民話資料

омо науҙака эхимулэ биити. эхимулэ бими～

omo nauǰaka əximulə biiti. əximulə bimi～

一人の 少年が 姉と 暮らしている。姉と 暮らしていて、

ума'асинами ӈэнээти～ ума'асиати～ догбогиитиги-да.

uma'asinami ŋənəəti～ uma'asiati～ dogbogiitigi-da.

魚を釣りに 行った、 魚を釣った、 夜になってしまうまで。

''гээ, оно ӈэниҙэфи гээ, нэхусэ, ӈэниҙэфи гээ.''

''gəə, ono ŋəniǰəfi gəə, nəxusə, ŋəniǰəfi gəə.''

「さあ、どうしよう、戻ろう、さあ、弟よ、 帰ろう、さあ。」

''гээ, ӈэниҙэфи.'' ӈэниэти～ ҙугдилафи иигиэти,

''gəə, ŋəniǰəfi.'' ŋəniəti～ ǰugdilafi iigiəti,

「うん、帰ろう。」 帰った、 自分たちの家に 着いた、

ҙугдила иигиэси, ҙугди дуjухини иикчэми ӈээлэлиэти,

ǰugdila iigiəsi, ǰugdi dujuxini iikčəmi ŋəələliəti,

家に 着いてから、家の 中の方へ 入ろうとして 怖くなった、

ҙугди доони паали паали биэ гунэ, jэу-кэ-дэ. jэу-кэ бии-бэдэ,

ǰugdi dooni paali paali biə gunə, jəu-kə-də. jəu-kə bii-bədə,

家の 中は 真っ暗で ある という、何がいるんだか。 何か いるようだ、

биэ гунэ, ҙугди доони паали паали-да.

biə gunə, ǰugdi dooni paali paali-da.

いる という、家の 中は、 真っ暗、真っ暗だ。

''гээ, нэхусэ сии бааҙагала хулими, сии иигиjэ њауху.''

''gəə, nəxusə sii baaǰagala xulimi, sii iigijə ňauxu.''

「さあ、弟よ、 おまえは 森を 歩き回っているんだから、おまえが 入れ、先に。」

''эхэ, бии сии тэгэлэи тиак тиак ҙаваҙами.

''əxə, bii sii təgələi tiak tiak ǰawaǰami.

「姉さん、僕は あなたの 服を しっかり しっかり つかんでいるから。

эхэ сии, сии баа суувэни баа наава сии њауху исэи

əxə sii, sii baa suuwəni baa naawa sii ňauxu isəi

姉さん、あなたは、あなたは 天の 太陽も、 天も 大地も あなたは 先に 見たんだから、

сии њауху иигиjэ.'' эи-гдэ оно нихэҙэ, эхини,

sii ňauxu iigijə.'' əi-gdə ono nixəǰə, əxini,

あなたが 先に 入ってよ。」 今 どう する、 姉は（言う）、

''гээ ҙаваjа, сии бии тэгэлэjи тиак тиак-да.''

''gəə ǰawaja, sii bii təgələji tiak tiak-da.''

「さあ、つかんで、あなたは 私の 服を しっかりと、しっかりとね。」

тиак тиак ҙаваани, тэгэлэни тиак тиак ҙаваани,

tiak tiak ǰawaani, təgələni tiak tiak ǰawaani,

しっかり、しっかり つかんだ、服を しっかり しっかり つかんだ、

баила баила. ҙугдила иигими-дэ

baila baila. ǰugdila iigimi-də

バイラ バイラ（つかんでいる様子）。家に 入ると、

э～ нугдигдээ дуjухини таӈдаи-лиэ jэу-кэ-дэ.

ə～ nugdigdəə dujuxini taŋdai-liə jəu-kə-də.

ああっ、引っぱり取られてしまった、奥へ 引き抜くのだ、 何者かが。

эхини нодоптои-лиэ. э～ ҙугдиду паалим

əxini nodoptoi-liə. ə～ ǰugdidu paalim

姉を 失ってしまうのだ。さあ、 家の中は 暗い、

соктоулиjи, или галактагиани, нет эхини.

soktouliji, ili galaktagiani, net əxini.

寝床に沿って、どこにも沿って（手探りで） 探したが、 いない、姉さんは。

соӈоми-дулэ～ ӈуаани мэнэ хулаатигиjи кэптэгиэк-дэ.

soŋomi-dulə～ ŋuaani mənə xulaatigiji kəptəgiək-də.

