гээ, утала њаӈга тээ... тэээни, ниуми-э гулинээни.

gəə, utala ňaŋga təə... təəəni, niumi-ə gulinəəni.

さあ、 そこで 少しの間だけ 座ったが、 家を出て 出発した。

тээ тила ӈэнээни, оноти ӈэнэми гулинээни нуани.

təə tila ŋənəəni, onoti ŋənəmi gulinəəni nuani.

ほうれ そこから 行った、 どこへ 行ったのか、歩いたのか、彼は。

госоjи унугулэ... унии вэӈдэнээ-дэ, номдоноо-да.

gosoji unugulə... unii wəŋdənəə-də, nomdonoo-da.

自分の伯父が 病気を 病気なのを 放って、 捨てて行った。

моо эгдивэ буктасиак ваафилааси ӈэниэни～

moo əgdiwə buktasiak waafilaasi ŋəniəni～

薪を たくさん 割って、 持って来てから 去った、

''э～ jэу мудаӈи, мудаӈими бии. э～ госо бии бими биҙэ,

''ə～ jəu mudaŋi, mudaŋimi bii. ə～ goso bii bimi biǰə,

「さあ、戻って来ます、戻って来ます、私は。ああ、伯父さん、私が いるでしょう、

сэинэ-дэ. огбио дааниани.'' ''э～ӈ бии инасаи бии-jэ,'' гуӈкини,

səinə-də. ogbio daaniani.'' ''ə～ŋ bii inasai bii-jə,'' guŋkini,

たぶん。 悪い魔物が。」 「ああ、私は おまえの伯父だ、 私は、」と 言う、

''бии эхэи ситэни бии. ути синэвэ-сэнэ вээндэнэгэ

''bii əxəi sitəni bii. uti sinəwə-sənə wəəndənəgə

「私の 姉の 息子なんだ。 その おまえだけを 捨てておいた、

синэвэ агаваи вээндэнэгэ гаҙиати эи би.

sinəwə agawai wəəndənəgə gaǰiati əi bi.

おまえを、兄を、 捨てておいたんだ、 奴らが連れ去ったん じゃない。

абугава, синэвэ, абугава, эниӈэвэ тэу гааҙиати,

abugawa, sinəwə, abugawa, əniŋəwə təu gaaǰiati,

父を、 おまえを、父を、 母を、 皆 連れ去って行った、

даалагиати, минти эниӈэфи абугафи-да.'' гээ, утадиги эи-тэнэ,

daalagiati, minti əniŋəfi abugafi-da.'' gəə, utadigi əi-tənə,

皆で去った、我々の 母も、 父もだ。」 さあ、それから 今、

''гээ, оно, оно унии госои сии.''

''gəə, ono, ono unii gosoi sii.''

「さあ、 どうして、どうして 病んでいるのか、伯父さん、あなたは。」

''э～ бии эими уни-э,'' гунэи,

''ə～ bii əimi uni-ə,'' gunəi,

「ああ、 私は 病んでいるのではない、」と 言う、

''jэу-кэ, ниини минэвэ вааини,'' гуӈкини,

''jəu-kə, niini minəwə waaini,'' guŋkini,

「何物か、ある者が 私を 殺そうとする、」と 言った、

''дигаи, эи вэивэи тэу пианаани～ тэу-дэ. гиама-маи эсигиэни.

''digai, əi wəiwəi təu pianaani～ təu-də. giama-mai əsigiəni.

「食べる、 この 体を 全部 ナイフで肉を削ぎ取った、全部だ。 骨だけに なった。

сумуҙи ниаҙи бии, улэвэи тэу пианаини, асуктаини, асуктами

sumuǰi niaǰi bii, uləwəi təu pianaini, asuktaini, asuktami

腱と 皮だけが 残った、肉を 全部 削ぎとった、取り去った、取り去って

дигаини, бии улэвэи асуктами дигаини,'' гуӈкини ути.

digaini, bii uləwəi asuktami digaini,'' guŋkini uti.

喰う、 私の 肉を 取って 喰った、」と 言った、伯父は。

''или эмэгиэ, ути.'' ''уили эмэгиэ,'' гунэини.

''ili əməgiə, uti.'' ''uili əməgiə,'' gunəini.

「どこから 来たのか、その魔物は。」「上から 来た、」と 言う。

''ута саӈњамугу дооивани-сэнэ дуисими,'' гунэи.

''uta saŋňamugu dooiwani-sənə duisimi,'' gunəi.

「そうして 煙突の上に とまっていた音ばかりを 聞いた、」と 言う。

''оно-да нихэивэни-дэ эими мэдэ.'' э～ӈ гээ, сикиэгиэни,

''ono-da nixəiwəni-də əimi mədə.'' ə～ŋ gəə, sikiəgiəni,

「それからどう したのかも 私はわからない。」 さあ、日が暮れた、

олоктоо, дигасиани, сикиэгиэк. илэ, лооjи гаагиани аjаҙи аjаҙи ҙэугиэни.

oloktoo, digasiani, sikiəgiək. ilə, looji gaagiani ajaǰi ajaǰi ǰəugiəni.

煮た、 食事した、 日が暮れた。どこからか、刀を 持って来た、良く、良く、研いだ。

''гээ, ӈиахила эдэи,

''gəə, ŋiaxila ədəi,

「さあ、寝床の手前側（戸口寄り）に 寝ろ、

бии сии диэҙэлэи, тээҙэми,'' диэҙэлэни тээни. сикиэ хактилигиа,

bii sii diəǰələi, təəǰəmi,'' diəǰələni təəni. sikiə xaktiligia,

私は あなたの 奥の側に、座ろう、」と 奥の側に 座った。 夕方、暗くなった、

чиӈгиррр тактигиа～ доого гунэ,

čiŋgirrr taktigia～ doogo gunə,

チンギルルルル（魔物の降りて来た音）と 降りて来た、とまった という、

хоондилани. ҙугдини хоолони. утадиги, ''хататата～,''

xoondilani. ǰugdini xooloni. utadigi, ''xatatata～,''

煙突のてっぺんに。 家の てっぺんに。それから、「ハタタタ～、」と

аанта кэjэни гунэ. ''иими хаку эи сикиэни кэту маӈга сэфэи

aanta kəjəni gunə. ''iimi xaku əi sikiəni kətu maŋga səfəi

女の 声がする という。「どうして ああ、この 晩には ひどく 強く 悪寒がするのか、

нии ээктэнинээ-нэ,'' дианаа гунэ утаду. утадиги,

nii əəktəninəə-nə,'' dianaa gunə utadu. utadigi,

人の 神経が、」と 話す という、そこで。それから、

''хааи хааи,'' хэутисигэ～ госони дэгдини чаалигдэ～ ӈэнээ гунэ,

''xaai xaai,'' xəutisigə～ gosoni dəgdini čaaligdə～ ŋənəə gunə,

「ハーイ、ハーイ、」と 叫んだ、 伯父の 顔色が 青ざめて いった という、

хэутисиисини. хэтигэӈки гунэ, госони ҙулиэтигини.

xəutisiisini. xətigəŋki gunə, gosoni ǰuliətigini.

