原文
|
ҙуу бэлиэнтэ хамула бисити
|
ҙуу бэлиэнтэ хамула бисити～ багдиати, багдиати.
''гээ, нэхусэ, мафанафи гээнэҙэфи гээ,''
''гээ гээнэу,'' гулиӈкити～ эи-тэнэ, ӈэнэми～
ӈэнэми ӈэнэми омо тоӈи киалани ииӈкити.
''ээ～ таа～ти омо, мэигдэ моони огоони биэ,'' гунэ.
''утала моогу багдиани,'' гунэ.
''тээ～ моогу оно-до гадаани дигалафи, оно гадаҙаи утава,
нэхусэ сии туктиjэ, уихи гаӈнаи утава,
сии уиндиги вээсигилэмэ бии хэгиҙэӈэҙи аласиҙами.''
гээ, эи-тэнэ туктиэни～ нэӈуни ути ваӈба-бэдэ, туктиэни, иинээни утала.
эхинтиги вээсигиэ, вээсигиэ, вээсигиэ,
кээ～ эхини хуаӈнилиани утава, тугбуини элэ.
нэӈуми ваалиани. хуаӈниани～ мооӈи
''эхэ～ иду хуаӈнии-а элэ будэлэгэи бии будэлэи вааи jэу элэ.
мэнэбэҙи куҙугэси элэ куҙугэси хуаӈниани гунэ,
тигэ～ тугбуэни тава эи-дэ.
э～ тиӈмэидиги, этэтэ улигдига хуа багдига гунэ, ути тоӈила,
''эjэ～ бии нэӈуи ҙааса алагдига бисини исэи эи хуа,
кэту улигдига эи хуа багдигиани.'' вааак, ӈэниэк эи-лиэ.
(ути хуа эсини вааӈта?) эсини вааӈта, ҙугдила ӈэниэ～ бисини～,
этигэлээк ээни, бэjэни-тэнэ, ути jэгдигэвэ титимусими вааани,
мэнэ мафалалагами.
утаду бисини～ ути мафааса-тэнэ утала,
утала jэу-кэ нихэми хулиини ути.
''э～и мафааса минэвэ уисиjэ,'' гуӈкини,
''сии ситэнэми, хаулиа лаувагиjа минэвэ.
бии эхими минэвэ вааани, улитиги тугбуэни.
оно-доо тээкцэми эими мутэ,'' гунэини,
сэинээ диӈээни биҙэ моо минэвэ,''
ӈэниэк-дээ～ оӈмои-лиэ тамааҙага лаутоу,
тамаа бааҙа, ваӈхалаи забыла тиманаӈи њаа ӈэниэ,
хаи дианаа гунэ утала, ''элээ～ аҙига～ бии оӈмооми,'' гуӈкини,
''эи сикиэни сии диаӈкимаи, оно кэту оӈмоноу бими.''
куаи кэлиндээни эи-тэнэ, куаи оно-до чолиндаани.
бисини～ ӈэниэни сикиэ-дэ, ҙугдилаjи.
њаа оӈмои-лиэ～ тамаа бииди ути.
''jэу-кээ нихэми-дээ куаи энэ～ энэ～ куаивэи энэ～,''
мамаасани туӈгасиани куаивани, ''куаиваjи энэ～ энэ～.''
''оно jааи оно куаилаjи.'' ''элэ～ ҙооӈилами чолиндаами-а'' гуӈкини,
''оӈмооми бии гиаӈа сикиэни оӈмооми-а,'' гунэини утава,
''jэу, jэу оӈмои,'' ''ути тээ～ тоӈила дианаа,'' гуӈкини,
''омо аҙига, 'минэвэ ситэнэми уисиjэ～ одоо,'
аjа, абугалаҙами бии синҙи,' гунэ,
нуани эхэни тугбуэни улитиги нуамани, нуамани хаулиа агбугиу.
утэ-бэдэ дианаа,'' гунэи.