泣いてそのまま 眠ってしまった、自分の 毛布の上に 横になって、だ。

тимаа тээгиэни～, анчи эхини, илэ-дэ анчи,

timaa təəgiəni～, anči əxini, ilə-də anči,

次の日 起きた、 いない、 姉は、 どこにも いない、

хоктони-да анчи jэу-дэ анчи. бисини～ туу ӈиаихи хулии～

xoktoni-da anči jəu-də anči. bisini～ tuu ŋiaixi xulii～

足跡も ない、 何も ない。 暮らしていた、そうして 川岸へと 歩き回ると、

э～ ҙауӈава уласа биэ гунэ～ угэдиэ

ə～ ǰauŋawa ulasa biə gunə～ ugədiə

ああ、コクチマスが何匹も 水に浸けて あった という、縄に結びつけて、

улаати гунэ. агбуми гаҙиак, тэгэсиэк олоктоок

ulaati gunə. agbumi gaǰiak, təgəsiək oloktook

水に漬けて残してあった という。引き上げて 取った、さばいて 煮て

дигаани～ утава. туу ӈиаихи хулии～ туу хулии

digaani～ utawa. tuu ŋiaixi xulii～ tuu xulii

食べた、 それを。 そうして 岸辺を 歩き回る、 そうして 歩き回ると、

jэу-гдэ jэу-гдэ нэдээду гунэ, ута ӈиала.

jəu-gdə jəu-gdə nədəədu gunə, uta ŋiala.

何か、 何かがいつも 置いてある という、そうして 岸辺に。

ҙавагими гаҙими дигаи утава. jэу нэдэисити jэу-дэ.

ǰawagimi gaǰimi digai utawa. jəu nədəisiti jəu-də.

取って、 持って来て 食べる、それを。 何でも何か 置いてあれば それをだ。

ута бисини ути эмнэӈини эувэни њаа.

uta bisini uti əmnəŋini əuwəni ňaa.

そうして 暮らしていた、そうして ある日 岸の方へ下りた、再び。

э～ угда биэ гунэ. уунаани утала, хаи гаухи～ сэухи биэ гунэ.

ə～ ugda biə gunə. uunaani utala, xai gauxi～ səuxi biə gunə.

ああ、舟が ある という。乗った、そこに、さらに 棹もあれば 櫂もあり、である という。

солоихи сэудэкцээни маӈаи, эини-дэ ӈэнэ гунэ,

soloixi səudəkcəəni maŋai, əini-də ŋənə gunə,

上流へ 漕いで行こうとしたが 重い、 行かない という、

эjэихи хуугими-э эjэихи сэудээни～ эjэнээни～

əjəixi xuugimi-ə əjəixi səudəəni～ əjənəəni～

下流へ 向きを変えて、 下流へ 漕いだ、 流れて行った、

доӈдолиу-дэ. эмусэ ҙуба тиоӈо эjэнээни.

doŋdoliu-də. əmusə ǰuba tioŋo əjənəəni.

ドンドリウと（座っている様）。一区間、 二 区間（1）と 流れて行った。//(1) 川が曲がっている（蛇行している）場所と次の曲がっている場所の間を一区間とし、これを tioŋo と言うのだという。//

эи～ омо ҙугди пуњааллл биэ гунэ. утала иинэи

əi～ omo ǰugdi puňaalll biə gunə. utala iinəi

今 一軒の 家が モクモクと煙を上げて いる という。 そこに 寄る、

ӈиала иинэисини э～ нуани эхини ути, ҙали хэгиэдуни ниава

ŋiala iinəisini ə～ nuani əxini uti, ǰali xəgiəduni niawa

岸辺に 着くと、 ああ、 彼の 姉が その、蔵の 下で 皮の

ууми～ биини гунэ. гээ, ''э～ эхэ оло эмээи jэу, сии-jэ.''

uumi～ biini gunə. gəə, ''ə～ əxə olo əməəi jəu, sii-jə.''

真皮を削って いる という。さあ、「ああ、姉さん、こんな所に 来ていたのか、あなたは。」

''э～ хаулиа нии бии-jэ нэхусэ,'' гуӈкини,

''ə～ xaulia nii bii-jə nəxusə,'' guŋkini,

「ええ、なんとかまだ 人間で いるわ、弟よ、」と 言った、

''сии. сии оно jалагами эмэи-тэ.

''sii. sii ono jalagami əməi-tə.

「あなたは、あなたは どう しようと ここへやって来たの。

бии амба бууфуи ӈааладуни бими,'' гуӈкини.

bii amba buufui ŋaaladuni bimi,'' guŋkini.

私は 魔物の ような者の 手中に あるのよ、」と 言った。

''маӈаи мафа ӈааладуни бими бии. синэвэ ата ваа ути.''

''maŋai mafa ŋaaladuni bimi bii. sinəwə ata waa uti.''

「強い じいさんの 手中に いる、私は。おまえを 殺さないことがあろうか、そいつは。」

''ваамутэҙэ аjа. эими ӈээлэ.'' эи-тэнэ сагди～ конҙо доолони ҙиаани.

''waamutəǰə aja. əimi ŋəələ.'' əi-tənə sagdi～ konǰo dooloni ǰiaani.