何度も叫んだ。 襲って来る という、伯父の 前へ（やって来る）。

''сиаӈсиаку～ даусуку～, илэни пиаландауҙаӈа,

''siaŋsiaku～ dausuku～, iləni pialandauǰaŋa,

「シャンシャク～ ダスク～（魔物の言葉）、どこを 切るべきかしら、

сасалани пиаландауҙаӈа будэҙэ～ тимана jэу баагиҙами, ивэ.

sasalani pialandauǰaŋa budəǰə～ timana jəu baagiǰami, iwə.

頬の所を 切ろうか、 死ぬでしょうね、 明日は 何も 見つけられないわ、何も。

илэни пиаландауҙаӈа улэни тэу анчи эдээни.

iləni pialandauǰaŋa uləni təu anči ədəəni.

どこを 切ろうかしら、 肉は すっかり 無く なってしまったし。

сиаӈсиаку～ даусуку～, сафани гагда сасалани пиаландаҙами.''

siaŋsiaku～ dausuku～, safani gagda sasalani pialandaǰami.''

シャンシャク～ ダウスク～、まあいいわ、片っ方の 頬の所から 切りましょう。」

элэ элэ элэ пиаландаа, токтондоони лооҙиjи-а.

ələ ələ ələ pialandaa, toktondooni looǰiji-a.

今 もう まさに 切ろうという時に、切り殺した、刀で。

три кусок токтондоони илаа паи, илаалиа токтондоони.

tri kusok toktondooni ilaa pai, ilaalia toktondooni.

三つの かけらに 切り離した、三つの かけらに、三回 切った。

адададада～ диэлигии-лиэ уихи, утали саӈњамугу чуули ниугии-лиэ.

adadadada～ diəligii-liə uixi, utali saŋňamugu čuuli niugii-liə.

ああ、 飛び散った、 上へ、そこを通って、煙突を通って まっすぐ 出て行くのだ。

э～ сэлэкпэӈии-лиэ бисэ～, ''элээ～ сии эси эмэ бисилэни,

ə～ sələkpəŋii-liə bisə～, ''ələə～ sii əsi əmə bisiləni,

ああ、（伯父は）目が覚めるの だった、「ああ、 おまえが 来なかった なら、

эи сикиэни минэвэ элусим ваамуса ути.

əi sikiəni minəwə əlusim waamusa uti.

今 晩 私を すっかり 殺してしまっていたことだろう、奴は。

сања хэктиини ути. минэвэ элусим ваамуса эи сикиэни

saňa xəktiini uti. minəwə əlusim waamusa əi sikiəni

あんちきしょうめが。 私を すっかり 殺してしまっていただろう、 今 晩に、

сии эисии эмэ биси.''

sii əisii əmə bisi.''

おまえが 来ていなかった ならば。」

ҙалиаҙи туусими, тэу сиӈкиэни～ вэивэни, тэу улэвэ багдигиваӈкини.

ǰaliaǰi tuusimi, təu siŋkiəni～ wəiwəni, təu uləwə bagdigiwaŋkini.

唾を 吐いて、 全部 塗った、 伯父の体を、全ての 肉が 生えてきた。

туундээ сиӈкиэ, туундээ сиӈкиэ, дэгдивэни, акавани

tuundəə siŋkiə, tuundəə siŋkiə, dəgdiwəni, akawani

唾を吐いては 塗って、 唾を吐いては 塗って、顔を、 背中を、

бэjэвэни тэу сиӈкигиэни. ниани ини тэу багдигиани.

bəjəwəni təu siŋkigiəni. niani ini təu bagdigiani.

体を 全部 塗った。 皮も 何も 全て 生まれかわった。

''элээ～ инаса сии эмэи-дэ оно аjа,'' гуӈкини.

''ələə～ inasa sii əməi-də ono aja,'' guŋkini.

「ああ、甥よ、おまえが 来てくれて どんなに 良かったことか、」と 言った。

гээ, инаса ӈэнии-лиэ, ''миндулэ хаулиа экугитэиҙэ,'' гуӈкини,

gəə, inasa ŋənii-liə, ''mindulə xaulia əkugitəiǰə,'' guŋkini,

さあ、甥は 去るのだ、「私の所に どうか 立ち寄ってくれ、」と 言った、

''бии-дээ, хуњаҙии бии,'' гуӈкини, ''синду бууҙэӈэи.''

''bii-dəə, xuňaǰii bii,'' guŋkini, ''sindu buuǰəŋəi.''

「私も、 娘が いる、」と 言った、「おまえに やろう。」

''иӈкэ,'' гуӈкини, ''хаи ӈэнэҙэӈэи бии ҙулэихи.''

''iŋkə,'' guŋkini, ''xai ŋənəǰəŋəi bii ǰuləixi.''

「わかった、」と 言った、「さらに 行きます、 私は この先へ。」

гулиӈкини～ утадиги～ ути, токтоони, ути удэлэни иинээни.

guliŋkini～ utadigi～ uti, toktooni, uti udələni iinəəni.

出発した、 それから、 その、 切り倒した魔物の、その 場所に 着いた。

''ададада ананана,'' хоконоо гунээ. ӈэнээк, ниӈсиэк ээни утава.

''adadada ananana,'' xokonoo gunəə. ŋənəək, niŋsiək əəni utawa.