''эи～ jэу сањани нии эсигиэ гунэи сии.''
''сагдаӈими оӈмооми-ҙэнэ, илэ саами бии утава.''
''гээ эи-тэнэ, гээ ӈэнэҙэфи гээ хэлибэ-дэ,''
ӈэнээти～ эи-тэнэ, адилифи хэбуэ, олоосими лаувагиати～
эсити-дэ бааги～, илэ баагиуҙаӈа, эсэ бааги нет, догбогии-лиэ.
''гээ ӈэниҙэфи гээ.'' ӈэниэти～ ҙугдитигифи,
ҙугдила ӈэнэи～ хулуҙэлэ биини, хулуҙэтиги, ҙаӈава бугээти,
ута сигилиити омо～то ҙаӈа илактанаи-лиэ, тэу анчи эдээни.
ути тоо ҙаӈавани пуусилиу, паа～ктигэ тикэи-лиэ.
тээ тээ аҙигаӈити утаду тэкцэлиэлиэ тээгии-лиэ.
''элээ～ эниӈэнэми абуганами бааи-а,'' гуӈкини, эи-тэнэ-дэ,
туэлээни абуганами баами, туэлээни, эниӈэнэми баами туэлээни.
''гээ, буу-дээ ситэнэми баау синэвэ,'' туэлэмусиэти лиаси-да,
утулэдигэ ӈуагиати～, тимадула тээгиэ, бисити～ цэҙэ-дэ биини утала,
этигэлээни утала, эхини утаухи этигэлээни,
нэӈуjи ваа'аси этигэлээни утаухи, нэӈуни алагдигаjи～ сильно красивый аҙига.
бэjэни-тэнэ гээмэилээ-дээ, jаани омои jаани биолоктолоо-да.
гээ ути соседа эмэи-jаҙата утала, утаухи.
уэпти ими ниэнтилэмди～ макаи-лиэ ути аҙигатиги исэсими.
''э～ онофи нии бии-jэ сии ҙугди доолони иигэси тэмугэ,
таӈи уэптива иӈэни, ниэнтилэсэи,'' ути аҙига дианаини.
тээи-лиэ, дамисиини～ бисини, токтоо њаа тэугиэни, дамисиини-а хаиси.
ути аҙигати исэсими дамисиини, исэсими дамисиини таухи.
токтоо～ хаи тэугиэ～ хаи, ''элээ～ саӈња～ jэу сањавани дамисии,～''
гуӈкини, ''сии.'' (jэу эмэини? ниинта? ниинта? ниинта эмэини?)
иӈкэ, ниинта, ниинта. ''саӈњадиҙи jэу дамисии,'' гунэ, ''кактаjаиҙи-да,
буу эу дига нии кактаи эдээ,'' гунэини ҙугди доони,
саӈни-мэи эдээҙи.... дами сигаани тэу дами саӈњани-мэи-дэ. тэээ гунэ.
''гээ～ мамасаи аласиӈа имиӈани, эмуӈэнҙи тээлэиси одоо.''
''иӈкэ～ хамааҙи ӈэнитэмиҙэ,'' гунэ. хаи дамисиа тээини,
сањани эгдэӈгэлэини. хаи дамисими～ тээи,
''ӈэниjэ элээ догбогиани мамаасаи аласига синэвэ.''
''иӈкэ эфили ӈэнитэҙэ.'' хаи тээини.
элэ хакти эсигии-лиэ, акалани ӈаалалани ҙавами баихи анагиани, эи-тэнэ.
''ӈэниjэ хэлибуҙи, аласига мамаасаи.'' ӈэнии-лиэ,
тиманаӈи тээгиэни хаи эмэгии-лиэ логҙоливалиа-да.
''гээ, эисии лиаси-да.'' эи-тэнэ бэлиэнтэ дианаини,
''сии минэвэ мамасалаҙаӈаи бими, мамасаjи вааjа,'' гунэ утава.