「殺してみるが いいさ。僕は怖くない。」 今 大きな 白樺製の小箱の 中に 隠した。

конҙо доолони тэувэни. ''бии ҙиаҙами. эхэ, синэвэ ҙиаҙами.''

konǰo dooloni təuwəni. ''bii ǰiaǰami. əxə, sinəwə ǰiaǰami.''

箱の 中に 詰めた。 「私は 隠すわ。 姉さんが、 あんたを 隠すからね。」

''оно эими багди оно биҙэми,'' гуӈкини.

''ono əimi bagdi ono biǰəmi,'' guŋkini.

「どうにも 生きられないよ、どうやって 生きるの、」と 言った、

''ҙиалагаи эхэ сии минэвэ.''

''ǰialagai əxə sii minəwə.''

「隠されてしまったら、 姉さん、あなたが 私を（そんな所に）。」

''аjа, оно нихэҙэми ҙиаҙами.'' тэувэни ути доолони.

''aja, ono nixəǰəmi ǰiaǰami.'' təuwəni uti dooloni.

「いいのよ、どう しろっていうの、隠すわ。」 詰めた、 その 中に。

бисэ～си бисэси эмэгигэ гунэ доӈдо доӈдо-да.

bisə～si bisəsi əməgigə gunə doŋdo doŋdo-da.

しばらくして、しばらくして 戻って来た という、ドンド、ドンドと。

''энини～ идиги бэнэ эмэи бэнэ эмэи бэнэ эмэи,'' гуӈкини.

''ənini～ idigi bənə əməi bənə əməi bənə əməi,'' guŋkini.

「母さんや、 どこからか 義弟が 来たな、義弟が 来た、 義弟が 来た、」と 言った。

''jэу бэнэвэни бааи, сии бэнэхивэ

''jəu bənəwəni baai, sii bənəxiwə

「何で 義弟なんて 見つかるもんですか、あなたは 弟と一緒なのを

гаҙигаи минэвэ. бэнэхилэ гадаи, илэ бисэ бэнэjи.''

gaǰigai minəwə. bənəxilə gadai, ilə bisə bənəji.''

攫ったとでもいうの、私を。 弟と一緒に 連れて来たんなら、どこに いたか、義弟が。」

''анчи～ бэнэ-мэи бэнэ-мэи бэнэ хуни баапта.''

''anči～ bənə-məi bənə-məi bənə xuni baapta.''

「いいや、どうみても義弟だ、どうみても義弟だ、義弟の 匂いが 感じられる。」

галакталиа эи-тэнэ конҙо доолони ниэнтилээни баагиани утава

galaktalia əi-tənə konǰo dooloni niəntiləəni baagiani utawa

探し始めた、 今 小箱の 中を、 開けた、 見つけた、彼を、

бугҙагу тээивэни. ''ивэ бэнэ сии дигээи сии-jэ.''

bugǰagu təəiwəni. ''iwə bənə sii digəəi sii-jə.''

上を見上げて 座っているのを。「どうして 義弟よ、おまえは 隠れたのか、おまえは。」

''бии эими нихэ эхэ ҙиаани минэвэ.''

''bii əimi nixə əxə ǰiaani minəwə.''

「僕が したんじゃない、姉さんが 隠した、僕を。」

''оно jаҙами бии ҙиалагаи сии утава.

''ono jaǰami bii ǰialagai sii utawa.

「どう するだろう、オレが、隠したからといって、おまえが、これを。

бии оно-до эҙэӈэи jаа утава.'' багдиати～

bii ono-do əǰəŋəi jaa utawa.'' bagdiati～

オレは どうにも しやしないさ、これを。」 そうして暮らしていた、

тээсиити～ бисини～ дэувэни эмнэӈи инэсиэни. тиманаӈи,

təəsiiti～ bisini～ dəuwəni əmnəŋi inəsiəni. timanaŋi,

落ち着いていた、いた、 疲れた、 一日 休んだ。 次の日に（起きて）、

''эхэ, ауи-а～ jэу, jэу-дэ эсэу баа jэу,'' гуӈкини,

''əxə, aui-a～ jəu, jəu-də əsəu baa jəu,'' guŋkini,

「姉さん、義兄さんとの間で、何も 何も 授からなかったの、」と 言った、

''суу.'' ''баа бисэу, буу аҙигава, баа бисэу ситэнэфи.

''suu.'' ''baa bisəu, buu aǰigawa, baa bisəu sitənəfi.

「あなたたちは。」「授かったわ、私たちは、女の子を、生まれたのよ、 私らの子供が。

чоугубиату тииjэни～,'' гуӈкини,

čougubiatu tiijəni～,'' guŋkini,

チョウグビアトゥが 奪い取って行ったのよ、」と 言った、

''ӈээлэми ӈээлэми буувэми,'' гуӈкини.

''ŋəələmi ŋəələmi buuwəmi,'' guŋkini.