「痛たたたた、ウウウ～、」と 呻いていた という。行って、完全に殺した、そいつを。

ути ниива дигамуивани оно-jаҙа.

uti niiwa digamuiwani ono-jaǰa.

こいつが、人間を 食べようとしたのを どうしたか。

бэjэни ниива дигамуивани вааи-jаҙата.

bəjəni niiwa digamuiwani waai-jaǰata.

奴が、 人間を 食べようとしたのを 殺したのだ。

ниӈсиэк баи вээндээк ээни таухи эухи.

niŋsiək bai wəəndəək əəni tauxi əuxi.

バラバラに切り殺して、ただ 投げ捨てたのだ、 あっち こっちへ。

иӈкэ～ њаа омо гаjа тагдаини бисэ. ладно, утадиги гулиӈкини～

iŋkə～ ňaa omo gaja tagdaini bisə. ladno, utadigi guliŋkini～

そうだった、さらに 一羽の 水鳥が 怒るの だった。まあいいや、そこから 出発した、

ӈэнээни ӈэнээни, ӈэнэми～ ӈэнэми, вооко гоо ӈэнэми ӈэнэми,

ŋənəəni ŋənəəni, ŋənəmi～ ŋənəmi, wooko goo ŋənəmi ŋənəmi,

行った、 行った、 行って、 行って、 どんなにか遠く 行って、 行って、

э～ нии иигэни тэгдээ гунээ, нии саӈњалини лиаси-да.

ə～ nii iigəni təgdəə gunəə, nii saŋňalini liasi-da.

さあ 人の 霊が 昇って行く という、人の 煙突を通って、たくさんが、だ。

''эи jэу баалани иинэми,'' ӈэнээни,

''əi jəu baalani iinəmi,'' ŋənəəni,

「こいつは いったいなんて 所に 着いたんだ、」行った、

э～ омо нии уилэ уилэ тээсии биэ гунэ. нуа эмэивэни

ə～ omo nii uilə uilə təəsii biə gunə. nua əməiwəni

さあ 一人の 人が 上に、上に 座って いる という。彼が やって来るのを、

укэлэ иинэи куата-да иинэи-jаҙа дуктэмэини.

ukələ iinəi kuata-da iinəi-jaǰa duktəməini.

戸口の所に 到着する、クァタッと（スキーの音）、到着する、スキーで行く。

укэлэ иинэидиги-э, хэгихи эугиэ гунээ,

ukələ iinəidigi-ə, xəgixi əugiə gunəə,

戸口に 着いた時に、下へ 下りて来た という、

хэгихи эугими-э асалига гунээ, нуамани.

xəgixi əugimi-ə asaliga gunəə, nuamani.

下へ 下りて 出会った という、彼と。

''элээ～ синэвэ аласими тэу дэувэми,'' гунэини,

''ələə～ sinəwə alasimi təu dəuwəmi,'' gunəini,

「ああ、おまえを 待って、すっかり 疲れてしまったよ。」と 言う、

''тии гианаӈи оду тээ'эси тэу исэсими. хаулиэ иинэи гоова,''

''tii gianaŋi odu təə'əsi təu isəsimi. xauliə iinəi goowa,''

「こうして 丸二日も ここに 座って ずっと 見ていた。やっと 着いたか 遠い道を、」と

гуӈкини. гээ, эи-тэнэ суалавани асуктасивана уилэ нэсиэ,

guŋkini. gəə, əi-tənə sualawani asuktasiwana uilə nəsiə,

言った。 さあ、今 スキーを はずさせた、 上に 置いた、

гивэ гивэ уилэ нэсиэк. бэjэни ӈаалалани ҙавааси гаҙиани ҙугдитиги.

giwə giwə uilə nəsiək. bəjəni ŋaalalani ǰawaasi gaǰiani ǰugditigi.

雪を払い落として 上に 置いた。 彼の 手を つかんで 連れて行った、家へ。

чаjава дигаванаи, умиванаи, дами дамисиванаи, ҙэу дигаванаи, ээни.

čajawa digawanai, umiwanai, dami damisiwanai, ǰəu digawanai, əəni.

お茶を 食べさせたり、飲ませたり、タバコを 吸わせたり、 食事を 食べさせたり、した。

тауҙала～ jэу-кэ хэутии гунэ, лиаси-да.

tauǰala～ jəu-kə xəutii gunə, liasi-da.

あっちで、何か 叫んでいる という、ひどく激しく。

''гээ, э～ ути оно нихэини-на～.''

''gəə, ə～ uti ono nixəini-na～.''

「さあ、ああ これは 何が 起きたんだ、」

''ути бии хуњаҙии-jа～ jэу-да маӈга унугувэни бааавани-даа

''uti bii xuňaǰii-ja～ jəu-da maŋga unuguwəni baaawani-daa

「これは 私の 妹が、 何だか 重い 病気に 罹ったようだが、

эими саа,'' гуӈкини. ''догбо инэӈи тэу хэутиини-э,'' гуӈкини, ути.

əimi saa,'' guŋkini. ''dogbo inəŋi təu xəutiini-ə,'' guŋkini, uti.

私にはわからない、」と 言った。「夜も 昼も ずっと 唸っている、」と 言った、彼は。

''бии утава сии оно-доо уисии.''

''bii utawa sii ono-doo uisii.''

「私は これを（どうにもできない）、おまえは どうにか 治してくれないか。」

''эjэ～ бии оно уисиҙэӈэи, утава.''

''əjə～ bii ono uisiǰəŋəi, utawa.''

「ええっ、私が いったいどうやって 治すのか、それを。」

''хаулиа оно-до оно-до уисиjэ,'' гуӈкини, ''бии хуњаҙии ути.

''xaulia ono-do ono-do uisijə,'' guŋkini, ''bii xuňaǰii uti.

「なんとか、どうにか こうにかして 治せ、」と 言った、 「私の 娘を、 この。

догбо инэӈи тэу хоконоини, тэу хэутиини-э,'' гуӈкини.

dogbo inəŋi təu xokonoini, təu xəutiini-ə,'' guŋkini.

夜も 昼も ずっと 呻いている、 ずっと 叫んでいる、」と 言った。

''оно уисиҙэми бии. гээ ладно.''

''ono uisiǰəmi bii. gəə ladno.''

