Folk Tales

кути, соӈго, асагдиати. соӈго дианаини, кутитиги,

kuti, soŋgo, asagdiati. soŋgo dianaini, kutitigi,

''эи наа вэjэлэни, баа хэгиэлэни миндиги маӈга анчи.''

''əi naa wəjələni, baa xəgiələni mindigi maŋga anči.''

''соондо утэ-бэдэ эҙи диана,'' гунэини, кути,

''soondo utə-bədə əǰi diana,'' gunəini, kuti,

''минтидиги маӈга хаи биэ, наа вэjэлэни баа хэгиэлэни,

''mintidigi maŋga xai biə, naa wəjələni baa xəgiələni,

ҙуу бэгди, ҙуу ӈаала, таа уэлини, тиудэиҙи,

ǰuu bəgdi, ǰuu ŋaala, taa uəlini, tiudəiǰi,

тиӈмэмулэ ҙаӈга ҙаӈга ҙаӈга ҙаӈга гианаа.

tiŋməmulə ǰaŋga ǰaŋga ǰaŋga ǰaŋga gianaa.

моова сантусими, ади-даа сантусими, моо кэтигэ-дээ тинмэ.''

moowa santusimi, adi-daa santusimi, moo kətigə-dəə tinmə.''

''эими цэҙэ бии, илэ биэ ути нии,'' соӈго дианаини, кутитиги.

''əimi cəǰə bii, ilə biə uti nii,'' soŋgo dianaini, kutitigi.

''гээ, бии тимаа синэвэ утаухи хэбуҙэми,

''gəə, bii timaa sinəwə utauxi xəbuǰəmi,

ути, ниитиги синэвэ. сии исэлэгэи.''

uti, niitigi sinəwə. sii isələgəi.''

тиманаӈи бии, тиманаӈи њаа, њаа асагдиати, кути соӈго.

timanaŋi bii, timanaŋi ňaa, ňaa asagdiati, kuti soŋgo.

''гээ, ӈэнэҙэфи ниитиги.'' хэбусиини кути хэбуэни соӈгова.

''gəə, ŋənəǰəfi niitigi.'' xəbusiini kuti xəbuəni soŋgowa.

тимадула биаса багиаҙалани, утала биини, jэгдигэ утала багдиини.

timadula biasa bagiaǰalani, utala biini, jəgdigə utala bagdiini.

утала ӈэнээси исэсиэни jэвэ-дэ нихэивэни.

utala ŋənəəsi isəsiəni jəwə-də nixəiwəni.

суэсэ ҙавааси агдии агдисиани, вооини, суалава вооини, укэду.

suəsə ǰawaasi agdii agdisiani, wooini, sualawa wooini, ukədu.

агдисиани суэсэҙи. ''исэи, ути, нии утэ-бэдэ биэ.

agdisiani suəsəǰi. ''isəi, uti, nii utə-bədə biə.

ути, наа вэjэлэни, баа хэгиэлэни ути чоо маӈга.

uti, naa wəjələni, baa xəgiələni uti čoo maŋga.

нии, ути нии, утадиги маӈга анчи.

nii, uti nii, utadigi maŋga anči.

минтивэ jэу-дээ эҙэӈэни бивэнэ саа вааҙаӈани.'' ''оно-доо вааҙаӈани.''

mintiwə jəu-dəə əǰəŋəni biwənə saa waaǰaŋani.'' ''ono-doo waaǰaŋani.''

соӈго дианаини, ''эими цэҙэ.'' ''эҙи, экэ дианаи,

soŋgo dianaini, ''əimi cəǰə.'' ''əǰi, əkə dianai,

догдиа синэвэ минтивэ ваалиҙа.'' ути соӈго эини цэҙэ,

dogdia sinəwə mintiwə waaliǰa.'' uti soŋgo əini cəǰə,

хээтилиэни эjэмусиэни. ути, jэгдигэ догдиани. кавадиги тукиаани, хутил дигаагиа,

xəətiliəni əjəmusiəni. uti, jəgdigə dogdiani. kawadigi tukiaani, xutil digaagia（1）,

буjэjи тадаjи ҙавагиани диихи исэсиини, чиэ багиаҙала соӈго, соӈго илактанаани.

bujəji tadaji ǰawagiani diixi isəsiini, čiə bagiaǰala soŋgo, soŋgo ilaktanaani.

илактанаани jэвэ, ута агдали, jэгдигэ тадалаани, соӈгова.

ilaktanaani jəwə, uta agdali, jəgdigə tadalaani, soŋgowa.