「恐れて、 恐れて 与えてしまったのよ、」と 言った。

''чоугубиату ӈээлэми бууэму

''čougubiatu ŋəələmi buuəmu

「チョウグビアトゥに、 恐れて 与えた、

элээ минэвэ ваакцаисини ӈээлэми буувэму. буувэми,'' гуӈкини.

ələə minəwə waakcaisini ŋəələmi buuwəmu. buuwəmi,'' guŋkini.

今にも 私を 殺そうとした時に、恐れて 与えた。 与えてしまった、」と 言った。

''минэвэ ваамуисини буувэми,'' гуӈкини.

''minəwə waamuisini buuwəmi,'' guŋkini.

「私を 殺そうとしたので、与えてしまった、」と 言った。

''мэнҙи ситэҙи, тамаҙи ваjагиами,

''mənǰi sitəǰi, tamaǰi wajagiami,

「自分の、子供のおかげで、それと引き換えで、 私は生き残ったのよ。」

бими бими～ тагдаани эи-тэнэ.

bimi bimi～ tagdaani əi-tənə.

暮らしていて 暮らしていて、怒り出した（少年は）、 今。

боӈњом тагдаани науҙака боӈњоовони.

boŋňom tagdaani nauǰaka boŋňoowoni.

固く座り込んで、 怒った、 少年は 座って黙り込んでしまった。

тимадула тээгиэ дигалагани сиусими-дээ эсини тээги

timadula təəgiə digalagani siusimi-dəə əsini təəgi

次の日 起きた、食事に 起こそうとするが、 起きない、

тагдаани туу туу-дэ. ''тауси-а ауси-а њаалунда

tagdaani tuu tuu-də. ''tausi-a ausi-a ňaalunda

怒った、 黙り込んでいる。「あっちへ こっちへ、ニャールンダ、（2）//(2) この部分はフシをつけて歌われていて、「ニャールンダ」はそのリフレインとなっている。//

jэу бааа бисэу, њаалунда ситэнэфи њаалунда,''

jəu baaa bisəu, ňaalunda sitənəfi ňaalunda,''

何を 授かったの だったか、ニャールンダ、自分らの子供を、ニャールンダ、」と

гуӈкини. ''бэнэ бэнэ～ аҙигава бааа бисэу

guŋkini. ''bənə bənə～ aǰigawa baaa bisəu

言った。 「義弟よ、義弟よ、 娘を 授かったの だったが、

чоугубиату тиигэ буувэу, чоугубиату элээ ваалиани

čougubiatu tiigə buuwəu, čougubiatu ələə waaliani

チョウグビアトゥが 奪った、与えたんだ、チョウグビアトゥが 今にも 殺そうとした時に、

буугэи бии.'' ''бии-нэ чоугубиатудиги гээ биҙэми jэу,'' гуӈкини.

buugəi bii.'' ''bii-nə čougubiatudigi gəə biǰəmi jəu,'' guŋkini.

やってしまった、私は。」「私は チョウグビアトゥよりも 悪いん だろうか、」と言った。

хоогдоjи ҙавами тэгэни тэгэдэвэни лэмбэлэ гидаани эи-тэнэ.

xoogdoji ǰawami təgəni təgədəwəni ləmbələ gidaani əi-tənə.

自分の短い槍を つかんで、 服の 裾を ズタズタに 突き刺した、今。

''элээ～ бэнэ бэнэ бии тэгэвэjи иду хаии,

''ələə～ bənə bənə bii təgəwəji idu xaii,

「ああ、 義弟よ、義弟よ、私の 服を なぜ 破るのか、

бии jэу тэисэлэгэи,'' гуӈкини. гээ утадиги,

bii jəu təisələgəi,'' guŋkini. gəə utadigi,

私は 何を 着たらよいのか、」と 言った。 さあ、 それから、

бэнэвэjи аӈивани тэгэдэвэни гидаа гидаа гулинээни～

bənəwəji aŋiwani təgədəwəni gidaa gidaa gulinəəni～

自分の義弟が あれを、 彼の裾を やりで突き刺した、突き刺した、出発した、

тэгэни падуни бими-э～ ини-э хэгдэлэ татамасиати,

təgəni paduni bimi-ə～ ini-ə xəgdələ tatamasiati,

服も、 火器袋 だろうと、何だろうと、ズタズタになった、彼らは引っ張り合った、

ӈэнээни, хокто чуули гулиӈкини～ хэ～ багиаҙала биэ гунэ,

ŋənəəni, xokto čuuli guliŋkini～ xə～ bagiaǰala biə gunə,

行った、 足跡を まっすぐに 進んで行った、ああ、 向こう側に いる という（姪が）、

дауӈкухи～. ''э～ инаса дауӈку ҙокоjо,'' гуӈкини.

dauŋkuxi～. ''ə～ inasa dauŋku ǰokojo,'' guŋkini.

橋がある。 「ああ、姪よ、橋を 架けろ、」と 言った。

ӈэнээси ҙокоони дауӈкува. дауӈку ҙокоок, даусаани～ таалаани.