「どうやって 治そう、 私が。まあ、よかろう。」

дигами мутуэ, чаjа умиа, ''исэнэҙэми гээ.''

digami mutuə, čaja umia, ''isənəǰəmi gəə.''

食べた、 終った、お茶を 飲んだ、「見に行ってみよう、さあ。」

туу ӈэнээни хэбувэни～ эи-тэнэ. э～ патаанаини гунэи,

tuu ŋənəəni xəbuwəni～ əi-tənə. ə～ pataanaini gunəi,

そうして 行った、手を取って連れて行った、今。 さあ、もがいている という、

эиҙи ҙуба ӈаалаjи э-бэдэ тиак тиак ҙаваса гунэ.

əiǰi ǰuba ŋaalaji ə-bədə tiak tiak ǰawasa gunə.

この 二つの 手を このように ガッチリと 組んでいる という。

исэсиэ исэсиэ ээси, мэнэ патаанаа гунэ. исэсиэ

isəsiə isəsiə əəsi, mənə pataanaa gunə. isəsiə

よく見た、よく見たのだ、彼女自身はなお もがいている という。よく見た、

исэсиэ омо гагда ӈаалавани оно-гдо ванилани,

isəsiə omo gagda ŋaalawani ono-gdo wanilani,

よく見た、一方の 片方の 手を（つかんで）、どうにかして 腋の下の所を、

халугалаани омо, ана～ тиак тиак чоболоони. гээ, халугасиани,

xalugalaani omo, ana～ tiak tiak čobolooni. gəə, xalugasiani,

叩いた、 一つ、ああ、 ガッチリと ひっつかんだ。さあ、叩いた、

утава вааани. гагда ванилани, хаи,

utawa waaani. gagda wanilani, xai,

それ（腋の下に射た松ぼっくりのような魔物）を 殺した。 もう一方の 腋の下に、さらに

вэиӈдээси чоболоони хаиси, омо гагдава ҙаваани,

wəiŋdəəsi čobolooni xaisi, omo gagdawa ǰawaani,

手を持ち上げてから ひっつかんだ、再び、 一つ もう一方を つかんだ、

санту дииӈкини. утава хаиси халугасиани вааани.

santu diiŋkini. utawa xaisi xalugasiani waaani.

拳骨のような 姿をしていた。そいつを 再び 叩いた、 殺した。

утадиги сиӈмугдэ эдэи-лиэ～ эи-дэ хэути эдэи-лиэ, ӈуаи-лиэ ути,

utadigi siŋmugdə ədəi-liə～ əi-də xəuti ədəi-liə, ŋuai-liə uti,

それからはすぐに 静かに なったのだ、叫びもしなく なったのだ、眠るのだ、彼女は、

хау хау-гдэ-дэ. утэ кэсээ оно-jаҙата эи ӈуа.

xau xau-gdə-də. utə kəsəə ono-jaǰata əi ŋua.

スースーと寝息をたてる。ああして 苦しんだのだ、どうなる、 もちろん 寝た。

бисэ～ сэлэкпэӈии-лиэ, ''элээ～ агаа～,'' гуӈкини,

bisə～ sələkpəŋii-liə, ''ələə～ agaa～,'' guŋkini,

しばらくして、 目覚めたのだ、「ああ、兄さん、」と 言った、

''минэвэ jэу уисигэ～,'' гуӈкини,

''minəwə jəu uisigə～,'' guŋkini,

「私を 何が 救ってくれたの、」と 言った、

''аанта уисиэни биисини, нэӈуми гунҙэми,

''aanta uisiəni biisini, nəŋumi gunǰəmi,

「女の人が 救ってくれたの だったら、母さんと 言おう、

ниинта уисиэни биисини, амими гунҙэми.''

niinta uisiəni biisini, amimi gunǰəmi.''

男の人が 救ってくれたの なら、 父さんと 言おう。」

''jэу амивани энивэни дианаи,'' гуӈкини,

''jəu amiwani əniwəni dianai,'' guŋkini,

「何を 父さんだの、母さんだのと おまえは言っているのだ、」と 言った、

мафалатаиҙа.'' гээ, тээгиэни сэлэкпэӈиэни, ути.

''mafalataiǰa.'' gəə, təəgiəni sələkpəŋiəni, uti.

「嫁げ。」 さあ、起きた、目が覚めた、 彼女は。

хэӈэфулээси хэӈкиэни ути. аҙигатигини, аҙигани ути,

xəŋəfuləəsi xəŋkiəni uti. aǰigatigini, aǰigani uti,

跪いて、 頭もついてお辞儀をした、彼女は。 娘は、 娘は、 その、

баата эи би. гээ эи-тэнэ аjасигиани～ утаду

baata əi bi. gəə əi-tənə ajasigiani～ utadu

男の子 ではないか。さあ、 今 健康に戻った、そこで

адима-ка нэӈини инэсиэни. адима нэӈини инэсиэ мудаӈиани

adima-ka nəŋini inəsiəni. adima nəŋini inəsiə mudaŋiani

何 日間か 泊まった。 何 日間か 泊まった その末に、

амаихи гулиӈиэни～ гээ, ути ҙуба аҙигала иигиэ,

amaixi guliŋiəni～ gəə, uti ǰuba aǰigala iigiə,

もと来た後ろの方へと 出発した。 さあ、あの 二人の 娘の所に 入った、

утава-даа хаи гаҙиани. њаа ути госоjи, аҙигаӈивани,

utawa-daa xai gaǰiani. ňaa uti gosoji, aǰigaŋiwani,

それも 再び 連れて行った。さらに あの 伯父さんの、 娘を、

дииҙимэли аҙигава гаҙиини.

diiǰiməli aǰigawa gaǰiini.

4人の 娘を 連れて行く。

госоjи аҙигаӈивани хаи гаҙиани аанаҙи эjэӈиэти～

gosoji aǰigaŋiwani xai gaǰiani aanaǰi əjəŋiəti～

伯父さんの 娘を さらに 連れて行った、 舟で 川を下った、

''гээ, суу аанаҙи эмэгиу, бии угдаҙи ӈэниҙэми.'' ӈэними～

''gəə, suu aanaǰi əməgiu, bii ugdaǰi ŋəniǰəmi.'' ŋənimi～

「さあ、おまえたちは 大舟で 来い、 私は 小舟で 戻る。」 戻って、

омо баала узче доолони олоктооти～ ''аjа～ хэкуилэ эгбэсиҙэфи.

omo baala uzhe dooloni oloktooti～ ''aja～ xəkuilə əgbəsiǰəfi.