хоо хоо маӈга бааани кути дианаани

xoo xoo maŋga baaani kuti dianaani

кути, моо чаалани, кутиӈи дианаани, ''гээ бии синэвэ,

kuti, moo čaalani, kutiŋi dianaani, ''gəə bii sinəwə,

синэвэ вааа нии, синэвэ дианаами, догдиани минтивэ вааҙа.''

sinəwə waaa nii, sinəwə dianaami, dogdiani mintiwə waaǰa.''

утааси дигэнээк, ута биҙэ,

utaasi digənəək, uta biǰə,

jэгдигэ њаа тадаjи ҙавагиани њаа, ӈэнээни багиаихи, гидаjи хэбунээ гида,

jəgdigə ňaa tadaji ǰawagiani ňaa, ŋənəəni bagiaixi, gidaji xəbunəə gida,

гидаjи хэбуэ, гидасигиани багиаихи сиигиэк ээни соӈгоӈи.

gidaji xəbuə, gidasigiani bagiaixi siigiək əəni soŋgoŋi.

кутиӈини эмусэ эсигиэни ӈэниэни. утааси њаа хоӈто соӈгово бааани.

kutiŋini əmusə əsigiəni ŋəniəni. utaasi ňaa xoŋto soŋgowo baaani.

''суу, эу цэҙэ нии, нии биивэни

''suu, əu cəǰə nii, nii biiwəni

маӈга нии биэ, наа вэjэлэни, баа хэгиэлэни. ҙуу бэгдиҙи хулиини,

maŋga nii biə, naa wəjələni, baa xəgiələni. ǰuu bəgdiǰi xuliini,

ути нии чоо маӈга сэунии. инэӈи-дээ эу диана

uti nii čoo maŋga səunii. inəŋi-dəə əu diana

долбо-доо эу диана утава. тэу мэдэини.'' кути дианаини,

dolbo-doo əu diana utawa. təu mədəini.'' kuti dianaini,

ута, гэлэ～ соӈготиги, дианаа тэу дианаа,

uta, gələ～ soŋgotigi, dianaa təu dianaa,

''гээ нии, нии биини наа вэjэлэни, маӈга нии,

''gəə nii, nii biini naa wəjələni, maŋga nii,

нии биэ маӈга jэу-дээ анчи.

nii biə maŋga jəu-dəə anči.

нии чоо сэунии.'' кути дианаини, соӈгово тэу омосигааси.

nii čoo səunii.'' kuti dianaini, soŋgowo təu omosigaasi.

''одиги чаихи ниитиги эҙиу хамбааба. jэвэ исэи минтивэ вааи,

''odigi čaixi niitigi əǰiu xambaaba. jəwə isəi mintiwə waai,

буjивэ тэу вааини.

bujiwə təu waaini.

утадиги маӈга анчи, ниидиги маӈга.'' кути дианаини,

utadigi maŋga anči, niidigi maŋga.'' kuti dianaini,

''вот, суу абугау вааани, нии, тадалаани.

''vot, suu abugau waaani, nii, tadalaani.

ниитиги эҙиу хамбааба. чаили-а чаили-а, хулиу,

niitigi əǰiu xambaaba. čaili-a čaili-a, xuliu,

ниива, аилувасиу,'' кути дианаини. ута ӈээлэлиэти.

niiwa, ailuwasiu,'' kuti dianaini. uta ŋəələliəti.

буjи тэу тэу ӈээлэини нииҙи. ниидиги маӈга jэу-дээ анчи,

buji təu təu ŋəələini niiǰi. niidigi maŋga jəu-dəə anči,

наа вэjэлэни, баа хэгиэлэни. нии, сэунии, нии. утэ-бэдэ.

naa wəjələni, baa xəgiələni. nii, səunii, nii. utə-bədə.

анана, сагдинта тэлуӈуни њаулатиги мунтиги ицаа биӈиэфи тэлуӈусиэни.

anana, sagdinta təluŋuni ňaulatigi muntigi icaa biŋiəfi təluŋusiəni.

кути, наа вэjэлэни, буjи, буjи эҙэни кути.

kuti, naa wəjələni, buji, buji əǰəni kuti.

кутидиги маӈга jэу-дээ анчи, наа вэjэлэни, буjи.

kutidigi maŋga jəu-dəə anči, naa wəjələni, buji.

гээ, гээ гээ ути ниива хаиси, сунҙуини маӈга кути.

gəə, gəə gəə uti niiwa xaisi, sunǰuini maŋga kuti.

кутивэ гээҙи эу нихэ кутивэ. кути сэунии буjи,

kutiwə gəəǰi əu nixə kutiwə. kuti səunii buji,

буjи эҙэни, кути. утэ биини. сагдинта тэлуӈуни.

buji əǰəni, kuti. utə biini. sagdinta təluŋuni.