ŋənəəsi ǰokooni dauŋkuwa. dauŋku ǰokook, dausaani～ taalaani.

行ってから 架けた、 橋を。 橋を 架けて、 渡った、 渡った。

''эjэ～ госо～ оно илагами эмээи,'' гуми,

''əjə～ goso～ ono ilagami əməəi,'' gumi,

「ああ、叔父さん、どうして、何のために 来たの、」と 言って、

''бии амбаа ӈааладуни багдими,'' гуӈкини.

''bii ambaa ŋaaladuni bagdimi,'' guŋkini.

「私は 魔物の 手中で 暮らしているのに、」と 言った。

''аjа,'' гуӈкини. тээсиини～ олоктоо

''aja,'' guŋkini. təəsiini～ oloktoo

「大丈夫だ、」と 言った。 座った、 煮た、

jэу-кэ олоктоони, дигаваӈкини. чаjа аӈиивани

jəu-kə oloktooni, digawaŋkini. čaja aŋiiwani

何か 煮た、 食べさせた。 茶を ああしたのを、

умии～, тээсиини～, ''гээ госо элээ эмэгилии гээ ӈэниjэ.''

umii～, təəsiini～, ''gəə goso ələə əməgilii gəə ŋənijə.''

飲む、 座っていた、「さあ、叔父さん、もう 戻って来ている、さあ 逃げて。」

''аjа эҙэӈэи ӈэни. кумугэдиjэ госо диливаи.''

''aja əǰəŋəi ŋəni. kumugədijə goso diliwai.''

「大丈夫、私は去らないよ。しらみを取れ、叔父さんの 頭を。」

гээ, бохоосолини токтондоони дили нэдээси, кумугэдиэни～

gəə, boxoosolini toktondooni dili nədəəsi, kumugədiəni～

さあ、首の所から 頭を切り離した、頭を 置いてから、しらみを探した、

jэу-дэ анчи буубу, кумугэ. кумугэдиэни～,

jəu-də anči buubu, kumugə. kumugədiəni～,

何にも ない ようだ、 しらみは。 しらみを探した、

''эмэгиини элээ эмэгиини, элээ иигилиини госо тээгиjэ.''

''əməgiini ələə əməgiini, ələə iigiliini goso təəgijə.''

「戻って来る、もう 戻って来る、もう 入って来るよ、叔父さん、起きろ。」

''эҙэӈэи аjа.'' тээ～ илактаӈка гунэ монтолиа-да. илактаӈими

''əǰəŋəi aja.'' təə～ ilaktaŋka gunə montolia-da. ilaktaŋimi

「起きないよ、大丈夫。」 さあ、 現れた という、丸い化け物が。現れて、

исээ гунэ. ''гээ～ jэу чикчигэни, ээ～ њаалунда,

isəə gunə. ''gəə～ jəu čikčigəni, əə～ ňaalunda,

見た という。「ああ、 そいつは何の 松ぼっくりだ、 ああ、ニャールンダ、

мааптани њаалунда миниӈи мамаса њаалунда

maaptani ňaalunda miniŋi mamasa ňaalunda

ばら撒いてあるのは、ニャールンダ、 私の 妻の、 ニャールンダ、

бэгэндулэни њаалунда.''

bəgənduləni ňaalunda.''

膝枕に、 ニャールンダ。」

кэптэнээни доӈдоноони тээгиэни эи-тэнэ.

kəptənəəni doŋdonooni təəgiəni əi-tənə.

横になっていたが、背中を丸めて 起き上がった、今。

''гээ, гээ аӈи, тиӈэjи илэмуи,'' гуӈкини,

''gəə, gəə aŋi, tiŋəji iləmui,'' guŋkini,

「さあ、さあ あれを、おまえの胸を 開いて見せろ、」と 言った、

''бии синду мэнэ гуэҙэӈэи бууҙэми.'' ''гээ бууи-ҙэ гээ.''

''bii sindu mənə guəǰəŋəi buuǰəmi.'' ''gəə buui-ǰə gəə.''

「私は おまえに 自分の おもちゃを くれてやる。」「よし、よこせ、さあ。」

jама ицаи чигэҙигэjи пиндагу илэмуэни эи-тэнэ.

jama icai čigəǰigəji pindagu iləmuəni əi-tənə.

何か その小さな オチンチンを ピョッコリと 引き出して見せた、 今。

гакпаа гунэ хаку, тадаjи. тээ～ тэҙэлэи эмээ гунэ.

gakpaa gunə xaku, tadaji. təə～ təǰələi əməə gunə.

弓で射た という、ああ、 矢を。 ヒューッと 飛んで 来る という。

уилэми ҙаваани тадавани. ''jэу њаа биэ jэу,'' гуӈкини.

uiləmi ǰawaani tadawani. ''jəu ňaa biə jəu,'' guŋkini.