ある 場所で もう 中に 煮た、 「ああ、暑いわ、水浴びしましょう。

минти во'осо'они исэлэгэфи, эгбэсиҙэфи.''

minti wo'oso'oni isələgəfi, əgbəsiǰəfi.''

私たちが 男であるか女であるか 見るために、水浴びしましょう。」と

во'осо'они исэлэгэфи, эгбэсиҙэфи,

wo'oso'oni isələgəfi, əgbəsiǰəfi,

男であるか女であるか 見るために、水浴びしよう、と

саӈлиӈатаити мэнэ дооло утигату. догбо ӈуаа ӈуаа хаундасидуга,

saŋliŋataiti mənə doolo utigatu. dogbo ŋuaa ŋuaa xaundasiduga,

相談しあった、自分たちの 間で 彼らは。 夜に 寝て、寝ていて、質問する、

синҙи ӈуаа,'' ''нет анчи, эсэ ӈуа.''

''sinǰi ŋuaa,'' ''net anči, əsə ŋua.''

「あなたと 寝たの?」「いいえ、いいえ、 寝なかったわ。」

таухи хаундасии ути-дэ, ''анчи эсэ ӈуа.'' ''анчи,''

tauxi xaundasii uti-də, ''anči əsə ŋua.'' ''anči,''

あっちへ 訊いても その女も、「いいえ、寝なかったわ。」「いいえ、」と

нии киалани тэмиэми-дэ эини тэмиэ, ути.

nii kialani təmiəmi-də əini təmiə, uti.

誰の そばへ行っても 触りも、 触りもしない、 彼は。

тэу дианасиити мэнэ дооло～ чулии утигату. ути дии аҙига.

təu dianasiiti mənə doolo～ čulii utigatu. uti dii aǰiga.

全員が そう話した、 自分たちの 間で、 ひそひそと、彼らは。 その 四人の 娘。

утадиги эи-тэнэ, гээ, одиги дааса эдээни.

utadigi əi-tənə, gəə, odigi daasa ədəəni.

それから 今、 さあ、そこからは もう近くに なった。

''суу мэнэ эмэгиу. бии угдава илэ агдаа бисилэ

''suu mənə əməgiu. bii ugdawa ilə agdaa bisilə

「おまえたちは 自分たちで 来い。 私が 自分の小舟を どこかに 着岸した ならそこに

агдагитаиҙа.'' гаундагиани～ сиата-да.

agdagitaiǰa.'' gaundagiani～ siata-da.

着岸してくれ。」 棹で押して進んだ、 強く、だ。

омо долоонҙи, угда агдагиак, диихи туктигиэк, агаани ваагиани гунэ.

omo doloonǰi, ugda agdagiak, diixi tuktigiək, agaani waagiani gunə.

一 突きで、 小舟は 着岸した、岸に 上って、 彼の兄を 殺したのがあった という。

jава бисэ-дэ, бии ути агавани эсэи-дэ дианавана.

jawa bisə-də, bii uti agawani əsəi-də dianawana.

何だったっけ、 私は この 兄のことを 話さなかったっけ。

иӈкэ, эсини вааги хаиси. иигиэни-э～ оњовони,

iŋkə, əsini waagi xaisi. iigiəni-ə～ oňowoni,

そうそう、殺さなかった、まだ。 入った、 手紙を、

таду тээсии оњоони, унтаjи хэигиjи тэу асуктагисиа,

tadu təəsii oňooni, untaji xəigiji təu asuktagisia,

そこに 座って 書いた、 靴も、ズボンも、全部 脱いだ、

утала логооми, аантама тэгэjи, аантама уӈтаjи,

utala logoomi, aantama təgəji, aantama uŋtaji,

そこに 脱いでそのまままとめておいて、女のものの 服を、 女ものの 靴を、

аантама хэигиjи тэтигисиэк, ''гээ, баа хоондилани, бии агааjи-а,'' гуӈкини,

aantama xəigiji tətigisiək, ''gəə, baa xoondilani, bii agaaji-a,'' guŋkini,

女ものの ズボンを 身につけた、「さあ、空の 上にいる 私の 兄よ、」と 言った、

''минду муивэ тугбуjэ. диэлии муивэ, хэлибэ-дэ.''

''mindu muiwə tugbujə. diəlii muiwə, xəlibə-də.''

「私に 馬を 落とせ。 空飛ぶ 馬を、 早く。」

куакта～ тиӈмээни, утаа уилэни хэтигэлэми уунаами дэгдэгиэк, уихи.

kuakta～ tiŋməəni, utaa uiləni xətigələmi uunaami dəgdəgiək, uixi.

タカタカッと 落ちてきた、そうして その上に 跳び 乗って 飛び上がった、上へ。

уихи дэгдэгиэни～ баа хоонтиги ӈэнэи-лиэ. ӈэнэисини～

uixi dəgdəgiəni～ baa xoontigi ŋənəi-liə. ŋənəisini～

上へ 飛んで行った、 天の 上へ 行くのだ。 行くと、

иигиктээти утигату.

iigiktəəti utigatu.

舟の所へ到着していた、あの4人の娘たちは。

''э～ ӈуагиани буубу ути. хэигиjи тэгэjи

''ə～ ŋuagiani buubu uti. xəigiji təgəji

「ああ、 寝ていた みたいだわ、彼は。ズボンも 服も

тэу логоми асуктагиани. ӈуагиани.'' дианаити,

təu logomi asuktagiani. ŋuagiani.'' dianaiti,

全部 まるめて置いて 脱いである。 寝ていたんだわ、」と 彼らは話す、

бэjэти иигианҙифи. оњо оњооси нэдээни

bəjəti iigianǰifi. oňo oňoosi nədəəni

彼らは やって来て。手紙を 書いて 置いてあった、

аими тиуни хэгилэни. хулиэми хоктоjи тэу оњоони.

aimi tiuni xəgiləni. xuliəmi xoktoji təu oňooni.