''сии утава вааисии-тэнэ мафалагиҙаӈаи, бии эҙэӈэи мафала
''синтиги.'' бэjэни эхини ути, бэjэни ваами, бэjэвэни вааани ути.
(а～ ути аҙигава вааани?) иӈкэ, нэӈуми тугбуэни улитиги,
''бии эҙэӈэи ӈэнэ,'' гуӈкини, ''синтиги. бии эхими синду биини.
сии утава вааjа, утаа-тэнэ мафалаҙаӈаи бии синтиги.''
гээ jэгдигэ оно jаҙа, кэту маӈга аjуини,
ӈэниэни кэсигэjи jуээни～ jуээни～ jуээни,
суээни～ суээни～ суээни эи кэту маӈга～ мэисии тэу,
эи～ илэми муњалими бии утава,
всё равно утаухи алагдига, тагдами эи-тэнэ,
мамасаjи чосокиолони ҙавами токтондоони
миолони пиоктои-да. хэбунээ ӈэнээни～ ''на, эхии дилини эи биэ эи-нэ.''
нии дилини ҙооӈдо. ''ути-тэнэ мафалаҙаӈаи,'' гуӈкини.
иӈгулээ～ дасигиани, мафалаи-лиэ. утаду оно ии бисэ-дэ,
багдиани～ баатаӈинами аҙигаӈинами баасиати элээ, тэтэни нет кончила.
姉が妹を殺した話
姉妹が暮らしていた。姉は妹を誘って、夫を探しに行った。ある湖のふちで、姉はニレの木の上のキノコを、妹に取りに行かせた。妹が木の上につくと、姉はその木を斧で切り始めた。妹はそれに気づいて、「私を殺そうと言うの、姉さん」と言ったが、姉はそのまま木を切り倒してしまった。妹を殺したのだ。妹が死んだとき、そこに美しい花が咲いた。その花を見て姉は、「妹はこんなに美しかったよ」と言い、去った。姉は、その妹の夫だった男と結婚したくて殺したのだった。妹は美人だったが、姉はあまり美人ではなかった。一人のおじいさんが暮らしていた。湖のそばを通りかかった。湖の中から、自分を引き上げて、と言う声がする。「姉が私を水の中に落としたが、木がのしかかっていて、どうしても起き上がれない」と言う。しかし、おじいさんはばか者で、家に戻ったらそのことを忘れてしまった。また、そこを通ると同じことを言われた。おじいさんは、自分が物忘れするので、耳をちょっと切って忘れないようにした。自分の家に帰ったが、また忘れている。しかし、耳が痛いので妻に調べてもらうと、切れている。「ああ、思い出すために切ったのだった。湖で、一人の娘が私を子供として引き上げて、と言っていたんだった、よし、父親になろう」妻は、夫をののしりつつも、二人で引き上げに行った。しかし、夜になっても網では引き上げられない。二人は家に帰った。一つだけ埋めてあった、火のついた炭に、息を吹きかけると、バラバラに飛び散った。すると、そこに娘が現れ、父親と母親を見つけたと言って、互いに抱き合った。妹はそこで暮らし始めた。その隣りで、姉夫婦が暮らしていた。姉は片目が白内障で、妹より醜い。妹のところに姉の夫がやって来て、彼女に惚れてしまった。しかし、たくさんの煙草を吸って居座り続け、彼女に言われてもやめない。妹は、奥さんが待っているわよ、と言って、彼を追い返した。次の日も彼はやって来て、妹に告白をした。妹は、妻である姉を殺さなければ、自分は嫁には行かないと言う。夫は悩み、姉のほうを哀れにも思ったが、やはり妹のほうが美しい。ナイフを研いで、自分の妻の頭を切り落とした。夫は、妹にその頭を見せた。妹はそれで彼の元へ嫁に行き、男の子と女の子をもうけた。おしまい。