跳んで逃げて つかんだ、矢を。 「何だ、もっと あるか、」と 言った。

''биэ！'' ''гээ њаа бууjэ.'' њаа гагдавани гакпаани

''biə！'' ''gəə ňaa buujə.'' ňaa gagdawani gakpaani

「あるさ！」「よし、もっと よこせ。」 再び 次のを 射た、

њаа уилэми ҙаваани. ''њаа биэ jэу?'' ''анчи, анчи.''

ňaa uiləmi ǰawaani. ''ňaa biə jəu?'' ''anči, anči.''

再び 跳んでよけて つかんだ。「もっと あるのか。」 「無い、無い。」

''гээ, бии сии гуэҙэӈэ бууи-дэ сии-дэ тиӈэjи илэмуjэ,

''gəə, bii sii guəǰəŋə buui-də sii-də tiŋəji iləmujə,

「さあ、オレは おまえが おもちゃを くれたんだから、おまえも その胸を 開いてみせろ、

бии-бэдээси.'' бэjэни цэҙэ тиӈэjи нэптээсэ илэмуэни.

bii-bədəəsi.'' bəjəni cəǰə tiŋəji nəptəəsə iləmuəni.

オレのように。」 そいつは 本当に 自分の胸を 完全にはだけて 引き出した。

биага～-да. гээ, эи-тэнэ бэjэни-тулэ тадаҙини гакпагиани тиӈэтигини.

biaga～-da. gəə, əi-tənə bəjəni-tulə tadaǰini gakpagiani tiŋətigini.

月のように輝いている。さあ、今、 奴を 弓で 射返した、 その胸へ。

''тиӈэ писигдэ ӈэнэҙэи,'' гуӈкини, ''тада.''

''tiŋə pisigdə ŋənəǰəi,'' guŋkini, ''tada.''

「胸を ピシリと貫いて 行け、」と 言った、 「矢よ。」

гакпагиани хаку. ''ээнэ～,'' кэтигэ кэтигэ тиӈмэлээни.

gakpagiani xaku. ''əənə～,'' kətigə kətigə tiŋmələəni.

射た、 さあ。 「痛い、」と 今にも 今にも 倒れそうになった。

кэти кэти тиӈмэлээси илигиэни хаку, гээ.

kəti kəti tiŋmələəsi iligiəni xaku, gəə.

あやうく 今にも 倒れそうになって 立ち直った、ああ、 さあて。

''гээ гагдавани њаа буугиҙэми. сии минду бууи эи биэ

''gəə gagdawani ňaa buugiǰəmi. sii mindu buui əi biə

「 さあ、 次のを さらに くれてやる。 おまえは オレに くれた じゃあないか、

сии гуэҙэӈэвэи буугиҙэми бии.''

sii guəǰəŋəwəi buugiǰəmi bii.''

おまえの おもちゃを（全部） 返してやるぞ、オレは。」

њаа илэмуэни. утадиги-тэнэ туӈчилээни～

ňaa iləmuəni. utadigi-tənə tuŋčiləəni～

再び引き出した。それから、 前に倒れた、

њуханаи-лиэ будэи-лиэ. оно нихээ-дэ.

ňuxanai-liə budəi-liə. ono nixəə-də.

うつ伏せになって 死ぬのだ。 それからどう したんだったっけ。

ӈэнээк сэусэjи хэбуэк ӈэнээ сиктисиэни дилилани.

ŋənəək səusəji xəbuək ŋənəə siktisiəni dililani.

行って、斧を 持って 行って、砕いた、 そいつの頭を。

jаавани чокиндаак ниӈмээк ҙуӈэти jаавани чокиндаа ниӈмээни.

jaawani čokindaak niŋməək ǰuŋəti jaawani čokindaa niŋməəni.

目を 引き抜いて 呑み込んだ、二つとも 両方の目を 引き抜いて 呑み込んだ。

утавани-даа тэу хуаиндаа ниӈмээни.

utawani-daa təu xuaindaa niŋməəni.

そいつ（の体）を 全部 切り裂いて 呑み込んだ。

''гээ, ӈэниҙэфи инаса.'' гаҙиивани оно jаҙа эмэӈэни.

''gəə, ŋəniǰəfi inasa.'' gaǰiiwani ono jaǰa əməŋəni.

「さあ、帰ろう、姪よ。」 連れて行くというのを どう する、もちろん行くのだ。

аисии аисии гулиӈиэти～ ии-гу ии-гу ҙавагиани

aisii aisii guliŋiəti～ ii-gu ii-gu ǰawagiani

持ち去って 持ち去って、出発した、 何でも かんでも必要な物を つかみ取った。

иӈмэгдугуjи ии-гуму. ӈэниэни～ гаҙиани.

iŋməgduguji ii-gumu. ŋəniəni～ gaǰiani.