自分の兄の 枕の 下に。 自分の歩き回った 道程を 全部 書いてあった。

утаду гээ, олоктооти～ ути эмэктээнҙифи ииктээнҙифи,

utadu gəə, oloktooti～ uti əməktəənǰifi iiktəənǰifi,

そこで、さあ、彼らは食事を煮た、彼らは そこにやって来てから、 立ち寄ってからだ、

олоктоо аадаани. гээ, дигалагафи тээгиjэ, ''сии чуу сагдинҙима,''

oloktoo aadaani. gəə, digalagafi təəgijə, ''sii čuu sagdinǰima,''

煮た、 煮えた。 さあ、 食べるために 座った、「あなたが 一番 年上でしょう、」

сиусинээни. туу туу-дээ, гээ гагдани

siusinəəni. tuu tuu-dəə, gəə gagdani

（と言われて彼女が）起こしに行ったが、 黙っている。 さあ 二人目が

сиусинээни, хаи туу туу-дээ～, илаити сиусинээни, хаи,

siusinəəni, xai tuu tuu-dəə～, ilaiti siusinəəni, xai,

起こしに行ったが、やはり 黙っている、 三人目が 起こしに行ったが、またも、

хаи туу туу-дээ, чуу последний сиусинээни.

xai tuu tuu-dəə, čuu poslednij siusinəəni.

またも 黙っている、 一番 最後の者が 起こしに行った。

гээ, сокчолии-лиэ тээгигэ гунэ, утадиги, ''кэ～,'' тээгиҙэ

gəə, sokčolii-liə təəgigə gunə, utadigi, ''kə～,'' təəgiǰə

さあ、立ち上がるのだ、起きた という、それから、「う～ん、」と 起きるや、

jааjи чифэлээни. ваима аӈани ӈуаани, jаани лэгбээни

jaaji čifələəni. waima aŋani ŋuaani, jaani ləgbəəni

目を こすった。 20 年間も 寝ていた、その目を 開けた、

оӈионаи лиаси-да. jааjи чифэлээ～ чифэлээ тээгигэ

oŋionai liasi-da. jaaji čifələə～ čifələə təəgigə

目ヤニも たくさんだ。 目を こすった、こすった、起きた、

баихи хулисээ～ни эмэгиэни. эмэгиэни, эмэгиэк,

baixi xulisəə～ni əməgiəni. əməgiəni, əməgiək,

外へ 歩き回ってから 戻って来た。 戻って来た、 戻って来て、

тиу хэгилэни гаагиак таӈиани～ нэӈуми оњоомони

tiu xəgiləni gaagiak taŋiani～ nəŋumi oňoomoni

枕の 下から 手に取った、 読んだ、 自分の弟が 書いたものを、

хани баала ињээ, хани баала соӈоо ээ гунэ эи-тэнэ.

xani baala iňəə, xani baala soŋoo əə gunə əi-tənə.

ある ところでは 笑ったり、 ある ところでは 泣いたり する という、今。

исэсиниӈэсиити кэсээми оњоомони. соӈоони

isəsiniŋəsiiti kəsəəmi oňoomoni. soŋooni

ずっと読む、 苦労してきたことを 書いてあるのを。泣いた、

тии ути. оњоjи нэгиэк, ''гээ эуjэ, дигалагафи.''

tii uti. oňoji nəgiək, ''gəə əujə, digalagafi.''

そうして、彼は。手紙を 置いて、「さあ 岸辺へ下りろ、 食べるために。」

ауӈкува бууэти. аувани～ дигаванаа～.

auŋkuwa buuəti. auwani～ digawanaa～.

洗面器を 彼らは渡した。 顔を洗った、食べさせた。

гээ ути уихи туктиэмэни,

gəə uti uixi tuktiəməni,

さあ あの 上へ 昇った弟はどうしたか、

уихи туктиэ, баа хоондилани иинээк ӈэнээни～, муиҙи.

uixi tuktiə, baa xoondilani iinəək ŋənəəni～, muiǰi.

上へ 昇った、天の 上へ 着いた、 さらに行った 馬で。

киҙэлэнээ. омо ҙугдила～ ииjэни.

kiǰələnəə. omo ǰugdila～ iijəni.

馬の上に乗って。一軒の 家に 入った。

омо ҙугдила иигиэни омо, омо ээчиӈини биэ гунэ～, ээчиӈини,

omo ǰugdila iigiəni omo, omo əəčiŋini biə gunə～, əəčiŋini,

一軒の 家に 入った、 一人の、一人の 奴隷が いる という、 奴隷が、

олоктовоӈкини. дигалани олоктои jэу нихэи-дэ.

oloktowoŋkini. digalani oloktoi jəu nixəi-də.

煮させていた。 食事を 煮たり、 なんだり、しているのだ。

ути-сэнэ jаӈала, эини-дэ, эсини-дэ jаӈала исэсиэни～

uti-sənə jaŋala, əini-də, əsini-də jaŋala isəsiəni～

そればかりで、 招かない、招かなかった、 見ていた、

''элээ～ оно багдиани, элээ бии агаи бууфуҙи.

''ələə～ ono bagdiani, ələə bii agai buufuǰi.

「あれあれ、いったいどのように 生まれたのか、 ああ、 私の 兄に そっくりだ。

оно багдиани, бии агаи бууфуҙи.'' исэсиэни.

ono bagdiani, bii agai buufuǰi.'' isəsiəni.

いったいどのようにして 生まれたのか、 私の 兄 そっくりに、」と、見た。

эсини-дээ jаӈала, эсини-дэ jаа ути.

əsini-dəə jaŋala, əsini-də jaa uti.

招きもしない、 （挨拶も）何にもしない、その人は。

ниинта-даа, ути аанта эмээмэни. ути аанта мэнэ дигаванаа,

niinta-daa, uti aanta əməəməni. uti aanta mənə digawanaa,

男も、 その 女が やって来たのを。その 女を 自分で 食べさせた、

мэнэ соктоусиэ ӈуаванаани, амбугуjи.

mənə soktousiə ŋuawanaani, ambuguji.

自分で 布団も敷いて 寝かせた、 寝具を。

ӈуаани～ э～ jэу-кэ тэмиэнээни гунэ～ нуамани.

ŋuaani～ ə～ jəu-kə təmiənəəni gunə～ nuamani.

