|
A tiger repays a man’s kindness
Folk tale of Udehe/(Udihe)
by Kukchinka, Nadezhda Pavlovna
Source
|
|
одоо мафа
|
омо омо, нии, ниинта, эмусэ туу вакцаи～ вакцаи,
тии омо догбони-да то'осиани,
''гээ, сии бии ситэвэи, уисиjэ, эмусэ биини,
ица'а, минэвэ накта вааани, хаулиа уисиjэ, игисиjэ бии ситэи.''
туу мэисиини, ути тигр токи'о утэ-фи буувэни.
''jэу биини, цэҙэ биини, исэнэҙэми бии, илэ илэ биэ
бии ситэи моо тэхэдини, тээини, лалиини лиаси лалиини.' ''
ута ӈэнээни ути ниинта, ути моо тэхэтигини илэ
илэ бии, гуӈкини соӈго... аӈи, одоо мафа.
ӈэнэисини цэҙэ-дэ утаду тээини-бээбу.
лиа лалиини～ элээ будэлиэни. утаа гаҙиани
э-бэдэ тугэлээси гаҙиани аӈаатигини гаҙиак,
туу утава туу игисии, дигалагани вааи, буjивэ вааи,
дигаванаи, сагди эдээни, омо аӈани игисиэни.
омо аӈани хаиси эини мутэ вакцава. одоо мафа ситэни эини мутэ.
ута хаиси игисиэни, ҙуу сээ эдээни ути, одоо мафа сагди эдээни.
гээ, сагди эдээ, дианаи, ''сии уже сагди эдээи,
мэнэ вакцатаиҙа, мэнэ дигалагами мэнэ вааҙаӈаи сии.
эи ҙуу сээ эдээдиги игисиэми, сии эҙэӈэи минэвэ гэлэ,
синэвэни игисилэгэи.'' утаа чиндагиани, ути одоо мафава.
ути ниинта туу вакцаи～ илэ ӈэнэисини илэ,
буjивэ ваами ҙулиэлэни нэдэини ути одоо мафа утава гаагиини,
бэлэсиини бэjэвэни-дэ. илэ ӈэнэисини, илэ буjивэ ваами нэдэи,
чаазава тэулисини, чаазала всё время попадала, аӈи,
ӈиова-да вааи, ҙо'отово-да вааи, илаама аӈани бэлэсиэни ути,
тигр бэjэвэни, бэjэвэни уисиэни ҙиэлэни, ути ниинтава,
илаама аӈани таи бэлэсиэни, утэ бисини, утэ-бэдэ.
A tiger repays a man’s kindness
A man was hunting and one night he had a dream. A tiger made him have the dream, and it said, ‘Bring up my child. A boar has killed me.’ Just as the tiger had said, when the man went to look, there was a small tiger kitten, all starved and about to die. The man held the tiger in his arms and went back to his hut. There he brought up the tiger. He brought it up by hunting for food and feeding it. It became one year old, but was still unable to hunt. When the tiger was two years old, the man said to the tiger: ‘You’re old enough now. You can hunt for your own food now.’ Then he let the tiger go. After that, whenever the man went out hunting, the tiger would always place hunted game in front of him. It is said the tiger repaid his kindness for a whole three years.