裁縫袋だの 何だのももちろんだ。帰った、 持って帰った。

''эдэдэ～ бэнэ бэнэ～ иду гаҙии jэу-гдэ jэу-гдэ

''ədədə～ bənə bənə～ idu gaǰii jəu-gdə jəu-gdə

「うわあ、義弟よ、義弟よ、何で 持って来た、何だの かんだの、

амбаа сањани ӈаалалани биивэни～.''

ambaa saňani ŋaalalani biiwəni～.''

魔物の 奴の 手に あった物を。」

''аjа, jэу-дэ ӈаалалани биҙэӈэни аjа.''

''aja, jəu-də ŋaalalani biǰəŋəni aja.''

「大丈夫さ、何の 手に あったもんだろうと、大丈夫さ。」

''сэунии сэунии хэлибэ-дэ нэугиjэ, хэлибэ нэугиjэ. сэунии,''

''səunii səunii xəlibə-də nəugijə, xəlibə nəugijə. səunii,''

「恐ろしい、恐ろしい、急いで 返して来い、早く 返して来い、恐ろしい、」と

гуӈкини. ''хэлибэ нэугиjэ～ хэлибэ нэугиjэ.''

guŋkini. ''xəlibə nəugijə～ xəlibə nəugijə.''

言った。 「早く 返して来い、急いで 置いて来い。」

''эҙэӈэи нэуги.'' ӈэнэми jактаани

''əǰəŋəi nəugi.'' ŋənəmi jaktaani

「戻しになんか行かないよ。」 行って、吐き出した、

эи-тэнэ утава ниӈмэлиэми, тэу бугдаалими-да.

əi-tənə utawa niŋməliəmi, təu bugdaalimi-da.

今、 あれを 自分の呑み込んだ物を、全部 見えるようにだ。

''аjа～, амбаа сии-лэ,'' гуӈкини, ''амбаа бии-jэ сии.

''aja～, ambaa sii-lə,'' guŋkini, ''ambaa bii-jə sii.

「ひゃあ、 魔物だな、おまえは、」と 言った、「まるで魔物 だな、おまえは。

энини～ хэлибэ улитиги вээсинэjэ, сэунии-дэ нихэини эи-тэнэ,''

ənini～ xəlibə ulitigi wəəsinəjə, səunii-də nixəini əi-tənə,''

母さん、急いで 川へ 捨てに行け、恐ろしいことを するもんだな、こいつは、」と

гуӈкини, ''эи нихэи. сэунии амбаа бии-jэ сии-jэ,''

guŋkini, ''əi nixəi. səunii ambaa bii-jə sii-jə,''

言った、「こんなことを するなんて。恐ろしい 魔物 だな、 おまえは、」と

гуӈкини, ''ицаиҙига бими-дэ эи гунэ.'' эи-тэнэ гуаӈцау гаагиаси

guŋkini, ''icaiǰiga bimi-də əi gunə.'' əi-tənə guaŋcau gaagiasi

言った、 「小さい けれども、そうは言えない。」 今 シャベルを 持って来て、

вээндэнэсээни улитиги, эхини.

wəəndənəsəəni ulitigi, əxini.

捨てに行って来た、 川へ、 姉は。

''гээ, оно нихэҙэ эмнэ тэу нихээи, гаҙитаиҙа.''

''gəə, ono nixəǰə əmnə təu nixəəi, gaǰitaiǰa.''

「さあ、どう するんだ、もはやいったん 全ては やってしまったことだ、連れて行け。」

нэӈуми гаҙиак ӈэнии.

nəŋumi gaǰiak ŋənii.

自分の弟を 連れて 去った。

''чэукээ, амбаа ӈааладуни биси jэу аjа биҙэ,'' гунэи.

''čəukəə, ambaa ŋaaladuni bisi jəu aja biǰə,'' gunəi.

「まずい、 魔物の 手の中に いたのに、 何が 大丈夫なものか、」と 言う。

''надама мамуга мамугалааси, нада мамуга агдалини тээвэнээси,

''nadama mamuga mamugalaasi, nada mamuga agdalini təəwənəəsi,

「七つの 団子を 作って、 七つの 団子の 間に 座らせて、

хуктиэни тафак какталитаиҙа,'' гуӈкини.

xuktiəni tafak kaktalitaiǰa,'' guŋkini.

頭頂線のところから まっすぐ縦に 斧で割れ、」と 言った。

''омо коктоуни па'алиги, омо коктоуни чаалиги биҙэ,

''omo koktouni pa'aligi, omo koktouni čaaligi biǰə,

「一つの 割れたかけらは 黒く、 もう一つの 割れたかけらは 白い だろう、

чаалиги ээвэни ҙавагиjа, паалиги ээвэни наму тагиатигини симундэтэиҙэ,

čaaligi əəwəni ǰawagija, paaligi əəwəni namu tagiatigini simundətəiǰə,

白く なった方を 取れ、 黒く なった方を、海の 真ん中へ 投げ捨てて来い、

улитиги. элэгэни амбактаги.'' тади～ надама мамуга вооок,

ulitigi. ələgəni ambaktagi.'' tadi～ nadama mamuga woook,

水の中へ。魔物とならないように。」 それから、 七つの 団子を 作って、

мамуга вооок, утала тээвэнээк, хуктиэни тафак какталиани.

mamuga woook, utala təəwənəək, xuktiəni tafak kaktaliani.