寝た、 あれあれ、何かが来て 体を触った という、 彼女を。

''э～ jэу ээнээи, jэу галактанаи оло сии-а.''

''ə～ jəu əənəəi, jəu galaktanai olo sii-a.''

「ああ、何を しに来たんです、何を 探しに来たのか、ここに、あなたは。」

''э～баихи ӈэнэкцэми памаами бии.''

''ə～ baixi ŋənəkcəmi pamaami bii.''

「ああ、外へ 行こうとして（暗いので） 手探りしているのだ、私は。」

оно памаи сии, мэнэ ҙугдиjи.'' ӈэнэини.

''ono pamai sii, mənə ǰugdiji.'' ŋənəini.

「どうして 手探りするのか、あなたは、自分の 家なのに。」行く、

ӈэнээ гунэ, баихи хулисээси ӈуагиани. ӈуаани～ њаа тэминэгиэни,

ŋənəə gunə, baixi xulisəəsi ŋuagiani. ŋuaani～ ňaa təminəgiəni,

行った という、 外へ 行き来してから また寝た、 寝ていた、 またも 来て体を触る。

''эи, эи jэу jэу тэминэгэи сии-э. сии, эи хагҙа-ну,

''əi, əi jəu jəu təminəgəi sii-ə. sii, əi xagǰa-nu,

「今、今度は 何を、何を 触りに来たのか、あなたは。 あなたは、恥ずかしくないのか、

минэвэ тэмиэми. тинэӈи эмэгиэ, бии эмэгиэ jэу гуӈкэи сии.

minəwə təmiəmi. tinəŋi əməgiə, bii əməgiə jəu guŋkəi sii.

私を 触ったりして。昨日 来たけれども、私は 来た、 何を 言ったか、あなたは。

нии гуӈкини инаи гуӈкини. сии эи хагҙа,

nii guŋkini inai guŋkini. sii əi xagǰa,

誰が 言ったのか、犬が 言ったのか。あなたは 恥ずかしくないのか、

сии наверно бии агаи бии биҙээ. бии исэсии

sii naverno bii agai bii biǰəə. bii isəsii

あなたは たぶん 私の 兄 なの でしょう。私が 見るに、

сии бии агаи бууфуи бии.'' гээ утааси-тэнэ,

sii bii agai buufui bii.'' gəə utaasi-tənə,

あなたは 私の 兄の ようだ。」 さあ、それから、

''элээ сэинэ цэҙэ биҙэ, аҙига эҙи тагда, агаава сааҙадиамаи,

''ələə səinə cəǰə biǰə, aǰiga əǰi tagda, agaawa saaǰadiamai,

「ああ、たぶん そのとおり だろう、娘よ、怒るな、 兄を、 私が悪いことをしたのを。

эҙи тагдаа аҙига цэҙэ биҙэ. минти, эниӈэвэфи, абугавафи,

əǰi tagdaa aǰiga cəǰə biǰə. minti, əniŋəwəfi, abugawafi,

怒るな、 娘よ、それは本当なん だろう。我々は、我々の母を、父を、

омо, аӈиҙига, нии даалагими. минэвэ-тэнэ баа хоонтигини вээндээти.

omo, aŋiǰiga, nii daalagimi. minəwə-tənə baa xoontigini wəəndəəti.

ある 奴らが、 誰だかが 連れ去った。私を 天の 上へ 彼らは捨てた。

агава хэгилэ, синэвэ агава хэгилэ вээндээти,

agawa xəgilə, sinəwə agawa xəgilə wəəndəəti,

兄を、 下の世界に、おまえと 兄を 下の世界に 捨てた、

утэ-бэдэ биифи биҙэ, минти. эи тагда.''

utə-bədə biifi biǰə, minti. əi tagda.''

そのようなこと だったの だろう、我々は。怒るな。」

иӈкэ～ муи уjэлэни уунагими гулиӈиэни.

iŋkə～ mui ujələni uunagimi guliŋiəni.

さあそのようだ、馬の 上に 再び乗って、 去った（彼女は）。

элээ хэгихи хэтигэгиивэни бооноони.

ələə xəgixi xətigəgiiwəni boonooni.

もう 下の世界へ 飛んで行こうとしたのを（兄は） 追いかけた。

аами, ''аҙига～ эҙи тагда,'' гуӈкини.

aami, ''aǰiga～ əǰi tagda,'' guŋkini.

追って、 「娘よ、 怒るな、」と 言った。

''агаа, сааҙадиами тимана гиэ эугиҙэӈэфи.

''agaa, saaǰadiami timana giə əugiǰəŋəfi.

「兄が、悪いことをしたのを、 明日 一緒に 降りようじゃないか。

минти агаатиги эмэгиjэ,'' гуӈкини, мудаӈиа, мудаӈиани～ гаҙиани

minti agaatigi əməgijə,'' guŋkini, mudaŋia, mudaŋiani～ gaǰiani

我々の 兄の所へ 行こう、」と 言った、 戻った、 戻った、 連れて戻った、

амаихи. утааси-тэнэ ӈуаани～ тимаадула тээгиэти.

amaixi. utaasi-tənə ŋuaani～ timaadula təəgiəti.

後ろへ。 それから、 寝た、 次の日 彼らは起きた。

дигаасиати, тэу ифи ифи аjактавани дуӈсивэти,

digaasiati, təu ifi ifi ajaktawani duŋsiwəti,

食事をした、全て 何でも かんでも 良い物を、 家財を、

сээфи дуӈсивэни тапчи тэугисиэти～, тэугисиэк,

səəfi duŋsiwəni tapči təugisiəti～, təugisiək,

良い 物を たっぷり 積んだ、 荷を積んだ、

''гээ, эугиҙэӈэфи эи агаатиги.'' ''сии хаи оду биҙэӈэи агаа.''

''gəə, əugiǰəŋəfi əi agaatigi.'' ''sii xai odu biǰəŋəi agaa.''

「さあ、 降りよう、今、兄の所へ。」「あなたは 再び ここに いなさいな、兄さん。」

''эҙэӈэи би-э, ӈэниҙэӈэи бии-дэ синҙи гиэ-дэ, агаатиги.''

''əǰəŋəi bi-ə, ŋəniǰəŋəi bii-də sinǰi giə-də, agaatigi.''