団子を 作って、 そこに 座らせて、 頭頂線に 沿ってまっすぐに 斧で割った。

цэҙэ омо коктоуни паали паали биэ гунэ.

cəǰə omo koktouni paali paali biə gunə.

本当だ、一つの 割れたかけらは 黒く 黒いのだ という。

паалиги ээвэни сэудээни～ наму тагиатигини.

paaligi əəwəni səudəəni～ namu tagiatigini.

黒く なったのを 捨てた、 海の 真ん中の方へ。

нада хулааҙи даиjани, нада сэхиҙи даиjани хулааҙи.

nada xulaaǰi daijani, nada səxiǰi daijani xulaaǰi.

七枚の 毛布で 覆った（もう一方の白い半分を）、七枚の 布で 覆ったのを、毛布で。

хулааӈисиак, сэхиҙи даисиами надама сэхиҙи.

xulaaŋisiak, səxiǰi daisiami nadama səxiǰi.

毛布を作った、 布で 覆ったものを、七枚の 布で。

''омо догбони омо, надама догбони надама нэӈини биҙэӈэи

''omo dogboni omo, nadama dogboni nadama nəŋini biǰəŋəi

「一 晩に 一枚、 七 晩 七 日 そのまま寝ていろ、

сии, ути сэхиҙи. омо догбони ӈуаа омова гаагиjа,

sii, uti səxiǰi. omo dogboni ŋuaa omowa gaagija,

おまえは、その 布で（覆われて）。 一 晩 寝たら、一枚 剥がせ、

омо догбони ӈуаа омова гаагиjа этэиҙэ,

omo dogboni ŋuaa omowa gaagija ətəiǰə,

一 晩 寝たら、一枚 剥がせ、そうしろ、

даиjами хулааjи.'' эи～ бисини～

daijami xulaaji.'' əi～ bisini～

覆ってあったのを、毛布を。」 今、 そうしていた、

омо догбони ӈуаа～ гаагии, омо догбо ӈуаа～ гаагии,

omo dogboni ŋuaa～ gaagii, omo dogbo ŋuaa～ gaagii,

一 晩 寝たらば、剥がして、また一 晩 寝たら、剥がして、

ҙуу догбо илаа догбо, дии догбо, туӈаа догбо, њуӈу догбони, надаа догбони.

ǰuu dogbo ilaa dogbo, dii dogbo, tuŋaa dogbo, ňuŋu dogboni, nadaa dogboni.

二 晩、 三 晩、 四 晩、 五 晩、 六 晩、 七 晩。

надаи догбони, утала чаӈа～ чаӈа～ ээ гунэ.

nadai dogboni, utala čaŋa～ čaŋa～ əə gunə.

七日目の 晩に、 そこから チャガ～、チャガ～と 声が聞こえる という。

ути, хулаа даиjандилани.

uti, xulaa daijandilani.

その、 毛布で 覆っていた所から。

ниэнтилээни ути хулааjи. надантивани, тэксэлигэ тээгиэни, ути аҙига.

niəntiləəni uti xulaaji. nadantiwani, təksəligə təəgiəni, uti aǰiga.

開いた、 その 毛布を。 七枚目のを、 まっすぐに 起き上がった、その 娘は。

''элээ～ оно уисигиэи,'' гуӈкини, ''сии минэвэ.''

''ələə～ ono uisigiəi,'' guŋkini, ''sii minəwə.''

「ああ、どうやって 生き返らせたのかしら、」と 言った、 「あなたが、私を！?」

''тээгивэнэлээми уисиэми-ҙэнэ синэвэ

''təəgiwənələəmi uisiəmi-ǰənə sinəwə

「オレが起き上がらせたんだ、オレが救ったんじゃないか、おまえを、

оно нихэҙэми.''

ono nixəǰəmi.''

（それ以外に）どう オレがするというんだ。」

гээ, эмнэ ваагиа оно jаҙа багдилигии-jаҙата.

gəə, əmnə waagia ono jaǰa bagdiligii-jaǰata.

さあ、ひとたび 生き返ったからには どう する、一緒に暮らし始めたのだ。

утадиги мамасалагиак багдидуга-ҙэнэ элээ.

utadigi mamasalagiak bagdiduga-ǰənə ələə.

それから 結婚した、 暮らしていったんだろう、話はそこまでだ。

баатава-да баадуга-ҙа. аҙигава-да баадуга-ҙа. тэтэни.

baatawa-da baaduga-ǰa. aǰigawa-da baaduga-ǰa. tətəni.

男の子も 生まれたんだろう。女の子も 生まれたんだろう。終わり。