「残らないよ、去ろう、 私も おまえと 一緒に、兄さんの所へ。」

утадиги гаҙинаа ӈэниэни, ути диима аантава бааафи-да гаҙиати тэу-дэ.

utadigi gaǰinaa ŋəniəni, uti diima aantawa baaafi-da gaǰiati təu-də.

そこから 連れて 去った、 あの 四人の 女を 得たのも 連れて行った、全部。

мамаасанафи гаҙиити,

mamaasanafi gaǰiiti,

自分たちの妻を 連れて行った、

агаани ҙуу мамааса бэjэни ҙуу мамааса как раз номер,

agaani ǰuu mamaasa bəjəni ǰuu mamaasa kak raz nomer,

兄が 二人の 妻を、 彼が 二人の 妻を（娶る）、ぴったりだ、数は、

эугии-лиэ иигии-лиэ аиндилафи～

əugii-liə iigii-liə aindilafi～

降りるのだ、入るのだ、 兄の所に、

''њаадига～,'' гуӈкини, ''сии маи бии-jэ～,'' гуӈкини,

''ňaadiga～,'' guŋkini, ''sii mai bii-jə～,'' guŋkini,

「末っ子よ、」と 言った、「おまえは 強いなあ、」と 言った、

''тэу баагигэ-jэ ага нэӈумэjи-лэ баагаи, маӈга～ маӈга,'' гуӈкини.

''təu baagigə-jə aga nəŋuməji-lə baagai, maŋga～ maŋga,'' guŋkini.

「皆を 見つけたなあ、兄も 弟も 見つけた、すごい、 すごい、」と 言った。

''минти хуњаҙиифи, нэӈути. конечно маӈга минтивэ тэу баагии-лиэ,'' гунэи.

''minti xuňaǰiifi, nəŋuti. koneshno maŋga mintiwə təu baagii-liə,'' gunəi.

「我らが 娘は、 妹は。 もちろん すごい、我々を 全員 見つけるんだから、」と言う。

''сии амбаӈиваи тэу магиани ути. маи-jа, маи-jа,'' гунэини,

''sii ambaŋiwai təu magiani uti. mai-ja, mai-ja,'' gunəini,

「おまえの 魔物も 全て 殺し尽くした、彼女は。強いよ、強いよ、」と 言う、

''бии-дээ сии мамаасанаи... мафанаи галактанаҙаӈаи.

''bii-dəə sii mamaasanai... mafanai galaktanaǰaŋai.

「私も おまえの 夫を 探しに行こう。

эи, эи биаса дээлэни баа тээни чаалани биэ,'' гуӈкини,

əi, əi biasa dəələni baa təəni čaalani biə,'' guŋkini,

この、この 川の 水源地の所に、地の 果ての その向こうに いる、」と 言った、

''jэгдигэ маӈгани. бии утава гээнэҙэӈэи, сии мафанаи.

''jəgdigə maŋgani. bii utawa gəənəǰəŋəi, sii mafanai.

「若者の 強いのが。 私は それを 求めに行こう、おまえの 夫に。

ута бисини～ эи～ гээ ӈэнэми, гулинэми-э,'' гуӈкини.

uta bisini～ əi～ gəə ŋənəmi, gulinəmi-ə,'' guŋkini.

ああして 暮らしていたよ、今、 さあ、私は行く、でかけることだ、」と 言った。

иӈкэ～ њаа оно бисэ～-дээ.

iŋkə～ ňaa ono bisə～-dəə.

そうそう、さらにそれから どう だったっけねえ。

''гээнэми бии элээ. хуњаҙииjи мафаанани.''

''gəənəmi bii ələə. xuňaǰiiji mafaanani.''

「連れて来るよ、私が、ああ。 妹の 夫に。」

ӈэнэи-лиэ～ дуктэмээни～ иинээни, баҙигээ-дэ.

ŋənəi-liə～ duktəməəni～ iinəəni, baǰigəə-də.

行くのだ、 スキーで行った、着いた、 朝早くにだ。

''гээ, гээ, минти ӈэниҙэфи, гуӈкини. ''бии синэвэ хуњаҙииjи

''gəə, gəə, minti ŋəniǰəfi, guŋkini. ''bii sinəwə xuňaǰiiji

「さあ、さあ、我々は 行こう、」と 言った。 「私は おまえを 妹の

мафанани гээнээми. jэу биэ эмусэ-дэ.

mafanani gəənəəmi. jəu biə əmusə-də.

夫にと 求めてやって来た。どうして 暮らせるんだ、一人で。

бии хуњаҙииjи мамаасалалагами эмэjэ минҙи гиэ-дээ.'' гаҙиани-э～

bii xuňaǰiiji mamaasalalagami əməjə minǰi giə-dəə.'' gaǰiani-ə～

私の 妹と 結婚するために 来なさい、私と 一緒にだ。」 連れて来た、

мээнҙи гиэ-дэ. мэи мэи иигиэти, иӈгулэ иигиэти.

məənǰi giə-də. məi məi iigiəti, iŋgulə iigiəti.

自分と 一緒にだ。すごい速さで 家に戻って来た、 すばやく 家に戻って来た。

хаи суу уилэ биилэ иигиэти, ҙугдилафи.

xai suu uilə biilə iigiəti, ǰugdilafi.

まだ 太陽が 上に あるうちに 家に入って来た、自分の家に。

оно, аӈи, агаjи гаиса-маи jаҙата мафалаини.

ono, aŋi, agaji gaisa-mai jaǰata mafalaini.

どうする、あれだ、 自分の兄が 連れて来たのを、もちろん 結婚するのだ。

бисити элээ. ситэнэфи-дэ ба'асидугэ-ҙэ мэнэ-дэ.

bisiti ələə. sitənəfi-də ba'asidugə-ǰə mənə-də.

暮らした、すっかりそのようにして。子供も 生まれたことだろう、自分たちの所に。

њаансулами њаансуладуга-ҙа мэнэ-дэ.

ňaansulami ňaansuladuga-ǰa mənə-də.

（子供たちも）勉強して 学び終えたことだろう、子供たちは自分たち自らだ。

всё конец нет больше.

vsjo konec net bol'she.

終わりだ、 終わり、 もうこれ以上ない。